阿爺粥品手工涮涮鍋 (已結業)

朋友食過話材料好新鮮，食完海鮮既粥底先係精華，講左幾次，終於夾到日子上去食！入座㨂左個卡位望街境，闊落又舒服，然後我地兩人點左個海鮮拼盤，包括有波士頓龍蝦一隻，肉蟹一隻，海蝦4隻，花甲，花膠魚湯粥，朋友話一定要食花膠魚湯既粥底，堅係足料，滿懷好期心等待食物上枱。粥底先上，係一煲白雪雪既魚湯湯底，然後店員攞左一大盆花膠，真係好大盤，真係見到都嘩一聲，感覺兩個人食曬都飽五成，然後店員用左頗多時間先可以將花膠剪碎再放入湯底。之後就有海鮮拼盤上枱了，其中某些海鮮如海蝦，龍蝦仲識郁，可想而知食材幾咁新鮮，我地先放龍蝦，等約8分鐘就食得，龍蝦肉非常十分爽口彈牙，入口仲食到海水既咸味，爽到唔捨得吞，之後肉蟹又係咁鮮甜。趁等食物熟透期間，食下個花膠，真係絕不欺場，花膠好厚，好重膠質，滑嘟嘟，好適合女士食用，之後到海蝦同花甲都係咁滋味，另外再點左個手切牛肉，牛肉好重牛味，即炸響鈴超級脆，櫻花葉鮮蝦丸一樣咁彈牙。食曬海鮮後，粥底就真係聞都聞到海鮮味，因為粥底係米粒餚成粥水，假如想食到一粒粒粥粒可以向店員要求，佢會裝粥粒加入粥底，個人覺得加上粥粒口感更好，食一啖粥底，完全食到海鮮鮮甜味，仲有大大舊花膠，真係

所謂海鮮拼盤成千蚊（我哋order 海鮮拼盤8), 斑片又薄又細件，4隻蝦完全無蝦味，龍蝦仲細過酒樓孖寶套餐啲size 仲要先食刺身，之後斬件放落個粥底。鮑魚亦一樣，同佢影啲相有出入...至於個粥，我就覺得係味精。海鮮有啲拼笨...手打丸就仲誇張，半份係4粒，全份8粒。櫻花葉蝦丸無蝦味都講緊$128帶子雲吞入面果粒唔可以叫做帶子，似係屋企煲湯細細粒嘅干瑤柱 size食過咁多間海鮮或粥底邊爐，呢間係最唔值老實絕對唔會再去或者介紹朋友去

今日收工一行五人去阿爺食粥底火鍋！位於旺角，雖然方便，但係地下等電梯等左差唔多半個鐘，我其中有一位朋友的腳有事，佢行唔到樓梯，局住要等電梯。。見到等電梯條人龍就真係想死，排到出街🤦🏻‍♀️終於上到來😅坐低睇睇個餐牌先其實都幾貴，一般嘅食物，俾起出面貴一倍我哋叫咗個海鮮鍋，都要1300百幾不過值得一提，所有海鮮，都非常新鮮湯底係花膠+雞,好養顏呢😍職員會細心地把花膠剪一小塊放入鍋中最後送一個好特別嘅甜品，係西瓜🍉地大菜榚係呢度嘅廚師自己設計嘅小小甜品。夠哂特別呀！仲好好食！另外，呢間野有個賣點，就係夾龍蝦，好似夾公仔咁，雖然d龍蝦係新鮮，但可能俾人夾來夾去，佢地都訓底哂了。。。好陰公如果夾中咗，就可以免費食埋佢！我地今晚就夾中咗一隻

今日星期六搭港鐵成人有半價優惠，咁難得👏就約朋友仔去旺角朗豪坊睇埸早場電影先。睇完戲朋友提議去「阿爺粥品手工涮涮鍋」食午市火鍋🍲進入店內柔和嘅燈光環境好舒服😌這店採用即棄筷子頭，加強衛生程度🌟另客人食安心❤️店員先送來一盤火鍋醬料，有辣椒、菜圃、蔥、芫荽、香蒜、蒜蓉，可以自己調味料多少👍👍我點了這個海鮮拼盤＄498，有波士頓龍蝦一隻、泰國肉蟹一隻、海蝦花甲、仲送花膠魚湯底😍😍先來花膠魚湯🥣，店員細心地把一大碟花膠放入魚湯內😍😍再來碟即炸紫菜響鈴＄28，香脆可口，不覺油膩😋😋又點手切牛肉＄108，牛肉食落有牛味，肉質嫩滑😋😋再點櫻花葉鮮蝦丸＄78，很有特色蝦丸，味道好香😋幾得意😊最後點花膠雲吞、帶子雲吞＄58，平時食鮮蝦雲吞食得多，就試試加入了花膠和帶子食材！👍👍雲吞皮薄爽口彈牙，配合濃郁海鮮花膠魚湯一起吃，味道一流👍👍至愛海鮮出場😍，海鮮新鮮美味，肉蟹結實鮮甜👍👍，龍蝦爽口彈牙👍👍，越食越滋味😋😋食物質素高🌟🌟，食到滿足一餐火鍋🍲

之前都食過荃灣分店，今次慶祝生日，應朋友要求食旺角分店。朋友主要見到有花膠任食套餐，可惜，黎到後，原來餐廳剛剛換左餐牌一星期。朋友當然失望，侍應就介紹現時新式餐牌。依家可以選套餐再散叫其他火鍋配料。我地最後叫左海鮮拼盤6，再散叫食物。等緊食物期間，餐廳有個夾海鮮機。每人有一次機會，同行兩個朋友唔玩，我一次過夾3次。最後，竟然幸運地夾到龍蝦，可以加料。花膠，唔係特別多。侍應都好服侍，主動幫我地把花膠分成幾份，同埋提我地煮耐少少，會淋些。不過，花膠，就唔太岩我食。各種海鮮都新鮮，特別喜歡隻蝦。蝦膏好甜又多，蝦肉又爽口。花甲，又冇沙。魚好滑，唔太多骨。皮蛋貢丸好味，唔多火鍋店有。但要小心爆汁。手切牛肉，叫左大份。但得好少，勉強夠食。唔嚡口。紫淮山，唔係好多餐廳有得食，通常多數見只普通白色淮山。食晒所有火鍋料，可以叫侍應幫手加粥底。我地叫左紫蕃薯加埋落粥到，食完成碗粥都飽晒。唯一少少缺點，係湯底加左比較多胡椒粉，偏辣，可能想僻左魚腥味。最後，仲送上特別甜品，雜果啫喱。值得一睇，唔知係咪因為平曰食，唔太多人，服務態度好好，夠主動。

現時已沒有任食！店員只會落力推介食海鮮套餐，全部套餐都包括海鮮，如果唔食套餐基本上不太理你。以同區a la carte火鍋質素來說著實麻麻地，沒有驚喜，最上乘的本地牛肉也是平平無奇，海鮮也不見值得吃。至於所謂粥底火鍋只是粥水，沒甚特別。食物的份量太少，在旺角區高於此性價比的火鍋選擇很多，無必要選擇此店。在沒有揀選套餐情況下，一行5人的我們只是點選最一般的火鍋食材 e.g. 丸類、餃類、加工食物，都是不會中伏的食材！

天氣凉左想打下邊爐，今日行開旺角，行到登打士街，見到這間“阿爺粥品手工涮涮鍋”，便上去試下。店內人都不少，相信幾不錯幾期待。店內抽氣系統幾不錯，味道不會好大，也不侷促。最搞笑見到這部”夾公仔機的龍蝦版”，店員告知會給我們代幣玩，如果夾到就送給食客的。我們揀了這個海鮮拼盤 $498的套餐。當中有波士頓龍蝦一隻、肉蟹一隻、海中蝦四隻(我們轉左蟶子两隻)、花甲 因為我地唔食蝦，店員好好同我地換在两隻蟶子。餐廳有牌寫埋各食材應煮幾耐，確保唔會煮過火。補錢換美顏燕窩桃膠粥試試料好足，好補，女士們見到都開心。第一次食火鍋的筷子係可以自己安上去的，設計幾好。波士頓龍蝦一隻、肉蟹一隻、蟶子两隻、花甲好有睇頭，全部都好新鮮，份量又足。手切牛肉(半份) $108牛肉質量不錯，色澤紋理漂亮，肉味香濃。文昌雞(半份) $168文昌雞質量比一般的有分別，雞肉嫩滑有雞味。鯇魚腩 (半份) $38有6大件，魚腩好新鮮，肉厚之余又嫩滑，沒有腥味。韮菜餃 4粒 $38餡料豐富，韮菜味道香濃，調味不錯，4粒有點不夠，要Encore多份羽衣甘藍 (半份) $38好少見用作火鍋料，通常飲嘢就聽得多，想見見真身，入口原來是那麼

經朋友介紹之下，試一試了這間的火鍋.這食店易找，裝修又新，又好坐.又有tv睇，十分正.有不少海鮮拼盤給大家選擇.食火煱，當然可自由選擇醬料.海鮮在魚缸，活活的生捉，因此海鮮十分新鮮好味道.筷子木部分是即棄的，十分有心思.手打的丸子、十分爽口.十分新鮮的拼盤，龍蝦爽口到呢，重有大大隻花竹蝦，原來花竹蝦都有刺食食，下次一定要試試.手切牛，牛味十足.爽口花竹蝦.忘記咗，湯底是花膠魚湯，花膠十分厚的.最尾原來馬家也來過試食的，水準一定不錯的.

今日lunch同老公即興去左阿爺粥品手工涮涮鍋食個粥底打邊爐。環境闊落, 卡位有大落地玻璃, 感覺開揚, 舒服。餐廳仲有個大魚缸，滿載住新鮮的海鮮。一坐底waitress 已細心介紹食物及醬料。醬料有6款任你撈。打邊爐的食材都有好多選擇, 單係粥底都有10款之多。仲有海鮮併盤提供。老公話食粥底火鍋一定要叫海鮮,粥底就會更加鮮甜。所以我地2個人叫了一個$498海鮮拼盤配花膠魚湯粥底, 另外再散叫。Waiter之後上了魚湯粥底鍋及一份大大的花膠扒，並幫忙剪開花膠扒放入粥底中。滾起後我飲了一啖粥底, 很清淡的。花膠扒好厚身, 魚肉又好滑身。食完充滿骨膠原, 正。海鮮拼盤,有1大隻波士頓龍蝦, 4隻海蝦, 1隻肉蟹, 花甲，非常吸睛。滾起後, waiter 再按次序放入海鮮，佢提議先食龍蝦及海蝦, 後放花甲同肉蟹。再指示我們每樣海鮮要滾多少時間，相當細心。龍蝦及海蝦一樣鮮甜, 好爽口, 啖啖肉。肉蟹多膏多肉。另外, 我地散叫了紫菜嚮聆, 是他們餐廳自己即炸的, 比一般的大條及新鮮。剛炸起可以即食, 或者浸落粥底1,2 秒便可。紫菜嚮聆是第一次食, 紫菜味好出, 好味。櫻花菜蝦丸, 蝦丸食得多,

睡醒已經中午時段，✌🏾相約朋友旺角行街，因為太肚餓的關係，所以去咗食粥底鍋，呢間（阿爺粥品手工涮涮鍋）之前在荃灣店已經食過，很不錯！今次行徑旺角見到有，所以兩點鐘時段，都再試試吧！海鮮即捉即送上！呢個時段，人流不是太多！有趣的自拍🤳🏻道具！筷子都特別有心思，用完即丟，加長了亦特別好用！👍🏻今次食的是海鮮拼盤6😊花膠魚粥鍋底，估唔到二人分量都有甘多花膠，不得了！😊一見到呢個海鮮拼盤，超満足！用料全部新鮮！👍🏻👍🏻一次過放入鍋中，令粥底加倍鮮甜！手切牛肉＄108（半份）最後呢碗花膠加魚加海鮮的粥，超級鮮甜，一般食開的粥底，要加的南瓜，蛋，蔥花，呢碗，完全不需要！😋😋😋食唔停口！

性價比高！食過最乾淨最新鮮嘅海鮮火鍋餐廳👍🏻侍應態度好，會幫手淥海鮮，亦會話你知淥幾耐。同幾個朋友一齊去，個個都讚不絕口不過夾海鮮有啲難度，成餐見到唔少人夾但都冇人夾到

如題，性價比好高，海鮮比預期中新鮮同乾淨，可以再去！今次10個人一齊去，分兩張枱冇得一齊坐，但其實都傾到計算唔錯。幾個侍應都好好人，會幫手淥海鮮同教你唔同野食要淥幾耐。

一直以為登打士廣場只得樓上cafe餐廳，但原來3樓有間品質不錯的阿爺粥品手工涮涮鍋，而且地方光猛整潔，抽氣系統又不錯，完全沒有火鍋味，第一印象實在不錯。今晚點了兩人海鮮餐 - 「海鮮拼盤 $498」：但因為我們不蝦，所以餐廳轉了蟶子兩隻給我們；而又因爲餐廳的花膠剛好用完，所以免費替我們升級，送我倆《補美顏燕窩桃膠粥》作湯底，真好！花膠魚湯粥 - 轉了《美顏燕窩桃膠粥》。桃膠愈滾愈溶，令湯底都變得很有膠質，木得瓜又令湯底變得清甜，整體很潤、很有養顏感。《波士頓龍蝦一隻》 - 滾5-7分鐘。大隻而且肉質極嫩鮮味，口感十分彈牙，蝦鉗亦大隻多肉。《肉蟹一隻》 - 蟹肉不鬆散，新鮮。《海中蝦四隻》 - 轉了蟶子兩隻。兩大隻蟶子鮮甜又爽口彈牙。《花甲》 - 反而這個有點韌。另外散點了幾款火鍋配料：《手切牛肉(半份) $108》薄身無渣，脂紋分佈平均，入口軟腍而且肉汁充滿牛味，很讚。《韮菜餃 4粒 $38》韮菜餃餡的肉和韮菜分量平均，味道沒有互搶，餃皮有口感不會很腍、不易爛，只有4粒實在不夠喉。《文昌雞(半份) $168》雞肉鮮嫩，但仍然要小心控制時間，否則變老會浪費。《鯇魚腩 (半份) $38》鮮

去完波鞋街買咗最新嘅AIR MAX之後, 就喺附近食個打邊爐先, 發現原來有一間係用粥底嚟做火鍋嘅餐廳, 諗起都想食, 就一於去食啦點咗一個海賊雙飛鍋, 首先要揀咗個花膠豬手鍋, 熱辣辣嘅豬手和花膠, 醬汁非常之出色, 花膠好q彈, 又軟身, 食落去真係感覺到非常之滿足感覺! 豬手骨膠原非常之多, 一口即溶食完之後就有個粥底, 黑松露嘅粥底令到海鮮更加提鮮, 海鮮裏面有元貝, 有海蝦, 花蟹, 仲有貴妃蚌, 我最欣賞嘅就係佢嘅鮑魚, 十分Q彈, 食完所有新鮮嘅海鮮之後, 粥底己經有海鮮精華, 非常鮮香, 不錯不錯

今日去先達放電話，個價都唔岩心水 嬲嬲地叫班朋友出黎同我食野，成班朋友最岩就係食打邊爐 加上又開始入秋 岩哂！食打邊爐前先食一個花膠豬手鍋，呢個鍋味道好濃厚，花膠好入味，豬水好嫩 d骨膠原出哂黎呢！食完就食我地個黑松露粥底邊爐啦！一開始就先放海鮮落去，有生海蝦 海花蟹 貴妃蚌 ！我最中意就係生海蝦，海蝦非常大食，入面仲好多蝦膏 蝦肉非常新鮮彈牙！然後就係火鍋必備既肥牛片，油脂好豐富，牛味十足 又嫩滑！食完肥牛，海鮮都熟哂，個粥都差不多了， 仲吸哂海鮮既鮮味，我地都好中意個粥 好味！食完餐廳仲有個小遊戲玩，夾海鮮 夾到就係屬於你，但我都空手而回 sad !甜品叫左炸鮮奶，食落奶香味好濃，下層類似春卷皮咁 甜得黎唔會死甜 滿足！