陳漢記 (已結業)

週日想留家裡收拾一下，適逢午飯時候就到附近陳漢記買外賣。最緊要方便。女兒想吃腸粉，就買一份給她吧。三歲人仔，點都夠食啦。跟著就出事啦。回家打開上碟，如圖。麻煩多收幾蚊給正常小小的份量吧。吃完還有煮麵比女食。

腸粉幾好食，雖然等耐少少但都算值得，粥都唔錯，可惜樓面服務態度實在太差，尤其是一位身材比較矮小的阿叔，食店的印象都給你搞壞了，就連搭枱嘅食客都有點不屑你的態度，有待改善

熱辣辣煲仔飯🙈最近愛上食煲仔飯 聽聞大埔陳漢記嘅煲仔飯幾唔錯於是琴晚專登去試試***白飯乾身煙韌唔會好濕白鱔新鮮唔腥 配埋豉油調味 真係好好味連飯焦都食埋😂***另外叫左個係有臘腸同膶腸雖然食得多係會肥但吾理得咁多味道濃郁 臘味幾香脆特別係甜臘腸真係難以抗拒***由於夜晚食都要係門口排隊所以想食嘅朋友真係要早d黎排可以係排緊個陣已經落定order咁一坐底就好快可以食得

因為男朋友帶我去食，佢話抵食，所以去左試，午餐時間，叫左一碗肉丸粥、炸兩、牛腩麵、油菜。本身見甘多人排隊食，所以都期待。不過有啲失望，因為油菜用很多油去煮真系好「油」菜。炸兩是凍的，不熱⋯不知道是不是人多關係但可以讚既系碗牛腩麵因爲多牛腩，又好味。所以值得食既！4樣野都吾洗$100、都抵食既

做完facial就在附近搵食, 本來諗住食粥又飽又穩陣, 點先................粥都尚可, 炸兩又凍又厚粉,又無味, 係從未食過的..........難食,無下次

一個人晚餐。走入大埔搵食。上網look look 下。黎到人氣店「陳漢記」。大排長龍。排咗1hrs。單單煲仔飯有50 幾款。點揀好粥粉麵飯樣樣齊穩陣d揀咗「公司臘味煲仔飯」。臘腸。膶腸。臘肉切粒。滿滿鹹香好惹味。

天氣無啦啦又凍返，除左想匿埋係個被竇度一世5出尼之外，梗係想食d熱辣辣ge野啦。今日去左大埔浦，第一時間諗起陳漢記。之前聽過朋友提過，淨係知好出名，但未真正去試過。因為之前浦親大埔都係係夏天果時，大熱天時，好少諗起想去食煲仔飯。難得今日又夠凍，又咁岩浦開，終於可以試下佢喇！入到去間店度，真係隱約聞到d飯香，同埋好有暖苙苙ge感覺。再望過去d，我見到好多煲仔飯排哂隊咁係度煲緊，真係好壯觀呀。見佢地he he 合合咁，又滲出d飯香出尼，我都係乖乖地坐返埋位快d叫野食啦。個飯一上枱，真係好香呀😍。我5客氣喇！d肉好嫩，同埋成個煲一齊上好似真係好味d咁，食完成個人即刻暖返哂。除左d煲仔飯之外，佢地d腸粉都好出名。而食落，果然真係名不虛傳，d腸粉好滑，好驚都未咬好，就已經滑左落去肚度😂今餐真係好滿足呀！

排左成個半鐘...終於食到佢地出名GE 腸粉+ 煲仔飯蝦米腸: 估唔到蝦米腸都是即拉的, 真是好薄, 肉眼都望到好通透, 入面都有唔少蝦米+蔥, 蝦米味無乜, 但蔥味幾香。最緊要係好薄好滑~ 白膳田雞煲仔飯: 排隊時已落定ORDER, 但坐低左都仲要等多幾個字, 不過都值得GE,因為都幾大煲, 仲好足料, 好多白膳同田雞呀! 白膳夠肥美, 田雞肉就熟左少少, 但都OK 。,成個飯D 調味係偏清淡, 重口味者可能覺得唔夠咸, 食到最底仲有飯焦, YUMMY!

大埔陳漢記嘅煲仔飯，應該好多人都聽過就連我呢個住係隔離區嘅人都揸車去食.今日係我爸爸生日，就比我揀去邊食飯佢諗都無諗就話「食陳漢記，好耐無食」夜晚9:30，原本都以為會排長龍，等好耐位點知我地原來叫做早到，等左15分鐘位有位坐之前就見到好多人陸陸續續排隊.一黎到呢啲長龍店，服務好定差已經唔需要講因為員工通常只會負責落單遞菜，好運嘅，可能唔洗比人話幾句.今晚四個人，叫左3個煲仔飯，2碟菜同1碟白焯鮮魷蠔油芥蘭，腐乳通菜黎左先，都好新鮮好嫩之後就到白焯鮮魷，我覺得就鮮甜，但唔算太特別.等左20分鐘重頭劇黎啦 煲-仔-飯我叫左咸蛋肉餅，鳳爪排骨同埋排骨白鱔上左枱要開蓋加鼓油，再蓋上等5分鐘先食咸蛋肉餅好最愛，雖然個咸蛋壓到好似紅蘿蔔但啲肉餅撈飯真係正，比平時嘅蒸肉餅唔同食法佢地啲白鱔都好新鮮，爽口，做煲仔飯就無咁滯之後再食埋啲飯焦，正.整體黎講，係呢頭要搵間食煲仔飯嘅，就係會食陳漢記呢間店好似係越夜越多人，特別係星期五六日，因為佢仲有粥同麵題外話，之前食過佢地啲腸粉係唔錯嘅

The queue was 30 mins but the clay pot and rice rolls were not oily and good 😊 value for money. (: (:

以為已經凍完，怎知忽冷又忽熱，上星期突然又凍番，玩死人！既然今個冬天無食過煲仔飯所以特地去大埔食陳漢記～ 排隊排了差不多一個鐘終於入座，煲仔飯在排隊時落單，要等40-45分鐘，入座等一陣就有得食！ 爽滑魚皮（HK$41），每次必點之一，第一次食我是驚為天人的LOL！沒有誇張，魚皮夠爽，極鮮完全沒有腥味，配上麻油豉油，絕對是宵夜送酒的好小食！推薦！ 另一道必點之二：腸粉，這次點了叉燒腸（HK$2X），陳漢記的腸粉同樣很有名，腸粉皮又滑又夠薄，叉燒滿到瀉，而且沒有我討厭的芹菜和芫茜，暗暗加分！但個人偏愛大件有咬口的叉燒，切到一粒粒有點不夠喉～ 陳漢記的粥品和麵其實都好出名，這次點了基本款皮蛋碎牛（HK$3X），粥底棉，食到底都不會浠像水，皮蛋亦沒有滾爛，但足料次奉，不夠發記的足料。 重頭戲來嚕～～～臘味排骨煲仔飯（HK$5X），傳說食煲仔飯是冚蓋在蓋邊淋豉油，豉油就會均勻流到煲內，我在陳漢記就會咁食喇！（在廟街四季我就不敢了）今次沒有加蛋，但都一樣好食！第一次試臘味，臘肉和潤腸都不是我口味，還是臘腸就夠了，而排骨份量亦不少，每舊都不痴骨！最緊要食到底有飯焦這就最滿足了！ 埋單不用二百，大

每晚 18:30陳漢記門外便會大排長籠吃煲仔飯, 我之前食過佢地既煲仔飯, 又不覺什麼好吃, 普通而已。除了煲仔飯, 陳漢記還提供粥、粉、麵、飯、小炒等茶記食物, 價錢有平有貴。牛腩麵 ($36)牛腩鹵得入味鬆軟, 帶少許肥肉, 牛味幾濃幾香, 湯底清清地, 不錯, 幼麵沒有皂水味道, 爽口彈牙。齋腸粉 ($16)入口像吃糊仔似的, 又漿又黐牙,  口感極差。喊肉粽 ($18)餡料有肥猪肉, 喊蛋黃及綠豆, 其實都係好一般的粥品店貨色。

天寒地凍 諗起既除左打邊爐😎仲有煲仔飯👏🏻陳漢記呢個煲仔飯 每次行過都排一條好長好長好長既人龍🤦🏻‍♀️每次都吾好先食風後食飯 所以次次都冇食😭今次難得挽完咁早😏當然要去碰運氣😤去到先5點半 冇人等位👏🏻👏🏻👏🏻老闆話6點先開始有煲仔飯時間 仲叫我地入去坐住等😍勁好人。但人地做生意既 坐人地半個鐘 吾係幾好既 🙄就嗌左個枱枱都叫既腸粉係列🤦🏻‍♀️無影相👉🏿👈🏿但係腸粉好香好滑 👍🏿👍🏿好味！ 食完腸粉就係時候嗌重點🗣煲仔飯！諗左一陣 決定左嗌公司臘味同窩蛋免牛 等等等 20分鐘後有得食啦🤤🤤🤤好香😆😆😆等20-30分鐘左右係正常咖 大家吾好吹話咁耐喎😅 煲仔飯要襯熱食呀 凍左就冇風味啦🤣同時要諗下外面既客人 食完就讓位比下位啦😇

話說今日凍凍地，想吃煲仔飯又吾知食邊間好，於是上網搜尋下邊間好吃，見到陳漢記系大埔非常出名，決定同男朋友去試下。去到陳漢記排左十靚分鐘就有位。我地叫左炸兩，臘味黃鱔煲仔飯，芥蘭一碟，啤酒一支，炸兩味道ok，芥蘭正常出面嘅味道，煲仔飯最後先到，個後生仔侍應拎左臘味白鱔煲仔飯去我地張檯，我地系叫左黃鱔臘味煲仔飯，我地以為佢地落錯單，心諗吾好麻煩人地，咪照要，過左1分鐘到個靚仔行埋來話你地吾系白鱔系叫左黃鱔喎，我地都以為佢地系落錯單本無謂麻煩佢地照要，男友同個靚仔話吾緊要，我地照要，個靚仔反串我地，咩吾緊要呀，人地要左ga，跟住行開，跟住有個女侍應又行埋來卑說話我地聽，話吾系你地嘅，你地又要，我話以為你落錯單，咪諗住照要就甘算。男友衝出去同佢地講要吾要換番，佢地知我地對佢地態度開始不滿，話吾洗換，今時今日究竟系乜野服務態度呀，系你地拎錯卑我地先，我地本住好心以為落錯單咪照要吾好麻煩，都吾洗系甘卑面色我地睇。煲仔飯我地食左一半就埋單走了，實在無心情再吃落去，今後也不會想再來，麻煩培訓好D侍應先，香港系大都市甘的服務態實在不能容忍，無論誰對誰錯，也不應該這樣對待客人，食物就算幾好吃，但服務態度去

煲仔飯6点後供應, 假期最好早半個鐘去排定隊或坐低先, 唔係有排等.坐低叫了白灼墨魚鬚, 油鴨脾田雞煲仔飯, 及臘味滑雞煲仔飯. 墨魚鬚好快到, 爽滑, 点吓醬油, 味道唔差. 之後就係等等等...45分鐘過去, 煲仔飯終於來到. 油鴨脾好好肉, 田雞腿也肥美, 有肉食. 潤腸粗大很有鴨潤味, 和臘腸一樣都覺得是好貨色. 臘肉肥瘦洽到好處, 咬落去時油脂溢出,甘香美味, 我本身唔大鍾意食臘肉, 但都覺得好正. 滑雞皮香肉滑, 但略嫌切得較碎, 同好似冇乜肉.食到煲底, 有一層薄飯焦, 記得刮埋出來食, 才真正叫做完全吃了一個好味的煲仔飯.記得很多很多年前, 在此吃過一次煲仔飯, 跟煲仔上的豉油味精極重, 吃後口渴不止, 長記心中. 今次再試, 吃後完全没有口渴, 可見豉油已經大大改良, 大有進步, 所以要寫低 .價錢來說, 比較過其它區的舖頭如旺角深水埗, 佢取價公道, 而且有多種款式可供選擇, 必有一款啱你. 如有一天傍晚路過大埔想吃煲仔飯, 又有充裕時間, 可來一試.