阿木台灣麵 (豉油街) (已搬遷) 新店位置

今日又去咗食我認為最抵食好味嘅台灣牛肉麵。之前發現佢開咗新分店，比平時嗰間仲近咗，所以就成日食。今次我同朋友都叫咗麻辣半筋半肉牛肉麵，呢度嘅麵係偏幼，所以好掛汁，最鍾意佢嘅麻辣湯底辣得嚟夠清新，有少少麻，但唔會係嗰種食一啖就要飲好多水嗰種，所以好爽。牛肉同牛筋同以往一樣畀得勁多，牛肉好軟好淋，牛筋就好有膠質感。小食方面我哋仲叫咗一個肉燥豆苗，同埋炸大腸。豆苗好大碟，上面鋪滿咗肉汁同埋肉碎 ，好有台灣風味，食落夠曬惹味。炸大腸外皮炸得香脆，入面煙韌，做小食一流。另外飲品我叫咗黑糖珍珠鮮奶 ，呢個畀到好大驚喜畀我。因為同平時飲品店買嗰啲基本上一樣，好高質。平時lunch time有lunch set真係好抵食， 不過就建議提早攞位啦。最後我聽店員講話附近開咗一間阿木台灣生活百貨，就喺阿木台灣麵附近左右，行幾分鐘就到，入面裝修簡淨，有好多台灣嘢可以買，有鳳梨酥嗰啲，仲有時會做特價，冇得去旅行喺度買啲就啱曬啦。

平時經過都成日見到有人排隊，今次終於有機會試到！見到牛肉麵咁出名，就叫左三款唔同既試，紅燒牛肉麵,蕃茄牛肉牛筋麵同麻辣牛肉牛筋麵。牛份量十分足夠，好入味！而且牛筋好淋，食完好有台灣既感覺🤪另外都叫左幾樣小食，台灣小香腸，梅子地瓜條，炸甜不辣同肉鬆蛋餅。我最鍾意就係小香腸同蛋餅，蛋餅出面塊皮好滑，入面又包住好多肉鬆，口感好豐富！另外令我最驚喜既，係佢既艺士岩鹽奶蓋炭燒烏龍🤩，佢個奶蓋好厚身，而且好滑，係我好鍾意既芝士奶蓋味！！絕對值得再嚟食過😋

2022第一個post～新年快樂呀各位！上星期約咗朋友食阿木，一如既往地一路食一路笑到肚痛😂😂😂🍚鹽酥肉便當 $61之前去開都係食麵，今次決定轉下口味食飯！滷肉飯啲滷肉好足料，幾乎每一啖飯都食到滷肉！鹽酥肉有四條，味道同鹽酥雞有啲似，但因為鹽酥肉係豬，所以質地比鹽酥雞扎實。另外，便當仲有三款配菜，包括麵筋、菜脯同滷蛋，全部都好有台灣風味！🫔芝士肉鬆蛋餅 $44之前試過一次蛋餅覺得好好味，所以今次我地都叫咗一個share。蛋餅餡料豐富，尤其係肉鬆，多到一夾就跌！🍹芝士岩鹽奶蓋炭燒烏龍茶 $38最近奶蓋中毒，係咁飲奶蓋手搖，去到阿木都唔例外！奶蓋好厚，飲落香濃，同烏龍茶好夾！

終於去咗朋友大推的阿木台灣麵啦🍜🍲，CP值好高，食物高質，難怪咁多人排隊😱牛肉麵：📌紅燒牛肉麵🐮$67，轉手工關廟粗麵加$3喜歡粗面的可以試吓這款，喜歡他們的牛肉，夠厚夠嫩夠多🥩，配合他們的自家辣醬，微辣微辣，相當好吃😋📌麻辣牛肉牛筋面🐮$71預設麵條同樣高質，掛湯能力高，牛肉量多，牛筋軟林林，麻辣湯底開胃😋👍🏻小食：📌肉操豆苗🥬$39肉操香濃，肥瘦平均，配合蔬菜，相當清新📌家傳鹽酥肉🐷$40超喜歡這個鹽酥肉，即叫即炸，酥脆可口，喜歡大大嚿肉😋飲品：📌芝士岩鹽奶蓋四季春清茶+$19📌金鑽鳳梨四季春+$17兩杯都相當清爽，比較喜歡金鑽鳳梨，酸酸甜甜，感覺開胃🍍🍍🍍

朋友推介的台式食肆，同一條街有多間食肆，其中有一、兩間好似都係食台灣嘢，不過只有這間要排隊。雖然是午飯時間，但還好不是等了太久。餐牌有套餐，麵或飯類都有，我叫了牛肉（切角）湯麵和熱珠奶，朋友點了炸排骨飯和紅茶。食物都算快送到，味道來說，還可以的，麵條略嫌不夠彈牙，份量也較少，不過牛肉份量多，我諗大約有有七八件，很足料。不過話說回來，落單紙有得㨂「多麵」，店家可能怕客人會食剩，所以才安排這個份量。熱珠奶沒什麼特別，正常，不過茶點偏淡。至於朋友的炸排骨飯，排骨和飯是分碟上的，所以能夠保持排骨外脆內軟。飯加了肉醋，更可口。整體來講，ok 。有興趣的都可來一試。特別一提店舖有台灣特產賣，未有機會去旅行，買d道地食物一解無得去旅行之苦

好耐冇食台灣嘢，最近冇得去旅行，超級掛住台灣。今日又約咗朋友過嚟阿木台灣麵食晏，食盡台灣美食！鹽酥雞便當 $56便當超豐富，有一大碗飯、鹽酥雞、同三款配菜。肉燥飯份量十足，肉燥好香，好多肉粒，撈飯一流。鹽酥雞非常香脆，入面雞肉Juicy。落埋鹽酥雞粉，非常惹味。梅子地瓜條 $39地瓜條可以選擇多梅粉或者少梅粉～地瓜條炸到表面金黃色，熱辣辣。地瓜好淋甜，好味！梅粉酸酸甜甜，好開胃。芝士岩鹽奶蓋四季春青茶（凍）$19四季春青茶飲落甘甘地，唔錯。芝士奶蓋芝士味濃，好creamy。

天氣太凍了🥶好想食番啲暖笠笠既嘢 就係GULU拎左飛先😉慢慢再行過去 去到見到勁多人排隊🤭🤭 唔算等左好耐就入得🤗🤗入到黎既第一感覺係整齊企理 就算係即棄筷子同匙羹都絕對唔馬虎 獨立包裝整齊排好👏 紅燒牛肉牛筋麵 ($71)大大碗麵好快就上菜 出晒煙熱辣辣 勁期待😍 湯底濃郁而不膩 飲左一啖 會更想飲多啖 加入酸菜同蔥花 令到成個湯底更香更讚 麵底煙韌有咬口 夠晒掛湯👍有2大塊牛肉 一層筋拼一層肉 望落好吸引 夾起無散開 食落軟嫩入味 勁好味👏👏仲有2大舊牛筋 滑嫩可口 滿滿膠原蛋白 食落完全無負擔😋食晒之後 除左淨返既湯底仲出緊煙之外 個人都唔再凍冰冰 個胃暖笠笠🥰鹽酥雞 ($39)炸得酥脆金黃既雞件加上椒鹽粉 味道濃郁而唔會過鹹✌️ 凍金鑽鳳梨紅茶 ($17)味道清清甜甜 配有細細粒既果肉🤝🤝

話說我對台灣野冇咩喜好，但點解我又會食台灣野，因為自己一個係旺角唔知食咩好，我有朋友話阿木好出名同好食，所以今次就試一試啦，點知入鋪已經覺得好伏，人又多又逼，本身諗住舒服d食一餐，可能我諗得太天真，我叫左個鹽酥肉麻辣撈面同香芋奶茶，今次都真係食咁多間台灣野黎講算係最差經驗，奶茶冇味唔講我以為飲緊杯奶開水咁好唔ok個鹽酥肉好神奇係冇咩味，記住鹽酥出黎嘅野係冇咩味，可能你會話叫我自己落鹽，但係我唔係叫炸豬肉係叫鹽酥肉，d肉好炸得太乾，同埋其實可以斬細舊d,不過油炸野香口就算啦，但佢個麻辣我真係搞唔掂，係我食咁多次嘅麻辣佢係我最唔想食嘅一次，我唔識得講，不過依隻麻辣對我黎講我接受唔到，後面尾問過有幾個成日去台灣食好西嘅friend，我問佢地係香港有冇食過而間，佢地都同我講叫我唔好做傻事去試😂

每隔一排就會想食下台灣牛肉麵，而呢間#阿木台灣麵，就係首選，今晚特登約埋知己去旺角食佢😜。今次我哋都點咗🍝蕃茄湯底，半筋半肉，牛肉依然大件夾抵食，牛肉跟牛根都煮得很淋，煙韌爽滑好黏口，充滿骨膠原。湯底都濃郁，我加埋佢哋自家製嘅麻辣醬，味道更加香辣，比我飲晒咁滯😜。麵的份量都多，夠晒煙韌。尚有酸菜、紅蘿蔔很豐富！🫔芝士粟米🌽蛋餅，見隔離枱個樣幾好， 我又叫埋呢個傳統的台灣小食，蛋餅餡材料很豐富又飽肚。 🥬醬油豆苗，很新鮮清嫩👍。芝士岩鹽奶蓋烏龍茶，表面的芝士鹹香奶蓋很creamy, 很清香又解渴，好好飲呀。友人叫了珍珠奶茶🧋，說解渴好飲。

同朋友講咗幾次要去食呢間咁出名嘅台灣菜，終於約到時間啦！今次再去醒目咗，喺GULU拎咗飛行住街等位，差唔多到我哋仲有msg 提醒，超方便！過到去啱啱好，一分鐘都唔洗等。全場係咁播小鬼嘅歌，聽到朋友好開心🥳食物：🟠紅燒牛肉麵 $67呢碗係朋友嘅，佢表示湯底啱啱好，又唔會話咸到食唔到😆牛肉好軟嫩！！但我自己就覺得有辣味更好食。評分： 🌕🌕🌕🌕🌑回頭率：🌕🌕🌕🌕🌗🟠麻辣牛肉牛筋麵 $71上次食過覺得太多麵，今次都係嗌返少麵算啦！牛肉牛筋依然係咁多，好嫩滑，牛筋一啲都唔「銀」。辣度唔算辣，過吓口癮啱啱好。牛肉湯熬得好濃，就咁飲湯都飲得出牛味，正。評分： 🌕🌕🌕🌕🌗回頭率：🌕🌕🌕🌕🌕🟣台灣小香腸x2 $32呢個真係有驚喜。我食開嘅台灣餐廳都唔會台灣腸加蒜，但朋友就話台灣好多間都係咁食，目的係用蒜調和台灣香腸嘅甜味。原本以為食落會好怪，點知又真係好食過淨食小香腸。評分： 🌕🌕🌕🌕🌕回頭率：🌕🌕🌕🌕🌕🟣鹽酥雞 $39加埋大約十粒左右，皮薄又唔會分離，唔錯！評分： 🌕🌕🌕🌕🌗回頭率：🌕🌕🌕🌕🌕⚪️芝士岩鹽奶蓋四季春青茶加珍珠/ 芝士岩鹽奶藝炭燒烏龍茶加珍珠 $19+5兩杯都好好飲，茶味好出，個奶蓋連

蕃茄牛肉牛筋關廟麵🍜屬於甜甜地嘅蕃茄湯底類型，幾好飲，麵質厚身，牛肉比較冧😍😍麻辣牛肉牛筋麵🍜建議食得辣先叫，因為真係好辣😂麵質同樣出色，軟硬粗幼適中，仲幾有咬口🤤🤤芝士肉鬆蛋餅🫔呢個一定要試！真係好好味😋欣賞餅皮夠薄，一咬完滿滿嘅肉鬆同芝士，整體咸咸甜甜的確幾好食！而且呢個價錢咁大份量！炸甜不辣香脆可口，煙煙韌韌咁，好食！家傳鹽酥肉（豬）🐖咬落好似雞，但佢係一條條咁，好好食，係咁食唔停口！仲值得一提佢地嘅辣椒醬🌶好香唔太辣，用黎拌麵點小食一流，大讚！飲品方面叫左金鑽鳳梨四季春同金鑽鳳梨紅茶🍍同樣茶底唔錯，個人中意紅茶茶味更香濃！

今日在旺角收工經過人氣一直高企的阿木，看見不用排隊，立馬決定今日lunch 就食台灣牛肉麵🤪😂麻辣湯牛肉和加咗$3轉手工關廟麵😗麻辣湯底好濃，麻夠香，辣中帶些甜，好惹味！牛肉大大件，有嘴勁而且很入味🙊 手工關廟麵煮得剛剛好，不會太淋，夠煙靭👍🏻肉燥豆苗，豆苗爽口，肉燥份量適中，味道不會過鹹，跟豆苗撈埋一齊食夠惹味！芝士肉鬆蛋餅，蛋餅皮厚度適中，肉鬆份量多到爆出來🙈而且肉鬆鹹香味濃很惹味！

今日同女朋友黎到旺角佢想食台灣野，就帶左佢黎呢間高質牛肉麵店質素好有保證，相信佢會滿意餐牌除左招牌牛肉麵，仲有滷肉飯，小食等等飲品選擇亦很豐富蕃茄紅燒牛肉麵有成5塊大大塊既牛肉每一塊都有手掌咁大好誇張！可以話係牛扒麵都無問題佢大塊但非常軟淋入口即融，好好食牛肉亦有牛筋係入面所以令口感再多一個層次蕃茄湯底好濃郁成個味道好夾，好滿足魯肉飯滿滿既肥肉就係合格既魯肉飯！魯肉入味，撈埋飯食好香口迅速食哂！鹽酥雞雞件炸得香口酥脆做到外脆內軟既口感店家做到台灣既風味令我地好感動，因為太耐無食到呢個味道🥺

💛2個舖係附近，2個舖都咁多人排，食完就知絕對值得🤤嗌左麻辣牛肉牛筋麵，鹽酥肉排便當，粟米蛋餅，滷水牛肚絲同冬瓜茶走冰麻辣夠香夠麻（唔太食得辣既都可以），d肉都幾多幾飽，正常就咁食未必食得哂😂鹽酥肉完全估唔到咁驚喜！！香港無食過炸野入面仲係Juicy，真外脆內爽！🤤滷肉飯就少少偏濕，不過味道都夠香，都正！😊粟米蛋餅最正係d蛋，好熱好香，個醬都甜甜地，係可惜唔係成個餅都有🥺牛肚絲就一般，比較偏冧但滷水汁都香所以呢個價錢，呢個質素，排啦🤤😂

上次食完個紅燒牛肉麵真係好食嘅所以今次再encore 今次啲牛肉多到食唔晒添🙊🙊🙊啲牛肉又夠林又大舊份量又多總之真係好好食一碗牛肉麵一個男仔都夠飽然後今次就叫埋個蛋餅芝士肉鬆蛋餅相對牛肉麵之下佢就略為失色但係佢的而且確好足料其實反而少啲肉鬆會仲更加好食因為肉鬆份量太多，變咗個蛋餅好實仲有甜不辣真係好懷念台灣嘅甜不辣煙煙銀銀就好咬口佢枱面仲有一樽自家味粉 （門口可買）撈埋送酒真係一流下次可以外賣返屋企🤣🤣🤣