阿木台灣麵 (豉油街) (已搬遷) 新店位置

阿木台灣麵真係食過好多次，次次都勁多人排隊，真心覺得係香港幾好食嘅牛肉麵，覺得又抵又好食！🍴 紅燒牛肉麵 $67 (8.5/10)份量超大份，牛展有七塊，麵都好多，平時嘅1.5倍，女仔可以share一碗都夠飽！大大塊牛展，煮到好軟淋，有肉有筯，好好食！麵係幼面，軟硬適中，有好多酸菜，湯底帶微微嘅藥材味，帶少少鮮甜，飲完呢唔會口乾！堂食嘅話一定要食佢哋嘅辣椒醬，真係又香又辣又麻，食到停唔到口！🍴家傳鹽酥肉 $40 (10/10)有成七大塊，分量超多啊！超級鍾意佢哋嘅鹽酥肉，即叫即炸，非常香脆，炸粉好薄，係正宗台式嘅鹽酥皮，肉質彈牙好嫩口，有肉汁，真心超好食！🍴台式炸大腸 $42 (8/10)份量好粥，炸大腸一啲都唔油膩，非常香脆，大腸入邊仲要有肥膏，好邪惡！不過食得多都會覺得有啲膩🤣🤣推薦指數: 9/10正宗台灣麵，好食份量又足，咁多人排隊都好正常，推薦大家去旺角都食！