阿木台灣麵 (豉油街) (已搬遷) 新店位置

之前喺廣華街經過無數次排隊排到崩潰嘅經歷，今次開新店即刻同細妹衝住去食⋯⋯好開心好開心！📍阿木台灣麵旺角豉油街60-102號鴻都大廈地下3-4號舖🚶🏻位置：旺角E2出行5分鐘左右，同總店唔係差好遠。環境：比起總店闊落少少，坐得都舒服！食物：🟠麻辣牛肉麵 $65超大舊筋肉分佈平均嘅牛肉，一碗就有四大舊。牛肉軟熟，麵底唔算太辣（平時譚仔食開二小），建議加啲佢哋自家製麻辣醬！評分： 🌕🌕🌕🌕🌘回頭率：🌕🌕🌕🌕🌗🟠鹽酥雞便當 $56鹽酥雞皮肉無分開，炸皮都幾薄，仲有肉汁，超抵讚😍😍😍便當仲有三款小菜。嗌咗半飯都係食唔曬～細食女生要注意評分： 🌕🌕🌕🌕🌗回頭率：🌕🌕🌕🌕🌖🟣梅子地瓜條 $36意料之外嘅好食，平時嗌豪大大都會食，但呢隻真心一啲都唔乾！評分： 🌕🌕🌕🌕🌗回頭率：🌕🌕🌕🌕🌘🟣芝士肉鬆蛋餅 $42一定一定會再嗌嘅程度。餅皮好薄，但好煙韌。肉鬆料超超多，蛋有蔥，加埋芝士整體偏咸，超級好食。評分： 🌕🌕🌕🌕🌕回頭率：🌕🌕🌕🌕🌕⚪️芝士岩鹽奶蓋炭燒烏龍茶（少甜） $19奶蓋較傑，正！茶底幾濃，少甜啱啱好。評分： 🌕🌕🌕🌕🌖回頭率：🌕🌕🌕🌕🌕⚪️黑糖珍珠鮮奶（少甜）$17少甜都有啲甜，下次會試半糖。

久仰大名 終於俾我食到呢間人氣店由於任何時候都一大堆人喺門口等我見有日成9點都未食野 諗住試下會唔會少人啲我用gulu app攞定飛 一個人都等左半個鐘9點半先入座 可以快食半個鐘紅燒牛肉牛筋麵 $69每次食台灣菜 我就會好想叫呢個麵而阿木嘅紅燒牛肉牛筋 係我喺香港食過最厚最多 紅燒牛肉厚得黎都好腍好入味牛筋又腍又多 不過麵底就冇乜特別芝士玉米蛋餅 $40蛋餅非常煙韌 餡料好豐富每咬一啖 芝士都會漏出黎咁不過食落都幾滯 如果有人share就最好啦桂圓紅棗茶 $24呢款飲品都冇咩野可以衰 所以係正常發揮整體十分滿意 想念台灣味道一定要試門口仲有好多台灣手信可以買食完買埋手信 簡直似去左轉台灣旅行

有時真係唔想成日食西餐，台灣麵有咩出名嘅餐廳呢？旺角好出名，排晒長龍。我叫咗一個紅燒牛肉牛筋面炸花枝丸有四粒另外飲品就係芝士岩鹽奶蓋四季春春茶。紅燒牛肉面多數呢好難整得個湯底好食。今次呢個紅燒湯底呢係夠晒味。牛肉牛筋呢亦都好少何可以整得禁林唔使點咬啦。同埋佢嘅肉一條一條間開，肉/筋/肉/筋。所以佢嘅肉質係好林，咬落亦都唔會。硬而且呢一碗麵有四大塊，大大嚿添。牛筋亦都好林。啲花枝丸用鹽炸得外脆，入面係好厚嘅肉另外有花支喺入邊呢大大嚿嘅，有啲咬口。個飲品亦都充滿着芝士味岩鹽琴埋奶蓋加埋茶嘅味道好香亦都好過癮。

今日係豉油街附近開完會，同同事傾開想去邊度食好野，大家好掛著台灣美食，又俾我地搵到附近有無好食嘅台灣菜去回味下😋一去到鋪頭，已經見到好多人排隊等入座，都知道餐廳有返咁上下水準😎 咁我就叫左個麻辣牛肉牛筋麵，再加個個珍珠奶茶飲，而個朋友話等陣又要見客，所以只係點左加鹽酥雞食下🤔個麻辣牛肉牛筋麵超大份，牛肉牛筋俾勁多勁大舊，但又炆得好腍，一咬就斷，超入味☺而最緊要係個湯底夠麻夠辣，食到出曬汗，超爽😎而個珍珠奶茶睇落好似正常嘅茶餐廳嘅樣，但飲落茶味夠濃，珍珠亦都超多，食極都仲有😂😂真係勁似係台灣飲個隻味道 🙂另外， 我都有偷下朋友叫嘅鹽酥雞黎食啦 🤣 味道夠之餘，炸得夠香口，早知叫多份黎食，差啲食埋朋友個份添🤤總括而言，哩間餐廳水準唔錯，聽隔離枱話佢有好多間分店嘅， 為食嘅朋友可以去就腳嘅分店食，應該水準都差唔多。臨走之前，店員都有俾啲台灣嘅小或者手信我地睇，有興趣嘅人都可以去買下黎食架 😉

阿木台灣麵真係食過好多次，次次都勁多人排隊，真心覺得係香港幾好食嘅牛肉麵，覺得又抵又好食！🍴紅燒牛筋牛肉麵 $68大大塊牛展，煮到好軟淋，有肉有筯，好好食！麵係幼面，軟硬適中，有好多酸菜，湯底帶微微嘅藥材味，但更多嘅係湯底嘅鮮甜，飲完呢唔會口乾！堂食嘅話一定要食佢哋嘅辣椒醬，真係又香又辣又麻，食到停唔到口！推薦指數: 9/10係我食過最好食嘅台式牛肉麵！

餐廳：阿木台灣麵 (旺角)地址：旺角豉油街60-102號鴻都大廈地下3-4號舖終於有機會去阿木台灣麵嘅第2分店，豉油街呢間店面積比廣華街果間更大，不過同樣都喺咁多人幫襯🤣，過咗6點鐘要等位是常識吧😎雖然位同位之間比較近同窄，不過佢哋嘅嘢食又真喺大份夾抵食，所以先吸引我再次去幫襯😆✝️蕃茄牛肉牛筋麵 $69有兩大舊好腍、帶有少少筋嘅台式牛肉，厚度足足有2-3cm😍，牛筋亦都有五六舊，煙韌得嚟有啲爽滑，試問平時出面食台灣麵又邊有咁多餸（或者有可能我唔知，歡迎大家報料😛）；蕃茄湯正常發揮，仲食到幾舊蕃茄蓉🍅✝️台式炸大腸 $39一碟份量都幾多，夠2-3人食，大腸唔會有腥羶味，算喺洗得乾淨👍，炸脆咗嘅大腸外層包住厚厚嘅腸脂肪，放入口先咬到脆卜卜嘅腸衣，之後就可以慢慢咀嚼大腸嘅內層，口感相當豐富🤤✝️黑糖珍珠鮮奶 (跟餐半價$17)嚟到台灣餐廳又點可以唔飲返杯台式飲料🧋？叫牛肉麵或者便當都有半價優惠嗌飲品，十幾蚊杯對比起出面都算抵飲啦🤑，我呢杯奶香味幾濃，珍珠亦都唔少，叫走冰都仲裝滿成杯比我，抵飲啊🤩適逢端午節，佢哋仲有自家出品嘅糭賣，門口亦有多款唔同嘅台式食品售賣🇹🇼，等你係屋企都可以輕鬆食到台灣菜

呀木台灣麵最鍾意食嘅台灣餐廳阿木次次都勁多人排隊，等完一輪等到位真係特別開心。今次叫咗肉鬆芝士蛋餅，鹽酥雞，台灣牛肉麵，排骨肉燥飯便當，最愛芝士奶蓋同凍飲茶蛋餅真係每次一定要叫既主打食品，肉鬆芝士蛋餅或者粟米芝士蛋餅都係我嘅最愛台灣牛肉麵，大大件牛肉，真係好好味，麵好彈牙😍正鹽酥雞真係冇得輸配埋呀木個辣醬真係正爆！個芝士奶蓋係我最鍾意飲架😋每次去阿木必叫今次仲有好多話梅果干同鹹肉糭到貨可以同職員講聲

🍜紅燒牛肉牛筋面湯都超級濃，麵嘅上面仲有好多配菜紅燒牛肉就咁睇都有超過五嚿，睇落筋肉分明，食落都超級軟腍，牛肉味好重牛筋嘅部份問得超級腍，係滿滿骨膠原嘅感覺關廟麵係粗麵的，食落非常之彈牙我覺得最緊要係一定要試佢嘅辣醬，真係超級好味，有啲打邊爐辣醬嘅感覺辣醬是自家製的可以買返屋企試試添啊要關廟麵要加$3！🥤芝士岩鹽奶蓋四季春清茶🥤芝士岩鹽奶蓋烏龍茶芝士岩鹽奶蓋超級濃厚，而且份量非常多，飲咗半杯都仲係飲到奶蓋👍🏻不過就冇得走甜啦鹽酥雞分量正常，新鮮炸出上枱，非常熱辣辣肉質偏硬，炸粉條味好好，雞味好濃，真係好有台灣夜市食嘅感覺芝士玉米蛋餅蛋同埋芝士非常多，一啲都唔吝嗇而且蛋餅真係有煙韌嘅感覺，我覺得係出面食係好少有嘅總結，位置非常方便，雖然平日去都好多人排隊，不過旺角側邊有咁多嘢行，所以等耐啲都冇所謂而且呢個味道呢個價錢，要等位都好抵下次會想試吓買吓佢啲周邊返屋企試

新舖座位較多，感覺等位時間有縮短。但中午食晏時間都係比較多人，都等咗大概20分鐘。等位期間會俾咗餐牌揀住先，入座同時就可以落單，食物都上得好快。肉燥拌麵便當配鹽酥肉 $54套餐會附送小菜，包括有甜酸齋，滷蛋及菜脯。之前有食過麻辣拌麵，麻辣醬份量係固定，食落都幾辣。所以今次就揀咗肉燥拌麵，可以再按自己口味加返佢個自家製麻辣醬。麻辣醬味道好香，中意食仲可以買埋返屋企。鹽酥肉就係豬頸肉，表面炸粉唔會太厚。由於鹽酥肉比較厚身，食落都比煙韌。

去開附近驗武肺，就順手食呀牛肉面，又可以支持黃店。今次叫左紅燒牛肉面 + 台式奶茶 ($62)，非常好食，牛肉數量又多又淋 ，面質又幾好。 其實三種味都食過，各有千秋。

太挂住台灣，約埋朋友要食台灣野首選梗係阿木~~建議大家食之前一個鐘就可以上GULU伶飛因爲真係好多人等位阿木有賣台灣特產，等位期間可以睇睇有無心水呢個鳳梨酥係用左金鑽鳳梨，睇到已經流曬口水端午節就快到，買左d粽返屋企孝敬媽媽仲有d水果乾，好多不同味道選擇買到好似去左一轉台灣咁紅燒牛肉牛筋麵 $69+$3 轉手工關廟麵分量超多的！兩個女仔share一碗都無問題！手工關廟麵比想象中沒那麽煙靭，屬於比較軟身的麵身寬大，挂湯能力高, 值得一試起碼有五大塊牛肉同牛筋食到最後都仲有肉牛肉極厚身，炆得入味，一咬就化牛筋都好軟，濃濃骨膠原！推介一定要加他們的麻辣醬！完全將味道升華！辣而不膩！但超級香濃同個牛肉湯很夾鹽酥鷄 $38即炸很香口!臺面有鹽酥鷄味粉，可以自由加，仲可以買回家雞肉不老，裏面還鎖住肉汁芝士玉米蛋餅 $40餡料豐富，蛋皮加埋d特調醬汁，入口很和諧味道很豐富飽腹感很強芝士岩鹽奶蓋四季青春茶 $38 如果用透明杯應該會見到好靚既漸層！味道都頗正宗奶蓋濃厚青春茶解膩一流！整體性價比高，終於明白點解咁多人捧場！正！

看了飲食雜誌介紹，今天專誠到旺角阿木一試，點了一碗台灣紅燒牛肉麵和炸大腸。紅燒牛肉麵賣相相當吸引，大大碗，有五至六片成cm厚的紅燒牛肉，絕對有誠意，可惜太淡口，而湯底亦無法掛汁。相比之下麵份量較少，食到後期牛肉無法感動味蕾。炸大腸口感不錯，熱辣辣新鮮炸出嚟，可惜沒有醬汁或椒鹽跟上，味道略嫌寡。店內環境比較逼夾，枱與枱之間走動有困難。

上星期日要去㕵角睇戲，所以去咗嗰邊覓食，就揀咗想食好耐嘅阿木台灣麵。我哋唔知道原來可以用The Gulu攞定飛，去到拎咗82號飛，當時叫飛叫到64號。本來都好擔心會食唔切，點知中間叫咗好多張飛都無人應🤪最後我哋等咗大概10分鐘就可以入座啦☺️主食同飲品方面，我揀咗紅燒牛肉牛筋麵同金鑽鳳梨汁，老公就揀咗鹽酥雞便當同珍珠奶茶。我哋仲揀咗台灣小香腸同台式炸大腸做小食。牛肉牛筋麵有兩大舊牛肉同兩舊牛筋，牛肉煮得好稔，口感唔錯！麵係幼身嘅麵，質感普通，幼麵唔係好吸到湯🙈我都係鍾意粗麵多啲，早知加3蚊轉粗手工關廟麵。湯底唔算好濃味，味道不過不失，值得一讚係食完唔會口渴！鹽酥雞啲雞肉就比較乾，質素一般。小香腸啲邊煎到有啲香脆，加埋啲蒜片好好味😋（好彩而家戴住口罩，食咗蒜都唔怕臭親人🤪）大腸外皮炸到脆卜卜，夠哂邪惡香口☺️仲記得嗰日天氣好熱（係有記錄以來最熱5月☀️🔥），好彩有杯金鑽鳳梨汁解吓渴🙈鳳梨汁入面有啲鳳梨肉，味道好清新☺️ 可能因為天氣實在太熱，舖頭嘅冷氣唔係好夠，就算店入面已經開哂風扇，都食到身水身汗💦怕熱嘅人士去食就可能辛苦啲啦🙈

旺角超人氣店阿木台灣麵，久仰大名，就算喺隔離街開咗分店，人潮依舊旺盛，等位閒閒哋要一粒鐘以上。早排趁臨收工人流好似少啲啲（其實邊有少吖😂😂😂），終於有機會一試。聽講鹽酥雞便當好好食，本來想叫，不過睇餐牌見到另一項推介鹽酥肉便當，好似比較少見，於是決定食呢個。便當可揀多飯及多肉燥，我當然揀多肉燥😁。當日三款配菜係滷蛋，辣菜脯同花生麵筋，我最鍾意麵筋，甜甜哋又夠 juicy，好入味😋。主角鹽酥肉炸得香口得嚟粉漿又唔會太厚，入面嘅肉質依然保持嫩滑，唔錯👍，不過調味比一般台灣食店輕手，感覺淡口咗少少，呢個時候，枱面嘅鹽酥雞調味粉就大派用場喇，灑少少上面，味道當堂得以提升，變得好滋味😍。

⭐️良心台灣菜⭐️⭐️旺角黃店⭐️阿木台灣麵 (豉油街)地址: 豉油街60-102號鴻都大廈地下3-4號舖🍖麻辣肉燥拌麵 $43 (8/10)唔好睇佢上碟嘅樣好似冇乜色水咁，其實撈埋就會好似圖2咁濃🤣首先好欣賞佢嘅麵，係我最鍾意食嘅台灣麵，又唔會煮到太過淋，有咬口得黎都幾掛汁🍖佢嘅肉燥係厚切粒狀，滷到極深色，十分入味👍🏻 🍖金桔檸檬四季春 $24 (9/10)🌟好好味🌟好有驚喜嘅一杯野飲！金桔檸檬同四季春好夾好清爽，你會忍唔住將佢幾啖就飲曬🤣🍖麻辣牛肉麵 $65 (7.5/10)湯頭都幾正，略帶藥材味，飲完個口麻麻地幾過癮，麵質就同拌麵嘅一樣，佢隨湯仲附送好多酸菜，唯一可惜嘅係牛展煮到太淋同冇咩味🍖炸甜不辣 $29 (9/10) 🌟好好味🌟佢炸到甜不辣嘅外層好酥脆，食落內裏軟糯有咬口同帶有一絲魚味，朋友形容好似食緊年糕咁😂我就覺得係一個好食嘅炸魚板🤣下次經過會想淨係外賣一份炸甜不辣黎食🍖鹽酥雞 $38 (7/10)每次叫份量都少到可憐，得8舊，除返開每舊接近$5🤣味道不過不失，應該唔會再嗌🍖芝士玉米蛋餅 $40 (7/10)朋友覺得好好食，煙韌控嘅我就唔鍾意佢嘅蛋餅毫無咬口，食落好似一pat野