阿木台灣麵 (豉油街)

營業中

休息中

😇見到最近有好多人都去食哩間，今日咁啱得閒，所以抱着一絲嘅心態去食下！🍜牛肉麻辣麵(片切）$58不得不讚下啲麵條有嚼勁，越食越好味同上隱呀，千祈唔好比成碗辣油嚇親，其實並唔係好辣，如果唔想浄係齋食牛肉麵，想要啲唔同嘅湯底，麻辣湯係一個唔錯嘅選擇呀！而哩度既牛展厚厚地，本身以為會硬，但點知出乎意料地軟身，仲有好多舊添！😋🍗鹽酥雞 $22食食下牛肉麵覺得唔夠喉，可以試吓鹽酥雞！食落去咸度適宜，而且因為係即炸，所以好脆，連啲肉汁都bi出嚟😝，真係又好味又抵！🍵熱檸檬四季春清茶近排天氣寒冷，啱啱好可以飲杯熱茶！四季春既味道淡而清香，加埋檸檬就更加多種酸甜味，都係個唔錯嘅配搭嚟㗎！另外除咗以上menu之外，如果覺得回味無窮，除咗可以再光臨多次，亦可以選擇購買阿木太陽餅丶阿木椒麻拌麵丶阿木胡麻醬拌麵丶阿木惡魔拌麵等等禮盒架！😍😍

次次經過依間餐廳都見到人龍好長，就知道依間係間美食店。今次有好多時間係旺角，所以就排隊去試下，原來可以上GULU攞定飛，可以唔洗等咁耐。今次叫肉燥拌麵便當配炸排骨，已經好耐冇食過台式拌麵，今次就點依個餐，佢嘅麵係爽口彈牙, 仲有新鮮爽口嘅青瓜絲, 佢嘅肉燥幾好味，肉粒唔會太肥，令到成個麵香噴噴。佢嘅配菜都好味，特別係酸菜粒，同麵一齊食都好正。佢嘅炸排骨係熱辣辣，啖啖咬落去係香脆，肥瘦啱啱好。滷豬耳係好常見嘅台灣小食，豬耳膠質好豐富，入口軟滑又有脆骨，口感好特別。老滷汁令味道更鮮香醇厚。依間餐廳嘅豬耳比較淋，切到小小條，一啖就可以食到幾條。依家疫情關係，好多人都會鍾意係屋企煮，但有時好懶，但又想食好食嘅野，就可以買依D簡易方便料理包。

💛阿木台灣麵仲記得第一次食阿木仲未有好多人食舖頭個陣仲痴左唔少memo~~估唔到好快就大排長龍仲你隔離街開埋分店😍今次👩🏻家姐食飽tea 再加上就禁堂食5點黎陪👧🏻呀妹去新店食個early dinner 好好彩又唔洗排隊🤞🏻不過新店較細 坐得較逼 好似都係本店舒服點🍱鹽酥雞便當(💰$54)佢地其中一個加分位係肉燥飯有得揀多飯／多肉燥👀有三個配菜 老蛋 大腸 酸菜 不過👧🏻呀妹就冇食到肉燥幾好唔會太咸份量岩岩好😆起碼要做到全部飯都可以沾滿肉燥鹽酥雞粒相對較少 有六粒提提大家鹽酥雞調味粉係要自己落架🧂可以按自己口味喜好調較🥰🍳芝士肉鬆蛋餅(💰$42)‼️必食蛋卷皮係軟熟腍身 相比起其他係比較冇咬口👩🏻家姐反而鐘意帶點咬口的蛋皮中間有厚蛋 🍳芝士🧀肉鬆 蔥花🌱配搭得不錯 層次分明 咸味主要由肉鬆帶出阿木的蛋餅配搭幾好 勁足料 成日都食😆

阿木台灣麵 位於旺角豉油街60-102號鴻都大廈地下3-4號舖，開了新分店，店鋪大左，依舊好多人排隊等食，今次我一早GULU 拎飛，去到時間岩岩好。等食期間可以睇下門口既產品，有拌麵、台灣飲品、自家製醬、自家產品、台灣特產等等。台灣腸便當（$52）可以選擇多飯和多肉燥，我選擇了多飯和多肉燥，肉燥夠入味，肥肉較少，充滿豬肉香和肉汁。一片香腸和一片蒜頭一齊食，估唔到味道非常夾。芝士肉鬆蛋餅（$42）餅皮口感Q彈，蛋味香濃，包住半溶芝士，再加上惹味的肉鬆，肉鬆香口，肉鬆份量多，肉鬆惹味突出。珍珠奶茶（$30）奶茶入口順滑不苦澀，珍珠質感Q軟。

每次行過槍街都見到呢間台灣面好多人排隊，岩岩女朋友話我知可以用Gulu app上網攞飛，咁就唔駛喺門口慢慢等，做好安全社交距離。蕃茄牛肉牛筋麵蕃茄湯底味道唔算濃，牛肉牛筋都相當大份，每一塊肉都係厚切，對得起價錢，食完都基本上飽左七成。炸花枝丸一份有４粒，性價比就唔算高。鹽酥雞唔算好滑，但新鮮炸起配上味粉都係好食嘅，而且覺得味粉唔足夠的話可以自己加，值得一讚，不過我覺得份量都係少左ＤＤ。黑糖珍珠鮮奶味道唔錯，可以一試。另外門面而家仲新出左Ｄ阿木自家品牌嘅貨品，店員都同我地推鎖左幾款，分別係唔同味道嘅阿木拌麵仲有阿木太陽餅

上次經過舊店見到超級多人排隊，放棄左，今日經過見到豉油街開了新分店，見不算太多人等位，即刻禁飛排隊。餐牌選擇多元化，有牛肉麵、台式便當、拌麵、老台灣醃菜、台灣小吃、蛋餅、肉燥飯、魯肉飯，台式飲品，價錢合理。肉燥拌麵-每次到台灣餐廳都會必食肉燥，肉燥味濃郁，麵條好彈牙。鹽酥雞-炸得金黃酥脆，雞肉嫩滑，好Juicy，鹹脆香口蜜桃汁-蜜汁味突出，不太甜，而且仲有粒粒果肉，口感豐富門口亦有一大個貨架，擺滿自家品牌和台灣的產品，竟然比我見到有胚芽，即刻買左包返屋企沖飲品

*阿木台灣麵*2021年第一餐外出食飯❤️細佬想食台灣野咁就有佢去阿木啦😋介紹左佢食超彈牙牛肉麵4塊牛肉又厚又淋又大塊（好想學佢炆到咁淋呀）仲介紹左好好味鹽酥雞 又香又脆今次叫左芝士粟米蛋餅，d芝士流曬出黎，好正呀😍隔離枱睇到都忍唔住跟我地叫台式炸大腸：個大腸真係正到無得講，好似燒肉個種香味咁，外脆內軟仲配埋佢台上個辣醬真係好香（佢仲有得買48蚊）麻辣蒜香肉燥飯：有麻辣醬有埋蒜同好好味既肉燥配大大粒珍珠飯 份量真係好大好足料黑糖珍珠鮮奶+仙草真係我的最愛細佬叫左芝士岩鹽奶蓋燒烏龍個茶同奶蓋好夾❤️🥰好好味 台式炸大腸芝士粟米蛋餅黑糖珍珠鮮奶+仙草芝士岩鹽奶蓋燒烏龍香蔥麻辣肉燥飯紅燒牛肉麵鹽酥雞共：$278

在舊店吃了多次紅燒牛肉麵, 今日去新店再試一次。在疫情期間的中午時段等了15-20分鐘入座(其實比舊舖快多了)。落單後5分鐘牛肉麵就出現眼前。先喝湯, 第一反應是為什麼咸了....頗多。再加酸菜吃的衝擊更厲害。是自己吃得清淡了? 還是湯頭改了? 反正以前我會多喝幾口湯, 今次就不了。麵幼而微曲, 硬度適中。點的切片牛展(另有角切)有四塊, 非常大塊而厚度更接近1cm。以前的有點太軟太鬆, 今次的有點𡁻頭, 比較厚實👍。但是牛展真的太大塊了(我是第一個投訴的嗎?😅), 吃完肚子有點太充實。幸好沒有加㸃前菜小吃, 不然怎可能吃完全部。總括來說, 仍是店家誠意之作, 沒有在市道低迷時將貨就價👍。希望可以繼續保持水準。

🎅🎄一年一度聖誕節, 今年聖誕大家都好唔快樂, 但日子總要過, 唯有苦中作樂, 搵啲好嘢食吧! 最愛的台灣麵食開新店, 店面大咗好多, 光亮簡潔! .🍜麻醬拌麵 $37 ~ 熱食的! 暖暖而爽口彈的麵, 配上又濃又香滑的麻醬, 夾上新鮮爽口青瓜絲, 多重口感, 好滿足! 麻醬既香且滑, 又濃又杰, 麻醬愛好者不可錯過! .🧀芝士肉鬆蛋餅 $38 ~ 超超超軟滑的蛋餅, 比我在台灣的更好食! 滿到瀉的肉鬆, 香港的芝士, 味道出奇地夾! 🍑白桃紅茶 (凍) $34 ~ 味道好清新, 桃同紅茶原來好夾, 食咗碗濃濃的麻醬麵, 呢個紅茶正好解膩!.🤩新店門外有貨架, 超多台灣食品、飲品! 豬腳、拌麵、飲品、太陽餅、醬料…等等, 仲有我最愛的鴨血豆腐冬粉…啱晒而家幾乎日日要煮晚餐的, 仲可以一解對台灣的思念耶…🤤🤤

🎅又到聖誕, 🎄又再聖誕…今年攪攪新意思, 唔食西餐食台灣菜🤤 食咗當去咗的慨念! 🙄.🤤🤤最愛紅燒牛肉牛筋麵🍜 $69 ~ 我覺得係全香港最好食的牛肉牛筋麵! 🐄牛肉用上牛腱 (牛展), 又厚又大片又腍又滑, 一口咬落新鮮細膩, 🤤🤤🤤牛筋同樣又腍又滑, 超豐富膠原蛋白, 食落一口膠質! 麵質爽滑彈牙, 湯底濃厚無味精, 絶配! 👍👍👍🐥鹽酥雞 $38 ~ 呢度既炸物超讚! 炸皮薄又脆, 鹽酥雞用上全雞胸, 但一啲都唔嚡, 仲好 juicy! 👍🧀芝士岩鹽奶蓋炭燒烏龍茶 (凍) $42 ~ 奶蓋唔算好厚, 唔會好膩! 茶味都幾香! 🤩新店門外有個超大貨架, 大量台灣食品🥫、飲品🧃! 🐖豬腳、拌麵、飲品、太陽餅、醬料…等等! 麻椒拌麵好新穎 (我未試過🤭), 仲有芋香豬腳, 咁得意唔係唔買嚟試下掛! 🤗

一個人閒逛旺角終於有時間去拜會阿木台灣麵, 之前試過要等幾十張真係好誇張被迫放棄, 幸好今次只係要等幾張枱, 就可以入座. 午餐選擇了招牌菜紅燒牛肉麵配熱台式奶茶, 等左10分鐘左右已經上齊. 一黎見到牛肉麵鋪面的紅燒牛肉有4大舊咁多, 厚切得黎又煮得好腍好入味, 粗麵亦都好彈牙剛剛好, 最重要係湯底真係不錯, 令到牛肉更加保持到香濃嘅味道, 一啖牛肉一啖麵再加一啖湯整個味道配合得非常好, 熱台式奶茶我都幾鍾意佢嘅茶底, 算係不錯, 都可以推薦.

其實我已經試暈哂阿木店裡面差吾多所有野食。於是寫份食評支持吓, 依個時勢, 小店好難做。好味抵食既小店大家更加要多多支持一吓。老闆娘都從廣華街舊店搬左去依間新店。老闆娘係台灣人, 但我次次都同佢講廣東話佢都識聽仲好好心機。第一次食叫牛肉麵同古早味冬瓜茶絕對吾會錯。依兩款都係比得上我在台灣食既水準, 而牛肉麵真係數一數二! 以後去台灣可以留肚食其他野, 因為去阿木度食牛肉麵就!!另一推介係芝士肉鬆蛋餅 - 不過都幾飽肚嫁! 最好兩個人叫碗麵加蛋餅就差吾多!! 吾中意肉鬆既朋友都可以叫玉米。炸豬大腸味道吾錯, 但真係有d "un"... 我有時懶得趙。仲有記得帶多d 現金!! 因為好多乾貨買。 我試左麻醬味拌麵好味。 所以返轉頭買左最人氣的蔥油味返屋企試! 仲有幫朋友買左聽聞超正既鴨血冬粉同豬腳。

老爸最近係旺角食到間牛肉麵好好食，於是帶我去食，因lunch時間，所以等左陣先有位，佢鋪頭外面係賣下台灣野飲，零食，入邊就係鋪頭堂食。佢牛肉麵有紅燒，有麻辣，有番茄，我爸叫左番茄，我就叫麻辣，跟餐係有杯野飲跟，可以叫珍珠奶茶，lemon 紅茶，lemon清新茶，我就貪得意叫左杯lemon 清新茶，lemon唔靚，所以好苦。講返換牛肉麵，我試左少少個番茄牛肉麵個湯，一般，唔覺好重番茄味，反而我個麻辣味，唔錯，辣辣地，幾好味，佢牛肉好多，有大概4塊左右，每塊都好厚，味就冇咩，唔會話麻辣牛肉麵就諗任牛肉都係個隻味，其實冇。有好林，唔會咬唔開，以牛肉量既cp值黎講，係ok

這間阿木台灣麵新開嘅分店位於旺角豉油街嘅店舖!呢間店舖人流非常之多!好多客人係店舖門外等位!真係人流十分之多!一枱客人埋單出去!另外又有客人入去!真係未停過!.紅燒牛肉牛筋麵鹽酥雞便當芝士肉鬆蛋餅梅子地瓜條黑糖薑母茶芝士奶岩鹽奶蓋炭燒烏龍.紅燒牛肉牛筋麵呢碗紅燒牛肉牛筋麵!真係份量十足!去嘅牛肉勁厚!咬落去超腍身!牛肉間住一條一條紋!牛肉味道超好味😋😋😋!去嘅牛筋味道十足入哂味😋😋😋!咬落牛筋到又夠哂腍身!十分之有口感😙😙😙!真係好有水準👍👍👍!去嘅麵軟硬適中!爽口又彈牙!.鹽酥雞便當唔需要去台灣都食到😋😋😋!一次可以食到幾款好想食嘅食物😙😙😙!去嘅鹽酥雞都好有水準!味道恰恰好!外鬆脆內又夠腍身!肉燥飯食到入口!我覺得好有台灣食嘅味道🤔🤔🤔!肉燥夠哂腍又唔覺得韌!都算好好食!.芝士肉鬆蛋餅蛋餅賣相十分吸引😍😍😍!睇見都好想食🤔🤔🤔!真係睇得又食得!外皮好烟韌餡料十分豐富!又食到鬆脆嘅肉鬆😋😋😋!聞到好香嘅芝士味道😙😙😙!食到停唔到口!.梅子地瓜條金黃色鬆脆嘅外皮!上面洒滿梅子嘅粉末!帶出地瓜條甜味😋😋😋!又食到梅子小小嘅酸味!兩者食到入口感覺味道好夾!地瓜軟硬適中!當小食吃想當之正👍👍

呢幾日特別凍，突然諗起之前喺旺角行街經過一間好出名嘅台灣麵，超級多人排隊。於是今日就試下，門口超多人排隊同埋有餐牌仲有好多台灣嘅出產嘅特產。 我叫左一碗紅燒牛肉牛筋面，一擺上臺比想像中大碗好多，而且牛肉超級厚又大塊，牛筋都好多塊，古5到咁大份兩個人食都ok.牛筋都炆得好琳....啲汁都濃+新鮮嘅蔥花，好香。另外，點左個招牌小食芝士肉鬆蛋餅🥞。呢個肉鬆真係好正宗喺出邊食唔到呢仲味，而且雞蛋味濃郁。最後叫咗杯芝士岩奶蓋少糖走冰。比平時嗰啲味濃D，但冇咁甜～味道啱啱好。食完超級滿足，咁嘅價錢咁嘅份量，超值。