阿爺粥品手工涮涮鍋 (已結業)

今日放假陪媽咪到旺角覆診，復原診已經係下午兩點，早餐午餐都未食，經過登打士街見到有間阿爺粥品手工涮涮鍋，聽過同事講食過都好好味，就上去試下。環境雖然不大，但坐得好舒服😌一啲都唔迫。自選配料，因應個人喜好自己配搭筷子木頭要自己更換，都係第一次見感覺好衛生。👍環境雖然不大，但坐得好舒服😌一啲都唔迫。套餐已經有好多款，見到呢個美顏花膠雞窩巳經動心，即刻叫番過試下。店員棒來的時候，媽咪即時嘩一聲，份量好多，任食半隻雞加入大量花膠，非常鮮甜濃味，花膠Lim Lim地好爽口，媽咪同我超鍾意食，好適合我地兩位女士，養顏又補身。套餐包括的海鮮，有蟹，龍蝦，鮑魚，手切肥牛，蜆等....全部都好新鮮，有些海鮮捧來既時候仲郁郁地😋😋😋龍蝦同蟹肉食落一啲都吾（鞋）肉質好新鮮好鮮嫩（服務員好細心地講解每款海鮮放入煲的時間所以煮得啱啱好）大良炸鮮奶-必食！即叫即炸，咬落去表皮炸得脆卜卜，內裏軟綿綿，已經食吾停口。

第一次去呢間火鍋店，裝修落足本，光線充足。 環境幾好一入門口見到部夾公仔機，走埋去先發覺，原來唔係夾公仔，係用嚟夾蟹同龍蝦㗎！ 太令人震驚了！點了$298 "美顏花膠雞鍋"大量花膠 真係大量 食完花膠都已經餓感消失個湯幾好味㗎~ 好似好養顏咁啲牛肉貨源不錯仲有大蜆 龍蝦 店員都話我哋知要煮幾耐 拎返上嚟食就唔會過老好緊要㗎 打邊爐最緊要就係時間 煮耐咗會浪費咗啲食物其實我同女朋友食完個鍋啲嘢 已經飽咗一大半我哋已經覺得值回票價 有啲任叫嘅食物 我哋只係叫咗少量 叫咗一個大良炸鮮奶 比想像中好味其實淨係食個鍋本身啲料 已經好唔錯如果大食唧朋友 再叫多啲配料 打邊爐 就超抵

內地經濟起飛，人人北望神州，做生意的就希望有貴客，而投民就日日期待阿爺放水。今次來到阿爺，質素高而且抵食，真的是食阿爺的最好。美顏花膠雞煲十分足料，有嫩滑雞半隻之外，花膠又大塊又多，軟腍粘口，豐富骨膠原，完全不hea。湯底是可以喝的雞湯，不是味精湯，十分滋補。海鮮盤已經十分豐富，還可去碰碰運氣夾下海鮮，隨時可龍蝦蟹加餸。乳龍蝦，都幾大隻，不是BB型。十分新鮮，肉質鮮嫩軟彈。海花蟹新鮮花蟹，蟹肉鮮甜，不大隻但有多肉。貴花蚌/蒲苔蜆/海沙白貝殼類都很鮮甜，快熟自動開口，沒有沙。新鮮鮑魚鮑魚都大隻，肉質爽彈，沾少許醬汁已經好味！手切牛肉邊爐不能沒有牛肉，内質軟綿帶肉香。配料紙上的都是任點任食，肉類丸類炸炸物蔬菜飲品甜品之外，花膠沙白象拔蚌都可以點，實在抵食！

同友人都好鐘意shabu shabu~黎到旺角見有間新開冇耐的就試一試佢!🥘由於係午市，人流唔太多。有卡位坐，好舒服！☺️火鍋有幾個不同湯底選擇，但我們見到好多人推介花膠雞鍋，又可以打邊爐同時又養顏。😍同友人諗都唔洗諗就揀呢個！😌店員先奉上醬油等配料等比我地，蔥，蒜泥，辣椒等等都有。👍🏻放好湯底後，見住店員將一整碟花膠倒入鍋中，真係有超級多花膠！！😱😱勁足料！！之後店員搯了一碗湯和花膠比我地🤓同友人一飲都覺得十分驚喜！湯十分濃郁又好飲！🤤🤤係老火雞湯的味道～原本鍋中有一隻雞🐔加埋花膠真係好養生☺️之後開始食海鮮了呢個鍋係包每位一份龍蝦，鮑魚，貝殼類等等～🦀🦐我地仲加了牛肉，響鈴和菜等等的火鍋配料。。🍢值得一提係所有海鮮都好新鮮！記得隻鮑魚煮之前仲郁緊的🤭龍蝦係啖啖肉　好正！店中亦有指示教你不同海鮮要煮幾耐，就不會煮過龍了🤪十分貼心👍🏻👍🏻👌飲品都有好多選擇，加＄３０就可以任飲🥤我叫了的碟豆花荔枝冰很好飲，十分清新一點都不會太甜，　配火鍋很適合！！火鍋配料選擇很多，但海鮮太豐富了！所以吃不下很多。響鈴是必食的！入面包住紫菜，脆卜卜好好味🤤總括呢間火鍋湯底同配料都好正！！😍

香港人除咗鍾意食自助餐之外，仲好鍾意打邊爐， 真係講得上一年365日，無論天氣幾多度都可以打～ 三百蚊價錢有花膠湯底，有海鮮，一啲都唔貴， 不過平並唔係重點，最緊要睇吓足唔足料先。 一大碟花膠，再加半隻雞做湯底， 兩個人食都已經好飽。 煲緊花膠嘅時候可以食住小食先 值得讚嘅係呢到啲服務好好，個湯煲起咗就幫我地一人裝一碗飲原味。 海鮮好豐富呀！不過手切牛肉份量就少咗啲 龍蝦有膏，咬落有種非常新鮮嘅甜味 以下呢啲係任食嘅，冇諗到象拔蚌都有得任食 另外有樣得意野就係like呢到個page就可以俾代幣你去夾海鮮 有龍蝦＆花蟹！！ 雖然我同男朋友都夾唔到，不過我地嘅隔離枱就夾到兩隻花蟹～ 好羨慕 野飲夠晒大杯，打住邊爐飲冰凍野又係好正～ 呢間okay～ 可以再戰！

睇到廣告話旺角呢度有間阿爺粥品手工涮測鍋, 係某位藝人開既, 見到有任食花膠, 好似好正咁只係每位$318, 有得任食花膠, 簡直係女仕恩物, 養顏ma每一位仲包埋個海鮮拼盤, 有生猛鮑魚, 貴妃蚌, 海花蟹, 乳龍蝦, 時令貝類添, 全部海鮮上枱時仲識郁架🙈要煮佢地黎食真係有d 於心不忍, 個餐仲送埋手切牛肉添😍點解d 海鮮會咁生猛識郁? 祕訣就係舖入面呢個大水缸, 乾淨企理養住多種活海鮮👍雖然係任食花膠, 但花膠質素都唔係hea 你架, 又香又滑, 個湯無味精好好飲仲有成隻雞喺湯底度添有多款配料比你做下"混醬"😂美顏花膠雞鍋 - $318/位上面已經講左, 全部海鮮都生猛識郁🙈配埋個咁正既花膠雞湯湯底煮熟, 即刻帶起左海鮮既香甜鮮味🤤仲有60款配料係任食, 比較特別既係呢款即炸紫菜響鈴, 中間係捲左紫菜架, 浸落去湯底度1,2秒就夠架喇, 吸晒湯既精華之餘仲有微微紫菜味🤤大良炸鮮奶呢款都係比較特別同少見, 香脆既油炸鬼外皮, 但入面係填滿左香濃既鮮奶, 唔會太甜👍芒果布甸, 繽紛啫喱凍仲有d 特式甜品都係任叫架, 個啫喱凍一舊有齊咁多種口味, 幾有特式👍

之前已經試過荃灣嘅阿爺手工涮涮鍋， 上次食荃灣店嘅粥底火鍋，今次就嚟旺角新開嘅分店試下打邊爐😊旺角店交通更方便呢👍一睇到'美顏'呢兩個字。。。貪靚嘅我梗係要order返個美顏花膠雞鍋喇 😬而且每位$298就有埋海鮮拼盤，仲包埋其他配料任食添👍個湯白雪雪，花膠份量真係唔少吖😍 侍應會將花膠原隻花膠喺你面前剪開先至放落去窩到👍花膠剪開煲好都咁大咁厚，真係滋味😋😋😋啲骨膠原仲好充足添噃👍雞預先用鹽醃過，食落更加好味😋再飲幾碗湯，真係飽左一半😅 海鮮拼盤有龍蝦，花蟹，鮑魚， 貴妃蚌 ，安格斯牛肉同埋蜆， 花甲🤩龍蝦新鮮肉厚，蝦肉爽口彈牙，仲有膏添!蟹殼都爆膏， 蟹身肉質一絲一絲， 鮮甜美味~貴妃蚌肉厚鮮甜~鮑魚新鮮， 用筷子拮下去，仲有少郁😬安格斯牛肉， 脂肪分佈均勻 ，入口腍香，牛味香濃✌仲有好多配料可以追加，好在我地諗住食完先再叫，點知食晒已經飽飽。如果叫左就變大徙鬼喇😝因為份量真係吾細咖🤗🤗🤗

呢度喺正旺角家樂商場對面，好易搵，坐低就叫左個美顏花膠鷄鍋($298)，除左任食花膠同埋成六十款火鍋配料之外，加多$30就可以任飲，其實未叫其他火鍋配料，剩係呢個花膠雞鍋本身已經有新鮮鮑魚丶貴妃蚌各一隻，花蟹同埋龍蝦各半隻，仲有時令貝類，上枱時見到啲海鮮都好新鮮，唔似有啲任飲任食的打邊邊嘅海鮮有一陣陣因為唔新鮮而有的腥味，所以開始對呢間火鍋店感覺良好。食完海鮮之後就叫其他配料，其中菜啲肉丸丶餃子真的好味，韮菜餃入口充滿韮菜香味，肉丸入口有彈牙嘅肉質質感，聽侍應介紹，原來呢度肉丸同埋餃子嘅餡料係廚房師傅每天自家製，所以咁有口感，仲有個雲吞真的不得了，雲吞皮好簿，啲餡料好香好好食，咬落口啲香味爆出嚟，同埋似我細佬時街邊食宵夜時食嘅雲吞味道。

又出咗來食我喜歡嘅火鍋，一來可以食又可以飲咁食先至滿足，今次除左食到一餐滋潤火鍋外，仲有其他驚喜包你食得開心，就去左呢度開飯當然先揀套餐組合都會有不同配搭，視乎大家想食乜嘢，最後揀咗呢個款美顏花膠雞鍋享用，套餐奉送海鮮同手切牛肉，仲包埋任食火鍋配料同飲料連小食夠晒豐富係食之前仲有遊戲玩可以捉免費生猛海鮮，每人各有2個代幣即係有兩次機會放入遊戲機到夾你想要嘅生猛海鮮，不過都要有技術同埋運氣先至食得到，我就技術麻麻地或者少去夾公仔掛事不宜遲鍋底滾起終於食得，首先飲番啖靚湯滋潤一下，再食番件花膠入口滑溜啖啖骨膠原夠晒滋補，而且湯底用料十足食得滋味其後附送海鮮有生猛鮑魚肉質鮮嫩、貴妃蚌爽口鮮味、花蟹半隻有膏又有肉、乳龍蝦半隻入囗豐滿啖啖肉同時令貝類，一次過食到不同鮮味，再食埋手切牛肉，肉質嫩滑又肥美多汁又再飲番啖湯繼續品嚐一下其他火鍋配料，真係一大享受，再留個肚仔食埋特色小食已經滿足晒食慾咁就食完一餐特色火鍋。

今日去左旺角食lunch，同朋友諗咗好耐都唔知食咩好，行行下見到有間火鍋店，叫阿爺粥品手工涮涮鍋，就入去打個邊爐啦！我地叫左一個美顏花膠雞鍋，膠質感極重，入口好香濃雞湯味濃超足料，非常香口滋味，我地飲湯都飲左3碗！半隻雞煲出新鮮靚湯，湯底非常抵讚啦！我地叫左火鍋料，海花蟹、蒲苔蜆、貴妃蚌、乳龍蝦、新鮮鮑魚、海沙白、新鮮手切牛肉！海鮮大餐開始啦！海鮮好新鮮！朋友至愛食蟹，蟹肉超鮮甜唔會乾唔會鞋口，蜆肉無沙，貴妃蚌超級爽甜，鮑魚超爽口彈牙，入口好嫩口，唔會太煙韌要咬好耐！手切牛肉得4件，我地想再叫囉！牛肉入口牛味濃郁，無咩筋位，入口夠粉嫩香口，輕輕滾一滾夠哂牛味！肉質夠嫩口！龍蝦大大隻，龍蝦肉質彈牙夠鮮甜！朋友超愛海鮮午餐呀！我地下次決定晚餐再黎過！

今日諗住去旺角行街街，點知天公不作美，竟然落大雨，咁唯有搵間餐廳坐企聚聚啦，友人提議去阿爺粥品手工涮涮鍋....我地揀在$298 一位有5款新鮮海鮮、同60款配料飲食、+$30 飲品任飲！湯底係美顏花膠雞鍋...配上大大件花膠...花膠仲可以encore添...雞湯味美鮮甜...飲完湯食完花膠...跟住就係海鮮啦⋯⋯海鮮有鮑魚、貴妃蚌、花蟹、龍蝦仔、同埋蜆！龍蝦味道鮮甜美味、仲帶有小小蟹膏添..！其他60款配料亦都唔差....即炸紫菜響鈴。響玲內包住紫菜都係第一次嘗試..小食有蝦多士...廖媽雞翼..大良炸鮮奶..我自己比較喜歡大良炸鮮奶..口感脆卜卜...呢度價錢又抵...海鮮質素又新鮮、其他配料又唔差...值得推薦比其他朋來一齊食！

今日到旺角買波鞋，又差唔多到晚飯時候，旺角多美食大家都知，但要揾一間我去完想再去去多一次的話，近來就有「阿爺粥品手工涮涮鍋」，因為可以任食花膠，又有海鮮拼盤。無睇錯，真係好大碟花膠，食完可再添，我地今次食左兩大碟。海鮮拼盤有五款海鮮，每人半邊龍蝦食，花蟹肉質幾飽滿。龍蝦都幾大隻，仲有一大舊膏，肉質幾彈牙。響鈴卷內有紫菜，幾特別好脆。玫瑰花豬爽肉、黑豚肉片、黑椒腸、巨根蟹柳，我比較喜歡食玫瑰花豬爽肉，因為真係太爽啦！巨根蟹柳好長哩。蜂巢豆腐、皮蛋，坊間少有皮蛋食。牛百葉、粟米、鯇魚骨腩打邊爐必食。我地加左$30任飲，當然有可樂、凍檸茶選擇，而我就喜歡蘭香子冬瓜茶。

If you are a seafood, black truffle, congee lover, this restaurant satisfies all the above elements! Really really love love love the concept!! Utilizing congee as the Hotpot base, absorbing all the essence and flavors of the seafood broth!! It was definitely luscious!Besides that, the overall portion was so generous and the seafood were all well picked, so fresh and succulent! Couldn’t ask for better than this quality! It was a very well executed Hotpot in congee! For what we ordered, as a gr

今日友人陪我岀旺角買新 game，順便食打個邊爐先經過登打士街，抬頭見到「阿爺粥品手工涮涮鍋」，個名幾特別，上 OpenRice 睇下食咩先點份美顏花膠雞鍋只需$298/位，就可以無限添加花膠，先整碗湯先幾大碟花膠，好大塊，店員要用較剪剪細舊d(已經剪左)海鮮拼盤有鮑魚、貴妃蚌、花蟹、龍蝦、蜆幾新鮮龍蝦大隻又有膏象拔蚌片、鯇魚骨腩、粟米蜂巢豆腐、皮蛋巨根蟹柳、黑椒腸、玫瑰花爽肉、黑豚肉即炸紫菜響鈴夠鬆脆蝦多士、雞翼、大良炸鮮奶椰汁桂花糕只需加$30 就可以任飲15飲品，蘭香子冬瓜茶、蝶豆花荔枝冰，外間比較少有得飲的$298 有咁多嘢食，仲可以食兩個鐘

係花膠呀😍 依鍋花膠豬手我食到家嘅味道！因為終於有一間餐廳係炆得夠起膠！夠滑口而有入口溶化嘅感受！仲夠晒入味！豬手都同樣炆得夠QQ軟彈而不散！就係咸左少少同胡椒味重手左未必人人受落😌 但整體份量味道都pass。餐廳主力粥底海鮮鍋，好多套餐選擇！QT簡依個$298/位，食完鍋再粥底滾海鮮，個餐包7款時令海鮮再加5款火鍋配料。so far 都夠新鮮但個人覺得海鮮每款數量多返dd會更好。當日QT同老公食到嘅有花蟹仔每人半隻、大大厚肉元貝、大貴妃蚌、手心size鮑魚一人一隻、最有一埋甲蜆類同魚件，但真心嘅一人得一隻海蝦有點到喉唔到肺，幸好其他海鮮夠晒大大隻又飽滿抵返數。粥底做得唔錯，好棉滑加埋海鮮精華，不錯不錯👌🏻😂提返大家凡係點套餐都會送一個代幣夾海鮮，夾公仔甘夾幾開心刺激嘅，夾中仲真正送埋俾你食，like 佢地Facebook 仲會要送多個幣嫁，我見人地夾都幾個人中，不過QT自己就雞手鴨腳😂 我見夾花蟹同龍蝦命中率較高。Btw 但員工們要再培訓下，因為態度比較輕挑同唔問客人想點就自行決定🙄幫忙掉晒所有海鮮落粥🤦🏽‍♀️ 其實QT想慢慢食呢同埋我唔食魚呢～ 拜托問問我意見好嗎？