影片
更多
2005-01-31
23 瀏覽
今日入開沙田決定黎試下呢間大排檔兩個人叫左一碗糯米飯，琵琶豆腐，醬燒大風鱔同沙嗲牛肉粉絲煲糯米飯($8)最先上但唔熱只係微暖幸好味道唔錯(差唔多檯檯都叫一碟呀，好似係$28)有幾多花生同蔥花舖面但略嫌油左d食完個碗全部都係油熱晒都未黎送琵琶豆腐好大碟有好多件(見相)外表脆入面軟滑食到有少少陳皮絲味道夠得黎唔太鹹加上熱辣辣好好味可惜係墊底既津白唔甜點左汁都無味鍾意豆腐既朋友一定覺得正醬燒大風鱔～朋友仔話根本係鰻魚黎汁都似係鰻魚汁魚炸得脆但魚肉仍然滑加埋d汁好食但略嫌入面唔入味不過又真係幾大碟雖然55蚊但都值既起碼係新鮮鱔片嘛唔係食廉價日本食肆o個d急凍貨好似我咁鍾意鰻魚或者鱔既人一定要食沙嗲牛肉粉絲煲相對地普通ｄ牛肉明顯用梳打粉醃過加上比較上細份過其餘兩味幸好味道夠得黎唔會太濃粉絲吸左汁之後好好食可以啦但我下次會選擇試其他囉註：（１）因為年近歲晚，佢都有自家出品既糕餅包括蘿蔔糕，芋頭糕，馬蹄糕同年糕佢檯檯都拎左少少俾人試黎預訂試左少少蘿蔔糕同芋頭糕可能佢煎得個皮脆脆地兩樣都幾好食但相對地芋頭糕較出息本來想訂架但因為平時好少入黎沙田唔想又要專登入黎拎咋（２）有心黎食飯既人真係要早ｄ未到七點
決定黎試下呢間大排檔
兩個人叫左一碗糯米飯，琵琶豆腐，醬燒大風鱔同沙嗲牛肉粉絲煲
糯米飯($8)最先上
但唔熱只係微暖
幸好味道唔錯(差唔多檯檯都叫一碟呀，好似係$28)
有幾多花生同蔥花舖面
但略嫌油左d
食完個碗全部都係油
熱晒都未黎送
琵琶豆腐好大碟有好多件(見相)
外表脆入面軟滑
食到有少少陳皮絲
味道夠得黎唔太鹹
加上熱辣辣好好味
可惜係墊底既津白唔甜
點左汁都無味
鍾意豆腐既朋友一定覺得正
醬燒大風鱔～朋友仔話根本係鰻魚黎
汁都似係鰻魚汁
魚炸得脆但魚肉仍然滑
加埋d汁好食
但略嫌入面唔入味
不過又真係幾大碟
雖然55蚊但都值既
起碼係新鮮鱔片嘛
唔係食廉價日本食肆o個d急凍貨
好似我咁鍾意鰻魚或者鱔既人一定要食
沙嗲牛肉粉絲煲相對地普通ｄ
牛肉明顯用梳打粉醃過
加上比較上細份過其餘兩味
幸好味道夠得黎唔會太濃
粉絲吸左汁之後好好食
可以啦
但我下次會選擇試其他囉
註：
（１）因為年近歲晚，佢都有自家出品既糕餅
包括蘿蔔糕，芋頭糕，馬蹄糕同年糕
佢檯檯都拎左少少俾人試黎預訂
試左少少蘿蔔糕同芋頭糕
可能佢煎得個皮脆脆地
兩樣都幾好食
但相對地芋頭糕較出息
本來想訂架
但因為平時好少入黎沙田
唔想又要專登入黎拎咋
（２）有心黎食飯既人真係要早ｄ
未到七點已經坐無虛席
反而隔離o個d有大把位
d送未到都令我相信我無揀錯
不過因為人多
d送真係出得慢左d
張貼
