影片
開飯介紹
餐廳由台灣人主理，主打正宗台灣菜式，提供各式各樣的台灣菜，牛肉麵沿用家傳老店配方，以高筋麵粉每日手工製作；麻辣醬亦為自家炒製， 無味精無添加。
繼續閱讀
營業時間
今日營業
11:00 - 23:00
星期一至四
11:00 - 22:30
星期五至六
11:00 - 23:00
星期日
11:00 - 22:30
以上資料只供參考, 請與餐廳確認詳情
相關文章
《阿木台灣麵 - 旺角》以前喺旺角返工，我好鍾意嚟呢一間餐廳食台式牛肉麵，但係搬咗Office之後就好耐冇嚟啦🥸今次自己一個過到嚟旺角買嘢，順便就嚟返阿木呢一度食個下午茶啦🤓不過每次都食牛肉麵有啲單調，所以今次我就食咗另外一個未試過嘅麻醬拌麵🍜下午茶時間食堅係抵勁大碗💪🏻仲要有得加青瓜加麻醬添呀💁🏻♀️麻醬拌麵加糖心蛋老老實實，真係第一次食佢嘅麻醬拌麵，因為次次都食牛肉麵為主，但係拌麵嘅麵質其實更加彈牙，同埋個麵係用咗粗麵，超級掛汁😍不過略嫌個麻醬唔夠香濃，可以加多少少店舖特製嘅麻辣醬落去令到更加濃味😋另外我都加咗$11要多一隻糖心蛋🤗點餐嘅時候可以額外加多啲青瓜絲，食落更加爽脆同埋更清新，好適合夏天熱辣辣嘅時候食💁🏻♀️炸甜不辣甜不辣都係我去台灣好鍾意嘅其中一個小食，呢度嘅甜品辣煙煙韌韌又大片，本身已經有條調味，超級惹味😌如果鍾意食濃味嘅人可以落多少少椒鹽💁🏻♀️芝士岩鹽奶蓋炭燒烏龍茶炭燒烏龍茶我就揀咗無糖的，因為本身芝士岩鹽奶蓋就已經有少少鹹味，個奶蓋好香濃同埋好有芝士味，鹹香十足🥰同埋值得一讚係好大杯好夠凍，行完街熱辣辣飲真係好舒暢
繼續閱讀
📍 阿木台灣麵 Mu Taiwan Noodles🌍 旺角豉油街60-102號鴻都大廈地下3-4號舖📝整體評分：9 ／１０香港台灣牛肉麵好多但好食既好少。人氣旺但座位不多，以前同同事一lunch time就衝去拎位，宜家有GULU拎位，唔洗點排隊~✿ 紅燒牛筋牛腩麵• 湯頭是精髓，清香而不膩，無添加味精，加入香菜、蔥花和酸菜，湯底濃郁帶微辣• 麵條以高筋麵粉手工製作，煙韌彈牙，口感筋道• 牛腩與牛筋燜煮至軟腍，牛筋口感黏稠而爽滑；牛腱角切有厚度，帶豐富膠質，但牛味不足✿ 芝士肉鬆蛋餅• 肉鬆和芝士份量足，口感層次豐富， 餅皮濕潤而煙韌，帶濃郁蛋香，外層微脆✿ 蚵仔酥蚵仔新鮮但偏小，蚵仔的嫩滑，咬落有汁液流出，炸粉薄而脆✿ 芝士岩鹽奶蓋燒烏龍茶• 烏龍茶底帶炭燒香氣，奶蓋厚實綿密，帶微鹹芝士味，與甜味平衡，入口順滑，清新茶香與濃郁奶味正！✿ 黑糖珍珠鮮奶• 黑糖珍珠濃郁焦糖香，黑糖甜度適中，珍珠Q彈，奶香濃郁，不過叫左少冰都係好多冰～✿ 自家製麻辣醬• 超麻超香，長期擺罐係屋企伴麵食~
繼續閱讀
-而家已經好耐冇人提過阿木台灣麵，以前我好鍾意食佢嘅下午茶餐，可惜而家出嚟做嘢就食唔到了，紅燒牛肉麵一定要叫片切，角切就會變咗肉粒而唔係一片片嘅牛腱，另外辣醬係一定要加落去個面，牛肉麵除咗牛腱數量多之外，麵質都啱啱好，雖然我個人鍾意更加粗嘅粗麵，整體嚟講味道偏濃，唔係台灣地道嘅湯底味，但係我個人幾鍾意另外蛋餅都係必叫，雖然餅皮偏厚，但肉鬆勁多，芝士份量都好夠，試完真係返唔到，轉頭會想再食珍珠奶茶一定要叫少冰，試過一次冇叫少冰成杯都係冰，好鍾意佢隻杯，因為令到杯珍珠奶茶嘅冰度可以保持到，我好鍾意阿木嘅珍珠奶茶，真係台灣飲到嘅味，唔係茶濃飲落好足料嗰隻😂，如果有得單點平平地外賣就好了，老實講單點$30外賣又唔係大杯真係好貴-▶︎紅燒牛肉麵 - 片切 | $70▶︎芝士肉鬆蛋餅 | $49▶︎珍珠奶茶 微糖少冰| 午市加配$10-📌#sorriso_旺角 #sorriso_油尖旺區-🏠【阿木台灣麵 Mu Taiwan Noodles】📍旺角豉油街60-102號鴻都大廈地下3-4號舖🕑星期一至四 11:00 - 22:30 星期五至六 11:00 - 23:00 星期日 11:00 - 22:30更多食評ig: @sorriso.foodie.hk -#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #旺角美食
繼續閱讀
旺角 阿木台灣麵 嘅 #麻辣紅燒牛肉麵 真係令人回味！湯底麻而不燥，香濃得嚟層次分明🌶️ 特別鍾意佢可以自選牛肉切法，今次試咗角切版本，大大粒牛腩炆得軟腍入味，份量仲要夠晒慷慨～ #蚵仔酥炸得金黃酥脆🦪 外皮輕薄，蠔肉鮮甜多汁，蘸少少椒鹽已經好惹味！ 加半價換購嘅 #岩鹽芝士炭燒烏龍茶好驚喜🧀 炭燒烏龍茶底醇厚，配上鹹香芝士奶蓋，飲落順滑又解辣，完美配搭～ 餐廳環境乾淨企理，服務殷勤，拎過好多獎項，難怪平日午市都坐滿人！
繼續閱讀
今天路過旺角，看到這間長期需要排隊的台式食肆，已經搬到旁邊的舖頭，裝修和空間都很舒服，便入內吃過下午茶。紅燒牛肉牛筋麵（角切）轉新竹米粉$83，牛肉軟腍可口，軟硬適中，牛筋入口溶化，炆煮得恰到好處。湯底帶着濃郁的牛骨味道。新竹米粉爽口彈牙，吸收了湯底的鮮甜味道，更加美味可口。酸菜份量十足，平衡了牛肉的油膩感覺。整碗紅燒牛肉牛筋麵，無論牛肉、牛筋和米粉都份量十足，就算兩個人吃，再加個小食，都足夠飽了。原粒烏梅汁（凍）加珍珠 +$5，加仙草 +$5，$25。不會太酸和太甜，喝完頗為開胃。珍珠和仙草混合烏梅之後，更加美味，爽口彈牙，煙煙韌韌，是必須要加的。冬瓜茶（凍）加仙草+$5 $29。甜度適中，帶着濃厚的古早味道，加上仙草糖滑可口，這杯飲品，具有濃郁的台灣特色。肉燥地瓜苗$45，肉燥帶着濃郁的醬油香氣，對點脂肪的甘香，加上爽甜可口的地瓜苗，健康又好味。台灣小香腸$32，香腸已經切片，加上蔥和生蒜之後，減除了油膩感，增加了味道層次。
繼續閱讀