陵發潮州白粥 (已結業)

小時候最期待就是星期日，因為在國內工作的爸爸會在週末回港，然後一家人牽著手往附近的潮州菜館晚飯去，吃的不是什麼珍饈百味，但那情懷總是讓人念念不忘。自從搬離舊居以後，已很少吃打冷，沒多久連光顧了多年的店舖也結業，久而久之吃打冷的次數近乎零。 是日和好友行山過後找回哥吃晚飯，大家突然想吃潮式菜，便去朋友常去的陵發碰碰運氣。在太子地鐵站走過去不過是五分鐘的路程，地理位置方便，去到始知他們一連有三個舖位，都是圓檯膠櫈的基本組合，一坐底店員便會放下一隻大碗和熱茶供人清潔餐具。 滷水鵝片(例)例牌也頗為細碟，四個人每人分到兩至三塊左右，下面用豆腐墊底，滷水味香濃，鵝片爽滑不痴牙，而豆腐豆味重，比主角更討喜。 滷水墨魚拼大腸兩者皆滷得腍身入味，墨魚韌得來帶點軟糯，大腸沒有令人討厭的羶味，滿滿的肥膏甘香，太邪惡，淺嚐便好。 大眼雞魚肉結實，加上鹹香的普寧豆醬，吊出鮮味。 通菜配腐乳一大碟的烚菜油水足，新鮮翠綠，通菜爽口且嫩，而腐乳醬份量慷慨，有點過鹹，分上再蘸會更對胃口。 蠔仔粥一大兜粥足夠分八至十碗，配料有大地魚乾、芹菜、芫茜和蠔仔，蠔仔大隻沒腥味，粥底盡得各樣精華，味道鮮甜。 餐牌上沒標明價錢

陵發既餐牌好特別係無價錢既之前都有聽過人話有小小海鮮價😅😏但又話食物幾正就抱住一試無壞既心態try try 佢兩條友叫咗4樣野食🙈1.韮菜豬血好正好入味，蒜味好香👍🏼2.枝竹火腩枝竹多過火腩😅根本就係枝竹燜枝竹3.滷水拼盤-墨魚鵝腸大腸成碟野無咩味🌚4.蠔餅正👍🏼啲蚊5毫子咁大隻又唔腥4樣野食加枝藍妹310都可接受既

朋友隨意係openrice 搵潮州野食，search左呢間，抱住咩都試下既心態去食，食完明白點解咁多人係出面排隊。好彩book左枱, 但都要等一陣。雖然walk in都應該唔洗得好耐，不過大熱天時係出面等都幾係野。坐低嗌左鵝片、大腸同蠔餅。蠔餅不消幾分鐘就上台! 新鮮熱辣辣的，蠔仔粒粒都有番咁上下，仲要係肥嘟嘟的，很豐滿。點埋魚露十分好味。最鐘意係鵝片同大腸。鹵水鵝片嫩又淋，個鹵水味岩岩好，唔過鹹，仲有豆腐花生墊底，想再encore多一碟呀，但嗌左好多野食，驚食唔晒呀!!!!大腸都好正，冇臭味及屎味，又係個句，鹵水味岩岩好，唔過鹹，仲有芽菜係底，撈白飯一流呀!!!蠔仔粥好大兜，d蠔仔又係肥嘟嘟的，很豐滿，連莞茜，蔥等料，幾好味，但我嫌落得太多胡椒。韮菜花好嫩，用豉油炒得幾好味，較為驚喜的。通菜同蜆一樣都係淨恰，腐乳及豉椒另上，所以係冇乜鑊氣。由於會食豬紅的朋友唔多，所以冇嗌，唯有下次有機會再試。餐牌選擇唔多，例如冇糖醋麵，香芋鴨，水昌包，反沙芋等甜品，而且冇價錢，當然可以問啦，不過咩都講個信字。食完平均每個人都係$120，都幾抵食。快、靚、正。

3個人每人$100，呢度唔覺邊度有寫價錢，所以如果擔心既話就唔好黎🙈黎度果陣，爆左9成咁濟，勁嘈。不得不提d蠔仔勁大粒勁鮮甜，無論蠔仔粥定係炸蠔餅。而蠔餅就幾明顯用上左鴨蛋，食到果陣唔同既香味，炸得好酥脆。呢度最多三拼，果日揀左鵝腸豬耳同墨魚，滷得入味唔會過咸 仲點左碟通菜不過無影到，感覺似油浸通菜黎，勁多油唔知咩煮法黎🙈不過淨係計蠔仔粥蠔餅都已經收貨😍

第一次光顧，在門口時初時覺得奇怪，為什麼三間舖的名字這麼相似，但等了一會已留意到伙記都自由穿梭這三間舖，所以原來去哪一間都沒分別！看到餐牌覺得很有趣，因為所以食物都沒有標明價錢的！但友人說每個伙記都心裡有數，總之放心叫就得！嘩～～第一次見蠔仔粥有咁多蠔呀大佬，仲好好味添！食落去d蠔仔有鮮甜的感覺架！好大碟鹵水鵝呀！好入味，不過肉質略嫌有少少韌呢碗韭菜豬紅真係無得輸，雖然韭菜唔算多，但淨食豬紅已值回票價！絕對是高質豬紅，有誠意之作！大愛呢碗豬紅！腐乳通菜正常的味道，通菜很幼嫩，正菜一碟！👍🏻這碟鹵水有墨魚、大腸及豬頭肉，大腸很入味，但墨魚一點都不爽，豬頭肉都一般好吃

很喜歡陵發既滷水食物, 尤其係滷水大腸.佢地既大腸沒有肥膏, 沒有臭味,每次食都係滷得很入味及夠淋, 所以我次次去都會叫.食足十幾年味道仍然一樣好.第2個必叫的一定是蠔仔粥,陵發入既蠔仔甘多次都係甘大粒,無論說蠔仔粥及蠔餅都一樣好食.食左甘多年, 佢地大部份食物都真係好好味,但只有豉椒炒蜆係出奇地失敗, 因為他們的做法是先拾完D蜆然後再把豉汁淋上面的. 不用看相都知道味道會有幾好.

如果問我最唔鍾意食咩菜,我會話潮洲菜,因為小時候食太多,樓下就係潮洲菜館,經常和家人光顧…唔鍾意嘅原因重有好多,買相唔岩靚,味道一成不變,好小會令人有驚喜…今曰老友帶我黎呢間店,我抱住好又一餐唔好又一餐嘅態度…你食咩隨便叫啦,我無意見…我都好耐無打冷結果有小小令我有所改觀,由其個大眼雞,唔鯹重有D滑添,個豬紅都好入味,其他就一般

父親節當晚七時便到陵發食麻甩潮州菜,到達時已有不少人等位但父親節嚟講真的不算人多了。好好彩我哋二人一到便有位,真係好開心呀^0^陵發食物種類不多但全都係一些正宗的潮州餸,同埋係冇價錢架好似探險咁^0^兩條冷食力有限只點了{蠔仔肉碎粥},{韮菜豬紅},{鵝掌翼}~話明係慶祝父親節,當然要啤啤佢啦我唔飲得啤酒那以可樂代酒吧!!蠔仔肉碎粥細的份量也不少啊!!蠔仔粒粒飽滿新鮮,大地魚味算不少當然不能跟自煮的比較啦~韮菜豬紅一吃下我便拍爛手掌,那份濃香豬紅味很久沒嚐過喇!!而汁料味道既香且辣好吸引喔^0^鵝掌翼叫來給車爸爸送酒,滷水味香醇滷得很入味不會淨係得表皮好吃唔錯呀^0^

陵發是我常幫襯的潮州食店，可惜晚飯時間等位需時，所以我多數也是黃昏六許入座，那就省卻等位時間吧！今晚則晚上九點半才到，也不用等。還以為我們算遲，怎料半路中途，隔離開了一桌十多人的飯局，很熱鬧。這裡很香港舊式食店的感覺，有點污糟又亂又迫，伙計是阿叔阿姐大大聲，但勝在手腳快。我最不鍾意係這裡的餐牌係冇‧價‧錢，雖然每次也食差不多的食物，但總不知價錢，就連結賬也沒單據可依，只是伙計來點點食物然後說個銀碼便去俾錢。說回食物，我想我點的也算是必食的東西吧，就連隔離十多人的飯局也點了我們選的食物。我最愛這裡的蠔餅和蠔仔粥，十分足料及好味，蠔仔很肥美。蠔仔粥蠔仔算多，蠔仔肥美，粥很香濃，再加點芫茜，天衣無逢。蠔餅很大件，不過今次有點燶，它很美味又脆口，外面有脆的炸粉，裡面有又嫩又肥美的蠔仔，好好味啊~食得濃味一點的可蘸點魚露，不過不點也很夠味。大腸也很好味，街外的大腸常有點怪味，但這裡沒有，而且質地軟熟又入味，但墨魚片有點失色，無味又有點膠膠的。韮菜入味但有渣，可惜。

九點黎到，全埸爆滿，不過等了一陣就有位坐低，陵發對於我呢個潮洲妹黎講，一D都唔陌生！幾個月一定會來一，兩次食佢！今次三個女仔黎食，蠔仔粥~蠔仔雖然細細粒，但漲卜卜的，依然好鮮味，一人都分到幾碗韮菜豬紅~係呢度必食既，韮菜同豬紅都索晒味，豬紅仲要超滑口，好似食緊豆腐甘鵝片~唔un入晒味又唔會死咸鵝腸好爽口唔會有洗得唔亁淨的臭味！朋友奇怪的問為何冇價錢，仲有甘多人幫襯，唔怕開天殺價嗎？潮洲人就是良心做生意，不會收得太貴，叫佢放心食！哈哈！埋單價錢朋友覺得超合理！

越來越少地方打冷，朋友帶我來試下，又睇下得唔得先 蠔仔粥好鮮 蠔餅即叫即整，好香口，外脆內軟，正 老水拼盤好味，千年老水的確好濃郁，豬牙鵝腸食落好爽，好有口感，正 潮洲蟹本身隻蟹超甜，好正 老水鵝反正麻麻地，肉質有點老

飲完酒嚟呢間經常等位既潮州菜館，等左15分鐘，3個人坐落即落單。鳳爪 - 骨頭已經煮到入口即脫，而且入哂味，係每次都會點既菜式。韮菜豬紅 - 大大件既豬紅因為浸在惹味既湯內，所以沾上左濃濃既蒜香、醬汁味道，令人不停咁食，必點！枝竹炆腩仔 - 枝竹同腩仔炆到入哂味，食落比之前兩味菜式飽肚，一試無妨。

位於太子新填地嘅呢一間「陵發」打冷真係唔野少, 收工時間六點幾嚟到只有兩三檯人, 之後愈坐愈精彩, 因為愈來愈多客人...最後全場爆滿! 見到牆上貼有OPENRICE嘅海報, 原來呢間食肆拎過2015年嘅開飯熱店! 今次到此一遊都係由朋友帶嚟, 試一試睇下佢個熱店指數究竟有幾高先~打冷小菜上檯效率特別快, 因為好多都係凍食, 同好多都已經預先準好, 客人一落單, 轉個頭小菜已可以擺上檯面!碟嘅size好大, 但小菜份量並唔會因為碟大而睇落去少左, 反而係大大碟! 韮菜豬紅 – 好味! 韮菜好新鮮, 唔使再沾其他調味料已經夠入味, 因為已經索晒個醬汁精華, 豬紅就一定要沾辣椒油一齊食, 呢個係一個唔可以遺漏嘅步驟, 因為豬紅同辣椒油係絕配, 識食一定係咁食! 炒蜆 – 本身就咁食個蜆係冇問題, 肉質都幾鮮甜, 可惜個醬汁累事, 打茨重手左, 變成太濃太杰身, 令到蜆肉好咸, 完全蓋過蜆肉本身嘅清甜味道…失敗! 而且吐沙處理得唔太乾淨, 唔受大家歡迎。 蠔餅 – 好足料, 勁多蠔, 麵粉反而比較少啲, 成個餅所以變得外脆內軟! 好味! 腐乳通菜 – 真係好大碟, 其實通菜

是次三個女仔打冷 一於黎到太子既陵發係不同既媒體都有睇過人地推介 今次抱住朝聖既心黎打冷 到底會吾會期望過高呢？黎之前已經得知餐牌上無價錢 而收費都非常合理 估計係計人頭整份量。 一坐底 先黎潮州鹵水鵝 蠔餅 墨魚拼大腸 鹵水蛋 三碗潮州粥 黎得打冷 點可以吾試下潮州粥？係人都知潮州粥岀名水還水 渣還渣 同廣東粥果種綿密係兩碼子既事！ 陵發依度既粥 水同渣既比例岩岩好 吾會太多粥水蠔餅蠔餅十分脆口 蠔仔既size算中大 真係粒粒都幾大 亦吾會有腥味！名不虛傳 食啖蠔餅呷啖潮州粥 真爽皮！鹵水鵝肥瘦適中 啲肉夠入味 最緊要係啲肉吾un 合乎期望鹵水蛋既表現不過不失本身諗住叫蜆仔肉！吾係道道既打冷都有！送粥一流 可惜怕食吾晒最後無叫如果想有嘆番有咁上下水準既打冷 依度絕對係首選 佬味十足！

有年幾兩年無去呢度打冷刁，本來澳洲回來的mix friend 提議去佐敦食，但我身體不適，所以要求係太子食呀！呢度一直都係無價錢的餐牌，無乜安全感下，係呢度既風格黎，接受啦。我地叫左韮菜豬紅好大份量呀，件件豬紅都被切得四四方方咁，勁有口感，不過韮菜就唔多，只有少量舖係底，菜幸好無起渣，豬紅味對版，但一大碗看上去好油下，但望落去有點辣卻又沒有。枝竹火腩炸枝竹好軟糯，煮得入味，又有些冬菇，有咬口。豬肉塊我就沒吃，但令整個菜好有住家feel呀，好像媽媽在家煮的口味。大腸拼墨魚豬腸如我所想幾肥下，由於多天吃濟了，就沒吃太多，嚐了下，煮得軟熟亦入味，沒有豬so，挺香的。橙色的墨魚好吸引，少少煙un帶嚼頭，但又相當好咬，亦不un，柔軟的質感，很快吃完。是日病，胃口麻麻，二人都根本吃不完三個菜，實在有點浪費呀！