陳根記

營業中

休息中

陳根記搬家之前，有幸曾經去過沙田禾輋那邊吃過一次，覺得味道不過不失今晚第一次黎新舖，一黎到就已經勁多人o係門口等...最激氣既係黎到先知原來可以透過THE GULU攞飛..如果早知就唔洗黎到先慢慢排啦..雖然佢門口有寫住每檯限時食1.5小時，但我o地都等o左45分鐘，等到望穿秋水之後先終於可以入座啦...Wasabi手撕雞..以前舊店食過，好「攻」鼻..反而新店Wasabi味無咁重，較易入口，我覺得比較適合香港人口味，撈埋海哲一齊食好爽口川芎白芷魚雲...食面頭果舊時覺得唔多入味，但點埋下面D汁，就覺得好入味，藥材味好重椒鹽豆腐....不過不失，外脆內軟既都椒絲腐乳炒通菜...呢個反而有驚喜，夠椒絲腐乳味得黎又唔會太咸豉椒炒蜆..全晚最令人失望既餸，好淡無咩味咁椒鹽白飯魚...炸得香脆，令人不知不覺食完一條又一條沙嗲牛肉粉絲煲...好惹味，但勁細煲，而且叫既時候無留意佢係牛肉而唔係肥牛，雖然都好味，但始終都係覺得佢應該配肥牛...滷水拼盆...好味之選，入面有豆腐，鵝肉，魷魚，紅腸，豬腸，豬耳，牛展同蛋，好多款好豐富同好大碟其實都ok既呢餐晚餐，但佢搬家之後黎到石門，對9龍區既居民黎說

陳根記搬左之後第一次食，晚上10點後有特價小菜，都係五十幾蚊碟當然招牌菜係冇得特價既🤣晚上十一點幾去到已經冇咩人，但門口有得泊車好方便裹面既裝修佢係想模仿返以既陳根記，只係細間左好多！但有左冷氣😆叫餸依家都係自己寫，但依家電腦化就寫號碼就得😂😂食物方面，我地叫左金牌手撕雞例牌，例牌都好大碟，但本人覺得wasabi手撕雞惹味d叫左豉椒鵝腸，但佢黎左豉油皇鵝腸，不過都夜都照食，但鵝腸裹面d肥膏佢冇整走，太肥了仲有叫左個椒鹽鮮魷，但佢又黎錯左椒鹽九肚魚😑，但我真係吾中意食魚，所以都叫佢整過。個鮮魷炸粉都厚，椒鹽係普通淮鹽，一般般以前陳根記間糖水鋪都一齊搬左過黎，買左個一口芒果，外脆內凍，呢個就好好味👍🏻👍🏻整體水準好似退步左，但十點後小菜特價係抵食既，同埋冇左樽裝汽水，個叔叔話因爲地方細左，冇位擺樽，所以得返罐裝

今日阿媽唔得閒煮，一家大細出去食飯，老豆話不如陳根記，搬左之後未去過，一於就試下啦，我地6：20黎到，開頭都有唔少吉檯，但好快就爆棚，檯與檯之間既空間比以前窄好多，坐住係背脊靠背脊，但環境俾以前光猛左，冷氣開大左，每檯90分鐘時間，一叫啲野食好快就上，務求快來快去。手撕雞半隻呢個最快上，黎到有個酸酸地既汁俾你撈，有海蜇青瓜絲，細路仔鐘意食。豉椒炒蜆色水係夠，開頭見食評好多人都話有沙，我地好好彩，冇沙😁金銀蛋莧菜咸蛋鋪滿面，唔使錢😂😂椒鹽九肚魚都可以既，正常囉。楊州炒飯普通野，冇乜特別砵仔焗魚腸面頭好脆，底下好多魚腸，不過有時食到有啲苦。。生炒骨細路至愛，但我覺得厚左少少，好多舊都好韧，但都俾細路食曬😁豉汁蒸魚雲個味唔差，不過份量好似少左啲搬左之後第一次黎，覺得以前好食啲😅😅😅可能係氣氛問題呢，以前露天好氣氛啲😁

陳根記有新鋪啦仲要係石門，石門亦都因為距而變得好熱鬧超多人，大家記得同app拎定位吾係有排等呀～真係好多人架！裝飾係仿效以前大排檔，好有心思既設計。野食仍然好多款式，都係抵食價。我地叫左手絲雞，椒鹽豆腐，一碟先由炒通菜，賴尿蝦，同最出名既甜品- 芒果pancake ，外脆熱內面好冰凍，口感勁過引，距係要自己去門口另一面買，同都多人排隊賣走架。椒鹽豆腐就比以前無甘脆口，但都大大碟好足料。賴尿蝦就細細隻，好入味，正！

今晚夠好耐無見剛友聚會，得知陳根記搬左，就來試試，我地5個人，叫左7個菜，先唔好講味道，就連份量都完全唔夠，全都好似迷你版咁，仲要講明只可以食90分鐘，之後就開始講味道，根本就連茶餐廳都不如，可能人紅左關係，開始無心機做，那些伙記經常視而不見，到最後食完仲好肚餓，之後仲見到好多人排隊，但主要都是講普通話的人，在剛食飯時，其實都有聽坐旁邊既客講份量小及味道普通，因我見賣相不太好看，所以無想過影相，但我又不吐不快，所以照寫食評。

之前在石門閒逛時發現陳根記搬了來這裡，便想試一試。和家人一行4人到來試試晚市。到達門口後，人很多，要先取票等候或用手機app取票。等了大約一小時後入座，待應會給你餐牌和單，自己填上號碼落單。在很多食肆都缺人手的情況下，其實我也頗支持這種做法。點了5個菜，分別是washabi手撕雞、豉椒炒蜆、金銀蛋浸莧菜，椒鹽豆腐和薑蔥魚雲煲。手撕雞是不錯的但說不上驚喜，怕wasabi 的朋友不要試。魚雲煲份量有點少，只有5~6塊肉，其餘都是薑。而炒蜆真的有點失望，有3成的都未開口，不能吃，而且還有沙，明顯沒有處理好。只有金銀蛋浸莧菜是比較可以。最後埋單$4xx, 有加一服務費，有點兒不值這個價，應該沒有下次吧。

娜娜在沙田區蒲了好幾年，都可算是半個沙田友，可從未光顧過沙田區「名店」陳根記。這個星期日晚上與舊同事聚會，娜娜7時到達，店外沿路走廊已站滿等位的客人，取票時方驚覺可以在手機取票，蠢左低估了陳根記搬到石門後的人氣，足足等了個半鐘才獲安排入座呢⋯⋯店內面積比娜娜想像中大，但座位也是放得密密麻麻的，除了比大排檔的格局光猛企理，環境不算特別舒適～朋友說Wasabi手撕雞必食，我們便點了一隻試試。Wasabi 味不算太濃，娜娜不太受得wasabi 那種攻鼻也覺得ok～唯可能手撕雞現已變得普遍，娜娜不怎麼覺得這個手撕雞有何特別，反而調味上較清淡，價格亦不特別划算，整體一般般而已鹵水鵝片，味道不過不失。可惜份量很少，我們一行六人就只一人嚐到兩片吧～又是賣飛佛生炒骨是娜娜覺得全晚性價比最高的一味薑蔥乜乜從來都不是娜娜會選擇的送菜，可這晚一試這個薑蔥廣島蠔，又覺得不錯喔，惹味小炒皇不是送飯的菜色，但如若三五知己邊吃邊飲杯，想必是一樂事、會加分不少椒絲腐乳通菜就是跟大家周街吃到的椒絲腐乳通菜一樣啦～飯後朋友在隔離甜品部買了些甜品大家開心些牙！味道沒有宣傳單張上說得那麼誇張和震撼啦，但飯後吃個甜品是真的讓人

自從搬咗去石門之後仲未去過,朋友話好奈無去,於是今晚去試一下,味道沒有什麼變,只是價錢調整了一點和份量比以前少了一點之外,其他都無咩孌,還是有甜品部,不過地方就細了,迫咗。六點左右已經有十幾人在外面排隊,而且老闆寫明了,用餐的時間只有1個小時30分鐘,我們等了一陣,就安排入座,不過真的比以前迫咗唔少,大枱都有點手碰手的感覺,不過就冷氣勁咗我們叫咗十幾個菜,人均都是150左右,飽到不得了,十分抵食,得覺得最值得一試既係Wasabi手撕雞、無蔭公牛柏葉、炸大腸(其實其他個D都唔錯,不過呢三個菜比較好同特別)Wasabi手撕雞-Wasabi一點也不搶鼻,仲有加了一點海蜇和蟹子進去,爽爽脆脆的,豐富了口感 無蔭公牛柏葉-用冬蔭公加牛柏葉,酸酸辣辣,又唔會太辣,牛柏葉又入味,好開胃炸大腸-也是炸得脆脆的很好吃不過個有幾樣美中不足,镬氣好好1.炒麪味道太淡和顏色太淺和不夠乾身2.豉椒炒蜆D蜆有間中有D沙3.雞蛋魚腸,間中食到有D苦4.魚頭有點小其他的都不錯,大家可以試一下

自從陳根記搬離禾輋之後就無去過啦，今次咁岩同住石門既朋友食飯，先有機會再食到哈哈，如果唔係自己真係唔會黎，石門對我黎講太遠了（利申：住得很遠！）石門陳根記，改造後少左Ｄ麻甩既大排檔風味，不過感覺好乾淨呀，地方唔會濕立立咁。不過店內位置少左好多，所以相當坐位上我覺得迫左Ｄ，台同台距離好近。叫左招牌WASABI手撕雞，好攻鼻但食落口個感覺好爽！仲有海哲係底，撈埋一齊食口感幾好，海哲同WASABI陣味都好夾！另外食左滷水拼盤，呢個大路小菜反而幾有驚喜喎！全部都好入口，又唔會太咸，每樣既份量都幾多，每樣都可以試到。再叫左鯇魚煲，椒鹽白飯魚，腐乳通菜！全部都因為太餓而食左，唔記得影相。個人幾推介鯇魚煲，啖啖肉，而且好夠味，撈飯食唔錯喎！另外，甜品叫左芒果酥，明明之前食過好好食架嘛，今次好失望呀，個芒果好酸同好凍，同熱辣辣既酥皮好唔夾。BTW,閒日去都好多人食,溫馨提示,可以用FOOD GULU拎定位先,咁就唔怕有排等啦!

一枱十二人，五点半去食頭輪，限時80分鐘，叫了差不多20個菜。琵琶豆腐，燒鵝，燒乳豬，燒鴿，手撕雞，13豬雜，牛展，蠔餅避炒蟹，胡椒🦐，豉油皇鹅腸，焗魚腸，炸大腸椒汁蒸鱔，2碟菜，仲有其他....盛惠2680。抵食到痺。But，此店出品，名過其實，陷辦爛都食品都冇驚喜，有失望。不會再去，不會盲目以訛傳訛。

天氣涼涼地，再加上有齊三五知己，除左去打邊爐，就緊係落大排棟啤一啤啦！一於去呢間出哂名嘅陳根記！菜式選擇都好大路大排棟菜式，亦都不乏一啲自創菜式，好似呢個WASABI蟹籽手撕雞，幾種口感好突別，蟹籽爽，海蜇彈牙，雞肉嫩滑，仲有火腿絲，仲有WASABI都幾刺激，雖然特別，但溫度比較似室溫，感覺好似攤左出嚟一陣咁，如果雪凍啲再上枱會好啲。每次出街食飯必叫嘅燒鵝，都係啦最緊要皮脆肉嫩唔會成口肥膏就可以。粟米班塊椒鹽鮮魷豉椒炒蜆

陳根記搬左之後第一次食...非常十分失望！唔知係咪早去。6點鐘。成餐飯好似食緊d慶返熱既餸咁☹️今日叫左幾個餸。豉椒炒蜆：唔熱椒鹽鮮魷：脆既但無乜味椒鹽豆腐：凍既。淋既。豆腐「鞋」既紅燒乳鴿：no comment魚香茄子煲：呢個最似煮出黎既。因為熱到出煙😂馬拉盞通菜：似用水煮完再兜兩兜咁。無味皮蛋芫荽魚片湯：no comment食完餐飯。大家都覺得陳根記已經唔再係以前既陳根記。食大排檔食到要限時限刻咁。（限時90分鐘）我諗呢個都係質素下降既原因！😞☹️雖然野食麻麻地。但員工好有禮貌！👍🏻👍🏻純屬個人意見🙁

話說自從係禾輋搬咗過嚟石門之後，呢一間都鬼咁多人幫襯，今日難得去到石門就一試睇下有冇變到。話說之前有啲朋友過去食完都要等好耐位，今次我哋就決定八點半後過去食。如果我哋一行到去攞飛就已經買到我哋，雖然我哋係兩個人食，目測見到都仲有好多吉枱。入到去陳根記心大心細唔知揀咩餸好， 因為好多都好想食。最尾都係揀咗呢個Wasabi手撕雞（$145）、特價烏頭（$50）同估你唔到牛柏葉（$85）。Wasabi手撕雞作為招牌菜果然都係無失望，芥辣味好勁食到標眼水，另外果兩味都中規中矩，值得留意嘅事每個星期都有一款特價菜。唯一唔好就係有加一服務費，不過同之前比而家有冷氣，所以都叫做可以接受。

三人叫了义燒，又瘦又硬失敗，開邊蒸虾無鮮味，付腐通菜無味加老，炒班片有雪味，会再去，得可樂及雪碧全晚最啱味，知為何大排長龍，仲要得80 分鐘食，等位都45分鐘了，失敗失望

大家都非常期望可以吃到大排檔小菜。地方光猛大排檔感覺。陳根記實在太多捧場客,當晚先用電子取票也等了一小時才有位。當晚吃了馬拉盞炒通菜, 真的找到蝦米仔,而中式牛仔柳，醬汁入味，一口牛仔柳，女士們非常喜愛。大排檔必食的椒鹽鮮魷，非常香脆色澤淡黃的；椒鹽九肚魚，口感非常新鮮很脆及份量亦適中；鹵水鵝片雖然略咸，但是底下有豆腐件是凍的，可以改善。其中砵仔焗魚腸焗得非常脆, 但是有點苦澀也有陳皮香氣,整體都是好味，保持了禾輋的水準。