陳漢記 (已結業)

今次係第二次唻食!第一次係同女朋友一齊唻！今次就自己一個人唻食！叫咗碗爽腩河同牛腸加埋杯凍奶茶！失講碗爽腩有9分（十分為满分）肥瘦識中又夠入味！牛腸今次就差咗D佢係即叫即蒸但係上枱唔係好夠熱！又冇上一次咁滑不過都有7分因為味道同上一次一樣冇乜唔同咗！奶茶都唔錯幾滑同夠茶味有8分!服務就差咗D食咗大半放低手想係個袋攞D野出唻佢即刻走埋唻問你係咪食完唔要啦！（D野食係上枱計唔夠10分鐘!我知你想返枱但係都唔洗咁急!!）服務就4分

今日放假見冇乜特別野做就同女朋友去咗大埔睇火車博物館!睇到差唔多5點之後就開始有d肚餓就上OpenRice 睇下大埔有D咩好食見到呢間D食評又戰幾好就走咗入去！入到去諗住叫個煲仔飯食點知咁早未有得賣住就叫其他野食叫咗一份牛腸1碗牛腩河我女朋友就叫咗1碗雲吞麵！先講個牛腸，腸粉皮夠滑又夠香1個字！！個蝦腸夠滑同埋D蝦夠彈牙！都係一個字！!牛腩河肥瘦均匀又夠入味都係一個字!！碗雲吞麵都ok不過就冇牛腩同腸粉咁正!!值得再去可以再去

為食死肥佬來了~都唔知幾耐無去陳漢記食野今次晏就去都爆哂場. 要等位但佢個到等位方面有少少搞笑, 話說佢有2個門口 一個門口D人排隊, 另一邊就咁walk in 坐底真係有少少嬲嬲地, 因為我係由walk in個邊門口比人趕去排隊, 但佢又唔係個個捉咁就食左個皮旦魚足, 足入面有哂魚味,但可惜見佢拎啲足比客個陣,衛生情況有待改善而同行者叫左個牛丸河, (sor, 影遲就變左咁)但牛丸河啲牛丸唔算太好食, 有少少失望另外就加左個腸粉同炸兩, 腸粉好似一夾就散咁不過味道就足夠的,  而個炸兩啲油炸鬼就太淋, 差少少最後咁既價錢埋單,小弟平時食開cheap野, 所以都係覺得貴左少少

涼涼地食煲仔飯都係個唔錯既選擇，我呢日去左大埔陳漢記，排隊排左45mins，order完係入面都等左45mins..total 90mins🙈大家一定要預足時間排隊！不過食完發現都係西環坤記正，坤記豉油香啲，排骨多肉少骨，但陳漢記豉油唔夠香同埋係排骨碎...整體黎講.....就係唔夠香，排骨臘腸既油香滲唔到落飯，白鱔中規中矩，試過一次便夠了。白鱔排骨臘腸煲仔飯+蛋 $89------------------------------陳漢記 (大埔)大埔運頭街91B地下

唔知點解 男朋友帶我黎依間嘢食煲仔飯（據說係佢朋友推薦，話好出名）雖然係我字典入邊，食飯排隊兩個鐘係犯法既，不過唔想男朋友掃興，唯有係條街度企足一小時又20分鐘⋯⋯開始就食點評：出品：錯噻！煲仔飯，之所以好食係因為柴火味同飯焦。（同你講咩米香，都係放屁，瓦煲砂煲係根本最難保存米香既）今時今日既社會，追求柴火味不切實際，不過，你都唔好俾份豉油撈飯我啊！要煮好一煲煲仔飯，係要分步驟㗎～ 當米至半熟，水份收乾少少，再放醃製好既材料落飯度，用乾淨濕布鋪實煲蓋面，留氣孔，再煲至熟透。咁樣，肉味，醬料味，先會入噻啲飯度！同時，菜肉既油，可以令啲飯唔會痴笠笠～飯焦呢，有油料，先會有香氣，而唔係得焦味咯～呢啲多跟八九十歲既老人家學嘢，都會識啦⋯⋯為佐賺錢，批量煲，竟然直接放碟豉油係面前，自己撈入啲濕飯度⋯⋯兩個鐘，等黎呢份野⋯⋯真係火都黎！服務：雖然我可以理解忙，可以理解無服務既香港餐飲普遍狀況⋯⋯不過大叔，你收嘢可以日文少少掛～呯呯嗙嗙，心血少啲都嚇死啦～環境：無環境可言，ok～已經因為煲飯可以忽略⋯⋯因為已經無咩可以執著可以要求，係咁易食兩啖，快走，去買個宵夜充飢啦～

粥底香滑、濃淡適中。個蟹粥真係冇得輸！鮮味十足，好正😋腸粉做得很薄而又夠滑，材料亦夠新鮮。需然價格稍貴但還算物有所值。煲仔飯夜晚六點後先有，唔算特別出色但都算有風味。不過晚上條龍就再長啲，值唔值得等就見仁見智喇。

秋風起食臘味, 黎到涼涼地既天氣食個臘味煲仔飯就最正。好彩家住大埔, 想食煲仔飯可以去陳漢記。不過餓住個肚去, 同女朋友兩個人都等左30分鐘先有得入去坐低。一人叫左一個臘腸排骨飯, 對男人黎講一個煲就唔多夠嫁喇, 食埋女友食淨既就FIT哂。落完豉油再CUM返埋個蓋焗一焗,特別好食,仲可以食下個炸兩,都係水準之作。最後食埋個飯焦,暖哂肚, 正。

傳聞呢度嘅煲仔飯好出名，諗住嚟試試啦，只怪我竟然冇做好功課，嚟到先知原來6點後先有煲仔飯！想試試另一間喺list入面嘅魚蛋粉店，但由於時間關係實在去唔切，另一間清湯腩又未開，唉唯有返轉頭喺度試吓魚蛋粉囉紫菜魚蛋片頭河 ($45)冇諗過要$45一碗，希望你好味啦。先飲啖湯，鹹到😫 粉就幾滑溜，唔錯；魚蛋咬一啖魚蛋，好彈牙，有魚味不過腥味亦都甚濃，而且都係非常鹹；咬一啖片頭，炸得唔錯，入味幾軟綿，冇魚蛋咁腥，但鹹過魚蛋十倍！！咁鹹做乜嘢呀？！？！？！食完行返去坐地鐵，未去到粉嶺，條脷已經感覺勁差，口勁乾，成條喉嚨都係味精嘅感覺。免費都唔想再食，何況$45？

一路排隊，一路抱住只此一次嘅心態黎，因為唔係成日都有咁嘅時間排成個鐘，食陳漢記 嘅煲仔飯 同腸粉。不過有啲野真係叫 (不)可一不可再。排咗成個幾鐘，終於有得入，排緊嘅時候都已經落咗單，但係坐低都仲要等多半個鐘先有飯食，真係擔心佢比我地白坐都幾浪費成本。呢度嘅腸粉都好出名，避開食評啲人話唔好食嘅牛肉腸。叫咗蝦腸同叉燒腸。腸粉皮係一pat pat，食評啲人話係滑，嗯，滑到一pat pat 咁... 加埋切到細細粒嘅叉燒，相信大家都想像到個口感。而蝦係爽口嘅。終於等到煲仔飯，叫咗田雞滑雞再加臘腸，諗住無乜幾可再黎就食多啲料嘛。我只可以講有啲失望，無乜煲仔飯香味。啲雞全部都係細細粒，田雞好似清洗得唔係好乾淨，臘腸就正常，臘腸好少可難食嘅。我地仲叫咗碟牛腩撈麵，啲麵有少少鹼水，而牛腩係韌到有一半係食唔到落去。實在唔明點解佢會排咁長龍，仲要價錢唔算特別平，我求其喺廟街執一間都好食過佢平過佢，仲要我唔洗等咁耐。如果唔洗排，可能會無咁失望....

開始步入寒冬，除咗打邊爐仲可以去食煲仔飯，講起煲仔飯就要講大埔呢間「陳漢記」，餐廳格局係粉麵嘅茶餐廳為主既格調，但識食嘅一定會去呢間，如果要去就早啲去啦，因為成日都會排長龍，但記住1800-0200先有煲仔飯供應。🍲🍚👍🏼我哋叫咗呢幾樣野：「北菇滑雞煲仔飯$42」、「臘味排骨煲仔飯$50」、「凍奶茶少甜$14」、「凍檸茶$14」。🍲🍚🍹等左十幾分鐘，煲仔飯終於來啦。整個煲仔飯加埋餐廳提供既煲仔飯豉油，焗一陣撈起再食，成個煲仔飯嘅香味都會湧出嚟。🍲🍚「北菇滑雞煲仔飯」份量都唔少，雞件好滑，煲仔飯嘅飯又好棉好香，夾雜最低嘅飯焦食落肚有種滿足既感覺。🍲🍚🐓「臘味排骨煲仔飯」份量都唔少，排骨好滑，兩條臘腸好好味，肥瘦適中，唔會太鹹，煲仔飯嘅飯又好棉好香，夾雜最低嘅飯焦食落肚有種滿足既感覺。🍲🍚🐖「凍奶茶少甜」茶餐廳嘅奶茶通常都係最好飲，茶味夠香奶又夠滑。🍹「凍檸茶」檸茶有澀澀地嘅感覺先好飲，茶味啱啱好。🍹

每次提起大埔美食都總會想起一些餐廳，陳漢記便是其中之一，尤其是煲仔飯，相信大埔人絕不陌生。今次來陳漢記就叫了排骨煲仔飯，即叫即整的煲仔飯要等一陣也是少不了，「食好野要等是常識吧」。等了十多分鐘，煲仔飯終於上檯，一打開蓋，香味即刻出晒黎，加點特製豉油，撈兩撈就食得。味道方面十年如一日，仍然保持高水準，排骨鬆軟有咬口，連骨都是軟的，可以咬出排骨的甘香，配上又熱又乾身的飯，口感十足，個人覺得「佐敦果D煲仔飯」完全比不上。單單一個煲仔已經令我一整晚很飽很滿足了。

說摘晚臨訓之前，已經稔定今日食咩好，首先黎呢度食個粥同腸粉，然後再食去食豆腐花， hohoho ~~ 就甘話。跟住google map，由大埔火車站行8分鐘到就好，位置非常易搵。推玻璃門進入，店子比想像中大，未到午飯時間，人流未算好多。搵個近玻璃窗位坐低，今日幾好多，d玻璃窗幾大，幾光猛，感覺開揚唔局促。(上圖) 見到原來有套餐，點左個「皮蛋瘦肉粥」同「牛肉腸」，只係$38，幾抵。(上圖)  「皮蛋瘦肉粥」 , 蒸牛肉腸粉 (套餐$38)等左一陣，食物就送到。個粥蔥花放埋左一面，如果要勺起d蔥會易好多，佢個粥係無油炸鬼片同花生鋪面的，簡簡單單。粥上枱時係無灑胡椒粉，我比較喜歡甘，寧願自己加，可以因應個份量。(上圖) 「皮蛋瘦肉粥」：就甘睇都睇到d粥好綿，我自行加左少少胡椒粉增香味，食落粥底真係好綿，咸瘦肉有細細的塊狀，亦有幼細絲狀，有咬口而唔會死實。皮蛋味道唔差，好食 (有時有d粥鋪d皮蛋有怪味，或者有重「簡」味，呢度無)。(上圖) 「蒸牛肉腸粉」：腸粉皮好薄，晶瑩剔透，見到皮入面d碎牛嬌嫩欲滴甘，wow， 按捺不住，快d開動~~碎牛滑，有牛味，粉皮滑、嫩，配以比較淡身輕營的甜豉油，以

陳漢記大埔人不會不認識識食之人也不會不懂這次大埔之友帶我來，都已經晚了，大概9點多剛好有2個位置不用排隊本來也想吃一下煲仔飯，但太晚了，怕吃太多所以只點了粥品跟油器選了艇仔粥這對我說有一個典故，我已去逝的媽媽最愛，每次吃粥都會叫陳漢記應該是生滾粥，很綿！而且料也很足平常的我會選牛腸為了特別一點，叫了豬潤腸嘩！不得了，皮很滑！不太薄不太厚，來的剛剛好！配上有點起沙的豬潤超棒的呢！不要看醬汁這麼好看，是朋友吱下去的，不是店舖本來是這樣端上來之前已經說到皮很滑的腸粉，自然炸兩的皮也挺不錯啦可惜我可能太晚來了，油炸鬼不夠熱脆了....

總之整體感覺係唔掂，唔信自己去試試！材料唔掂，斟板唔掂，味道更加唔駛提，賣相？大家睇相！我就唔會再幫襯，最後仲有單笑料，食緊野中途，樓面走黎叫我地調檯，因有客人數啱我地張檯，哈，如果嘢未到我都樂意合作，但食到半之半，冇嘢呀？

第一次去唔錯，今次第二次去，扎馬尾女樓面超無禮貌！叫左支啤酒，問扎馬尾樓面攞隻杯，佢好大力扔在檯上，後來放煲仔飯也如是大力放在檯上，伙記唔掂就算食物點好食都無用，無下次幫襯。