陳根記 (已搬遷) 新店位置

舊式大排檔買少見少，難得這位置於屋邨中的大排檔那麼有規模，人來人往 用餐完和剛到達的交接非常熱鬧。 我們也是剛到步就有吉台，坐下侍應跟本沒空招呼，環看四周伙記少得可憐，等呀等可以落餐但侍應有點火大- -因為同時幾台一起落單，結果帶點混亂下終於成了，沒辦法真的太多人太大地方，就連賣啤酒的小姐也忙個不停。一碟碟送接著上台，是夜有:清湯牛腩價錢不便宜，上台時滾熱辣，牛腩香濃硬中帶軟 而蘿蔔也很入味當然芋絲也是 只是價錢與份量不太成正比棷盬賴尿蝦份量不少味道很惹味 而蝦肉都鮮甜 但大細小關係肉也少得可憐鹵水鵝鵝肉肥中帶瘦而且嫩滑 鹵得也算入味，不錯不錯孜然棒棒骨每台必叫的，上台賣相普通 但入口那肉香骨香再帶點辣香 非常過癮 全晚最精彩之選豉椒少蜆份量不少，但味道帶淡 而且最大問題是不停吃到有沙，基本上有沙 就算好味也沒意思椒絲腐乳通菜 吃下去獲氣很夠，但也是帶點淡 但總算可接受香煎蠔餅 咬一口驚喜但也懷疑基本上香煎很難做到這樣脆身效果，粉漿少香脆可口 另一加分作椒盬九肚魚又一失望作，上台是香熱但吃下口不停有點小部位要吐出來 帶點硬和刺口 吞嚥不下如果要食氣氛這兒不2之選，可感受到昔日大排檔氣氛

個日同個f系沙田買d野，點知一買就去咗成日，九點幾先搞掂，晚飯都未食！好在沙田城市廣場有限時免費wifi用，果斷上開飯喇查下附近有乜好野介紹喇，陳根記都系高居榜首咯，咁哥就同個f即刻飛的去目的地。司機好好人，車到我地到好近陳根記就放低我地，20蚊無跳表，業界良心！系車上面聽司機大哥話個度最好食系蠔仔烙，九肚魚，小炒等等，我就照足司機既推介點送，兩個人一男一女，居然點咗五樣野，嚇鬼死哥囖！按上菜順序講系d菜色吧。首先，蠔仔烙，我想講既系好鬼死好食，擔擔都系蠔仔！而且一份蠔仔烙居然有兩底，真系好足量咯！然後就系椒鹽九肚魚，皮脆肉軟！跟住就系孜然牛仔骨，d肉好多汁，正！接住上就系炒蚬，食極都仲有，好夠鍋氣！最後就系星洲炒米，系呢個時候，哥已經戰敗鳥！食唔落啦。。。最後打包翻去繼續食。。。

上次試過七點幾去到冇位, 今次撞啱又係假期前夕, 於是早d去搵位, 大約六點四十分左右去到, 大把大枱, 但細枱都坐左一半, 好多都係1個人先嚟搵位, 之後七點開始多人, 好彩我早到, 可以搵d邊位, 空氣好d又冇咁嘈.......... 得2條友, 叫2個餸加只乳鴿就夠哂數, 由於開始多人, d伙計都唔得閒理我地, 等咗好耐先有人見到我地lor~~ 乳鴿今次夠瘦, 一d多餘肥膏都冇, 個皮好脆, d肉仍然好嫩, 正~ 上湯浸勝瓜魚肚雞什上次試過一次都唔錯, 而且好多我至愛的雞心, 但今次竟然得1粒, 其餘大部份都係雞潤lor~~~ 今次d勝瓜熟得唔夠耐, 一係就個瓜太老, 因為中間個芯d核好硬......... 砵仔焗魚腸是晚特價小菜, 個面焗得好脆好正, 中間d蛋都唔會太老, 但好多時都有d苦味, 唔知係咪d魚腸呢?由於同個朋友好耐冇見, 一路吹水一路食, 唔記得影低相, 搞到碟乳鴿得返一半.............

有一年多不在香港,在外地生活,真的好掛住香港的美食,特別是大排檔的風味.就算到當地的唐人街,他們的中菜,餐廳的格局,總和香港有一段距離. 況且,外國沒有香港式的大排檔.在澳洲的中期,我和一位香港朋友談天,講講下,講到好掛住香港的美食,特別是港式小菜,大排檔之類,朋友住沙田區,也說當我們回到香港,我們要一起去沙田陳根記. 她說過這句,我好好記住.回港的第二天,我便和這位好友一起來到陳根記,一起完成我們在澳洲小鎮裏的其中一個承諾.問心,今天來到大排檔真的有很多小菜想吃,可惜我們只有三人,三位也是女士來的,我們三個也不能吃得太多,但愛喝啤酒多多,所以只order幾碟最想吃的小菜吧!我們先ORDER一碟啤酒的其中一位拍檔-炸大腸.本人比較喜歡肥肥地的大腸. 可惜,這碟炸大腸,是瘦腸,加上炸起來不夠香脆,所以一點口感也沒有. 唉......今晚不能和啤酒成為最佳拍檔.接下來,便是和白飯其中一位拍檔之一-咕嚕肉. 當亞姐送上這碟咕嚕肉時,我真的有點失望,為何醬汁那麼少,我愛醬汁+咕嚕肉+白飯一起吃,加上咕嚕肉的外殼比較硬. 這晚,這一碟是唯一不能清碟的.雖然剛才的咕嚕肉不能配合白飯.但以下這一碟總

睇戲前有時間, 選擇來陳根記. 第一次平日食.1/ 清湯牛腩 - 是日特價小菜. 牛腩脂肪跟肉相間. (女仕可能會覺得偏肥). 入口不覺鞋口. 有水準 附有三件芉絲同蘿白墊底. 2/ 冬陰功浸沙蚌 - 好味!!! 其實是見到好多枱客都有叫. 所以都試了一客. 湯底不難入口微辣, 浸有粉絲, 沙蚌好多肉, 份量都唔少, 約20隻. 但是有幾隻未熟3/ 煎蠔餅 - 比想像中大份1 倍 (跟廟街的相比) 蛋的比例佔多, 粉的比例少, 所以入口不會成口漿, 整體好味, 但是底部就有較多油.

專程去試食手撕雞是晚有:醉雞鹵水拼盤Wasabi海蜇手撕雞兩種雞各有風味都好夠味. 好好食. 送飯好好食. Wasabi 雞好特別 都唔難入口, 唔會好勁Wasabi味味道意想不到咁夾.真係要試. 環境好嘈, 講野聽唔到. 而且超多人.

自從有次踩完單車有朋友帶我黎食,就鍾意左呢種大牌檔風格仲了反起細個回憶..不平的石屎地下,木枱膠椅膠枱布,嘈雜環境,廚房炒送聲真係大牌檔先有..於是我帶男朋友去食..記得條路係沙田街市條天橋行到尾...好遠呀!!平日冇咁多人,好快有空枱..兩個人咩都想食,嗌左三送一飯個福建(?)炒飯好多料呀,唔多味精!食完飯,當然食唔晒,要pack兩盒番屋企超級飽!行番條路出火車站岩岩好消化少少!下次再黎!

男朋友話好多朋友都讚沙田陳根記好食, 所以尋日就同佢去試下。我地叫左左"椒鹽瀨尿蝦"、"Washibi手撕雞"、"金銀蛋莧菜"同"油鹽水蜆""椒鹽瀨尿蝦"其實我覺得幾好食, 不過d乾蒜烤得唔夠香。雖然瀨尿蝦細細隻, 不過都好多膏多肉。"Washibi手撕雞"男朋友見到好多食, 所以都叫黎試下。點知原來唔好食, 撈得唔好係其次, 係完全好差。"金銀蛋莧菜"呢個係最正常既一說菜..."油鹽水蜆"本身覺得幾好食, 點知食食下覺得好似有d不明物體既膏係個口到。男朋友話用刀介開等好似開晒口咁, 所以d肉兩邊"痴"。不過都算洗得乾淨, 冇乜沙。btw, 男朋友邊食邊話唔再黎下次, 雖然大大碟都算抵食, 不過真係冇下次。我中意食大排檔, 呢間雖然多人食, 但我的確覺得非常"一般"!!!

每隔一段時間，總會忽然「抽起條筋」，相約三五知己到大排檔聚一聚、啤一啤，輕松自在地品嚐新鮮熱辣的「好鑊氣」小炒。如果要篇寫一份香港集體回憶目錄，我相信大排檔必定穩佔一席，因為它不僅代表香港的市井風味，更是一份港式情懷。這次又再與一眾好友來到沙田陳根記。從九龍特意去沙田，再由地鐵站步行十多分鐘，這間位於屋邨中的大排檔似乎有一種魅力，能令我們不惜遠道而至。假日，大排檔人山人海，等了接近四十分鐘，才順利坐下。Wasabi海蜇手撕雞：每次到陳根記的必然之選，當晚幾乎見到每檯都有一碟，大件夾抵食之餘，亦很惹味，Wasabi味不算太強烈，但剛好令整道菜的味道更清新爽口。鹵水拼盤：汁底香濃，但最重要是食材本身夠味，亦沒有一般鹵水拼盤的苦澀，易入口的頭盤，是啤酒的最佳拍牌。酒釀豬手：酒味略賺清淡，不過爽口彈牙。椒鹽九肚魚：用皮薄餡靚去形容這味椒鹽九肚魚會否有點怪？但薄薄的一層粉包著鮮甜嫩滑的魚肉，香脆可口，椒鹽更惹味，只想給它一個讚。酥炸大腸：即使肥膩，也會令人忍不住口的邪惡小食，不過今次的大腸炸得不夠脆，有點失色。椒鹽牛柳：到大排檔食飯，點怎能少了「椒鹽」？雖然我愛椒鹽也愛牛柳，但不得不承認兩者味道

我最鍾意食大排檔,因為最鍾意D風味，但係食咗好多年嘅沙田禾輋陳根記, 唔知係咪轉咗廚師, 近日真係嚇咗一跳!其實幾個月前我曾經在陳根記食手撕雞, 返屋企即晚已經疴咗幾次......我估係因為當時係夏天, 食物易變壞諗住今次俾多次機會陳根記......左邊是"孜然骨", 我食不到"孜然"味, 只食到是煎豬扒切去塊肉, 剩下條骨炒幾炒就上碟囉 ! 呢味餸真係好求其!乳鴿無肉汁無鴿味, 失敗。豉油王炒麪的麪不夠彈牙, 南乳雜菜煲D味好怪!結論: 不可一, 不可再!

第一次食, 原來要自己等位. 好好彩, 有三位大叔見到我地等位, 好快就讓畀我地坐. 原本是被火鍋吸引, 但是發現每枱枱上的小菜重吸引, 最後決定叫餸食. 1 - 醉拳= 酒釀豬手, 好脆口, 酒味滲入骨手, 值得再試. 2 - Wasabi 蟹籽海蜇手撕雞= Wasabi+蟹籽+雞肉的味出奇地夾. 3 - 孜然棒棒骨= 乾身, 偏辣, 送飯一流4 - 椒鹽九肚魚= 好味, 無油溢味, 最後因為怕熱氣最後無食曬. 整體食物都好味, 跟價錢相符, 只是出菜時間有點長. 下次一定會再來!

現在已經很難找到大排檔這些地方，價錢大眾化、食物夠火候，讚！雖然坐的地方不能談得上舒適，但難得有如此風味小廚，真的值得一試。蠔餅，蠔嘅大小和份量適中，香口鬆脆，值得一讚。鼔椒炒蜆，火候十足，非常惹味，帶有微辣，最重要係無沙，讚！火腩煲一樣火候十足，煲內的火腩、豆腐和冬菇非常入味，菜和炸魚皮沒太大驚喜，但味道一樣合格。

終於都可以meet下喇，可惜有個FD臨時要幫家人湊女，所以來唔到，始終都係欠一個。呢期難得平時放開夜的老友有得放早Ｄ，唔使等到９點半先食，我地本想打邊邊嘅，又唔想又去九龍果頭，又想搵間有得比FD食得煙嘅，所以揀咗呢間＜陳根記＞。我地８點４去到攞位，問阿姐有冇得打邊爐啦，點知佢竟然答我地：「而家冇得打喎，呢個天氣打乜野邊爐，羊腩煲就有！」吓？冇邊爐打反而有羊腩煲？究竟係乜野理論呢？不過都唔緊要喇，因為一心打邊邊只想坐耐Ｄ傾多Ｄ，而家唔係酒樓食唔怕會趕客，叫菜食都得啦。我地３人先入坐，叫咗２枝啤酒同炸大腸邊食邊等埋２個FD，９點２已經人齊再叫野食慢慢嗲喇，如果唔係有個FD來唔到，相信我地可以坐得傾得更耐，２２４５就埋單慢慢遊去車站歸家lu，呢晚我就覺得幾開心喇~~~　　呢晚一行５人叫咗以下菜色：①﹣酥炸大腸 ($55)②﹣海蜇手撕雞-半隻 ($96)③﹣油鹽水泥鯭 ($54)④﹣南乳粉絲雜菜煲 ($48)⑤﹣一條骨 ($48)⑥﹣冬陰功浸花甲 ($55)⑦﹣嘉士伯大樽啤酒 ($15x4)= $416① 酥炸大腸：炸大腸外脆肉軟，有菠蘿墊底，可惜菠蘿冇味，很淡口。② 海蜇手撕雞：手撕雞肉好滑

剛剛搬到沙田，人生路不熟，今日仲氣溫下夅，温度得十六度，老公最鐘意打边爐，上開飯網睇吓有咩好介紹，開飯熱點嘅陳根記，我倆拍拖去試吓。由沙田中心行十分鐘咗右就到。嘩！八點半！真係估唔到，人山人海，仲見到有班學生開生日party，伙記一見到有人吹生日蛋糕，仲立刻制做氣氛，開着閃下閃下嘅燈飾，真有氣氛。，我都想有一個咁有氣氛嘅生日party。肚餓點嘢食，老公一定要叫烤魚，我睇到依到盆烤魚，我真係睇唔上眼，不過老公想試，無計，食落真有驚喜，條魚煎過，個盆有入哂味嘅支竹，金茹，豆腐等配菜，同我之前食過嗰啲，味道唔同，真係估佢唔到，味道真好，唔夠食，仲可加湯打边爐，我倆加咗一碟肉丸拼片片魚？？？嘩！片片魚。。。唔知咩魚，好滑呀！放下湯二十秒多，滑到好似食腸粉咁，啲肉丸食到用心制造，有囗感，有肉味，老公有飯引，仲叫咗二碗飯，啲汁加白飯，我都引唔住食咗成碗正呀！飽飽，仲飲咗二支支裝仙地，抵呀！埋單唔使二百蚊。下次老闆得閒，一定要問下究竟片片魚係咩魚？依到仲有好多小菜，仲開到零晨一時，我揾到我嘅飯堂，唔怕無飯開yeah！！！

細個個時係禾輋邨住左十幾年, 已經成日食陳根記, 今日去開沙田, 梗係又可以黎回味一下啦~~~我地叫左例牌試下, 都唔算細碟, 雞好滑, 淡淡的Wasabi味襯托出雞既鮮味芥蘭都幾清甜, 加上惹味馬拉盞......正呀酸酸甜甜, 好似上海菜色中既松子桂花魚咁, 但食完個碟都幾多油胡椒味唔太濃, 已經炸到連殼都食得, 如果可以將一半份量既胡椒磨碎先炒會更入味