陳根記 (已搬遷) 新店位置

來過三兩次，這次是中大同學的推薦下重臨，這味是乾硬這味是沙這味是合格的！這味是老和淡和水汪汪其實這地方很旺，侍應很忙，幫不了忙！說得簡短，因為不想回味。想找個再來的原因，but it simply does not exist。對不起我同行的友人，寧可樓上商場美心快餐。

友人請食晚飯 佢提議入禾輋搵食 順道行下JUSO五條友仔原意為好彩 好快搵到位 可惜坐低左10分鐘都無人手拾檯檯拾好後又無人落單 落單後半小時只來了三味豉油王乳鴨兩隻~$38隻 幾入味但無乜肉食 楊州炒飯,炒牛河~$32 好油 但夠鑊氣兼惹味 一窩雞粥$48 多雞肉粥底普通其他點了既~椒鹽鮮尤 枇杷豆腐 京都肉排 全無影 難得叫到伙計追單 回覆唔係"好快到 / 幫你跟" 而係晦氣{你知啦假期客多} 轉頭就行開 {我地知啦即刻買單}去附近食店再食過 生意好 客多唔一定係好 始終廚房,樓面唔夠人手 做唔切 招待唔好 食物點好 D客都唔願再去

噚晚同嗰Friend食晚飯，佢提議响度食，又話出名又好食，食完後覺得麻麻地啫。 兩條友都算大食，嗌咗4樣嘢食。1)羊腩煲-味道普通，唔覺香濃，記憶中深水埗增輝就精采百倍。2)豉油王炒麵-又係唔得，無香味，麵餅又無用幼身嘅，錯晒。3)椒X(唔記得點寫)沙蜢-唔新鮮，無乜肉食到。4)大腸墨魚-成晚最失敗呢碟，啲大腸居然係甜味，用嚟煲糖水咁，食咗4份一碟停晒。 除咗價錢抵之外，連埋酒水埋單只係240。相信無下次。我諗佢多人原因係抵食嘅啫。

某星期四晚上7:30 , 偉記只有五六檯客 , 如此情景巳經反映出品如何 , 天氣巳經秋涼了 , 梗係去番陳根記穩陣我們叫左出名既乳鴿 , 朋友話不單好味 , 而目大隻 , 薑蔥炒蟹夠味有鑊氣 , 椒鹽九肚魚香口送飯幾好 , 不過好多骨呀 ,我食左一舊巳經停口 , 因為太驚西蘭花炒帶子就覺得菜硬了一些 , 另有一樣野今次幾滿意 , 致電查詢時我曾經提過會帶埋 BB 過黎 , 我現身時巳經見到佢地自動自覺準備左細路椅 , 都幾細心 , 所以我地今次各方面都幾滿意 , 只係仍然覺得環境太嘈

話說香港現存嘅冬菇亭已經買少見少，唯獨沙田區盛產「冬菇」。傳說沙角邨、禾輋邨有好幾檔冬菇亭都有唔錯口碑，上周六晚去到禾輋一檔獨大嘅陳根記，見到大排延席上百檯的超現實場面，環境光猛、清潔又熱鬧，好不期待。極少幫襯呢類大牌檔，對「自己見有位就坐」的等位形式唔多習慣，不過就算叫阿姐都唔會理你，呢種正正係本土特色嘅一面。稍為等候終於有檯可搭，一行二人點了蒜蓉中蝦、豉椒炒蜆、豉油皇吊桶、炒飯和啤酒，可惜除咗楊州炒飯合格外，全部小菜都勁失望。蒜蓉中蝦用的蝦肉是「梅」的，完全無諗過客流量咁多嘅食肆，周末所用嘅蝦都會唔新鮮。蒜蓉睇落好多，但蝦肉完全唔入味，劣；炒蜆相對好少少但都係唔得，無鑊氣兼又係唔夠入味。可能唔合時，蜆肉特細無肉食。奇就奇在見其他客人點油鹽水煮蜆用的是大大隻花甲，「蜆」肉飽滿，唉。唯一要讚嘅係好彩無食到成口沙，雖則呢點其實係最低要求，但呢點又真係唔係大部份食肆炒蜆俾到你嘅。豉油皇吊桶苦等足半小時才到，跟想像中的成品完全兩個樣，吊桶原來唔係用炒的而是白灼的，灼完加點豉油「染色」再配芽菜和蔥而已。尾指般大小可愛size的吊桶明明已被豉油「染色」，吃下卻仍是淡而無味得很。雖則賣相是很好無錯

天氣開始轉涼, 又可以攻入大排檔, 禾輋邨大排檔雖然無沙田同火炭果邊咁出名, 但最利害o既係, 唔夠7點就己經坐無虛蓆, 實力都應該有保証1) 乳鴿 - 好耐無食過乳鴿, 難得食到 d 皮脆肉嫩兼肉汁豐富o既鴿, 每人半隻實在太唔夠喉, 不過少食多滋味, 留番d quota 試第二樣小菜2) 椒鹽九肚魚 - 炸漿炸得好薄好貼, 魚都ok肥美, 上枱熱辣辣, 非常香脆可口, 送酒一流3) 豉汁蒸大鱔 - 一睇賣相就好唔吸引, 第一佢唔係大鱔兼唔肥美, 第二係唔入味, 收 $62 實在唔值…4) 冬蔭公浸蜆 - 清酒煮蜆就食得多, 冬蔭公湯底就真係第一次食, 非常期待, 上枱第一時間試下個湯, 真的淡了一點, 蜆也沒有驚喜, 細隻兼不太入味, 反而最底浸住o既粉絲就非常出色, 不但吸收晒冬蔭公味道, 而且無發脹難食o既感覺, 粉絲過後再試多幾啖湯, 先發覺個湯飲一,兩啖只會覺得淡口, 但當飲多幾啖o既時候, 唔知點解就會越飲越覺得好味兼停唔到口… 要講呢個湯o既缺點, 就係蜆有沙, 湯好多蜆殼碎, 飲得有d唔暢快, 但整體嚟講, 好值得一試 !5) 1L蘋果汁 下次想試其他小菜, 實在有太

又再一次寫陳根記的食評啊 因為好食食完又食。豉油皇中蝦 68蚊?但隻隻都好大隻 啖啖肉冬陰功蜆 個姐問你d蜆轉唔轉大隻果種 價錢都一樣姐咁就試下啦 估佢唔到真係好大隻囉 o咀 份量都唔少下啊 好肥美 好滿足但老公話個湯今次好似有d遜色啊蝦醬通菜炒新魷 d新魷好吃好厚身避風塘炒蟹(因為飽得滯試唔出好唔好味 因為外賣走了)但之前都食過yummy的

今晚一行5人去食晚餐叫左馬拉盞通菜 - 油左d., 同埋唔夠辣乳鴿 - 好味墨魚餅 - 原先想叫蝦餅既, 但無晒, 不過都可以值得一試紅燒豆腐 - 豆腐...無咩特別豉汁蒸鱔 - 好味全部都幾好味...不過可能太多人, 侍應態度真係麻麻地...

行完沙田......黎到朋友極力推薦既陳根記.......一坐低即叫野飲...因為又熱又渴......哈哈.....$11 有3罐都好抵飲.......之後叫o左豉椒炒聖子.....西檸雞.....椒鹽鮮魷.....金銀蛋莧菜...魚香茄子煲.....豉椒炒聖子...聖子無沙已經加分......仲要份量唔少.....唔錯.....西檸雞...呢個炸到太乾....同埋無咩西檸汁.....比較失色......椒鹽鮮魷....炸粉唔會太厚...而且魷魚好厚肉.......正!!!金銀蛋莧菜..呢個好普通......魚香茄子煲....好送飯......同埋夠多肉碎.....=)如果天氣無咁熱..一定會再黎過......

雷暴的晚上, 去了陳根記.7點來到, 唔多人, 坐了在電視側.叫了幾味小炒, 招牌海蜇雞, 及"老波"最愛的炸大腸.嘩, 一上, 得好少海折wor90%都係雞, 海蜇得少少, 唔好咁喇~雞都ok好食, 唔鞋, 點少少汁, ok 喇.炸大腸係切了一半的款式, 不是一個disc 的; 也不太油, 但唔脆皮, 淋淋的, 硬係差d.其他小菜ok. 服務呢...食到一半下大雨, 阿姐都唔醒水, d 雨, 葉, 吹晒入o黎, 仲要叫先好唔願咁, 落塊透明膠片,又慢吞吞, 我們的送加了雨水及樹葉...4人食了二百幾, 也ok 吧.

與家人來禾輋,本來係想去"樂園大排檔"的,點知,見唔到佢哋個糖水煲,以往是任食糖水架,所以,好現實的去了隔離呢間"陳根記",呢間食肆,我兩年前來過一次而已,今次只是第二次來.我們叫了....檀香雞半隻 ($29)--->>即係梅菜雞,不過....味道都幾好的.芝士豬扒 ($48)--->>個汁唔得,唔似芝士汁,似白汁+用好多生粉打獻似的, 但..豬扒都仲食得吓的.醉翁烏頭(凍食) ($40)--->>>好香花雕酒味,幾好食~孜然棒棒骨 ($48+散叫多兩枝$18) --->>用來送酒一流,不過,要加多些孜然粉仲香.蟹肉扒什菇 ($55) ---->>個人口味,覺得唔好食~冇蔭功牛栢葉 (大約$45)---->>即係冬蔭功牛栢葉,個汁似用冬蔭功的包裝 醬料開出來,再加少少香料及辣椒上去裝飾的,

必食推介: 冬陰公沙蜆 (依個真係好正, 個湯好夠味, 夠辣但唔嗆喉, 湯底仲有粉絲, 正) 其他都係比較普通嘅小菜, 可以不提 泊車都叫方便, 不過可能要早d去 ... demand n supply problem

因為覺得偉記差左 , 所以寧願唔嘆冷氣改食陳根記 , 今次坐係外圍的位置 , 所以唔算好嘈 , 媽咪話乳鴿比之前好食左 , 時菜炒什會的西生菜佢話好靚 , 今次上菜速度快左好多, 惟一不滿就係叫親白飯伙記都無左件事 , 起碼要叫兩次先至出現整體上今餐全家都好滿意

honey和我在下雨的晚上, 到陳根記用膳。豉椒炒蜆: 鑊氣十足, 好香口! 愈食愈想食。椒鹽瀨尿蝦: 剛剛好, 不太油膩。蝦醬炒通菜: 好大碟, 抵食呀! 菜夠新鮮呢!

周六晚上終於都去報左六月去韓國的機票package，肯定有得出發，了左一件心事先，唔洗心掛掛﹗夜晚同食家到禾輋吉之島行下，打個轉就再去陳根記吃飯﹗九點半時份，全場爆滿，好不客易找到個靠邊的二人座位。這兒最抵當然是啤酒，$32有半打嘉士伯，真係平到唔知邊到搵，唔洗諗咁多就叫半打，飲唔哂最多拎走，再整多支健力士來兩溝，豪一豪佢﹗不得不說啤酒在兩溝後個口味真係最健怡，味夠泡滑，飲落更順喉，我恨我都係呢大半年先係咁飲，枉費了這麼多年的酒齡﹗先要一讚今日上菜速度超快，落單後不到十分鐘野食已到齊﹗海蜇手撕雞是每次來陳根記必點的食物，要了半隻，兩個人吃份量都幾多，雞肉撕成一條條，撈上麻油、火腿絲及少少酸既醋同吃，開胃惹味﹔海蜇爽口，入口卜卜脆，蘸少少佢提供有酸甜味既香蔥醋汁來吃，醒胃﹗辣酒海螺，夠大隻，加加埋埋都有成廿隻，辣汁帶少少藥材花椒八角香，有火爐全程滾住，個汁愈煮愈辣，螺肉實淨新鮮，肉質彈牙有嚼勁，這一味餸吃得很過癮，送啤酒不錯呢﹗最後一碟要了香煎腐皮卷，一客三條再一開四五，兩個人食真係夠哂皮，腐皮煎得未算脆口，可以炸得更透，不過要讚佢個腐皮好重豆味，入面蔬菜如蘿蔔絲、雲耳等都新鮮爽脆，清清