阿木台灣麵 (豉油街)

營業中

休息中

之前一直都好想去試一次，早幾日見佢拒絕CCTVB既採訪就知係黃店所以即刻衝左去食🌞🌞 4點幾去到要等一等位，不過都無減想食好西既心情🤤 因為好鐘意食蕃茄湯既食物，所以就叫左蕃茄湯牛肉麵，佢有翻角切同片切，我就叫左片切啦。除左牛肉麵之外仲叫左鹽酥雞，芝士肉鬆蛋餅同珍珠奶茶。 蕃茄湯好濃味好正，好似食緊西餐飲蕃茄湯咁😂碗入面既牛肉有4舊，係4大舊呀！又厚又大件，好良心🌞牛肉煮得好淋，絕對唔會太硬咬唔爛，好好食！麵既份量同口感都適中，亦唔會太淋太硬。但食哂D麵，肉都仲有2舊喺到😂真係好多肉 芝士肉鬆蛋餅有6舊，同人share一人三舊，但個人就覺得芝士肉鬆唔係好啱我口味，會想食咸甜咸甜個種味多D，芝士味唔會太濃，唔會遮到肉鬆味，但咬咬下都會食到芝士味，蛋餅唔會太油膩，正~ 鹽酥雞脆口大舊，碟上面都有好多舊，好抵食。鹽酥雞感覺唔夠味都可以落佢哋枱面上面提供既調味粉，會更加濃味。雞可以更加嫩滑，有少少鞋口，但可以接受。外面既脆皮都夠脆口，唔會淋哂，正！

呢排popo成日拜訪阿木，好影響阿木做生意🤬小編今次透過皇遞 @yellowd_tsw 嘅團購支持下阿木！阿木呢排都係多區有團購👾明白宜家疫情未必會周圍去食野😷大家都不妨留意下自己區有無搞開團購，一齊都係疫情幫補下唔同舖頭😢同時間，疫情大家都好難搵工，幫襯舖頭之餘，又可以令外賣師有收入幫補下生計一舉兩得嘅事，唔係唔做牙？🤧==============================阿木台灣麵 @mu_taiwan_noodle📍 旺角廣華街8號地舖 （油麻地站A2出口，步行約6分鐘）⏰ 星期一至日 11:30 - 22:30📍 旺角豉油街60-102號鴻都大廈地下3-4號舖（旺角站E2出口，步行約6分鐘）⏰ 星期一至日 11:30 - 22:00==============================1️⃣ 【阿木手工太陽餅】$138開頭對於阿木嘅太陽餅有好高嘅期望🤔覺得阿木嘅太陽餅會令我好有台灣嘅味道🤧，但落差都有啲大😢一盒入面總共有8塊，盒嘅設計好簡潔唔花巧😚太陽餅外皮偏硬身，雖然外皮都會碎，但效果不太大，唔夠酥軟😥而內餡嘅麥芽糖唔算好多同偏淡，所以食落都唔算好甜，甜度剛好就算一個

🔹 阿木台灣麵開多咗間分店係豉油街啊❗️係本店行3分鐘就到，舖面大少少，唔洗再排咁耐都有得食了😋 不過今次去食新分店，唔知係咪因為咁所以味道有少少唔同呢😳1️⃣ 芝士肉鬆蛋餅 $42 (7/10)台灣人早餐必備蛋餅🍳 肉鬆keep到鬆脆，同蛋好夾😋 芝士味係有嘅，都食到有芝士，但無拉絲效果😗 如果上面多返啲汁，味道一定會更豐富姐🥳2️⃣ 鹽酥雞便當 $54 (7/10)鹽酥雞依然咁鬆脆，完全做到皮薄多汁😍 無食一排炸功依然好好，加咗好多分🤣 不過味道仲係差啲，要落旁邊嘅鹽酥雞粉就夠味🤪同朋友share黎食，揀咗多汁多飯，果然夠晒兩個人分👍🏻 仲有配菜，好抵食😆 不過魯肉汁好似退步咗咁😢 魯汁味層次無咁豐富，同埋飯有少少淋得濟🍚 可能因為上次係本店食，今次係去新分店掛🥺3️⃣ 梅子地瓜條 $36 (6/10)同想像中嘅炸法唔同🤣不過亦都因為咁所以多咗份口感😆 叫左多梅粉，但都係啱啱好夠🧂地瓜條分量都唔少，幾夠食👍🏻 當小食share黎食唔錯～

好攰呀呢排成日都係6:30落堂，尋日7:30先落堂，難得今日四點就落咗堂，就同同學去咗旺角豉油街嘅阿木台灣店分店食early dinner。其實我都唔知呢餐係咪early dinner，如果我今晚肚餓再食嘢嘅話，呢餐就係下午茶。上次係同學食蕃茄牛肉麵，我食紅燒牛肉麵。今次我哋啱啱好掉轉，可能真係因為隔離飯香。即係今次我食蕃茄牛肉麵，佢食紅燒牛肉麵。🍜番茄牛肉麵（走蔥）$65呢個番茄湯底味道好濃，會食到蕃茄肉。每條麵都掛上番茄湯，所以啲麵好有番茄味。酸酸甜甜好開胃，不過呢個番茄湯我覺得係甜味多過酸味嘅，所以就算怕酸嘅人都可以食到。本身想落麻辣醬，但因為個番茄湯已經好濃味，所以我最後都冇落到。牛肉有五塊！仲要五塊都好大塊，真係好大塊。每款都煮得好淋好入味，好食。🧀芝士粟米蛋餅（走蔥）$40我地每人叫左一份，每份都好大份，每份都有厚厚嘅六件。芝士同粟米餡都好多。我放咗少少麻辣醬喺面，成件蛋餅更香。🧋黑糖珍珠鮮奶（微糖）原價$34用左半價$17加嘅。有得揀熱定凍嘅，為左養生，我哋揀咗熱。怕甜嘅我地揀左微糖，不過都仲係有啲甜，但幾好飲嘅。臨走前見到門口有好多野食賣，幾吸引，影低左幾樣，可能下次黎

今日竟然四點鐘就放學，所以我同朋友食個下午茶先再返屋企，又係食阿木，上次食都係星期三。講返食物。紅燒牛肉麵 ($65)上次試蕃茄湯，今次食返原味紅燒湯底。啲麵一樣咁煙韌，好好𡁻。仲有五大舊牛肉添，幾嫩唔鞋！超抵食！不知不覺就食曬。芝士肉米蛋餅 ($40)今次呢個蛋餅嘅芝士份量好多，加埋啲甜粟米好夾！如果中午芝士嘅朋友可以叫呢個，比肉鬆芝士多啲熟芝士。黑糖珍珠鮮奶 (+$17)嘢飲半價，幾好可以叫熱嘅。我覺得呢個比較甜，下次想試下佢地嘅冷泡茶。佢地仲有好多台灣小食，買咗少少拌麵返去食，$48一盒個盒大兩份。有胡麻味、惡魔麻辣味、蔥油味同椒麻味。另外$138仲有一盒太陽餅添！門口個櫃勁多嘢食，好震撼！唔買都睇下！影完相都得返半個鐘食，食到六點好驚俾人拉。好彩平時喺學校train開，有時食飯時間得10分鐘。👍🏽

阿木台灣麵喺旺角有兩間分店(其實近油麻地多d)，可以喺food gulu app嗰度攞定飛先。我哋就啱時間攞飛，所以今日唔駛等好耐。我地去左細d嗰間分店(近廣華醫院嗰間)，舖頭就比較細啲所以都比較迫，不過服務都唔錯。呢度出名牛肉麵，所以我哋都點左一碗麻辣牛肉麵，碗麵好紅，望落好辣咁但其實唔辣，麻味好夠，越食越惹味。我地揀左角切，多d筋 (片切多肉)，牛鍵燉到好淋，加埋麻辣汁真係好醒胃。其餘嘅食物我覺得唔算好出色，不過不失，唯獨對珍珠奶茶有d失望，因為珍珠咬落有d似像膠。- 炸排骨肉燥便當( 多肉燥) $54- 麻辣牛肉麵 $58 - 芝士肉鬆蛋餅 $42

嚟到一間由台灣人開嘅正宗台灣食店 有如至身於台灣嘅感覺 店舖員工服務熱情有禮 我點咗碗紅燒牛肉牛筋麵 碗麵排滿牛肉牛筋 好多 D牛筋好入味又淋滑 特別D牛肉 佢係用上厚切牛肉 入口啱啱啱好 一杯炭燒烏龍茶 加上滑滑芝士 令你品嚐到一種新嘅感覺真係名符其實嘅芝士岩鹽奶蓋炭燒烏龍茶 如果你有機會到本店舖品嚐食物 你一定唔好錯過嚟種飲料 直得推介餐廳仲有好多不同台灣小食可購買回家慢慢享用 我自己最鐘意佢個spicy source 啊 好正正

這間阿木牛肉麵，我去第二次了，上一次是去廣華街那間，今次是去新開的豉油街那間。今次聰明了，預先在程式 the gulu拿飛，回想起上次沒有這樣做，等了4，50張飛才到，真是痛苦！今次吃了麻辣牛肉麵，鹽酥雞及喝芝士岩鹽奶蓋炭燒烏龍茶。麻辣牛肉麵很好吃，跟上次一樣，牛肉份量很多，每一塊都是厚切，麵質很彈牙，麻辣湯的味道有點像他們的自家麻辣醬。鹽酥雞十分香脆可口，對於我來說也不用加特調鹽酥雞粉，因為味道已經很足夠了。還有芝士岩鹽奶蓋炭燒烏龍茶，非常好飲，推介俾你地！

阿木台灣麻辣牛肉牛筋面一直都好想試佢哋嘅牛肉麵因為聽講到非常之正宗，今次點左麻辣味食落真係完全同台灣嘅地道係冇分別牛肉同牛筋嘅份量都10分多而且佢哋唔會有肥肉食落都唔會油膩終於唔使走去台灣都可以食到正宗嘅牛肉麵一解相思之苦鹽酥雞食台灣野當然唔少得嘅就係食台灣嘅小食啦鹽酥雞絕對係代表作鹽酥雞唔會太多粉食落唔會太熱氣絕對要加去地嘅鹽酥雞調味粉，因為味道更加出色芝士岩鹽奶蓋炭燒烏龍芝士味好濃，岩鹽陪啦芝士嘅味特別咁夾烏龍茶嘅味道都好香整體成杯嘢飲層次感今日排隊既人都好多好彩用左app拎飛，因為唔係嘅話星期六日係要等好耐，果然係網紅店今次食得十分滿意

不能去台灣，唯有就是不斷的去試台灣料理的餐廳，今天終於試到阿木台灣麵-一間台灣人主理的台式料理店，地道台灣風味的黃店💛。1️⃣紅燒牛肉牛筋麵 $138 兩碗湯底味道濃郁，麵非常大碗，牛肉牛筋炆得好軟腍，很入味。2️⃣鹽酥雞 $38鹽酥雞炸得很香脆。3️⃣芝士肉鬆蛋餅$42肉鬆很多，但芝士不算多，味道正正常常。4️⃣冷泡玫瑰花烏龍$145️⃣話梅四季春 少甜 $12這個價錢是不錯呢。聽說牛肉麵是手工麵，所以特別好吃。

作為平常嘅主食的確係一個唔錯嘅選擇今次試咗下午茶輕食 一款主食配搭三款小食 在免費加一個飲料我就揀咗麻醬麵加台灣腸丶黃瓜丶甜不辣同珍珠奶茶真係好好飲 絕對係午後醫肚好選擇😉

*阿木*同朋友一齊食呀木，好中意食台灣夜，無得去旅行就留係香港食勁出名既呀木開心呀。真係樣樣野都真心好好味呀，我地叫左牛肉牛肉麵😍牛肉4塊大大塊咁係碗到，配埋酸菜同埋蔥一齊食真係好正，味道同配菜都好完美。主食仲有肉燥拌麵，好想好好味呀，麵好彈牙配合香口既肉燥真係一流我地叫左3個小食，有芝士肉鬆蛋餅，鹽酥雞同埋甜不辣。芝士肉鬆放埋一齊居然出奇咁好食，足料又大份，食到停唔到口鹽酥雞好香口好好味甜不辣外脆內煙煙銀銀，味道好可口。飲品我地點左黑糖珍珠鮮奶+仙草同埋蜜桃烏龍冷泡茶，2樣好好飲😍

今日下晝買完模型 同咗隻豬去咗食台灣嘢食～隻豬同我講 之前去過呢間阿木喺台灣好出名～雖然去到要等位 但難得一場嚟到就等多陣吧～坐落都無人嚟落單 先發覺係用電話電子落單～除咗堂食同外賣之外 仲發現舖頭出面有個大貨架有好多台灣嘅特色食品 可以買翻屋企親自下廚添有台灣最出名嘅太陽餅 豬腳 拌麵 同台式飲品啊哈哈 係機會 買翻啲手信 送俾朋友仔同屋企人呢紅燒牛肉麵 ($65)牛肉 用咗新鮮嘅牛展 佢有成半隻手掌 咁大舊架重點係有四舊 應該係二人份量 哈哈 性價比好高仲好厚身同好淋 有豐富嘅膠原蛋白添啊麵質好爽口彈牙 配上濃郁嘅湯底好夾吖鹽酥肉便當 ($59)嗌咗個多肉燥嘅飯 如果肉燥再多啲會更好鹽酥雞 ($38)外皮炸得好脆 肉質好鮮嫩同多汁 好惹味吖炸甜不辣 ($29)人生第一次食 隻豬話好食 所以就嗌咗啊嘩正啊 好有咬口好甜哇 食到停唔到口唷冬瓜茶(熱) ($11)好男朋友嗌咗熱嘢俾隻豬 好翻先再飲凍啦冬瓜茶味香濃又健康 冬天不妨可以試下啊芝士岩鹽奶蓋四季春青茶(凍) ($19)嗌咗少冰呢 茶味香濃同好出 可以解油膩啊奶蓋仲好滑添 濃濃嘅芝士味 甜品達人首選

幾時先有得飛呀，疫情期間周圍都冇得去，唯有嚟阿木台灣麵感受一下台灣嘅味道提提大家如果要黎食台灣麵記得要用GULU 等位，咁大家就可以慳返等埋嘅時間啦喺阿木嘅門口就有一大堆台灣嘅美食，真係搞到人垂涎三尺有各式拌麵、豬腳、鴨血，而我最鍾意嘅麻辣鴨血竟然冇哂貨，好傷心兩碗正宗嘅台灣麵終於嚟到面前啦血紅色嘅麻辣湯底冬天食就最啱，食落其實都唔會係太辣呢度嘅牛肉係我食過咁多間台灣麵最足料果一間，有兩大舊，全部都好淋加咗$3有關朝麵，係比較闊身嘅麵條

超厚大大塊牛肉既台灣麵，牛肉又厚又淋又香，真係大件夾抵食，啲麵好彈牙加埋無味精嘅湯底，食完都唔會口渴。芝士粟米蛋餅中間啲cheese 流曬出黎配埋甜甜嘅粟米真係一流嘅口感。台式炸大腸，大腸外層炸到好脆好香，但係又保持到入面好淋唔會干，真係推薦。麻辣蒜香肉燥飯，肉燥加埋麻辣醬真係好特別，好香口忍唔住食曬啲飯，加埋蒜片一齊食又另一種好味嘅口感😋鹽酥雞炸到好香，啲肉好滑唔會干，加埋台上嘅鹽酥雞粉真係好野味芝士岩鹽奶蓋燒烏龍，厚厚嘅芝士奶蓋加埋清香嘅燒烏龍，完全估唔到既清新口感，令個奶蓋唔會好厚濟既感覺。黑糖珍珠鮮奶+香草，甜甜嘅黑糖鮮奶加埋香草清爽嘅口感，味道好平衡好正❤️