陶源酒家

營業中

休息中

早兩個星期在大喜慶食完生日飯，今次轉到陶源為老爸慶祝生日。來這兒的原因，不是他們的服務(不提也罷)，是因為家人喜歡這裡的雞湯翅。雞湯翅最正的是雞湯香味濃郁並帶有翅的膠質。通常我會叫一個白飯，可以想像有雞湯的香，有翅的彈牙，加上粒粒白飯的咬口，很何等的滴足呢! 至於煲完湯的雞，千萬不要當可有可無的餸，因為佢竟比佢地自家製的炸子雞滑! 真的要試試!今次因為多人一齊食，所以點了雞鮑翅套餐，12人用，4680。查實我們不想點 套餐，for some reasons, 同樣食雞湯翅，散叫的比套餐煮用心仔細得多。今次，不幸言中。燒乳豬，好肥。一入口全是肥膏。平常食又熱又脆。鮑魚配姑, 得，好得。Surprise! 記得上次食唔夠林，好難切。今次好林，好入味，有鮑的鮮甜﹔旁邊的姑姑沾了鮑魚的鮮味，wonderful! 好味到我uncle想食多隻。但我想話，依味已經係是晚最正的了。雞湯翅。平常一窩雞湯翅，約四至五人，一人一碗，有時還可refill 些小。今次分湯的時候, 竟然得半碗!!! 一問之下服務員回覆因為你們多了兩位。心為之氣結! 雖則說我們多了兩位客人，但翅可以細份些，又怎可不夠湯呢???

因同事雖然今天生日但她安排了大假，故便提早一個星期到陶源訂下一個子母盤桃昨天去取，用作在公司跟同事提早慶生之用。訂貨時店長賀先生跟我及另一個同事邊畫著圖邊說，子母盤桃的大桃內藏不了 12 個小桃，故提議在內放 6 個，其餘的就放在外邊伴著大桃。因為我們都不大清楚整個子母盤桃的大小，店長這麼說也應該錯不了吧？所以我們便聽他的，跟他確認過大桃小桃的數量及位置之後，付錢過錢拿回單據就離開。臨行前店長還叮囑我們早些打個電話來，好讓他們提早把盤桃蒸好。到昨天，同事已提早 15 分鐘致電陶源，說 15 分鐘後便會前去取盤桃。去到酒家店長竟然拿出一個還沒有蒸過的盤桃出來給我的同事！同事跟店長說之前已致電說會來取為何你沒有蒸，他便說員工大概是弄錯了然後匆匆拿回去蒸熱。白等了十多分鐘後盤桃終於蒸好，小桃只可算是暖但大的那個竟然還是冷的！同事當然立即問店長，但店長竟回覆說：「這個是裝飾來的。」「那上次你說內裡會有小盤桃的呀？」「我們的母盤桃內不會放小桃的，一向都是這樣。」氣得同事著火想要退回盤桃，但慶祝生日怎能沒有了它呢？不過氣還是難下，所以就向出納的員工問有沒有投訴方法，但得到的回覆是全酒家最高級的就是

今天晚上同屋企人去食飯,我們共6人去左灣仔陶源,因為好耐無去過! 點知...個部長(王x勤)寫左個menu俾我地:1. 乳豬仔一隻(免費送的)2. 燉龍骨湯3. 西芹炒珊瑚蚌4. 蒜蓉粉絲蒸蟶子5. 蒜香鷄一隻6. 枝竹炆班翅(班的鯕位)7. 旦白杏仁茶8. 生果及椰汁紅豆糕就係以上幾個menu,就食左共 $2,150 各位覺得值唔值呢? 連翅同鮑魚都沒有?!!以上所有都只係普通野,但都收呢個價錢...簡直離譜!!!!!蒜香鷄 - 個王姓部長極力推介隻蒜香鷄, 點知脾位都係"鞋"到咬唔到, 同番個部長講, 佢竟然話:隻鷄係走地鷄,好多運動量喎,所以咁"哽"係正常喎,咩道理呀??結果,食淨大半隻~旦白杏仁茶又係失晒水準, 好似溝左好多水咁, 一d都唔好食其他全部餸都只係麻麻地, 完全唔會有一個餸覺得好味的! 就係$2,150食4餸1湯, 質素又差, 簡直搵笨!服務方面, 人手都好足夠, 但你想叫d侍應都要等好耐, 但只係得幾張檯有客囉......最後, 埋單個張單只係列出: 餐價,茶芥,加一 , 想check單都check唔到, 又逐樣餸列價錢, 好狗好似搵笨咁囉, 又費事同佢嘈啦,

我在中環和灣仔陶源吃過無數次午餐, 晚飯係第一次.每次飲茶, 陶源例牌hard sell湯和荷葉飯; 今晩 hard sell 的是$888盆菜. 雖然我有hard sell 的心理準備, 但是每次也覺得很厭惡.一坐下, 部長問要唔要盆菜, 我話唔要; 我哋看完餐牌, 打算點菜, 部長又問; 我覺得很煩擾, 大叫88蚊也不要盆菜.縱然盆菜喻意盆滿砵滿, 很有意頭, 但我實在十分抗拒,我有10個不吃盆菜的理由:1.上面的大魚大肉都是高脂肪, 高卡路里, 或高胆固醇的食物.2.下面的蔬菜或蘿蔔，吸飽了濃汁, 即係高鹽, 高糖 或 高調味, 也不健康.3.餐牌圖片只供參考, 難以估計真正食材的質數. 4.通常表面的食材很精緻, 裏面的是否對辦就要看情况而定. 5.食物已經煮熟, 只是再番熱, 給我不太新鮮熱辣的感覺.6.若盆菜番熱得唔仔細, 細菌滋生, 容易肚痛.7.我不喜歡幾對筷子在盆菜內 撩吓撩吓. 8.我有數次吃盆菜後皮膚敏感的不快回憶. 9.Don’t put all your eggs into one basket or 盆菜. 如果這盆菜不好吃, 就十分浪費. 分別叫幾個小

此局是一局與家人臨時拉夫的一局，最後也變成了媽媽慶生局的第二回合。今天來的目的，就是為了要吃它們的鮑魚魚翅餐，原價要五百八十八元，現在推廣價也要三百二十八元一位，但其實在某些渠道中，可拿到此餐的優惠券，最後是折扣到每位二百一十八元，比原價便宜了一半，就可享用又有鮑魚又有魚翅又有海參的一頓晚飯，看看質素又如何。也比家人早到，先吃點涼菜吧，是一點漬鹹了的芥菜絲、菇絲及雲耳絲等，吃起來涼口而鹹淡適中，比吃熱氣的花生更好。家人來了就可以起菜了，先來的是御前二小品，分別是一哥叉燒及青瓜海蜇，又真的看看一哥叉燒有沒有西苑的成龍叉燒咁好呢？叉燒夾起一件來看，是標準的半肥瘦，很不錯，吃起來也是豐腴而有咬口，而且其邊皮的位置是燒焦了一點的，跟西苑的又真是挺相似，好吃！但其肉味及蜜味還是未及西苑的好；另外的海蜇有咬口，有彈性而不會如橡皮擦般韌，青瓜清涼爽口，而且拌勻了辣辣的醬汁，吃起來刺激開胃，當頭盤來吃當然不錯。接下來已是第一大的主角了，是黑松露燴魚翅，加黑松露在翅湯內，也真的是第一次見，但坦然要翅好吃，其實上湯才是重點，今天的湯也是做得恰如其分，有濃濃的金華火腿及雞味，是一碗很好的雞湯，是吃翅成功的第

幫襯咗陶源已經好耐，但真係睇住佢越做越差！今日更係食到一肚氣！坐落當然係先洗杯碟，但因為佢無容器，通常都係要靠伙記倒。但等咗差唔多15分鐘，n咁多個伙記經過，都居然無人理我地！好啦，到落咗單，上菜真係超慢！而且份量真係一日一日咁縮水。招呼更係下降到不能接受ge地步！n咁多個人走來走去都唔加水，到加水又連茶壺都無埋！到叫人嚟問都無人理！尤其係o個幾個黑西裝ge男人，完全係當你透明！最好笑ge係今日見到上電視賣廣告個阿叔，un-un腳咁坐係一樓，我都唔明老闆咁巡場有咩作用！？伙記係走來走去好似好忙咁，但究竟忙咩呢？兩個黑西裝阿叔執一將枱，一個粉紅衫肥阿嬸同個細路玩，都無人理我地舉手叫人，唉... 難怪我每個星期都睇住佢越嚟越少人...難唯我屋企人仲日日去飲茶，又剛剛幫襯佢地買咗月餅...已經叫咗佢地唔好...其實自從我地轉移陣地唔再幫襯佢食晚飯，d黑西裝阿叔已經開始黑面，我已經唔係好想再去，而家食完今餐後，我就立定決心咗唔會再幫襯佢！！我睇佢地可以hill幾耐！

點解D食評寫得咁差,再睇睇日子,原來已經係很久之前的事la,唔通之前真係咁差,而家做左有線電視節目就改進左?其實我去過這間酒家飲茶冇10次都有8次,佢D點心真係唔係咁差wor,昨晚因為有優惠券所以去試佢個鮑魚魚翅餐,原價$588 而家做推廣價$288,我有優惠券所以每位$218,餐前佢仲送左柸檸檬汁,套餐有:高湯黑松露燴翅.......高湯味道唔錯,上面有D黑松露菌碎,食唔到有乜味,小小蚧肉, 小小花膠,花膠夠淋,最差就係D翅,食到翅骨,勝在夠熱. 蠔皇鮑魚伴玉掌.......鮑魚係用鮮鮑來炆的,炆得未夠淋,玉掌就夠淋,最好就是個蠔皇汁. 築地蒲燒鰻魚..........燒得唔錯,外脆內嫩 頭抽煎大虎蝦...........正,蝦肉爽口彈牙,頭抽(野)味 蟲草花泡翡翠...........翡翠係芥蘭苗,有D唐芹,味道唔錯. 瑞士釀凰翼..............正,裏面釀左

舊同事結婚，向來中式飲宴我都不喜歡早到，因為影完相後唔知做乜好。但男友卻想早點上去，我們 8 時到達，入到大廳，可以用人山人海嚟形容，斷估都應有擺接近 30 圍，近影相位置延伸一條等待拍照的人龍。我們被迫站在接待位，不知就裡的賓客還以為我們是迎賓，勁慘情。好不容易捱到晚上 9: 30，終於開席，菜式按次如下︰乳豬全體︰是晚我覺得最正o既一道菜式，皮脆肉嫩，好好味。上湯焗龍蝦︰唔食得，冇試。蜜糖豆帶子珊瑚蚌︰xo 醬好重手，但惹味，珊瑚蚌夠爽。炸蟹箝︰唔食得，冇試蟹皇翅︰唔食得，冇試鮑片鵝掌生菜︰鮑片 ok，鵝掌炆得入味亦夠腍；惟茨汁過多，浸到啲生菜好鹹好溜東星斑︰火喉過晒炸子雞︰一味多肉，冇乜雞味。荷葉飯︰冇食干燒伊麵︰麵夠乾身，但偏鹹了一點紅豆沙︰料足，超甜生果拼盤︰第一次去飲冇橙，換上已不合時令的各類瓜果美點雙輝︰冇食整體來說，服務尚算殷勤有禮，不過侍應經常收碟後唔記得俾過啲新碟；臨尾好似趕收工咁，這也難怪，散席都接近 11:45，唔快真係唔駛收工，絕對體諒。

乳豬超趣鮑魚夠林炸蝦球夠爽東星班剛離骨, 正 !甜品 - 椰絲竽頭糕, 不甜超滑水餃麵 - 廣東麵夠爽侍應生上菜不夠專業, 有上菜位都會隨意搵個位就上菜客人飲完汽水或啤酒要等好耐才會幫客人添酒水地壇檯椅十分殘舊, 不潔, 有蚊子四圍飛

六月7日,電視星期六晚,有線跟陶源灣仔分店舉行<肥媽賑災慈善素宴>,每位收費三百元,有歌星唱歌又有拍賣,氣氛很熱鬧, 三百元在陶源吃這頓素宴真的很抵啊.這間鮑魚專門店,弄貴價野就是強項, 想不到弄素宴都十分出色,簡簡單單的豆腐,冬瓜,菌類,在陶源的大師傅手中可以有這麼多變化,而且真的好好好好味…..菜單仲好有心思啊!1. 善果匯八方(鮮果田園沙律)2. 片片愛心齊相伴(西湖雙影脆) 3. 如意順利抗災情(愉耳紫蓮素燴) 4. 同心同德在此中(翡翠玉盆艷影) 5. 紅心再展翅(紅燒鼎湖素翅) 6. 共赴團圓夢(愛心千葉豆腐) 7. 同胞情永在(錦鏽羅漢卷) 8.積善有餘慶(崧子牡丹魚)不過,都要讚下陶源老闆全哥,當晚除了免費送出50席素宴之外,仲有成晚唔做生意,仲將之前訂左位既客戶,轉去其他分店,好多人以為佢想借賑災為名博宣傳,原來佢當晚要去北京人民大會堂領取一個國際飲食的最高榮譽勳章,為左今次賑災留係香港主持大局,真係唔話得,呢d真係叫善有善報,分店越開越多!

今日朋友找我食飯，唔使諗又係去返老地方陶源。點心一般，點咗金網生煎飽、牛肉腸、灼菜心、翡翠XX餃、芒果糯米磁同埋蛋白杏仁茶。菜心太硬，唔夠爽，唔好食。芒果糯米磁麻麻哋（不過朋友話好食，侍應又極力推介）。鮑汁鳳爪又沽清，失望。整體嚟講，點心質素好似退步咗，連蛋白杏仁茶都無以前咁好食。

灣仔陶源的鮑魚點心一直都受到食家的追捧,特別是他的天下第一飽,原隻古法扣鮑魚,遼參,瑤柱等,這個大鮑,我估至少有8吋直徑,售價$128,不過,唔係貴,裡面真的是真材實料,單是那隻鮑魚都是古法扣的,用上十多個小時,剩係食火工都抵啦,而且仲有咁多珍貴材料!不過,最令人雀躍,就是在灣仔陶源經常見到好多明星,好似早排,一個星期,我去飲茶時,就見過谷德昭同葉璇,睇番電視新線娛樂台既昧力昭人,原來是來介紹陶源鮑魚!另外,我又見到溏心風暴的演員,李司棋,夏雨,關菊英,陳豪,穿上賀年衣服來吃飯.....看來陶源又成另一間明星食堂了!

點心食品及裝潢一般或者是冀望過高,一間滿以為高級食府,枱上放有menu七千多．八千多的鮑魚價目表，吾係掛．．．竟然有人推住個三尺高紅A膠筒在你枱邊行過，仲吾係一次，在一般酒樓也難得一見．放眼四望又不是全場爆滿，但落order慢，出點心又慢，連埋單都慢．得啖笑！！

午餐來說，很少飲茶，要飲，多是早上。是日四個人來飲茶，來這裡，因為有得訂位之餘，地方都算是坐得舒適。外表看來不錯，但原來檯是擺得都幾密，儘量利用午市時間做多點生意，無可厚非，不過環境一欄，扣一點分。最遲叫的帶子過橋米線，卻早過所有點心先上檯。一大窩湯加上切片帶子及勝瓜，墊底有不少的米線，幾大堆頭。味道清清地，帶子雖然一開三至四薄片，但算有鮮味。有點味精，但情況也可以接受，88蚊，貴了一點，但四人分，一人也有兩碗左右。點心方面，舊式的如叉燒包、山竹牛肉、春卷等等，都算不錯。其他的，水準參差。煎腸粉煎得一面硬脆的，著實不懂欣賞。百花釀豆腐味道非常淡，不是憑口感也不知是在吃蝦膠。豆苗餃也都是皮厚厚，而味道淡淡的。千層糕幾夠鬆軟，卻不夠甜。人客多，侍應人手不太足夠，不過態度是不錯的。埋單二百四十幾，算是不貴。

老板請客，我負責book枱但忘記睇食評，咁就出事...李小姐講得冇錯，剩係服務水準已經嚇死人。聽電話既姐姐，電話講完一句"喂"之後，就咁叫人等等，等佢聽完第二個電話先，如是者等咗有５、６次。問佢有無午市套餐７位用，十問九唔知，最後佢fax咗６、８－１０、１２位用比我。之後我再打電話比佢book７位要６位用（＄６８８）午市套餐，到時再加點心。點知...點知一行７人，佢竟然比咗個４位用（＄６９８）午市套餐，我老板問D 侍應，佢十問九唔知。問經理想話　check 單，點知佢叫我老板再order 過D 餸..點呀..班人食咗大半點叫。都唔知有無攪錯７個人點會食４位用套餐？！！！嗰道d 經理發緊夢..就算有幾多廣告都係假。