陳根記

營業中

休息中

係沙田長大既朋友一定對「陳根記大排擋」毫不陌生。小菜出色，夠哂鑊氣，夠哂平民，夠哂風味！可惜最後都逃不過要結業，令人惋惜！最近得知响石門重開，趁住父親節尊登一家人嚟緬勉一下。據聞新店勁多人排隊，所以未夠 6 點就去拎飛，等到7:30 pm終於可以開飯，真誇張！正所謂希望越大失望越大，感覺食物水準不及當年，鑊氣不足，味道也只是不過不失，大失所望！

今日路經石門站附近，正正晚飯時間，眼見開左2個大商場有好多新食肆。而最出名我估一定係陳根記間新分店，見唔使排隊當然狗衝入去食啦！小菜都花多眼亂，環境舒服左好多乾淨左好多，我地叫左一隻乳鴿，乳鴿唔太夠熱皮已經唔脆口，但味道係尚可。另一味韭黃蝦仁蛋，蛋炒得幾好，唔太老，只係味道過鹹。Xo醬小炒王算係最好食，但一樣都有過鹹既問題 🤦🏻‍♂

日前一家人打算出外吃飯，決定就在家附近的石門區搵食，忽然想起這家老字號牌檔。這家食店原設於禾輋邨內，最記得他們的炸饅頭，第一次去食時是用大饅頭，新鮮熱辣炸出來非常好食，只食過一次，後來就轉了用小饅頭。食店後來因敵不過加租而宣布結業，不過後來又聽聞由一些員工接手，於大埔以另一店名重開，之後在石門區又以原名開了一間。來到新店，新人事新作風，竟然用上Food Gulu電子取票系統，而且設限食90分鐘，店員也用了藍牙耳機聯繫，原來還可以下載程式訂位，真是與時並進。我們取票後等了大約半小時才有位。進入店內，地方在區內不算小，雖然座位很多，但亦已全店滿座。裝潢以懷舊為主，枱面也沿用牌檔形式，夾著多張膠枱布，用一張就起一張丟掉。我們點了菜後很快就送來，果然是促進流量。先上的是冷盤的醉拳($70)，就是醉豬手，盤底放滿了冰，所以豬手保持冰凍，但同時亦沒有酒汁浸著豬手，幸好豬手的酒味已有相當，不過太太就覺得酒味欠了一點點。冰著的豬手大約也有十件，而且皮爽肉腍，一點都不膩，味道不錯。繼而是牌檔的熱門菜色--豉椒炒蜆($78)，蜆肉肥美而沒有沙，鑊氣十足，味道亦調校得適中，也不太辣。之後是通菜炒鮮魷($75

陳根記由禾輋食到石門 但搬到石門先知有芒果一口脆 雖然陳根記不是主要食甜品 但呢個芒果一口脆真的不得不讚一定要試有時夜晚太肚餓想食宵夜，都可以渣車去食，搬左去石門仲方便泊車。

以前禾輋舊舖由中學食到出黎工作，最鍾意佢選擇多，夠鑊氣，開得夜，如今搬左黎石門，一於約班兄弟會一會佢先！平日一至四夜晚10點後係宵夜時段，多款小菜特價，叫多幾款食盡佢！次次黎都會叫蠔餅，蠔仔份量合理，炸得鬆脆，唔會成口油。平時茶記碟頭飯d茄子好易中伏，有d無拉過油都夠膽死放上檯，而茄子鵝腸煲就夠晒熱辣辣，茄子拉過油先出到咁靚ge紫色，鵝腸都唔少，個汁就似無落鹹魚ge魚香茄子汁（正宗魚香茄子真係無鹹魚），送飯一流。馬拉盞炒通菜夠鹹香，無渣，爽口。蒸蛋好滑好香，似係加左雞湯。十三味豬雜煲望落好似水煮菜式，食落只係少少辣少少鹹，都幾油，成煲野有大量芽菜金菇，豬雜就只有幾塊豬肉、豬潤、豬粉腸同豬肚……索價$85，好失望。好彩壓軸出場ge揚州炒飯同乾炒牛河絕不欺場，炒飯夠乾身，粒粒分明，炒河比一般香甜，可能老抽落得較多，但無損風味，河粉無痴埋一團，牛肉唔韌，無用梳打粉醃過龍，兩碟都鑊氣十足，大大碟，食完隻碟唔會油。

聞名不如見面，果然好多人排隊。門口寫住只可以坐1小時30分鐘，真係唔夠。潮州六寶，鵝片，細件容易入口，樣子不錯，食下去也OK，只是點醬汁就好咸。椒鹽九肚魚，好雪白，但係食唔到有魚，有點失望。辣腰果鴨舌，有點咸， Wasabi骨，味道一流。唔辣，但是味道估不到很特別。西蘭花魚片，魚片爽滑，整。

喺馬鞍山區一到宵夜時間，就好多餐廳都已經閂晒門，所以就唯有同班老友去石門站附近間陳根記到食宵夜。平日星期一至四會有宵夜時段餐牌提供，食物款式選擇唔算少，而且價錢超值，咁我地5個人就叫左 十三香豬什($85)，香煎蠔餅($53)，馬拉盞炒通菜($53)，魚香茄子煲($53)，肉鬆蒸水蛋($53)，楊州炒飯($53)，乾炒牛河($53)，另外仲叫左D嘉士伯連汽水($22)。提外話，一般大排檔都好少會有咩服務可言，但今次餐廳職員服務夠殷勤，我地喺洗筷時，唔小心倒瀉左D茶喺枱面到，阿姐見到居然會主動抹乾張枱，值得一讚！雖然話就話係宵夜時段，但食物份量絕無欺場，而且上菜時都夠熱。香煎蠔餅夠香口，唔油膩馬拉盞炒通菜夠味，但唔會太鹹魚香茄子煮得夠淋，D醬好惹味十三香豬什望落麻辣，實際似分開煮，豬什唔入味肉鬆蒸水蛋D蛋唔會太水或太硬，夠滑楊州炒飯炒得夠乾身，乾炒牛河配埋辣椒醬上，2碟份量大，落足料一班朋友嗌小菜食，配埋啤酒，簡直一流！

大學時代成日去舊村的陳根記，我估都係貪佢當年平平地，又可以在大空地到吃喝玩樂咁。陳根記第二代搬左來石門，今次第一次幫襯。6PM來到，已經有人在門口等取票，佢地用FOOD GULU系統，突然覺得好先進，從來冇想過食陳根可以手機拎票排隊的，果然是與時並進的飲食業~!食物方面，大都保持水準，不過份量就好似細左D，手撕雞好味，有WASABI的味好O岩夏天開胃食，另椒鹽系統的食物, 依然美味。下次食真係要早D拎票找位, 用餐時間只有90分鐘，一定要約人準時到呢~

同一大班朋友聚會梗係要去大排檔因為地方夠大同埋最緊要啱feel 首先就叫咗啤酒呢度價錢都還可以另外手撕雞都幾好食有少少辣同埋攻鼻 仲有佢嘅盤雞都係出名菜雞肉都幾嫩滑

喺沙田食飽飯之後，想食甜品。上網見到啲人話陳根記啲甜品好好食，所以特登搭車入嚟試吓。點知真係正，所以我哋冇後悔特登入嚟食。芒果一口脆係陳根記最出名嘅甜品，諗都冇諗就叫咗黎試。佢同平時食開嘅芒果腸粉有啲似，都係有嘢包住舊芒果，但唔同既係呢個嘅皮係脆，所以口感更好。特登入嚟食，梗係叫多幾樣試吓啦，我哋再叫埋法式脆糖燉蛋。上面啲焦糖脆口，下面嘅燉蛋滑口。最後叫埋芒果涼粉，睇來我真係太鍾意食芒果啦！下次應該食埋陳根記既大排檔。

今次兄弟聚會一行三人。點了椒鹽鮮魷，肉醬腸粉，炒辣蝦，炸蠔餅椒鹽鮮魷口感干脆，椒鹽味特出，是個很好的下酒菜。肉醬腸粉，酸酸甜甜，也補牛肉可以選擇的，最 過癮。炒辣蝦有點劣評，分量不足，已經155大元了。最好評是炸蠔餅，味道濃厚，炸得香脆，配合醬汁人間極品大排檔環境，但是有冷氣，燈光充足，在炎炎夏天都不會感得難受。兄弟會面當然少不了酒，共下了4枝朝日啤酒，4碟餸都是出色的下酒菜，平均每人263元結帳。

冒名而來，知道會好多人，諗住有位就入冇位就算，大約6點，2個位即刻入，地方好窄，限時，坐膠櫈，膠枱布，自己寫單叫餸，急急趕趕咁真想起身就走。算啦既然來到，又係特登入石門為它而來的就嗱嗱林隨便叫了一碟薑蔥炒蟹，時菜炒花枝片，甜麵醬魚雲㷛，嘩，正呀！花枝片鮮味，炒菜不太咸，味道好清爽，蟹就細隻咗的的，但惹味，魚雲就濃味咗些，但不腥，整體來說，坐得不太舒適都值得。兩人埋單都不用400元，但好飽了，臨走見各枱食客有很多不同種類的食品，心中盤算下次來食咩好呢

開了三十多年的港式大排檔“陳根記”，新店搬到沙田石門，過去是真的遠，覺得好偏啊！！！本來晚上6點出發吃的，但是系統上的路線指示不是很准，走到地鐵站下就不知左右了，其實就是地鐵站旁邊這棟樓，進店才看到生意好好哦，幾乎滿座，店鋪還是能坐很多人 但是生意太好了 外面等位都是幾十號椒鹽瀨尿蝦椒鹽味非常濃郁，蝦也肥美，口味不錯，推薦。就是蝦不好剝芥末蟹籽手撕雞 這個很好吃，配啤酒真的很棒芒果一口脆 這個一定要點！外皮酥脆 裡面的芒果冰凍的 底部還有層奶油 一口一個很爽

位於沙田，晚上去的看不清周圍環境，路上比較黑沒路燈，也並沒有很多人，位於商埸外側，走進店裡卻一眼看到座位排列讓人有擁擠感，也沒有自己的空間，拿票等了60多分鐘點了蟹籽芥末手撕雞，如果口感再涼一點會更好冬陰功花甲湯，花甲很多，雖然湯的味道沒有很正宗，個搭配也很新奇好吃的黃金蝦，外面是鹹蛋黃炸的，肉很肥嫩，我最喜歡的一道菜炒菜，味道鹹了些榴槤奶露，很膩的其實！新店鋪面積不大，店員少，以至於不能及時的服務到每位元客人，不過也理解啦～還是正宗的香港大排檔風味，為這人情味加分～就是等太久

對於陳根記大家應該都唔會陌生，特別係對於係中文大學讀書嘅朋友仔，應該都都經常會黎開餐，所以今次同同學落堂之後就決定喺呢度大吃一餐。係環境方面大家真係唔好對佢有啲乜嘢期望，同普通大排檔一樣，坐露天地方，冇冷氣，剩係得風扇，而且地下又有唔少食客留低嘅垃圾，例如牙籤、廁紙等等。不過食物嘅味道就可以搭救，試咗佢嘅招牌手撕雞、蠔餅、咕嚕肉、西蘭花瑤柱，蠔餅煎得香脆，仲有唔少蠔仔粒，招牌手撕雞都好好味， 其他食物就正常水準，不過不失。不過奉勸大家如果對於餐廳環境有高要求嘅食客，就要諗清楚試唔試呢一間喇！