阿拉廚房 (已結業)

哩到青衣城搵食，梗係住青衣嘅老友負責搵地方兼訂枱，想食上海嘢就訂咗阿拉廚房，本來我地有十多個人，最後計晒大人加細路得九個，出人意表地佢俾咗個「房」我哋，係最埋邊右手死角位，雖然叫做「房」，但算係半開方式啦，因為用Ｄ中式窗花當牆咁間住，門口亦無門可以閂埋，叫做自成一角，唔會有人行哩行去咁騷擾，不過，叫侍應就麻煩Ｄ，因為室內昏暗嘅燈光加埋Ｄ窗花，侍應好多時睇唔到你叫佢，要企出少少晌門口位揚佢過哩至得！服務都ＯＫ嘅，上菜收嘢都好有禮貌，又間中提醒我哋小心梯級，因為有一排枱係升高幾級嘅台階上面，我哋坐個「房」都一樣，要行梯級先，燈光昏暗真係一個唔小心差錯腳就出事！食物方面整體都ＯＫ，唔可以話好好食，但又唔係差，因為我哋又唔係話叫Ｄ貴價嘢，所以價錢都算合理，每人都係$90！不過，有幾樣嘢都幾好食，可以試試：1. 粉皮風鵝–好得嘅冷盤，粉皮好滑流，而風鵝應該係Ｄ風乾嘅鵝肉，好似金華火腿咁，鹹鹹香香，令到個粉皮Ｄ味道無咁單調！2. 鮮茄蝦仁鍋粑- 鮮番茄汁酸酸甜甜，醒胃，材料都好足，蝦仁都幾爽口，配埋Ｄ脆口嘅鍋粑真係幾好食。因為鮮茄蝦仁汁料好大兜，叫多碗飯哩送埋佢唔好嘥！3. 椒鹽雞卷- 雞卷幾特別

第一印象係污糟! 未坐低已經見到張椅有食物殘渣, 之後又見到茶杯入面都有!點搞ga? 話晒大集團(king parrot)wo. 好彩, 食物質素挽回不少分數既.先黎係八寶茶, 幾足料, 帶甜幾好味wo, 俾茶錢都覺得值嘛, 起碼有誠意過求其畄 d淡而無味既茶.燻魚, 唔錯, 份量都幾多.雪菜肉絲炒年糕, 鹹左少少, 年糕無炒過龍, 幾煙un .菜肉雲吞, 幾大粒, 肉多味濃, 都ok.酒釀湯圓, 其他店舖係用酒釀丸子既, 細細粒無餡既, 呢度就用芝麻湯圓, 正合我心意, 喜歡酒釀既酒味, 再加上芝麻湯圓既甜, good.

平時阿拉D店,總有一條長長的龍但上星期三7:30PM幫襯,好少客蔥爆雞肉配薄餅-蔥爆菜式大部分都較油,這店亦一樣顏色深但味不濃,薄餅一般小籠包-皮較厚,味道一般紅油抄手-夠麻辣,向嗜辣者推介xx豆腐腐皮包(?)-較清的菜式,腐皮有點韌高力豆沙-皮脆但有點韌,懷疑是翻炸,味道ok

其實之前都有同屋企人黎過食,今次就係同朋友黎食~night大概7點拎位等左好耐...門口有勁多人...到之後坐低叫野食,見隔離檯個排骨麵好似好香,於是我就叫左個,仲有叫左鵝片,小籠飽,同埋阿拉豆糕...排骨麵個排骨的確有少少失準...好似有少少過鹹了...至於鵝就冇咩啦~小籠飽係我至愛,當然要細味啦~咬落去個下覺得比較少汁,如果只係計小籠飽我寧願去奧海城間金滿庭...不過d肉都幾嫩,而且有鮮味,值得一讚...最後就係我每一次去阿拉廚房都會叫既阿拉豆糕,因為我好鍾意食呢類野...好好味既豆,超濃郁既豆香,軟軟地又好咬口,唔同出面買既糕點,呢隻豆糕又香又綿,好好食,不過由於係上海野,比較膩,真係一件起兩件止好了,各位姊妹記住糕點好肥膩...食完之後諗住走啦,叫左個waitress埋單,唔知佢唔記得左定係聽唔清楚,過左陣仲走過黎加水,呆左...唯有叫另一個waiter埋單,果然埋單係全場最快既事...總括而言,阿拉廚房都幾好食既,一般要求都滿足到,相信以後我都仲會再去...

我8月黎食左兩次~而家先有機會寫食評~~點解食兩次~因為我好鐘意食臭Tofu而我又驚街邊的污遭~又太大件好快凍左呢道食就唔雖要擔心~唯一係每次食完個鼻都會出暗倉=_=""每次黎都係最早入去~因為費時等位~一開門就標入去臭Tofu:唔使講呢個最好味,細細粒+甜醬同辣醬~~真係好食到唔停得口呀!!!(不過記著要襯熱食)蔥爆羊肉:拒味道好農,羊無騷味~因為會好農味所以拒係come with薄餅比你夾著黎食~~真係岩岩好~~好似片皮鴨既食法但又有令一返風味~good!!上海炒年糕:都OK~~~但mom炒得更好食~~擔擔麵:好食但係因為D野食黎得太快~個麵唔夠熱了個麵湯底無話好似醬甘~~仲係湯甘~銀絲卷:好好食~因為係食完灑其他野先叫所以黎既時後熱辣辣又軟熟~~好好味~點埋煉奶仲好味~但dad話就甘食都好食~上湯雜mushroom:呢個麻麻地好味但係成窩上連埋個火~所以幾得意但係無咩味~岩D食野清淡的人~~紅燒黃花魚:好味但係好細條~好快比我夾灑~~味道係好農架~~&我發覺拒好多送都會落冬姑落去~好彩我都食冬姑既者~

又一個飯局. 今次主角係八月之星, 姊妹C. 之前先有一場激烈的羽毛球大戰, 打到天昏地暗. 謝過弟兄C的款待.一早訂了這裡最大的臺, 但係越加越多人, 最後係十六個人, 仲未計頌揚仔. 不好意思, 又係太逼了. 或者下次要學牙擦仔講: 唔好意思, 岩岩無位. 遲報名的不好意思了.當然這次, 弟兄L同他的另一半一齊來, 又真係好高興的. 點都好, 你永遠係我們這家人的一份子.說回食物, 這麼多人, 當然要叫大量食物. 埋單計數, 係要了36碟. 空前絕後, 新的記錄了. 真係擺都無位擺.小籠包$35 x 3: 7分, 16個人, 要了3碟, 得15隻, 唯有同文迪分吃一隻. 皮厚了點, 不過都幾多汁, 幾好.生煎包$40 x 3: 8分, 又係吃了半件, 煎得相當香口, 包的皮脆脆的, 入面有熱熱的湯汁, 豬肉也不太肥, 很受歡迎, 轉眼就清掉了.咸蛋黃中蝦$95: 5分, 點解這麼細碟? 中蝦貴? 賣相已經唔吸引, 放係隻碗到, 唔夠大體. $95一碗, 其實不太便宜, 再計埋這份量, 係不太抵食的一碟. 蝦係麻麻新鮮, 咸蛋黃就幾香口的.五香鴨舌$55: 6分, 不太香口, 口感也

2人吃晚餐要了:1. 黑醋排骨: 汁好好味, 但排骨肉好硬2. 上海粗炒: ok 好食, 算是全晚最好食的一味3. 小籠飽: 完全唔點, 皮厚, 肉味一般, 本人都好鍾意食小籠飽, 但食完一粒就唔想再食4. 海哲: 一般, 略咸5. 鮮肉窩貼: 好過小籠飽, 但都是一般, 很多上海食肆做得好過佢另外要了一杯飲品, 埋單要成$300, 以此食物質素實在不值.

lunch去了青衣城的阿拉廚房...2個人真係比2個位...我地都有帶bag喎...o...叫了2個面set...好似晚市好少少~~2杯飲品都麻麻....豆漿+檸薑蜜豬排面...豬排有3隻手指尾咁多...雪菜肉絲面...麻麻小籠包,窩貼普通la....口水雞無咩感覺鎮江x肉....唔得...散ge~我仍然係覺得四寶茶最好飲~雖然飽但$48 x 2 加一感覺真係有點貴...

呢個集團的餐廳,真係間間味道都一樣.瑤柱上湯勝瓜- 最好味,好清新,好適合暑天食.賽螃蟹- 比較差,撈了隻蛋後好水.蔥爆牛肉- 好多蔥,幾有鑊氣.三鮮炒面- D面幾彈牙,都OK去開青衣可以一食.但會唔會特豋去食?一定唔會,去佢集團其他分店一樣.

裡面Ｄ嘢好污ｊｏ”ｄ廚師噴完鼻涕之後又唔洗手．工作好忙既時候，又唔做野．劈低晒ｄ單．．．慣住跑馬”一次劈低ｄ單，唔忙都變忙ｌa...佢地好似無當呢一間係公司囉..好似自己屋企咁ar...裡面又成日鬧人...又成日講粗口...好似企係街邊傾電話d難仔囉....

早兩日重遊青衣城, 每次見親呢間都好多人等位, 就唔乎決定等一次睇下佢點解咁多人等先!六點幾去到都要等成八張, 於是乎咪問下個知客囉, 佢話冇咁快架, 於是咪行一陣先番黎啦, 點知十分鐘後番去就已然過左唔張, 於是乎咪拿拿聲補飛, 好彩好快趣有位! 入到去睇左一陣餐牌決定叫呢幾個試下!小籠包, 擔擔麵, 咖哩豬肉卷同埋咕嚕肉! 小籠包一客有五件, 皮薄個餡都好靚, 不過個皮一挾就穿, 次次都係咁, 冇一隻可以完完整整咁食, 失敗; 擔擔麵個麵拉我得好粗身, 花生醬都幾多, 不過就唔係咁好味; 咖哩豬肉卷有八件, 咖哩好香個皮又整得好脆, 呢個都可以; 咕嚕肉又係差得緊要, 咕嚕汁係酸酸甜甜, 幾開胃架, 不過肉質就炸得好乾身, 好似我個銀包咁乾呀, 點食呀? 真係失敗呀!全程值得讚係冇催過, 由落單到食飽都冇催過, 值得加許! 不過師傅覺得呢個集團上海菜式真係麻麻地, 有咁多笑面佢真係得咩? 師傅都好懷疑下, 不過下次知道係呢個集團上海菜, 我一定唔會再幫襯!

今朝既金鳳早餐飽到連下午都無食, 於是早黎呢度食晚飯!今晚叫砂鍋雲吞雞, $85, 好多湯, 五隻雲吞, 雲吞皮太厚, 隻雞唔腍, 津白太少, 比起荃灣區既狀元坊就差!燻魚, $45, 汁唔錯, 不過硬!上海素菜飽, $40, 例牌叫既食物, 不過, 隻隻包個底都黏著張紙, 係咪太薄呢?今晚叫既野麻麻地, 近排用匯豐咭有九折!

同朋友十幾人行完山就去青衣食晚飯,因為東涌冇0野好食,坐一個站去青衣至有似樣0既食物.一大班人食飯我都唔係幾記得食過d嘜.最記得係臭豆腐,好細粒,一粒一口就0岩晒,入口時有"臭"味但食完唔會有口臭,炸得0岩0岩好.食完唔多覺熱氣.唔似得旺角果d炸到9彩又唔夠臭食完即刻生飛之.食過幾次阿拉麵館,食物質素真係好好.美中不足係大"木台"得2張,當晚我0地第0左成個鐘仲要叫職員排幾張變大"木台"至有得食.有個老職員仲係唔多理我0地,"總之大"木台"有客埋班至會叫客入來"0既態度.後生0既職員就肯去排"木台".當時我0地行完山好餓頂唔順去kfc買d0野食住先.阿拉0既食物好吸引,我0地食完炸著條雞飽都照有胃口食晒.日後去開青衣,係大嶼山行完山我都會去阿拉麵館食0野.

約久未見面的朋友食飯，地點在青衣城。去時已暗忖：會不會食阿拉廚房?果然，大家都擁有至抵精明眼，趁有HSBC半價優惠當然要幫襯!　大家對$368四人餐不感興趣，反點了$184二人餐再散叫，結果都來了一檯食物：　芙蓉干貝豆腐羹-兩碗上，份量不小，五個人都夠分；味道一般，比較特別是加入了發起的蛋白，增加口感。雞絲粉皮-侍者落單時有提醒這味較辣，細心抵讚!實在辣食雞絲粉皮是新嘗試，而且沒有下青瓜，味道因此由清新轉刺激，都ok~蕃茄茸蒜香白肉-蒜香白肉有微烤過，幾香口，不過其實最吸引是又清又甜的蕃茄片，作為開胃菜正好!芥菜青瓜靈芝菇-相對較失色的一味，吃完毫不明白何以有芥末與青瓜、靈芝菇的配搭?鐵板香醋玫瑰排骨-名字聽上去真不錯，以鐵板燒的方式又可以增加熱度與香味，可惜餐廳用了豬柳而非排骨，肉是多了，細滑程度卻差好遠呢!雲瓜彩椒炒什菌-不同的菌類炒在一起，清淡不俗。小籠包-小籠包從來都是我心頭愛，阿拉的出品皮薄湯多，都不錯，唯食時真的很要小心，才不致「穿崩」~鮮肉蒸餃-二人餐的點心，賣相看來一般，味道卻是非常不錯，味道甚至比小籠包更鮮；見大家推讓，我毫不客氣連吞兩隻!芋頭西米露-兩碗上，一樣是五

由於星期二晚用滙豐信用咭有半價優惠，所以book唔到枱，要walk in去等位，一收工就去攞飛，大約六點三到達，經已見到排緊隊攞飛，都算好彩七點就有位．不過仍然有很多人係出面等緊位．叫了水煮牛肉，口水雞，雞絲粉皮，雜茹雞煲，咸肉百頁小棠菜，生煎包，一個雜感火煱，高力豆沙．食物d份量唔係好大，不過食食吓都覺得夠．雖然有優惠不過都無偷工減料，好像平常一樣，今餐真係抵食喇！可能人多的關係，待應好似好忙，服務比平時差咗d．