陳根記

營業中

休息中

成日都聽人介紹陳根記，所以一直都好想試下佢個wasabi蟹子手撕雞。 終於約到朋友特登去沙田間陳根記朝聖，等位大概等左20分鐘左右，叫左wasabi手撕雞例牌+ 椒鹽鮮魷+ 豉椒炒蜆+ 甜品一口芒果蘇。老實講，可能期望太大，覺得其實個手撕雞味道好一般，唔多夾d味道，蟹子份量都好少，感覺蟹子+ wasabi+ 手撕雞 夾埋一齊，味道好似混合唔到咁，所以味道覺得一般般。椒鹽鮮魷同炒蜆都係一般水平，反而個芒果一口酥有驚喜，外脆內軟，芒果雪到好凍又夠甜。 總括而言，如果住附近都可以去試下，價錢合理，不過如果住好遠，就可以唔洗特登去試了

陳根記出名食大排檔風味，今日放工特登約埋d朋友去食！但係真係失望而回！🔥黑椒牛仔骨牛仔骨好大塊，不過腌料味好重，而且食落好乾😓🔥南乳粉絲煲份量係幾多，但係好咸！🔥辣味東風螺個汁辣就夠辣，好惹味，但可惜d螺唔入味，同埋好細隻！食完之後覺得有d名過其實！份量係幾多但係調味有待改善！

今日同朋友去咗新城市廣場行街，因為係假期，所以啲餐廳都好多人排隊食。於是我朋友提議去陳根記大排檔度食😋話明係大排檔，環境唔係話好好，而且都因為好多人所以都有啲嘈，但我又覺得幾有食大排檔嘅氣氛😆而家喺香港都唔多見啦😕-🥢Wasabi手撕雞呢款簡直係陳根記嘅招牌名菜！最出色係佢個Wasabi醬汁，有Wasabi味得來又唔攻鼻，而且加咗啲沙律醬配埋啲雞好好食。除咗雞之外，佢仲加咗啲火腿、海蜇、同埋蟹子，大大咁增加左成碟菜嘅口感同味道🤤🤤🤤一句講晒，黎陳根記必食！🥢馬拉盞炒通菜冇乜特別，覺得個菜好似有少少油得滯。🥢沙嗲牛肉粉絲煲冇諗過佢個汁係咁傑😅而且面頭亦都睇落好似有一層油咁😕不過個汁個味就唔錯，而且啲牛都幾滑。總括來講，除咗個招牌菜Wasabi手撕雞之外，其他小炒煲類都算正常，唔算太特別。不過如果行開呢頭又想食大排檔，都會推介陳根記😁

以前喺沙田大排檔成日都會食嘅陳根記， 搬咗嚟新鋪之後第一次試，鋪位細左好多，不過地點就幾方便，地鐵出嚟行5分鐘就到，而且全場都有冷氣今次叫咗三個小菜椒鹽豆腐分量夠晒多，不過味道就好鹹，豆腐唔夠脆身生炒排骨生炒排骨仲保持到質素，分量亦都夠大碟，菠蘿同埋青椒加埋汁個口感好食，略嫌排骨太多骨冇咩肉薑蔥魚腩煲呢個餸真係好失望，以前嘅陳根記魚腩煲唔係咁，魚腩好多骨，個魚完全冇薑蔥嘅味道， 感覺幾樣野都好唔襯咁我諗幫襯完今次之後下次真係唔會特登再排隊等食

以前因為一家人都好鍾意食大排檔嘅關係會經常去禾輋陳根記同隔離嘅樂園度食，因為大排檔要收回嘅關係陳根記都搬咗過黎石門站。特登過黎，原來已經可以用app 黎攞票唔洗係門口企咁耐。當時新開無幾耐，等咗成個鐘終於可以入到去坐。有冷氣，但都係坐得迫，好過以前大排檔半戶外環境又唔多乾淨咁。 價錢無記低但好似樣樣都比禾輋嘅時間貴啲同收埋茶錢。野食種類就無乜大分別。 上菜嘅時間其實各樣餸菜個樣子都似乎正常，但味道食得出味精用得多咗，份量就明顯細咗兩個碼，已經無咗以前抵食大份又好食嘅開心係度。。。。可惜。。。。。 先講下蠔餅，蠔餅炸出黎都靚仔，但唔知係師傅轉咗定係用料轉咗，粉係落多咗，而且有啲蠔都食得出唔太新鮮（後話：好在無痾），而且真係細份咗，應該得返以前嘅四分三左右。 蝦乾韮菜花，呢味餸我最鍾意係大排檔地方叫，一黎炒得好香，二黎通常都好爽脆，以前嘅陳根記做到，但宜家嘅陳根記就完全不是那回事啦，又係份量細咗，而且韮菜花有啲老。。。。。。上碟嘅時間見到咁多深色都已經知唔對路。。。。。。韮菜花老咗真係好難食。。。。。 再黎八珍豆腐煲，影相睇出黎都好似幾大呀，其實佢係個細煲仔飯嘅size 黎，兩件炸豆腐已埋

週末總是讓人有外出用膳的意欲，猶記得往時在禾輋的大排檔風味，現已於石門重開，便與父母四人行重嚐滋味。當晚 6:30 到達，慶幸前面有幾枱叫號無回應，只需等15分鐘便入座。一坐下來發現位子很擁擠，跟人搭枱不是問題，而是枱下一點空間也沒有的感覺 很糟糕。新人事新作風，落單須自己寫菜式編號。四人點了一個冷盤、三個主菜和 自助點了飯後甜品。-手撕雞落單 半隻 才夠四人分量，不過是全晚最滿意的。評: 開胃菜, 當頭盤不錯, 蟹籽有點綴作用, WASABI拌醬手撕雞味道夾, 推介!-時菜種類「隨你說」--- 挺欣賞這種表達方式，代表有多款選擇。菜炒到翠綠，果然是大排檔！評: 除了斑塊 過鹹, 其他OK , 菜為西蘭花 很爽脆,夠鑊氣-雖然知道椒鹽本來偏鹹，但吃下去真的太鹹，即使有醬蘸也平衡不到鹹味。評: 另一道過鹹的, 九肚魚看起來夠大條, 實炸粉亦不少大鱔肉質適中，味道亦可，但塊量比想像中細。評: 本來想「相機先吃」,  一時忘了, 本來還有4塊鱔魚-記憶中必點甜品「芒果一口脆」好像比較大塊，好幾年前的印象還不錯。評: 8 小件一口脆可以再貴點 , 但大口一點嗎?最後留意到店內整體裝潢嘗試回到以

陳根記終於新開咗喺石門，身為沙田人梗係要去捧場。今次就真係一家大細親親愛愛坐埋一枱。陳根記入邊全部都係食物嘅相片，抬高個頭就點到菜。依間特別在有甜品吧，食完仲可以叫甜品。主打Wasabi手撕雞，入邊撈埋海蜇，非常好惹味，所以前菜一定要揀佢，非常之開胃。之後其他都係一般大排檔會叫嘅食物，樣樣都好食有鑊氣又唔太鹹。今次都帶咗仔仔一齊去，山又係冇BB櫈所以要全程抱住。週未都好多人排隊，真係要提早攞飛等位。每次去都見到一大堆人等位。在沙田口痕想食麻甩大排擋就一定要來陳根記。

全店伙記同老闆都好似唔憂做，態度惡劣，好似要乞求佢至有得食。要在沙田食飯贴錢買難受，佢喺不二之選。我一家人叫餸時已經好受氣，全餐都好似食快餐，食完即刻要被趕住走。而當然，食物質素都好"普通"，味精超重，食完成晚都口喝。

朋友提起想食大排檔就話不如食陳根記咁佢搬左之後都冇去食就去試試以前好鍾意同班朋友放學放工去食因為會覺得有個地方可以比成大班人圍住食下香港啲地道野食吹下水食下野好舒服講真佢以前未搬啲野食質素都唔錯.唔會話好好味但係食完都唔會有嫌棄但係搬左黎呢到之後野食份量小都算食物既質素差過普通茶餐廳價錢稱唔上係貴.但係完全唔值比50-60蚊去啲茶記叫餸食都好過食呢間仲要枱同枱之間迫到背貼背唔會有下次.再有朋友提議食陳根我會同佢地講寧願落樓下食茶記

自從佢由沙田搬咗去石門我都未試過，因為佢門口日日都一定排長龍，今日我哋特登早啲食飯,，5:30pm過嚟就唔使等位。即刻有得入但係過咗半個鐘出邊已經排晒長龍入邊環境幾乾淨唔似之前喺沙田咁咁污糟我哋叫咗三個餸第一個咕嚕肉，份量正常唔係特別大特別細味道都好味但係食完第一碟之後等左好耐先有第二碟餸，金銀蛋白菜仔當我地已經食完呢兩碟餸嘅時候，個是，豉椒蒸倉魚仲未到，最終我哋係等左20分鐘條魚先到可能佢真係太忙啦但係嘢食係好味嘅值得再去

搬咗舖要限時90分鐘，未食曬都要走，老闆伙記好無禮貌，簡直係叫人唔好再嚟，無禮貌幾好食都無用，況且我都唔覺得好好食，嚟食野仲要遇到唔禮貌對待，真係唔會再嚟，激氣走人😡

陳根記最近搬左去石門，晚晚都好多人等位😵😵 (如果想食，記得一早用app遙距拎飛先🎫) 😉  今次介紹嘅係佢嘅甜品部，堂食拎走都得😀 呢個芒果一口脆有好多人介紹 仲上過唔少電視節目📺 諗住試下啦 點知咁就中伏了😫  個個都話外脆內軟，外熱內凍好正啦😶 但我食嗰個就唔熱唔凍🙈 外面脆皮濕濕地淋淋地😂 同埋唔係我expect嘅酥皮😢 而係炸左嘅😮 唯一好嘅就係芒果都幾甜嘅😌 唔係話唔好食嘅，但有得揀芒果糯米糍好食好多😋  Btw 之前仲食嗰個榴連甜品係伏嚟嘅，成碗都係cream😂 所以陳根記甜品真係可一不可再😵 不過都唔影響我去食wasabi手撕雞嘅😌

係沙田長大既朋友一定對「陳根記大排擋」毫不陌生。小菜出色，夠哂鑊氣，夠哂平民，夠哂風味！可惜最後都逃不過要結業，令人惋惜！最近得知响石門重開，趁住父親節尊登一家人嚟緬勉一下。據聞新店勁多人排隊，所以未夠 6 點就去拎飛，等到7:30 pm終於可以開飯，真誇張！正所謂希望越大失望越大，感覺食物水準不及當年，鑊氣不足，味道也只是不過不失，大失所望！

今日路經石門站附近，正正晚飯時間，眼見開左2個大商場有好多新食肆。而最出名我估一定係陳根記間新分店，見唔使排隊當然狗衝入去食啦！小菜都花多眼亂，環境舒服左好多乾淨左好多，我地叫左一隻乳鴿，乳鴿唔太夠熱皮已經唔脆口，但味道係尚可。另一味韭黃蝦仁蛋，蛋炒得幾好，唔太老，只係味道過鹹。Xo醬小炒王算係最好食，但一樣都有過鹹既問題 🤦🏻‍♂

日前一家人打算出外吃飯，決定就在家附近的石門區搵食，忽然想起這家老字號牌檔。這家食店原設於禾輋邨內，最記得他們的炸饅頭，第一次去食時是用大饅頭，新鮮熱辣炸出來非常好食，只食過一次，後來就轉了用小饅頭。食店後來因敵不過加租而宣布結業，不過後來又聽聞由一些員工接手，於大埔以另一店名重開，之後在石門區又以原名開了一間。來到新店，新人事新作風，竟然用上Food Gulu電子取票系統，而且設限食90分鐘，店員也用了藍牙耳機聯繫，原來還可以下載程式訂位，真是與時並進。我們取票後等了大約半小時才有位。進入店內，地方在區內不算小，雖然座位很多，但亦已全店滿座。裝潢以懷舊為主，枱面也沿用牌檔形式，夾著多張膠枱布，用一張就起一張丟掉。我們點了菜後很快就送來，果然是促進流量。先上的是冷盤的醉拳($70)，就是醉豬手，盤底放滿了冰，所以豬手保持冰凍，但同時亦沒有酒汁浸著豬手，幸好豬手的酒味已有相當，不過太太就覺得酒味欠了一點點。冰著的豬手大約也有十件，而且皮爽肉腍，一點都不膩，味道不錯。繼而是牌檔的熱門菜色--豉椒炒蜆($78)，蜆肉肥美而沒有沙，鑊氣十足，味道亦調校得適中，也不太辣。之後是通菜炒鮮魷($75