阿木台灣麵 (豉油街) (已搬遷) 新店位置

平日晏晝1點左右來到, 門口好多人等外賣, 堂食好好彩咁唔使等位👍🏻 座位唔係好多, 枱同枱之間都有啲迫, 肥啲都入唔到去😀😀坐低之後枱面有餐牌同筆, 畫完之後俾員工就可以, 上菜速度都算快-C餐鹽酥雞便當$52🍱有3款小食配菜, 有6️⃣大舊雞肉, 肉燥份量唔算太多, 但味道ok係肥五花腩肉, 肥瘦想間👍🏻-E餐紅燒牛肉麵(切片)$60🐮🍜牛肉係切厚片, 肥瘦相間, 有啲筋, 好淋身😋份量好多, 食極都食唔晒咁😄 面都好有口感, 湯底唔算太重牛味, 唔食牛都接受到👍🏻跟餐+$4凍台式奶茶🥤+$10凍珍珠奶茶🧋兩款奶茶係一樣味, 唔算太重茶味, 珍珠好煙韌👍🏻

(p.s.「質素不復以往」不代表唔好食，只是品質有點退步)「阿木台灣麵」呢個名大家都一定聽過，老闆娘Polly 十年前嫁到黎香港。佢阿嫲喺台北開魯肉飯店，父母開咗間牛肉麵店，為咗繼承家業，決定同丈夫一齊喺香港開餐廳。 店舖而家有廣華街同豉油街分店，識等嘅都會喺gulu㩒定飛。個人認為豉油街店好坐d，冇咁迫(雖然兩間分店嘅擺枱都非常密，梳化位行入去都好困難)。 近年佢又喺黑布街開咗雜貨店，專賣台式食品/急凍貨。我就試過佢嘅葱油撈麵同麻辣鴨血。葱油麵都算唔錯，鴨血聞落臭到開十個抽氣扇都抽唔到浸類似臭豆腐嘅味。 講返正題先，餐廳食物有紅燒/蕃茄/麻辣牛肉麵，台式便當套餐，拌麵，蛋餅，滷味等，其實都好齊架啦。平日午市套餐就平D。但要閙吓畫膠餐牌嗰支粉筆，糊得好緊要，黏手又容易斷心。 紅燒牛肉麵$65 價錢就唔洗我再多詳述，根本十個有八個人都覺得抵。台式牛肉麵湯底材料最主要用上牛骨/牛肉，薑，大葱，蒜，醬油，米酒，冰糖等，最緊要嘅係仲有八角桂皮等藥材。特別嘅材料仲有煉牛油，水果等。如果係紅燒湯底就會加辣豆辦醬，辣椒油等。如果係蕃茄湯就會加蕃茄會落多D糖。 湯底望落較為清透，聞落重藥材香，入口順喉

🐱🐷阿木台灣麵🐱🐷之前見廣華街分店咁附人排隊，未試到 今次早少少嚟到豉油街分店 終於食到喇🤤由於嗰日太想食飯 所以我地冇嗌到麵🤣嗌咗兩個便當🤤第一個係台灣腸便當 嗌咗多肉燥🤤🤤有3樣小配菜 鐵蛋 菜脯 麵筋 台灣腸嘅分量好多🥰🥰🥰好滿足！啲肉燥好好味！另一份係鹽酥肉便當🤎分量麵唔少 而且我地貪佢冇骨啖啖肉🤤食落似係豬頸肉嘅部位嚟～因為野飲跟餐半價 所以都嗌咗兩杯 有我最鍾意嘅冬瓜茶❤️同埋芝士岩鹽奶蓋四季春青茶，正常味道枱同枱之間雖然比較窄 但佢嘅隔版好高 所以都安心啲～🐱🐷總結：唔想食麵但另一半想食麵都可以食嘅阿木台灣麵🤣❗️注意：食中午嘅話1點前到就唔洗等咁耐位喇～

本身想叫一個切片，一個角切牛肉麵（見佢過切片係多啲肉，角切多啲筋），可惜角切賣晒，試唔到。Lunch set $60有紅燒牛肉麵包熱飲，平過平時。足足有4片厚切牛肉，筋同肉既分佈好平均，一層層隔住，口感十分好！可惜湯底一般，欠缺牛味，而牛肉既份量好多，食曬啲牛同半個麵就已經飽到食唔落，好滿足！當然男仔就應該可以食哂！熱冬瓜茶揀左微糖，真係做到微糖，少少既糖味，唔好太膩！另一杯熱珍珠奶茶（+$5）都好好飲，奶同茶既味剛剛好，珍珠都好有咬口👍🏻疫情下，平日4點黎食下午茶唔使等位，$60食到好高質既牛，仲包飲品，好抵！

之前都有睇社交平台介紹過呢一間阿木台灣麵，今次自己有機會終於都可以去到呢度食飯啦，呢間餐廳喺油麻地站出口，行幾分鐘就到，都非常方便！一定要食嘅就當然係呢一個紅燒牛肉麵啦，呢度嘅紅燒牛肉麵湯底好香濃，飲落口嘅時候有一種牛肉嘅香味！飲得出係非常足料！另外仲有呢度嘅紅燒牛肉嘅都係好好食，牛肉味到十足，而且份量亦都好多！

阿木應該係好多人都知嘅台灣菜💛啲嘢食都係好好味又抵食😋😋鹽酥雞便當 $56鹽酥雞即叫即炸，所以上枱嘅時候真係熱辣辣👍👍枱面有一樽椒鹽粉，食得濃味嘅人可以自己再加多啲椒鹽落去🤣鹽酥雞嘅皮都好脆，雞肉都好嫩滑😋肉燥飯都好香，亦都係比較重口味，好有台灣地道嘅感覺麻醬拌麵 $38👧🏻最鍾意食拌麵，佢嘅麻醬都好多，每一條面都可以沾滿麻醬😋😋配埋青瓜絲一齊食，fresh得黎又有d惹味🤣👍佢係用咗比較幼身既麵，都好彈牙👍👍大大碗，依個價錢都好抵食芝士肉鬆蛋餅 $44連唔係好食蛋既👧🏻都鍾意食，因為佢裏面加咗大量嘅肉鬆，所以充滿着好香嘅肉鬆味👍👍不過個人覺得芝士味唔夠濃，如果再多啲芝士/換一隻更加濃味嘅芝士，會更加好味☺️一份蛋餅都有六大嚿，超級夠飽👍

阿木台灣麵真係食過好多次，次次都勁多人排隊，真心覺得係香港幾好食嘅牛肉麵，覺得又抵又好食！🍴 紅燒牛肉麵 $67 (8.5/10)份量超大份，牛展有七塊，麵都好多，平時嘅1.5倍，女仔可以share一碗都夠飽！大大塊牛展，煮到好軟淋，有肉有筯，好好食！麵係幼面，軟硬適中，有好多酸菜，湯底帶微微嘅藥材味，帶少少鮮甜，飲完呢唔會口乾！堂食嘅話一定要食佢哋嘅辣椒醬，真係又香又辣又麻，食到停唔到口！🍴家傳鹽酥肉 $40 (10/10)有成七大塊，分量超多啊！超級鍾意佢哋嘅鹽酥肉，即叫即炸，非常香脆，炸粉好薄，係正宗台式嘅鹽酥皮，肉質彈牙好嫩口，有肉汁，真心超好食！🍴台式炸大腸 $42 (8/10)份量好粥，炸大腸一啲都唔油膩，非常香脆，大腸入邊仲要有肥膏，好邪惡！不過食得多都會覺得有啲膩🤣🤣推薦指數: 9/10正宗台灣麵，好食份量又足，咁多人排隊都好正常，推薦大家去旺角都食！

講到台灣想食咩？緊係食鹽酥😄今次我食呢款鹽酥肉便當套餐，嘩！原來好大份(重可以免費加飯加肉燥)d肉又酥又嫩，但我重叫埋滷牛𦟌，所以要停口，轉食牛𦟌先，牛𦟌係滷左好耐，因為好入味，牛𦟌又係大大舊😂今回食到手瓜起腱💪，我叫左一杯(個名有啲長)芝士岩鹽奶蓋炭燒烏龍🤣，店員好細心，佢提議我，唔好攪暈黎飲，你先飲上面嘅奶蓋，然後再飲一啖下面嘅烏龍茶，你會好飲好多，我好多謝店員講解，真係一啖奶蓋一啖烏龍茶係好好飲，今次好飽呀！記得買埋佢哋自家製嘅麻辣醬，好正架！

今日又約埋知己食好啲，正當煩惱食咩之際，佢就提議去旺角食#阿木台灣麵，😋唸起佢嘅半筋半肉，就即時讚成😚。我哋都點咗半筋半肉麵，配上🍝蕃茄湯底，牛肉、牛根都煮得好腍肉汁豐富，大件夾抵食，煙韌爽滑又黏口，好正宗的台式味道😙。超濃郁的番茄🍅湯底，我地都額外加添加店舖自家製嘅麻辣醬，麻辣味足，香辣的味道令味道更加正，老友叫了米粉，我則叫了刀削麵，麵粗身夠晒彈性煙韌！豐富又飽肚。鹽酥雞，即叫即炸熱辣辣，鹽酥調味粉又惹味，雞外香脆內嫩滑啖啖肉，滿足🥳。 🥬醬油豆苗，很翠綠又新鮮爽嫩👍。跟友人都點了芝士岩鹽奶蓋烏龍茶，芝士好creamy, 口感柔顺清香，口感清新幽香, 飲後感覺舒適解渴。

阿木台灣麵💛蕃茄牛肉麵(片切) $58麻辣牛肉麵 少肉 (角切) $58炸甜不辣 $29台式奶茶 少冰少甜x2 $4x2-蕃茄牛肉麵(片切) 好香蕃茄湯！再加上湯入邊有啲蔥同埋酸菜配搭好正🤤啲肉勁大嚿勁多啲面質感軟硬度適中．麻辣牛肉麵 少肉 (角切) 我哋懷疑佢冇留意我哋嗌左少肉依然都係超多肉🤣照舊都係果句 麻辣湯唔辣🤣不過真係好香麻辣味😚．炸甜不辣 雖然我真係好鍾意食佢呢度嘅甜不辣但係我之前睇到一篇食評 然後重新審視👀佢雖然係寫炸甜不辣但佢完全唔係炸唔會炸到脆卜卜但反而佢琳琳地嗰種質地先合乎我對台灣甜不辣嘅標準🥰．台式奶茶 少冰少甜唔知點解越飲越甜🤣我買兩杯都係唔同味道🤭．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-17/9 eat唔寫得好詳細㗎啦💁🏻‍♀️阿木就快變成逢星期五都會食嘅嘢🤣我繼續都係負責幫手食澱粉呢個份量三個人食 啱啱好👍🏽-好味程度：🌕🌕🌕🌕🌑抵嘅程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌕🌑

呢間人氣台灣餐廳，應該無咩人唔識無論任何時段都係排哂隊，今次用手機App拎定飛，真係慳咗好多時間。「紅燒牛肉麵」可以選擇角切 / 片切，視乎個人喜好口感，我就揀咗片切。湯底好香，牛肉好腍好Juicy, 完全唔靭，好正宗嘅台式味道可以自由加入自家製麻辣醬「鹽酥雞」又香又脆，加上鹽酥雞調味粉，好惹味「芝士岩鹽奶蓋炭燒烏龍茶」奶蓋好Creamy, 配上濃郁嘅烏龍茶味，比平日普通茶底好好飲，仲可以選擇微甜， 加埋珍珠質感好正，唔會太淋，煙煙靭靭好有咬口。餐廳門口仲有唔同種類嘅台式食物，就算飛唔到台灣，食完呢餐都止到條癮👍🏻

同妹妹去旺角行街，見到呢間台灣牛肉麵超多人排隊，星期六午餐時間過晒都咁多人就知人氣啦，拎飛等位的人一個接一個，超受歡迎。我們點了兩碗麵，兩款小食及兩杯台式飲品。🌟紅燒牛肉牛筋麵牛肉和牛筋好易咬開，而且超大舊湯底有蔥有酸菜，好有台灣味道🌟蕃茄牛肉麵妹妹話蕃茄湯不錯，有蕃茄味又有牛肉香味，牛肉亦易咬開🌟台式炸大腸雖然有點邪惡，但大腸外皮炸得好香脆，令人忍不住一啖接一啖食落肚🌟炸花枝丸花枝丸外皮亦炸得香脆，但味道稍微不同，有點鹽酥的感覺🌟黑糖珍珠鮮奶珍珠是細粒的，味道正常🌟白桃紅茶有兩年多無去台灣，估唔到在香港找到台灣美食的味道！😋

一行２人，大概１點左右入座，不用排隊，但過了１點半左右就出現人龍。　位置非常擠迫，出入也有困難，更不用說點多一兩項食品，根本上是沒有位置安置。第一樣上的是香蔥麻辣肉燥飯　＄３９ 雖然飯面滿佈蔥碎，但一點香蔥香味也沒有，但至少佢也能保持翠綠，也不算太差蒜頭是生蒜，夠辣。鹵蛋則不夠入味，但蛋不會太老太嚡飯是珍珠米，乾濕程度恰到好處，飽滿煙韌，有飯香肉燥是走偏甜路線，略欠鹹味；肉燥是較乾身的，不會太多汁，令飯太濕；她們應該特意選用不太肥的綷肉做肉燥？所以不會太肥太膩，而當中也有少量香菇，增加口感。然後是麻辣牛肉牛筋麵＄７１相比之下７１大元的麻辣牛肉牛筋麵就較為遜色湯底麻辣欠奉，不麻不辣，只是很油牛肉雖然大件，但沒牛味，肉質太軟也沒有柔滑口感，牛筋太淋欠嚼勁整體口感有點柴，有渣的感覺麵條沒有特色，不滑不彈牙，有些少咬口，至少不是糊口最出色的是其酸菜，爽脆，甜酸甜酸很開胃芝士肉鬆蛋餅＄４４蛋皮不煙韌爆餡肉鬆，但肉鬆太甜，加上爆餡（即是太多），搶去蛋餅其他味道，沒蛋香，沒有芝士鹹香，只有肉鬆的甜。芝士岩鹽蓋四季春青茶，原價碼３９，跟餐價２０奶味最突出，也有芝士／鹽的咸味，茶底不太香，但算清新其實，

經過旺角洗衣街見到有間台灣麵出面排咗好多人，原來係阿木台灣麵， 有人排得到應該都幾好食，於是就決定一試。我叫咗一個麻辣牛肉麵， 入面有牛筋同牛肉， 牛肉有三四嚿大嘅，牛筋都有三四嚿，分量真係好多， 味道十分濃， 唔會太乾同韌， 面亦很彈牙， 湯底很濃郁，麻辣味不是很重，唔係太食得辣嘅我都食得。另外配了個小食肉燥豆苗，有得出街食菜真係好開心，豆苗好新鮮， 配上肉汁同少少肥肉，正！ 另外飲品方面，叫咗金鑽鳳梨四季春加仙草 ，入面有真材實料嘅甜甜鳳梨，仙草滑流增加口感， 整體嚟講好好飲。 綜合嚟講， 阿木台灣麵都幾抵食，味道正宗，分量多之餘，價錢都均真。

本身今日食另一間喺附近嘅餐廳但係嗰間冇位🥲🥲🥲見到阿木牛肉麵好多人排隊門口仲有好多台灣嘢食賣 好似好吸引就多手撳張飛好多人排隊但係都唔駛等好耐☺️☺️☺️叫咗一碗紅燒牛肉麵一碗紅燒牛肉牛筋麵一杯奶蓋青茶，一杯奶蓋烏龍茶☺️❤️牛肉蚊到好林，牛筋都好食湯底，面冇乜特別牛肉勁後設，其實就咁食幾塊牛都好夠飽❤️奶蓋正常味道老闆娘係台灣人裝修同埋餐牌都有台灣嘅感覺當自己去咗一轉台灣旅行另外，佢有間阿木百貨食完可以去買台灣食物，小食