陳漢記 (已結業)

今日放假，又咁岩黎大埔墟買野，就同男友黎出名陳漢記食腸粉啦！真係滑到呢，食完一碟又想再食多碟丫！我最愛食炸兩，佢真係全大埔食過最好味既炸兩丫，好出色，又香脆，腸粉又夠滑！仲有我男友最愛既豬潤腸粉，佢話豬潤好爽口，腸粉勁滑食下午茶又多個地方啦!

陳漢記既玻璃腸粉同煲仔飯非常出名 唔少人專程去食 但係試過之後大失所望 覺得好難食 唔會再去假日中午時段去到 開鋪無耐已經大排長龍 等左半個鐘終於有位 繁忙時段要搭枱當然無可厚非 店內座位比較迫 店員都好忙碌咁快手落單上菜走黎走去餐牌有唔少粥麵同腸粉款式選擇 想試豬潤腸亦想試鮮蝦腸 但係打算再叫炸兩所以費事又叫多兩碟腸粉咁多 就要左碟鮮蝦豬潤雙拼腸同炸兩 煲仔飯晚上六點先開始供應 所以唯有叫粥 我本身自己鐘意食內臟豬心豬潤豬肚牛什果啲 見到從未見過既栢葉粥決定試試炸兩 ($17)最先上枱既係炸兩 切件後灑上芝麻 賣相頗為吸引 而店員另外再會提供辣醬豉油等自行按個人口味再加 由於坐既位置係廚房旁邊 見住炸兩即包即切 對佢既期望就更高 一上枱已經迫不及待立即開動 炸兩切成細件一口一件岩岩好 但係真係好難食 估唔到包住既油炸鬼竟然凍冰冰又乾又硬 食到一半已經唔想再食 要加好多辣醬勉強食落去 但最後都係食淨左兩三舊放棄左鮮蝦豬潤雙拼腸 ($27)可能因為人客太多供不應求 所以見到師傅係旁邊即場調製粉漿 將一大桶天拿水罐咁大既花生油倒入粘米粉 腸粉的確如傳聞中透薄如玻璃 輕輕透出鮮蝦同豬潤餡料

在大埔工作這麼久，還是需要去吃一下美食，陳漢記，上開飯都會知道，這一間的評價很好，而且很難有位=.="我也等了一陣子，因為都是LUNCH時間去。我覺得，要體會一下一間茶餐廳，還是魚蛋最厲害，所以決定食簡單得又不平凡的魚蛋河。一個午餐，只叫麵就平宜一點，飲品就要另外ORDER，另外加錢。等了一陣子，麵才到面前，應該是即叫即整。我立即咬了一口魚蛋！WOW~~好好味！好彈牙！口感似潮州魚蛋。令人想一咬再咬！正！ 飲一口湯，味有點濃，不算清哦~~不過不影響對這個麵的感覺。所以值得一試。這次我有口福，就是同事叫了腸粉！腸粉是陳漢記出名的美食，所以我有幸一試~~~好滑，布拉腸粉真的不錯。蝦米份量算剛剛好(當然我喜歡吃多蝦米)，這個好味！ 陳漢記是有名的大埔美食店，大家都可以來品嚐一下哦~~

我真係好鍾意食陳漢記！要未熱曬之前食多次！佢d腸粉永遠都係咁好味！ 第一次去，見到隔離台一人3碟腸粉！心諗...唔係呀！痴線嫁！原來真係好好味，但可惜嘅係都幾細碟...所以share 一定冇可能夠！另外我覺佢個粥真係好夠味，（不過有次中午食覺得冇咁入味同冇煲仔飯！） 夜晚食，唔知點解係好味d! 排隊時就可以叫定嘅煲仔飯！真係炭爐燒！香已經好少有我真係食得好滿足！不過覺得要企係到排隊真係好討厭....所以都唔係成日食😭

今晚同朋友一行四人黎呢度消夜,大约十一點,都仲有好多人喺門口等位(其實好野先排隊),我地等左四十五分鐘先入到,一坐低D樓面就問我地食乜(好似趕收工咁.有D“澳牛“嘅感覺),我點左兩個雜河.兩個雞粥,一隻糭,兩碟腸粉,同幾杯飲品! 等左7,8分鐘到D食物到左,其中有兩樣野錯左(D河粉就做左麵,叫左义燒腸就黎左魚片腸),之後我就叫左個樓面嘅同事黎問(之前落單果位),點知佢D態度差到呢…………仲話我地講錯左,叫我下次噏清楚D,之後仲一路行一路細細聲講話我地,真係想閙佢,呢餐食到成肚氣……不過佢D食物都算ok,但係短期內都未必會再黎!

星期日入到大埔當然要去永遠人來人往的陳漢記食個lunch喇。呢到總是每次到大埔的必吃！ 蝦腸即叫即做，足料又新鮮,腸粉皮又薄又滑。牛坑腩略嫌份量少了，但依舊入口即溶，再配上濃郁既腩汁湯底非常正！

陳漢記係大埔出名餐廳之一，今日黎到新界區甚能不到訪一試 下午入內餐廳人流也算多點了 瑤柱腸粉，魚片粥和炸醬麵瑤柱腸粉，腸粉好薄，真係同玻璃一樣般通透，瑤柱材料也挺多，但食落口感卻一般，粉漿有點稀，好難夾得起，食落無想像中的咬口 魚粥粥料多，但味道跟街上的分別卻差不多 炸醬麵卻是驚喜之一，炸醬好香，一端上枱已聞到其香味，配上洋蔥炒香，有冬菇蝦米等配米，認真足料，令炸醬香而少辣，惹味令人回味，清湯另上，配上葱花，令到湯亦有其清香，麵質因湯另上而保持應有硬度，炸醬麵係令人驚喜

上星期日相約朋友由大埔踏單車到大圍，出發前打算在群記清湯腩吃午餐，不料原來群記星期日關門，於是轉去陳漢記。眾所周知，陳漢記最有名的是煲仔飯。晚市才供應煲仔飯，那午市吃甚麼好呢？住在大埔的朋友推薦玻璃腸粉，說陳漢記的腸粉皮很薄很滑，如玻璃般可以清楚看見餡料。於是我們點叉燒腸粉和炸兩腸粉。叉燒腸粉果然名不虛傳，腸粉皮非常薄，同時非常嫩滑，是香港各大酒樓都不能比擬的水準。裡面的叉燒切成小粒，份量極多，整條腸粉由頭至尾都充滿叉燒餡料。把半份腸粉放進口，感到腸粉皮幾乎是入口即溶，然後滿滿的叉燒餡充滿口腔，肥瘦均稱，調味得宜。這絕對是我吃過最好吃的叉燒腸粉！是驚為天人的好吃！炸兩腸粉也不錯，很欣賞店家把炸兩腸剪成一小份一小份，灑上芝麻添加香味，腸粉皮亦是很薄很薄，可惜裡面的油炸鬼不夠脆。大家一定要來試試陳漢記的叉燒腸粉！！

朋友仔話腸粉好好好出名特登去拜訪下叫左蝦腸 的確幾好味牛肉腸 不過不失炸両 簡直失敗 油條吾脆 勁難食話晒都係腸粉出名 點解整落d炸両到就會咁難食最後仲有碗皮蛋瘦肉粥 唔係5好食 不過唔夠熱

有時經過，呢度有機會排隊，因為聽聞呢度d 煲仔飯好正，跟住就試下一次，除左等得耐，黎到之後，見度有隻碗係未洗乾淨有積，衛生環境差，見到地下有好多食物殘渣，員工態度差，落食物果陣好唔耐煩，但其實我地已經好快手，d 呀叔個樣好似欠佢錢不特至，個煲仔飯都等左勁耐！我心諗：係咪做生意嫁！煲仔飯黎左之後，d 雞係臭😓佢拎碟蝦米腸粉過黎果陣，佢隻手指係掂住條腸，員工衛生意識好差！😓😓其實佢個煲仔飯，我喺其他地方都食都覺得差不多，不外其是如果唔想有機會比生意佢做，但佢地比面色你睇，比錢買難受既話，就唔好去喇

昨晚專程到陳漢記食晚飯，係門囗足足排左個半鐘才可入座，其間不能走開，等到傻咗咁。排隊時已落单如果你要食煲仔飯，因為煲飯要等超過一小時，其他食品可以坐低叫。充满其待食此餐，終於坐低左，叫左魚腩粥、豬潤腸粉、雲吞麵，不到5分鐘粥、麵同腸粉到齊，立即開餐，點知腸粉同雲吞麵只不個是普通野，碗粥尚算0K，幾有鮮味！但主角排骨煲仔飯坐低左半小時後才到，終於仕應攞住一煲熱騰騰嘅煲仔飯放係我面前，太太同我充满著其待嘆此煲飯.....點知排骨無厘味道，d飯仲濕濕地，味道超普通.....估吾到等左超過2個鐘，食埋d超級普通到吾普通嘅野食........

幾年前聽過同事介紹大埔有名腸粉特色煲仔飯，到今時今日終有機會去試吓。九龍人長大嘅我 到達大埔墟站跟著地圖穿過公園好快就到達六點半到達市中心見朋友仲未到 於是到附近篤串魚蛋轉個彎 原來已經有長長的人龍排除中等到七點三 食煲仔飯嘅可以先落單我地點了 諗住同公司三文治一樣乜都有嘅公司煲仔飯 同埋 咸蛋肉餅煲仔飯職員會提提你 最快八點半先有得食個飯等到七點九 終於入得一行四人 馬上點了 三碗粥 炸兩 牛肉腸 叉燒腸 齋腸 炸雲吞 炸墨魚 白灼墨魚 鵝腸 艇仔粥 - 認真好味 口感綿綿的 食到底都唔會水炸兩 - 朋友話夜晚嘅炸兩唔新鮮無咁脆 又係喎齋腸 - 即叫即整 皮薄 滑溜 米香十足 只要配豉油 已經夠晒味 牛肉腸 - 碎牛夠滑 連即拉腸粉根本無得輸叉燒腸 - 直頭好食到想叫多碟炸雲吞 - 夠蝦肉 又彈牙 如果可以點茶樓嘅酸甜醬就perfect!!炸墨魚 - 普通白灼墨魚 白灼鵝腸 - 精髓喺辣椒豉油度 墨魚柔軟度剛剛好 配以醬汁一齊食 真係鮮到不得了最後 等到八點九 我地期待以久嘅煲仔飯終於出場一打開公司煲仔飯........ 原來唔係我地幻想嘅野但都好好味 臘腸潤腸臘肉嘅香味滲晒落煲飯

題為煲仔飯記（一），當然有一必有二；大寒已過，方遇寒流，才有{真。冬天}的感覺。本不為愛米飯之人，但在冬天獨愛煲仔飯。配料豐富不失為垂涎之故，但注意力總是在煲底的焦香飯焦。心中有幾家的煲仔飯要試，但碰巧週五晚上在九龍區出沒，就動車到新界的陳漢記去。大埔墟對我來說算是偏僻，一直幻想著這老字號或許是樸實的大牌檔式作業的小店。第一眼看到門面，注意力不其然的放在銅鑄的店名上。字體是現代化的工整，抹得光亮耀眼，和我想像中的「老字號」大相逕庭。把車泊了在運頭街，看見門面沒有人龍，以為走運了；誰知，店舖其實是在運頭街和運頭坊的交界，轉角處才是人龍所在。銅鑄字體好像是細明體，如果是標楷體會比較霸氣。這晚和友人談及 elevator speech的重要性，精髓莫過於要言簡意駭的在短時間內道出精要。向運頭街的「陳漢記粥麵專家」，向運頭坊的「四季煲仔飯粥麵腸粉」，把主打菜式精簡的羅列出來。雖以小店近來以煲仔飯聞名，店名維持「粥麵專家」四字，相信是王姓老闆對姑丈陳漢的尊敬。陳漢的粥麵店早在五十多年前在荃灣開業，王姓老闆這店最初只是分店，及後荃灣店關門，「陳漢記」就只剩下大埔墟一店了。在雜誌

前幾晚轉涼 當然係食煲仔飯啦！六點幾七點已經好多人排隊，煲仔飯即叫即整，等了一個鐘頭才有得食，難怪人龍久久都未動過... 但好處就是坐在位上的客人不會被催走，欣賞首先叫了腸粉充飢！名不虛傳呀，皮好薄，叉燒又入味，精髓在於豉油，好吃飯終於到了，一路睇住其他人吃都流哂口水淋過豉油後，再焗5分鐘就打開個蓋，好香好香～～豉油超級好味，滑雞比較多肉，這煲帶少少燒焦味，所以更出色排骨就較滋味，臘腸偏瘦，個人喜歡多油點的臘腸。材料同飯的比例控制得很不錯，還有飯焦！我認為比廟街更好食呀

突然凱彤話收工一齊去食宵夜，梗係娘飯應啦 ﹗開心死我咩 ﹗原本想去大鹿鳴居食架，但未夠兩點鐘關左門，唯有搭的士去陳漢記食囉。我已經爆醉，叫左一大堆食物呢，哈哈 ﹗今晚又撞到教頭老闆，您好嗎？Sorry 呀，我太醉又太開心，把口講唔停呢，都係食野穩陣喇。叉燒腸粉，您返左黎喇？仲咩唔通知我一聲呢？熱燙燙送到勁好味，叉燒非常香甜又足料，腸粉皮滑溜白裡透紅又唔會油淋淋，大埔 top 1 位置無人能及。齋腸粉，凱彤話只食齋腸，唔要有餡呢，無緊要，要幾多有幾多。就算係齋腸都同樣係即拉，非常熱辣辣、滑溜、米香濃厚，添上芝麻另佢更香口無咁單調。加埋混醬三寶，辣椒醬、甜醬、豉油，就更開胃啦。牛腸牛膀河走蔥，好正啊 ﹗香料及滷水已完全滲入牛腸牛膀之中，每一口都充滿濃郁香甜醬汁味道。牛腸牛膀同樣外彈內滑又有咬口，牛膀如海棉一樣索盡湯既精華令人食唔停口呢 ﹗牛腸牛膀河走蔥，極濃郁既腩汁湯底配上淡口既河粉非常之夾，一咸一淡剛剛好 ﹗棉滑河粉夾住湯汁再混上大量辣椒墜進口中，美味極了 ﹗最討厭硬屈屈既河粉。凱彤食唔晒碗魚蛋河，咁我食埋啲魚蛋去唔好浪費。魚蛋麻麻地，不鮮不彈不香不濃，黎陳漢記都係食牛最好啦。