陶源酒家

營業中

休息中

未開始評審食物前，剩係服務水準已經嚇死人。由打電話訂開始，已經覺得呢間酒家不知所謂。就算食物有幾好味，都唔會有再幫親既念頭。講返聽電話既姐姐，一起個電話講完一句喂之後，就咁叫人等等，等佢聽第二個電話先。如是者有五、六次都係咁。佢咁樣叫聽電話咩，叫hold 電話咋。仲有，十問九唔知。想話lunch book 間房一班人食餐晏，都明知有最低消費，平時大約二千蚊度。點知一個話二千，另一個話四千，第三個又話四千幾。搞錯呀？突然比平時多成倍，佢話係，因為剩下一間房。咁唔老實，咁都有坐地起價。到食物方面，菜只是一般，都唔知有咩特別，同其他酒家分別不大。

陶源，這名字使人想起陶淵明的桃花源記，名字高雅，是文人雅士芸集酬唱之地，而以此為名之酒家，使人有一份莫明的親切，應為高雅之所。在此嚐過一頓，大失所望，水平不如市井之肆，雖裝修雅潔，而食品卻在之水平之下；台上品肴，不值一哂，比之坊間十元小食，尚有不如。龍蝦伊麵，沒有龍蝦之鮮美，肉鬆而味木，汁淡如水，龍蝦為下價之貨，不新鮮，以此作菜，食之無味，空有龍蝦之名，而失其味。伊麵作底，去其汁，方可下口，聊作充飢，實暴殄天物。海參作煲，配上劣質菌類，其菌粗糙，如吃樹枝。海參未透，生硬如石，沒有柔軟之感，也帶不出其味，海參姑菌同作一煲，互不交融，廚藝之一般，配料之粗疏，莫過于此。清炒芥菜，出水不足，尚有苦味，較之龍蝦海參，已是上上之選。飯後送上甜柑，味甘而肉厚多汁，從前吃水果盤只是一般，而今次卻美味異常。人生變幻, 行樂無常，好酒好菜，往往讓人忽咯水果之美，或不屑一顧，或輕口淺嚐，當好菜不再之時，方知水果之可愛，其自然之美，更勝人工佳餚。想到此，頓覺心滿意足。做人處事，總要居安思危。好吃的，自然要多吃；不好吃的，也不足為憂，總可以在其他地方找到其可愛之處。若永遠只求好吃好喝的，有天不能如願，豈不是要呼

這裡飲茶的食物真的不錯。必食的是煎蘿蔔糕，每枱都會叫。排骨牛肉蝦餃奶皇鮑，鮑汁鳳爪等都有一定的水準，粥就一時時，但中午食Set要小心啦～食物OK但人手真係好不足夠，早上飲茶埋單起碼等10分鐘，中午爆哂時好多人的，夜晚就唔建議嚟，次次都強迫Ｄ客食貴價鮑魚，唔叫就口黑面黑，

姑丈請食lunch，一枱12人，好不熱閙，選址陶源酒家。我從沒幫襯過陶源，但對這裡處理鮑參翅肚的投訴，倒是聽過不少；反而男友幫襯過午市，說水準還可以，也挺抵食的。今日一試，整體上感覺不太差，都算係一家大細飲茶的好地方，但埋單要成$1250，一點也不平，不過可能因為這次由姑姐發板點菜，點心小食多到堆滿成張枱，眾人食到爆肚離開。推介點心:- 蝦餃，皮夠薄夠firm，蝦的比例剛好，讚！- 脆麻花(見圖)，夠脆，略嚴不夠鬆- 奶皇包，奶皇濃郁不甜膩，麵包超軟熟- 燒鵝半隻($165)，皮脆肉中等嫩，不過有啲貴- 上湯菜心，最搶手印象中沒有太難食的菜式，較impressive只有蝦餃和奶皇包而已。整體上OK，不過有得揀一定唔會選擇嚟呢度飲茶。

I've been visiting this restuarant for many times; not because of it's food & service but convenient location. I had lunch with my family in this restaurant again (26 Oct 2006) and I am really sick of the waiter/waitress there (too hard-sell of expensive food, like bird's nest, abalone, spotted garoupa..etc). We were in a rush to finish our lunch within 45 minutes and even after we told them we are not interested....they still tried to pursude us (at least 8-10 times by different waiter/waitress

有食家話荷葉飯在八九月時最好吃, 但這裡的荷葉飯一年到晚都好好吃呀!好值得一試, 中午時候最好先致電訂預訂, 否則好可能買哂呀!早兩星期和老公仔兩人都要叫一個荷葉飯食, 因為我太喜歡啦! (份量可供五位用)其他推介: 燒腩仔

前兩晩跟家人到這裡飯聚,點了很多很多菜,其中三樣最欣賞,乳豬,超滑豆腐炒雜菌和燒鱔.基本上前兩樣都好好,但燒鱔就嫌那塊皮稍為硬了一點,應該配上醬汁奉上會好一點.最後的水果味道也很好.但有一件事要訴大家,侍應極度硬銷吉品鮑和燉湯,好討厭呢!

和家人到這裡吃晚飯,最喜歡這裡的鹵水雞,極入味!而且那些醬汁極度匹配呢!還有那些炸蠔,差在太多油,但都值得一試!

今日午餐, 一行7人去試. 由於book了房, 可能因此服務都好d.先食些了點心...有蘿蔔糕, 蝦餃, 燒腩仔, 鮮魷, 煎腸粉(我覺得呢個好好味~).食完, 就上鮑魚喇. 我地叫的是南非三頭鮑, $168 each. 好好食喎...口感幾好, 好食過我幾年前在另一家出名食鮑魚的酒家食過的.然後就係火曈翅(半份-12兩). 上之前會有一碗湯俾我地其中一個試下0岩唔0岩味...然後, 真係上時, 我地覺得未必真係足每人2兩喇...不過d翅真係好粗呀!!!!! 而湯渣亦都會上...有雞腳, 火腿. d 火腿好好食喎~~~ 又唔太硬, 又唔會無哂味.之後呢, 係炒飯, 同花竹蝦E麵. 個麵其實幾好食, 不過當時大家已經太飽了~~~生果盤...甜品係蛋白杏仁茶~ 同樣, 係因為太飽了, 食唔哂~ 不過都食得出應該係生磨的~~~

大佬從日本回來，想吃鲍魚及魚趐，一家人一起到以鲍魚著稱的陶源試一下。可能因為世界盃的關係，而酒樓又没有足球送飯，全場非常冷清整晚只有兩枱人，今天叫了一個宮廷雞煲翅、十二頭吉品鮑、即烤奶豬、荷葉飯、網友推介的黄金蒜香雞及千葉豆腐。先講乳豬外皮燒得不夠香脆，有些似葡式乳猪一般；吉品鲍煑得很一般，没有糖心扣鲍汁時也没有濃香味，而且跟之前網友所述有一點焦味，以超過五百元一隻的價錢，實在物非所值，就算三十頭的禾蔴鲍也要三百八十八元一隻，不算抵食。宮廷雞煲翅尚算好味，用料很足，湯水有些膠質但不糊口，絕對没有味精，每碗都有一梳梳足足有三両的鮑趐，每人差不多有兩大碗翅湯，是最滿意的一味菜。蒜香雞也很好，鷄肉没有太多脂肪而且食落没有起渣，帶着濃濃的蒜香，非常好吃，千葉豆腐將軟滑的豆腐切成薄片中間鋪上一些肉丁，非常考刀工的一道功夫菜。荷葉飯帶着淡淡的荷葉味，飯粒分明不會舔成一團，味道和賣相都不俗。

有同事提議試新野, 所以就嚟呢度食. 都知灣仔午市旺, 所以打咗電話去訂座, 仲有埋booking number. 點知去到, 不但止唔係立即有枱, 仲要等咗作半個鐘!! 要留意係唔止我地訂咗無位, 而係環顧四周所以人都話係book 咗枱, 但係都一樣要等好耐, 咁請問咩叫訂座呀?? 响一樓等咗好耐, 卒之知客叫我地上二樓, 我地仲以為有枱, 點知上到去係仲要等......雖然啲野食都ok, 點心都幾好食, 不過打工仔要試就要諗淸楚, 如果唔係為咗食而無份工就唔抵啦!

- 環境雅緻, 落地玻璃算幾開揚- 野食都唔錯, ok wor(去過飲茶only)- 唔係太貴- 洗手間唔係幾掂(無論裝修同衛生都同間酒樓差好遠)

約左兩個舊同事食晏，由於佢地想試新野，地點又只可以沿灣仔道一帶，就決定黎呢間唔少食家彈過，但又有幾位同事大讚o既酒家一試。中午時份黎到，都唔少人，加上檯與檯之間相當迫陝，俾人感覺幾侷促，同大堂懶堂皇o既外觀有D距離。三個女仔，叫左成八樣點心，包括鮑魚腸粉、鳳爪、多汁白菜餃、爽肉粉果、小籠包、無骨燒鱔、蘿蔔絲酥餅同蛋散，結果當然係食唔晒啦！先講個特點o既鮑魚腸粉，雖然粉皮都算滑，但係片所謂鮑魚食落就好似普通冬菇咁味，麻麻。當然啦，28.5一客，都唔期望有咩靚鮑魚食o既。個鳳爪味道唔錯，個汁辣辣地，幾惹味。多汁白菜餃基本上係多油白菜餃，咬開層皮就有一浸油水流出‧‧‧爽肉粉果o既外皮幾煙韌，內餡切得好碎，而且相當濃味，完全食唔出係爽肉囉。小籠包係同事o既推薦，不過我就覺得只係一般貨色─外皮薄得黎又係一夾即穿果種，肉餡味道OK，不過不失咁啦！無骨燒鱔幾乾身，唔會太甜，不過層皮有D韌，麻麻地啦！蘿蔔絲酥餅係最好o既一味，外層酥皮好薄好鬆，入面裝滿蘿蔔絲，食落都幾清，唔錯！個蛋散係炸雲吞皮果類質地o既麻花，脆得黎唔夠鬆化，唔難食咁啦！整體黎講，呢度o既食物完全唔值個價錢，環境又迫陝，確係唔值得推薦

呢間酒家做生意真係有d問題，今日同班同事6個人去呢度飲茶，埋單時茶介竟然係10個，同個waiter 講，點知佢叫個部長出黎，好唔禮貌話我地明明10個人黎飲茶，之後走咗4個。佢地咁屈我地都得?!我地坐張係中枱，點可能坐10個人?跟住同佢地理論，個部長仲話佢地無計錯，兇我地唔好食霸王餐，跟住我地話叫警察黎，佢地先肯放人!而家條氣仲頂住頂住!

幫老闆訂了此間以為好少少酒家午飯,點知發現服務水準勁差,價錢都算幾貴,食物唔太特別。以後都要小心搵間服務好少少的酒家,以免飯碗不保。