陵發潮州白粥 (已結業)

星期一上班最辛苦，所以跟同事去宵夜!　這間打冷太出名啦! 同事都奇怪「乜你無幫襯過?」因為第一次幫襯，望到無價錢的餐牌，實在有點不明所已除卻蠔餅，我也想不到可以叫什麼，所以都由同事發板!!結果點了蠔餅、卥水紅腸、墨魚及豬大腸、韮菜豬紅、烏頭、酸菜蜆仔肉以及潮州粥並不是話好食到好緊要，但氣氛好好，唔使飲酒都可以好放鬆，打冷，食潮州粥，食卥味，蠔餅，成件事好麻甩，btw，紅腸好好味（好難唔好味吧?），墨魚好爽好彈牙，豬大腸夠滑（吃兩舊都已經好有罪惡感）平時我都唔食豬紅，就算食車仔麵都唔會叫豬紅，今晚破例吃了，也挺好味，如果辣啲更好我也不大愛魚，烏頭更不是我杯茶，這凍食的，又唔會食到骨，感覺挺特別，但肉質韌了點，我還是喜歡滑滑的魚太有趣，肉都吃光了，仲可以砌返做一條魚!大愛這蠔餅，這裡的蠔好大隻，超正的!!!最後這碟酸菜蜆仔肉，送潮州粥一流，不過，我思疑，這蜆仔肉咁細粒，起肉時一定好辛苦埋單伙記望住枱面的空碟，心算一下，話「穿梳機」，哈哈，這真是神乎其技，「究竟係點做到」

今日一行三人，約出黎聚下順便攞手信。例牌。又係我負責做搵食個個。。年尾聚會食得太多西餐，有啲悶 ，所以就揀左呢間潮州打冷店。呢間打冷同其他食店好大嘅大分別就係餐牌冇價錢。。。。好彩之前上網睇過，知道價錢都合理唔會開天殺價，都可以放心叫。。。睇人地啲食評話蠔仔菜式必食，所以以諗都唔洗諗就叫左蠔仔粥同蠔餅。另外更係有叫滷水鵝片，仲有韮菜豬紅。餐牌只有菜名。份量都冇得揀。店家應該係睇人頭俾份量嘅。。我地三個人。。佢上左一窩蠔仔粥，每人都有兩碗。。同一個我覺得都幾大份嘅蠔餅。。鵝片應該就stsndard..都有十片嘅,下面有好多豆腐(我至愛 )。韮菜豬紅一碗。得我同另一個朋友食。。最後食唔曬。味道方面，以我呢個好少食蠔仔粥嘅人來講，味道不錯。有好多大大粒嘅蠔仔同方魚(應該係).我食左兩碗。蠔餅，都係好多蠔仔，但呢間冇俾辣椒醬蘸，好似爭啲野咁，正常味鵝片，夠入味，薄薄地，食落唔會韌，但我對佢墊地個啲豆腐更有興趣 韮菜豬紅，啲豬紅唔係車仔麵個啲咁細細粒，係大大舊嘅，味道我覺得正常，但我個朋友話有啲腥。。。最後差不多都是我食……我地仲叫左支獅威埋單295.唔貴。。。。下次同為食屋企人再食過

同事突然興起拉大隊去食陵發，大學時期食過好多打冷，暫時都未有一間令我一再回味，今次一去，真係搞到我成日心思思想再去食！由於我地未夠7點就去到，所以好彩唔駛等位。我地有7個人，叫左2碟鹵水拼盤（每碟2款，亦可以1碟最多3款，我地叫左腩肉、豬耳、大腸、魷魚）仲有韭菜豬紅、鹵水鵝、煎蠔餅、蠔仔肉碎粥、腐乳通菜其實未黎哂架，好可識冇大合照，因為好食到我地相都唔想影好快食哂！鹵水拼盤：腩肉、豬耳都OK幾入味，大腸我唔食所以唔知，魷魚有啲韌　　　　　 (我唔食內臟，所以鹵水野好少選擇)韭菜豬紅：我唔食，但同事個個都話好好味，好快清左。鹵水鵝：入味！都幾多肉，唔會話比好多骨我地，我都食到lam lam脷煎蠔餅：好大份！我掛住食冇影到，佢真係好足料，睇到好多同大粒蠔仔，同埋炸得好脆，食落會有聲架！蠔仔肉碎粥：今餐最好味一定係蠔仔粥！又係好足料，好多好大粒蠔仔，佢水還水粥還粥，唔會話煲到一pat野咁，同埋食落好有「蠔」味同鮮甜，好快又比我地掃哂！食到底仲有好多蠔仔係度架！腐乳通菜：正常，今餐食咁多蠔仔實膽固醇爆標，叫個菜黎中和下。呢度個餐牌冇價錢架，初時我地都好驚會比人「鋸」，最後埋單大約80幾90蚊，

自從上次經好友介紹以後，Wing就愛上了來這家<陵發潮州白粥>打冷了。這裡的款式並不多，但味道卻遠超預期。今次Wing再一次來到這裡跟朋友聚聚，大家有猜到我們點了甚麼嗎？這是炸花生，沒想過會這麼多吧，一班女生嘛，花生在聊天時也是必要的~滷水鵝片呢，肉是很厚的，滷水味很出的。至於鵝片上的皮，脂肪並不算多，而家皮很薄的，一次半次也不怕吧。怕胖的Wing也吃了幾塊呢xd肉碎菜甫煎蛋並不是常有，上次也「摸門釘」呢，今次終於食到了。這個菜甫炒蛋是超足料的！相信這個「蛋餅」也有差不多1cm厚吧。Wing吃的部分是菜甫加蛋份量剛好的，就連味道都剛剛好，雞跟菜甫的口感跟味道相輔相成的，看似很簡單的菜式，其實心機卻很多，火喉掌握得很好才可以做到這個味道的啦~煎蠔餅就不用說啦，來過一次之後就會忍不住常常想著這道菜的了~「蠔仔」並不是蠔仔，而是相對大隻的蠔喔，隻隻都啖啖肉，而且食得出是新鮮的啦。平日在大排檔食煎蠔餅，蠔仔的確比想像中小，而且蠔餅油得要命啦~這個的油份剛好，根本就是吃不停口的啦~這個韮菜花呢，加上豉油後，它變得超甜的。其實Wing平日不會主動點韮菜的，總覺得它有陣怪味的。今次朋

同朋友3人去，我們7時左右到達很多人要等位了鹵水鵝片 例牌，鵝鹵得入味不在話，不太油鵝片肉質嫩滑有肉汁，加上半肥瘦，特別好吃墊底的豆腐香滑，有豆香鵝腸鴨腎，最緊要係個鵝腸送來是熱的鵝腸好軟熟有彈性，鴨腎冇乜特別韮菜豬紅好滑很惹味，汁有點辣，味道很濃烈一窩蠔仔粥，滾熱熱無沙，每人可有2碗蠔仔亦不少，蠔粒粒都大粒又鮮甜!加3支可樂，埋單$350都幾經濟

太子新填地街既三個鋪位, 以大排檔陳設,十分旺場既太子陵發打冷平時晚市好多人, 我地宵夜時段去先剛好有位一行8人點左鹵味併盤, 有墨魚,豬腩, 大腸,等,全部醃得好入味,尤其係大腸同豬腩肉鵝片,大塊得黎切得好薄,好香鹵水味,鵝肉比較煙UN蠔仔粥, D蠔好大隻,粥都幾鮮甜雞腳,呢味醃得好正,雞腳好大隻而且出面仲有豆豉同蒜蓉香烏頭,呢個一般冇乜黃油春菜豬肉,吾係個個啱食既潮州菜,出面有林林既憫春菜,入面有肥豬肉,口味比較重咸腐乳通菜,夠大碟菜夠新鮮韮菜豬紅, 豬紅吾易爛而質感比較彈牙 咬落爽口, 韮菜新鮮而吸哂入面微辣既醬汁, 好味煎蠔餅,聽講係師傅自創將傳統既鴨蛋換成一半既雞蛋煎成, 所以甘樣先煎到甘厚既蠔餅出黎,雖然厚但口怠酥脆不滯,且入面既蠔亦都非常大隻,蛋漿同蠔中間既茨亦厚度適中, 正!雖然佢個餐牌係冇價錢,我地叫埋單佢就自己喺度計, 但食物價錢真係幾平,而且十分好味!

話說出到太子，行左陣見到呢間餐廳，外面企左好多人，再加上有友人之前試過，於是就入左去喇。d叔叔服務真係好好，唔洗我地等位，即刻執位比我地。呢個真係好好食，好多蠔仔，真係好足料。水同料既比例剛剛好，應有既水還水，料還料，潮州粥特色都有。呢個好值得推介，同個粥一樣都係好多蠔仔，與其話佢係煎蠔餅，不如叫佢做炸原隻蠔仔餅，佢d蠔仔比起出面大好多，同埋真係好大份唯一覺得麻麻既係，佢每樣野都係按人頭比分量，menu冇價錢，都唔知每樣其實幾多

一般來說同父母出街食飯都是我找地點,這天很特別,他們說要帶我到陵發食飯,長大了以後好耐都冇試過了,而打冷的確是小時候一家人出街食飯較常會去選擇的食店,成個佈局已經很懷舊。去到既時候已經有不少人在等位,不過一般都係等大枱,所以我地三個人等了十五分鐘就有位了。點了的菜當中以豬紅最懷舊,跟小時候食到既味(憑記憶)都幾似. 而家自己好少點呢味架啦.冷盤有幾款選擇,一次要食蜆仔肉,好惹味! 飲啤酒的最佳下酒物!!整體來說食物質素很不錯,成餐飯都好多人等位,可以再來懷舊一下。

今日一大班朋友去食飯,有人就叫建議我地黎陵發食依個潮州打冷,依間潮州飯店最出名既應該都係白粥。朋友之前話黎食過，話D野食都算唔錯，雖然無價錢牌,但係價錢都係算經濟，我就當然只係第一次黎。8點幾黎到,好彩都算有位，未齊人又算幾肚餓，只有幾個人係到都已經叫左少少打冷既小菜。叫左依個蜆仔肉同菜脯, 我自己就叫左碗潮州白粥。估唔到蜆仔肉加埋菜脯同白粥一齊食係咁正,蜆仔肉雖然係比較細, 但係加左少少魚露之後就已經入味,仲有小小蜆肉口感非常好,菜脯就夠哂爽口香脆,有少少辣味, 加埋白粥一齊食,有種特別既滋味呢之後人齊喇,就叫多左幾個冷盤首先係墨魚併紅腸,加埋少少熱既醬油係面,墨魚非常有咬口,好好食,之後紅腸就當然無咩特別,,只係質感唔錯,有新鮮既感覺,之後就依個火腩,肉質有少少乾,支竹火腩,原來大家都真係非常鍾意食支竹,支竹同東菇炆得好入味,之後就係一個蠔仔粥,裡面有非常大量既蠔,而蠔仔都真係非常之大隻,肉質夠鮮又甜,又夠肥,成個粥都好香。 

身為蠔癡既我，夜媽媽同左女朋友黎陵發食蠔。熱辣辣但係都要等位，好在等左半個鐘左右就入得，如果唔係真係熱死。蠔粥 -- 蠔真係好大粒好豐富，碗粥入面蠔晚份量好足料，但係第一次黎食，唔記得走莞茜，破壞左我大啖大啖食既慾望，但總括黎講真係好味。粥既味道好出，同蠔融為一體，黎陵發必食呀！！蠔餅 -- 蠔照舊大大粒，係蠔餅既最主要賣點，對比之下我覺得都係蠔粥比較好味同特別。墨魚＋腩肉 -- 無咩特別，味道都無乜，好求其既一碟野，對比普通打冷舖既老水更差！再加埋底下有一堆芽菜，我都唔知食唔食好，唔好食兼唔抵！腐乳通菜 -- 如果無咁多水會好啲，啲水好易沖走腐乳既咸味，令到佢又變返普通晚白灼通菜。總體黎講，蠔既SIZE真係舖頭既賣點，蠔粥係必食。至於其他菜真係幾失望，腩肉同通菜都麻麻地，價錢唔抵之耐仲唔好味!

是一個熱熱鬧鬧，開開心心，嘻嘻哈哈的晚上，與多位舊同學兼友人一起的聚會，一行六人一同來到這間生意滔滔，不預早訂座也難以即時找到座位的人氣潮州打冷店食餐飯，聚一聚，減減壓。其實自己沒來這店子足有五年了，舊地重遊，七時半來到，也許因為是假期前夕吧，驚見店子生意出奇地好，連續三個「陵發」的舖位外，滿是等候的人，要不是其中一位友人預早訂了位，我們肯定要乖乖等候，不知何時才能坐下吃飯了。不過樓下三個舖位都已爆滿了，我們即使一早訂了座也要步上二樓用餐。一口氣叫來店中餐牌裡大家最感興趣的菜式：「鹹菜花生」、「椒絲腐乳通菜」、「韭菜豬紅」、「豬皮蘿蔔」、「涼瓜鹹菜排骨湯」、「鹵水鵝片」、兩個大「鹵水三拼（大腸、生腸、鵝腸）與（墨魚、鴨腎、豬耳）」、「煎蠔餅」和大碗「蠔仔肉碎粥」，加多幾支汽水，成為這夜豐盛，豐富的一餐。在這眾多菜式裡，「煎蠔餅」是最出色的，份量多，蠔仔肥美，早已「升呢」成為「大佬」，又夠香口，自己最為喜歡。蠔應該是這兒的強項吧，「蠔仔肉碎粥」水準也佳，蠔仔隻隻大隻，湯味也挺不錯。友人喜歡的「鹹菜花生」雖然只是普通之物，但鹹菜開胃，花生香脆，也好吃。其他的多道菜式，大部分都中規中矩，不算

陵發位於太子邊，不起眼的小街但總有人專登去食，憑的就是傳統這裡菜牌沒有價錢，但放心，隨便點，不會太貴至於我，我必叫蠔餅，蠔仔粥蠔餅夠香口，不油另外叫枝竹火腩，鵝片大腸，這兩道味不太濃，但放心，另上辣椒油，喜歡的加一點，更好味

夜了，想吃晚飯，與友人找到了此店。有粥品小菜，看到食客可逼留至夜，大吃大喝，說過痛快。與友了試了煎蠔餅、豬皮蘿蔔和白粥。蠔餅香口鬆脆，但略鹹和欠缺蠔的鮮甜味，蛋的份量較少。豬皮蘿蔔煮得易吃入味，好吃。白粥是稀飯水的那種，亦不錯。

成日周圍打冷 , 陵發d蠔仔真係大粒又好食大大粒蠔仔的蠔餅 , 唔多地方有 ; 蠔餅香脆之餘 , 大粒蠔仔重係有肥美肉汁 , 其他店舖用細蠔有時會變成干蠔當然蠔仔肉碎粥： 依然咁正

畢d琪琪早前回鄉掃墓，特地從老家帶回100斤潮州墨魚丸，送贈親朋好友，當然包括我與波波。約好了今晚飯聚及接收手信，原本琪琪建議吃夀司，怎知波波昨天才脫了智慧齒，只想吃粥，就建議來陵發改吃潮州打冷。這家潮州飯店除了一直以白粥聞名外，亦以無價錢餐牌見稱。他們之前有來吃過，説食物不錯，價錢經濟，我則是第一次來。我們9時多到達，剛好有位，因爲太肚餓，即使還有2人未到，我們3人已極速點了菜，都是些潮州打冷的小菜。本身是"架己冷"的琪琪，即時叫了2款冷菜---蜆仔肉及菜脯, J小姐則叫了碗潮州白粥。原來J小姐至喜歡把蜆仔肉及菜脯加入白粥一併吃, 說是至高的享受...她分了少許給我試試...蜆仔肉雖然體積迷你, 但加了魚露後變得很入味, 小小蜆肉亦蠻有咬口感, 菜脯亦很爽口香脆, 只帶些微的辣味, 混和白粥一起吃別有一番滋味呢....這裡的白粥做到很好, 是傳統的潮州做法, 米兒煮得剛開口, 但不會太綿, 有米香之餘, 仍能感覺到每粒米的存在, 水的份量亦不會過多, 所以見到幾乎每枱客人都叫白粥....這裡的牆壁上都貼著不同牌子啤酒的優惠價錢, 打冷配啤酒似乎是很好的組合, 看到這裡大部份食客都有叫