陳漢記 (已結業)

香港買少見少既睇粉真係好正,我同女朋友都係第一次食到,平常都好少入大埔古唔倒可以食到好野，我們一開始叫左叉燒腸食完玩之後發覺好正又再叫多碟蝦米睇一樣好連碗粥都好好食又滾熱豬潤又新鮮,我女朋友話有空一定會來大埔食多次下次試下煲仔飯

朋友在大埔番工，話有好野食推介，所以便山長水遠入大埔接朋友收工，再食個宵夜。陳漢記門面與普通粥店沒兩樣，估不到內裡竟然有煲仔飯食，就試下有幾好食！我們點了窩蛋牛肉飯同臘腸滑雞飯，朋友教先落豉油，再焗一陣，咁就有卜卜脆飯焦，雞件很滑，臘腸肥瘦適中，不會成口油，不錯！雖然要排一段時間才可以入座，但食物質素值得等待！

凌晨點幾鐘屋企人響大埔飲完野，特登點佢去陳漢記買宵夜先好番黎，一來果度出名收得夜，二來聽聞果度有三寶，煲仔飯、玻璃腸粉，同埋花蟹粥，因為太夜既關係，今次只係試左碗皮蛋瘦肉粥$28。個粥份量唔大，細細碗咁，一個女仔食都未必會飽，不過我宵夜又無乜所謂…全碗粥入面約有半隻皮蛋，皮蛋唔算甘香，中規中矩咁啦，無咩特別。粥底係就係好綿，不過比我想像中稀，d米唔至爆晒，直情係碎晒~瘦肉份量都唔算多，整個粥既味道都幾濃，一d都唔會覺得淡，食完又無咩口喝既感覺，應該無落味精啦。總體黎講唔會覺得有驚喜，但又不致於難食，係份量稍微細左d囉！

When there is line up outside the place with eager hungry customers deliberating on what to eat, this certainly is a good sign. We waited patiently in the rain and to be honest although the line was long, it didn't take long as there are many tables and quite a big space inside. For extra quick and efficient service, we were asked what clay pot rice we wanted, and how many. It usually takes about 15 minutes to make each one from scratch, which to Hong Kong people us a long long time. So we decid

果晚去飲食得唔係好飽，飲完自己開車去大埔食牛腩麵，呢間鋪頭好出名，晚飯時段通常要排半個鐘先有位。佢哋晚飯嘅煲仔飯同腸粉都做得非常出色。肥腩撈麵，牛腩好諗，半肥瘦油味好香，牛腩好有牛肉味，面質爽口彈牙，係我食過排名好高嘅牛腩麵，仲要好夜先關門，夜麻麻搵嘢食真係一流。可惜今晚崩沙腩已經賣晒，否則的話一定會更加出色。

慕名而來...北菇滑雞飯，雞件非常滑，值得推介! 瑤柱腸粉，夠薄、夠滑，仲有唔少嘅瑤柱，都只係$24碟! 抵食!環境有點兒逼! 坐得唔太舒服! 但勝在食物味道好好! 

雖然夏天已經黎左好耐，但個人有時都會想食下煲仔飯。星期六個日宵夜時間，心血來潮想食煲仔飯，就去左陳漢記。名店果然係名店，宵夜時間黎都要等位，好彩好快就有位啦。叉燒腸腸粉皮好薄，好滑，入面包住好多叉燒粒，加埋甜豉油，正。（叉燒粒係全瘦叉，好健康，不過就無甘肥美）田雞滑雞煲仔飯不嬲好鍾意田雞既口感，難得有田雞。有加蔥薑調味，個飯仲特別香。飯粒粒分明，正。係d田雞同雞比較多骨，食得唔太方便排骨臘腸煲仔飯排骨同臘腸係煲仔飯必食既料，呢到好健康，臘腸係瘦肉，少左d油香。呢個飯真係啖啖肉食煲仔飯好熱，但餐廳d冷氣好足，所以大熱天食煲仔飯都可以好開心。

去左幾次陳漢記想食煲仔飯都因為要等太耐，放棄左。今日見夜夜地(十點九)，應該唔使等，都有兩個人排係前面。好彩等左十分鐘就入得。其實佢既粉麵同粥都好味，今日就食左煲仔飯同腸粉。煲仔飯飯香，米飯粒粒分明，又有少許飯焦於煲底，恰到好處。至於味道就視乎個人口味，選擇自己喜歡的配菜。叉燒腸皮薄餡靚，叉燒粒粒分明，瘦叉為主。因煲仔飯和腸粉都是即叫即整，等候需時，請保持耐性。

聽朋友同網上講，E間嘅腸粉皮薄餡靚，特登來試吓有幾滑有幾薄，叫咗個炸兩，牛肉腸粉，同少少其他嘢食，腸粉一上台就覺得唔掂，牛肉睇上去好奇怪，食落仲奇怪，因為食落去竟然冇牛肉味，而且唔覺得有餡料，總以為自己個嘴有問題，一啖食落去好似食齋腸，但難吃過齋腸，口感好差，因為食唔到牛肉，特登將啲腸粉皮打開，直接食牛肉，夠牛肉原來係用紅色麵粉做嘅，真係佩服得五體投地，學哂大陸啲衰嘢，唔怪得知食唔到牛肉味同口感，唔信大家可以叫泥試下！炸両比一般連鎖店做得更差，條油炸鬼好似放咗好耐，勁軟，一啲都唔脆，不過算啦，放勁多花生醬同甜醬，可以勉強食下

相約友人到大埔聚聚舊，大家都發現有一陣子沒有品嘗這些香港地道美食了，多數聚舊都只去下Cafe、西餐廳、韓燒或日本菜，忽然想念香港起熱騰騰充滿豉油香的煲仔飯就拉大隊去大埔出名煲仔飯大王 — 陳漢記陳漢記除了煲仔飯界響噹噹，它的玻璃腸粉都是馳名的必試項目。叉燒腸粉腸粉皮薄如玻璃，毫不吝嗇地放滿粒粒叉燒在整條腸粉中，一夾也十分結實，但食落腸粉不太熱，只是暖身而兒，更甚是腸粉不細滑，配上它自家秘製豉油，口感較粗糙油膩。儘管叉燒肥瘦均勻，但整體都令我失望眼見幾枱都點花蟹粥，我們也點來試試。熱騰騰的蟹粥十分暖胃，第一啖雖還吃不到它蟹粥的鮮甜，但吃得出它軟綿綿的質感和蔥花的香，再吃多兩三啖才吃得出蟹肉慘出的鮮味，雖蟹肉結實，但略嫌可以吃到蟹肉部位的份量較少。結論蟹味不太突出，要吃到後期才有較濃的蟹鮮香，整體只是普普通通而兒。😢😢可能本來期望太高，吃了前兩碟已經有點失望，再沒有期待最後上碟的臘味排骨煲仔飯，所以連相片都沒有拍。服務員將臘味排骨煲仔飯送上後，我們首先將煲仔飯豉油倒入煲仔飯中，再蓋上煲蓋讓它燜燜，令豉油和臘味香慘入飯中。等了三分鐘，一打開煲蓋時，一股濃郁的臘味油香撲鼻，再用湯匙伴勻，失望的

老公以前住大埔，所以佢帶我去食佢自細就鍾意嘅陳漢記耐唔耐記想食煲仔飯老公話呢間係等位店，果然⋯煲仔飯係晚市先有，阿姐叫我地行一陣先返去排隊，排果陣要決定食咩煲仔飯排到第一輪入去，其實除左保仔飯我地仲食左牛肉腸粉腸粉真心推介，皮超薄牛肉又滑又嫩好肚餓，腸粉一黎到就被秒殺另外老公自己啪左一碟魚皮，係就咁灼煮嘅魚皮，我好怕滑潺潺嘅口感所以唔食的但佢話好正主角黎喇老公話識食一定食倒左豉油入去要焗一焗先食yeah！鱔好正，加上排骨係煲仔飯必然之選兩個人分享一個真係唔夠呀

陳漢記晚市的煲仔飯享負盛名，午市同樣有腸粉作生招牌。之前來陳漢記吃叉燒腸粉，一試難忘，腸粉皮又薄又滑，餡料又多，於是再來回味，更是趁其11時一開門便入座，因為不消一會，店內已滿座，要排長龍才可品嚐美味。叉燒腸粉($19)保持一貫高水準，腸粉皮薄得透出裡面份量極多的叉燒粒。把半份腸粉放進口，腸粉皮幾乎是滑進口中，而且幼滑得幾近入口即溶。然後肥瘦均稱的叉燒粒便在口中迴盪，甜甜的，非常好吃。然後我們encore點了蝦米拼瑤柱腸粉(雙拼$27)，初時我以為雙拼是指一條蝦米腸配兩條瑤柱腸，直至上桌才知道是把兩種食材混合來做三條腸粉。一邊好奇蝦米會否蓋過瑤柱的味道，一邊急不及待的夾起來吃。蝦米的香氣最先散發出來，蝦米蒸得透，不會過硬，但仍有咬口。然後便吃到一絲絲的瑤柱，甜味慢慢滲出來。我很喜歡這個多蔥花的腸粉，不單沒有蓋過兩種主要餡料的味道，還增添香氣和口感。可能有人會覺得$27一碟腸粉有點貴，但試過之後，便會發覺絕對值得。

得知大埔呢間舖頭嘅煲仔飯好出名，所以專程去試。六點鐘去到，門口已經見到人龍（心諗唔係啩！六點喎，咁快要排隊），既然嚟到，都要排隊。排咗二十分鐘左右，侍應同我哋講最快要等到七點鐘左右才可入座；如果要食煲仔飯，入咗落單後都要等45分鐘！OMG.... 唔係瓜！都已經排咗咁耐, 唔通走咩，都要排㗎。等到七點終於可以入座。入座後第一時間落單（包括鳯爪排骨飯和北菇雞飯）結果等多45分鐘兩煲飯才到。見到兩煲飯，賣相好普通；而味道不是不好食，但係咁嘅質素，好多地方都食到。唔需要等兩個鐘囉。食完呢餐飯，覺得自己浪費咗好多時間。

半夜宵夜之選，因為半夜來才不用排隊！不過今次為左蟹粥，午市去左，好好彩排一陣就有枱！蟹粥~鮮甜無比，每次蟹都係鮮甜實肉，整隻蟹在裡面，米煲得已爆開，綿綿的粥加上葱花甜蟹，太好食了 腐乳通菜~通菜唔老，腐乳味濃！

食埋呢餐最後的宵夜真係要開始減肥了⋯話說友人自從搬到大埔，日日約我食宵夜，最近真係肥太多了，但聽次次聽到食陳漢記真係忍唔到口，鮮蝦腸粉，真係好滑，蝦有蝦味，超級好味～上次食唔到炸兩今次終於點到，但有少少失望，油炸鬼太軟身，好似放太耐，唔係咁新鮮既感覺～超彈牙花枝丸，鮮味十足，真係有花枝粒～爽口又彈牙～雖然$75 12粒對宵夜黎講有少少over...但真係勁正～好好味！宵夜都食咁好，點會唔肥呢⋯⋯