阿拉廚房 (已結業)

好姐妹請客,問我有邊間好味的上海菜餐廳可以一試,二話不說就同佢去呢間"阿拉廚房"到試下,因為好懷念餐廳的其中一個招牌菜"砂鍋雲吞雞",應該係叫做一個超級足料的砂鍋雲吞雞先貼切,因為侍應哥哥除左會幫忙分湯之外,仲有將隻雞另外用碟上菜,而雲吞亦煮得剛剛好,雲吞皮亦不會散口,至於湯底亦唔會太過鹹,所以係絕對值得推介的~!!!而個晚仲叫一碗"擔擔麵"&一碟"賽磅蟹",味道亦相當一流,擔擔麵的花生味夠濃,麵亦唔會煮得太"林","賽磅蟹"就更加不用多介紹,因為個晚眼見好多枱食客都有叫呢款菜式,所以大家都應該猜想到味道一定有返咁上下水準啦(係用黎送飯的一味好菜式).一定會繼續再幫襯架

今日黎到試阿拉, 有大半推動力係因為大家都覺得呢間店唔錯, 今次黎試一試, 真係令我有點呆...裝修設計的確唔差, 環境仲幾舒適.一坐低飲杯茶, 連我呢個平時唔飲茶既人, 都覺得呢個八寶茶的確唔錯未打開餐牌, 已經唸好會點大家都有品評過既 ( 醉雞 ) 另外亦試我最愛既 ( 紅油炒手 ) 加埋 ( 蒸銀絲卷 )再後點 ( 砂鍋雲吞雞 ) 愛雞之人, 我當然好期待醉雞既出現, 一埋台都覺得賣相唔錯, 點知一放入口, 雞肉一D都唔嫩口, 而且酒味亦非常淡, 食落去個雞整體用淡而平凡黎去形容就最貼切, 真係幾失望銀絲卷送埋黎, 一咬落口真係想比返佢, 口感極差, D麵粉做得可以差成咁? 唔知係咪唔係自家制, 可能唔知邊度交貨黎, 同街邊2元一個無分別, 一樣咁難食! ~! 真離譜好失意既時候, 送黎一大碗紅油炒手, 未影又比我偷食左兩粒... 一下子比我食灑, 數下都應該有8粒9粒, 數量都OK, 餃既味道既非常唔錯, 菜肉好新鮮, 個醬油都調教得幾好, 食完當即好想叫多一大碗 點知黎埋一大鍋湯之後, 連甜品都唔洗再叫, 兩口子要食灑呢鍋, 真係有點困難.好在佢只係一隻雞仔, 嫩雞都唔會差得

日期：二零零八年五月十四日時間：下午一時地點：阿拉廚房人物：我、舊同事食物：玉瓜炒肉片餐、甜酸魚柳餐 (午市套餐包括前菜、例湯、小食及白飯)阿拉廚房是King Parrot Group旗下的食肆之一，主要供應中高檔的上海菜。午市有麵餐和飯餐可供選擇，套餐均附有前菜和小食等。在老上海，上海菜被稱為「本幫菜」，而在上海流行的其他菜系則屬「外幫菜」，這些在上海流行的各地幫菜，最初各自表現獨特的地方風味，但經過長期的相互模仿融合，並為了適應當地口味，形成了上海的海派菜系。而阿拉廚房以「阿拉」命名，售賣的是就是海派粵菜，其中餐牌中的甜酸咕嚕肉和玉瓜炒肉片，似粵菜非粵菜，帶點點廣東的味兒。阿拉的玉瓜炒肉片和甜酸魚柳的份量，有別於一般茶餐廳的小菜套餐，小小的一碟再配上前菜和小食，算是勉強合理的份量。玉瓜炒肉片是翠玉瓜炒半肥瘦豬肉，過咸且膩，掩蓋了玉瓜的清爽；甜酸魚柳可能是松鼠魚的變奏版，是一般港式甜酸的味兒，沒甚驚喜，倒是加了六元的菜飯叫人欣賞，不但不是早早就把菜和飯分開處理，還沒有使用久煮不爛的小棠菜，反而用上了小白菜入饌，使味道清新可口。在香港這片彈丸之地，阿拉廚房算是不錯的上海館子，畢竟上海的

今日母親節一家人去阿拉廚房食晚飯慶祝母親節,平日依度晚飯己經很多人今日母親節仲犀利,好彩我地一早訂左位姐,1745時入座,環境裝修都係一般,用紅黑色做主色光線比較暗,本人比較鍾意光猛Ｄ 我地5個人2男3女點左7個餸: 香酥鴨半隻$75~份量幾多炸得幾脆亦夠熱,值得一試砂鍋雲吞鷄$85~每人飲左2碗到但係雲吞得5粒雲吞份量少左d,d雲吞都幾新鮮幾大隻,有半隻鷄,鷄肉肉質到幾嫩可以一試上海粗炒$48~差左的...一的鑊氣都無.....楊州炒飯$45~又係無鑊氣....又唔夠熱....炒埋的牛肉...本人就唔多like....生煎飽$42~有五件,都唔差,好夠熱!!值得一試!!臭豆腐$28~唔夠臭,可以再臭的~椒絲腐乳通菜$48~份量少...一人兩住就食哂....炒得唔夠鑊氣....埋單連加一$435.6,價錢都算合理,5個人都捧住個肚走我都整體俾70分, 服務態度都算好, 一冇茶就會自動有人加水都係一間值得一試的餐廳!!

同honey 到青衣城睇戲& 食晚餐. 阿拉廚房是openrice 上比較多笑臉的一間餐廳, 我又鍾意食上海菜. 7:15pm餐廳有d full, 但兩人都不用等位. 如果, 我們早些入來, 就可以坐car 位, 舒服d. 食物方面, 價錢合理, 又多選擇. 我們要了:1) 小籠包(5隻/籠) : 皮很于厚, 但多肉汁. 可是我們都覺得小籠包皮薄d, 會好食d.2) 紅油炒手: 炒手幾滑& 美味, 少許spicy, 但可以接受.3) 嫩雞煨麵: 煨麵幾爽滑.4) 紅燒黃花魚: 黃花魚煮好林, 但多魚骨. 味道剛好. 四寶茶, 好青香, 好飲.Waiter 服務都很有禮, 加水很勤快. 恆生信用卡有9折. 我們對阿拉廚房的食物都很滿意, 真是好味道& 平實的家常菜

二人首次到來這間「阿拉」點了4個穩陣之選：上海炒年糕- 汁醬好味，熱辣辣！一改對年糕無乜味o既睇法！小籠包- 皮都有少少厚，肉無乜味，但勝在湯汁好味！擔擔麵- 幾正宗喎！花生味濃，但唔知點解有少少苦味~回鍋肉- 完全唔係心目中諗o既回鍋肉~ 佢連同蔬菜、豆腐乾一齊炒！味道OK！都係個汁好味~另外一提，佢o既茶好特別，除茶葉外，仲有杞子等等材料...o係壺裡面！但係味道唔會怪！感覺好滋潤！阿拉連一壺普通o既茶都做得咁細心！抵佢長期都咁多人幫襯！《總結》食物：●●●●○(好味呀~上菜都唔算等好耐)服務：●●○○○(待應不足~ 叫好耐先有人應)價錢：●●●○○(咁o既價錢，食物質素都咁好)

星期五天陰陰...老公又提議食營養餐! 呢度已經無以前咁多人...六點半到都仲有位! 我地叫魚頭湯同埋素菜包, 前者有個大魚頭, 冬菇, 粉皮同荀! 湯係奶白色, 亦鮮甜, 飲完無味精反應, 兩人徹底吃掉整個魚頭, 唔錯! 素菜包是我最喜愛, 但它的菜餡已沒有以前那麼飽滿, 有點失望! 其他有沒有退步就不知, 但這是否能解釋六時半仲有位的原因??

呢晚我地大概八點去啦，都有幾多人等位，不過二人位就好快有，等左十分鐘就可以入去啦!侍應手腳好快手，上菜都好快!粉皮風鵝- 見咁多人讚好，就試下囉，真係唔錯，特別係個汁陽春面- 好失望，無其他食評講得咁好，好似街邊一樣的水準小龍包- 幾多汁，但係略嫌皮太厚青菜咸肉泡飯- 普通啦，不過好大碗卡位坐得好舒服，拍拖黎食都唔錯!

同屋企人去食晚餐,點了東亞信用卡$198二人餐,份量不算多,但係真係好好味套餐包括:海蜇,荷芹炒爽肉,炆鴨,小農包(皮薄多汁),粟米湯(完全失望,冇味的),什果西米露另外叫了雞肉煨面同銀絲卷整體不錯,不過真的很多人等位

六點九去到只係比book左位既人入去先,拎住張一號飛,等到七點三就有得食..叫左粉皮風鵝,酒醉雞,楊春麵,小籠飽,鱔糊麵粉皮風鵝($45)-d汁同d粉皮不錯,風鵝好似金華火腿咁..酒醉雞($60)-真係有酒味,唔同出面果d,同埋都算幾大碟,有十舊雞度..楊春麵($18)-d麵幾彈牙..小籠飽($37)-一籠有五件,但略嫌皮太厚..鱔糊麵($40)-原來個麵同楊春麵差不多,但鱔糊幾好味,唔錯仲有四寶茶,幾甘香好味..茶芥每位$5...間舖佈置幾特別,侍應都幾nice...好快手,唔駛點等..原來恒生咭叫小食有9折既...2個人埋單$231,食得幾飽...埋單時會比埋張單你,比你知道自己食左咩,咩價錢,唔錯..

Lunch at the restaurant is def a lot cheaper, you can get the same dish cheaper at the time! 3 ppl ordered 2 lunch sets + a few other dishes. Drunken chicken- one of my fav dishes at the placeSpring roll (chosen with set): okEel with sauce: pretty good but lacking zestttSiu long bao- merely passableDessert: fried 'go lik' red bean ball! <3 mmmm

食肆集團推出多款新穎年糕,得食友幫忙買到年糕券,在指定日期及分店取得這款桂花杞子紅豆糕。糕點本己有一個設計精美的紙盒盛著,盒子還放在桃紅色的環保袋中,外型已經相當令人驚喜;打開微波爐膠盒,一陣桂花清香已撲鼻而來。晶瑩的糕身中清楚見到不少桂花、杞子、紅豆在內,相當豐富!用魚膠粉製成的甜糕口感不俗,很像吃jelly一樣,桂花及杞子都很軟身,只是紅豆則成一敗筆!!店方雖用上優質紅豆,只是煮法有點問題,粒粒紅豆硬得像剛煮熟而不是煮軟,本來柔軟的口感卻被這些硬豆破壞,失分不少。以其$68的價錢有如此質素是絕對值得笑臉,但那些硬豆豆卻跌到ok面。在此再次感謝食友的幫忙,謝謝你哦!!

聖誕節期間，日日不是BBQ就是食西餐\，再落去怕且會患上厭食症，於是大拆一頓上海菜來援和一下，阿拉廚房數聞水準不俗，又適逢在青衣城一帶，所以一家人決定去嘗一嘗，我們點選了黑醋松鼠魚$90、蟹粉扒豆苗$98、楊春麵$18、生煎飽$42和小籠飽$37。菜式的整體水準很好，當中黑醋松鼠魚90元算便宜，做法和平時食開的糖醋松鼠魚差不多，但獻頭以鎮江醋來代替紅糖醋，黑溜溜的買相雖不好看，但食落散發出來的那陣鎮江醋香，確實又令人難以抗拒，所以我又不太介意那黑溜溜的醜怪賣相。楊春麵的湯底十分清淡，加埋雪白有咬口的麵條，再放上幾粒青葱，食落有一種清雅幽香的感覺，而小籠飽皮薄多汁又燙口，蟹粉扒豆苗則沒什特別，雖然豆苗係算用較鮮嫩的豆杯，但蟹粉就略少唔多抵食。總括食物質數和服務態度都屬優良，用匯豐咭找數有9折優惠，確實有驚喜。

2007年12月28日晚餐與老公共進晚餐，知道此食肆好多人，故一早book咗位，現有以下分享。食物：1) 粉皮風鵝–好掂!，粉皮好滑流，風鵝好香脆，有驚喜! 2) 臭Tofu - 細細粒好易入口，有種番咗去小時候感覺，回味在心頭，但唔知點解聞唔到陣臭味，但食落去就好好味道!(不過記得襯熱食)3) 蔥爆羊肉- 羊肉幾香，但蔥好難咬，一般啦!4)上湯豆苗- 好一般!比想像中差，湯無鮮味!但好大碟，不過成$70元!服務：幾好!上菜速度：驚人地快!

上星期五一家八口諗住和外國回來的親友在此洗塵,已經早一星期訂定食飯,點知訂時已經話星期五只供兩輪訂時間,一係六點,再唔係就要八點半果論,咁唯有訂六點半,諗住兩個鐘頭都應該食完!呢間餐廳仲要懶好咁星期三再打多次電話re-comfirm,驚死你唔黎咁,點知一到星期五去位時,度d服務員竟然話無我的訂,仲問番我轉頭有冇訂錯第二間分店,於是我用手提電話既來電顯示打回該店証明我沒有訂錯,d所謂服務員仲死口不認有我的訂記錄,爭辯一輪後就安排一張給我們,但要我們八點埋單走人,其間仲不停催促點菜及提醒我們要八點鐘還,七點半都未夠就將上所有碗碟收晒,簡直就係趕客,如果咁肯定無我的訂,堅持沒有錯既話,咁仲乜要俾我地,如果我訂八點半個輪,我都未必一定八點半到位啦,之前個客未走,我都要係出面等,咁點解八點半都未夠,下一輪就唔駛等,我想問係咪因為係熟客就唔駛等呀!成個集團咁大,有d咁既服務態度既員工間直係公司的管理不善!