阿拉廚房 (已結業)

同媽咪 + 朋友去青衣城影小雲...就上開飯喇睇下青衣有咩好野食...見到阿拉廚房係第一位...就選左去食呢間喇...一去到要等位...都以幾多人食...不過好快就入得喇...入面個環境好舒服...幾有品味...服務生都好有禮貌+動作快...整體感覺好好...第一樣黎左"小龍包"...一咬入去d汁多到爆出黎...皮薄涵靚...好味道!!第二樣係"紀子南瓜白雪"...超級超級好味!!!!食完非左上天...haha...重有 "窩貼"...我最欣賞佢唔會煎到濃左...不過又可以脆卜卜...好good!!!最後係甜品..."亡果奶黃高力"...又係超級超級好味...奶黃同亡果汁不停流出黎!!!一試難忘....埋單二百二十...雖然有dd貴...不過真係好好味...我推薦你地呀...值得試下...我會再去過...

今天跟爸爸二人到青衣晚膳, 眼看她們不是太多人等位我又早了四十五分鐘到達, 便順勢一試.這一試, 可不得了!!! 終於明白為什麼她總是這麼多人等位了!當然, 兩個人食上海菜點不了什麼, 我們只點了兩個小吃一個主食:首先, 來個我們一家大小都很喜愛的小籠飽. 這個也是我近年來吃過最好吃的小籠包!!! 小籠包湯汁多到不得了, 像在吃湯包一樣! 那濃濃的肉汁簡直一流!!! 不過吃時小心燙到啊!再來, 也是我們一家大小都很喜愛的生煎窩貼. 雖然因為有小籠包在前所以我們不會因為它的好吃而喜出望外, 總之絕對是上佳之作, 值得一試再試!主食我們點了個很少會點的黃金炒青蟹, 這個也是很有水準, 蟹肉夠甜而鹹蛋黃炒得夠鹹香, 我們都捨不得把它們浪費掉所以連蟹殼都吃得乾乾淨淨呢! 黃金炒要做得好不是容易的, 很多地方不是鹹蛋黃太粉就是炒得太油, 令整碟菜失色. 這裡的廚房真的很出色! 炒得剛剛好包着青蟹卻又不油不膩, 真的抵讚!!!

新裝修之後第一次來, 鋪面好似感覺上細左. 舊時來通常都係食套餐, 麻麻地, 今次散叫反而覺得唔錯. 醉豬手: 酒味較淡但係幾入味. 豬手爽口, 同個汁配合得唔錯.上海酸辣湯(少辣): 真係少左辣, 連平時完全唔食得辣既我都食到. 湯底味到唔太濃唔會太刺激, 又幾足料.小籠包: 餡料唔錯多肉汁. 但係包皮略為太厚. 麻醬雞絲粉皮: 粉皮好渦好薄. 麻醬濃淡適中. 整體配合幾好. 蒸銀絲卷: 非常軟屬, 甜甜地, 餸D有汁既餸就仲正. 上海春卷: 皮唔係好夠脆, 但係味道都OK.紅燒元蹄: 豬手好大隻好多肉, 又煮得好腍, 唔使點用力都切得開. 肉質夠腍又好入味. 賽螃蟹: 蛋白好似撈左D帶子肉落去, 炒得幾滑, 味道唔錯. 硬係食掛左D賽螃蟹係有隻蛋黃俾你自己撈既, 呢碟冇又好似差咁D野. 豆沙鍋餅: 豆沙餡就好足料, 仲必晒出來, 但係個皮真係太硬, 口感麻麻. 發現好多人話新裝修之後食物差左, 我反而覺得剛好相反係好食左喎, 可能我今晚好彩個大廚出左真功夫啦.

以前住青衣，阿拉廚房係我其中一間飯堂，每次同家人出外吃晚飯，通常都係佢，重要一早訂位，重要食6時果場，因為老人家要早訓；搬左後就好耐無來，今日來到青衣城，又返去食返餐。點知實在「勁」失望，裝修無以前咁靚，位多左、人迫左、格調cheap左，食物方面，叫番以前食開的，頭盤酒醉雞、麻醬涼伴粉皮，主菜黑醋松子桂魚、酸棘湯、南乳炒菜、小籠包、蔥油淋雞。頭盤酒醉雞、麻醬涼伴粉皮都幾好。黑醋松子桂魚：以前是一條過，重放得好靚上桌，現在的只得半條，醋味又唔夠、松子又少，實在差！酸棘湯、小籠包都不過不失。南乳炒菜：味道怪怪地，唔係好鍾意食！蔥油淋雞：實在係失敗之中的失敗，隻雞炸到干曾曾，肉諧重要無呢味道，雞面淋上蔥油，雞底d汁係甜的，完全唔配合，食左一舊實在非常不滿，最後向經理投訴碟雞跟本入唔到口，好在佢地都肯取消。本來想好好食餐，點知間野變到咁差，無下次啦！

這篇, 獻給相識多年的好友, 還有一直支持辣子的食友和讀者們。~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~姊妹新居入伙, 相約一聚, 千里迢迢入到青衣來。請屋主介紹好坐又好吃的地方, 選了這家阿拉廚房。屋主說這裡 (以至青衣城所有食店) 一到七時以後就會大排長龍, 所以我們趁此之前就拿了位入去等。這裡是新式中菜館的「潮裝」, 近門的梳化座有葉子裝飾的簾狀掛飾, 挺有型格 (果然是 King Parrot Group 的餐廳, 未知打唔打得, 起碼都先睇得)。其實我們坐下的頭一小時, 都是在等齊人, 怕太早上菜所以就不敢太早點菜; 此時入群已在門外聚集, 不過坐得久了, 也未有人趕我們走, 反是我們遲遲未落柯打有點不好意思 。懶得想吃什麼, 見和菜 (套餐) 的菜色也還可以, 四人就要個「四和菜」($498)。冷盤三小碟口水雞 - 不辣, 整碟都是麻醬, 味淡美味燻魚 - 有點炸腐皮伴碟, 幾得意, 味道嘛, 就是甜甜的炸魚囉毛豆素雞 - 清清地湯砂窩醃篤鮮 - 即是竹筍、百頁和

兩星期內連續光顧了兩次, 昨天早了點, 被安排在卡位的位置, 上次的騷擾少了, 亦清靜了!今天由老公揸主意叫了美味燻魚, $48, 一點也不美味, 燻魚炸得硬而乾, 顏色太淺了, 一個字 "差"!四喜烤夫, $42, 烤夫煙煙韌韌, 味道遷就香港人, 不太濃!杞子南瓜白雪, $58, 蒸煮南瓜圍邊, 份量只有一點點, 中間鋪滿了白雪蛋白, 乾乾淨淨, 可惜油份十足, 如果南瓜跟蛋白的份量可換轉就好點了!每人輪流叫餸一次也不錯呢....下次論到我了

老公要買購物...我提議到 Leonidas, 幫到他又幫到人! 呢個場吃得最多是阿拉, 好耐無光顧...以前踏正六時才營業, 今天已提早了!新菜牌...二人叫了七彩三絲冷麵, $52 - 麵似油麵, 太夠凍, 麵質不錯, 拌食的麻醬跟甜豉油也很夾, 但有頭髮! 砂鍋鮮菌腐竹豆腐, $75 - 份量有 5 - 6 碗, 我們至在食餸, 腐竹好軟滑, 最好味, 鮮菌也多, 味道一般, 豆腐用了包布豆腐, 幾滑, 且分量夠多, 湯沒有飲得太多, 因為驚有味精敏感, 味道淡淡地! 其實新加餸菜也頗多....可再品嚐!唯一引起我們的不耐煩的是侍應...耐不耐又過來....執碗, 指示如何吃冷麵, 查單...餐廳裝修後跟隔鄰已很近, 沒有多少私人空間下, 再時不時煩擾, 最是討厭的!

琴日父親節一家4口去了這間食晚餐而家裝修後細了Table迫得好密再加上餐具碰撞聲我好肯定! 佢係糟過茶樓,所以, 大家想三五知己靜靜地傾計, 就可免則免了食物方面, 也是水準穩定小籠包 -->大大隻, 又多汁, 好味!醉雞翼冷麵 --> 兩款冷麵汁都好味!叉子燒餅 --> 燒餅好鬆脆! 必吃! 高力芒果 --> 又係出色! 而且, 服務員有禮貌, 很好!

新裝修後,第一次來, 吃"$1 for 2人指定套餐".服務好, 上菜快, 職員好禮, 抵讚!食物方面 : (1) 粉皮好味,好滑(2) 盧鱼惕 - 鱼肉"聲", 女朋友渴了兩口便唔耍(3)妏豆腐 - 淡而無味, 要加豉油食(4)官保雞丁 - 正, 最好食, 雞肉夠味(5)鮮肉餃子 - 皮不溥, 肉多但沒汁, 街邊水準(6) 南瓜西米露 - 水準一般, 不太甜, 口感比糖水舖差一些(7) 炒年糕 - 又淡而無味, 要加豉油和豆板醬食先夠味, 自己俾$55加, 勁失望!食物水準差了, 但價餞貴過以前 (唔抵食和唔好食), 如食服務和裝修, OK啦!本人短期不會再惠顧 (免費例外)

新裝修後第一次幫襯 , 地方少了一點 , 但格局整齊 , 反而有歸一了的感覺 不太肚餓的關係 , 祇是點了一個點心和一味餸菜 . 阿拉湯包 OR 小籠包 (唔係好記得點叫 ) , WA~ 一咬開... 就有好多肉汁同湯湧出黎, 要小心燙傷呵~ 好味 !! 獅子頭 , 肉丸大大顆 , 坊間容易做得很咸 , 但這裡不太咸 , 味道剛好 唯一不太滿意的是四寶茶 , 可能是水不夠熱的關係 , 喝每一口都有茶葉入口 ...總體來說是滿意的

今日同朋友係青衣食晚飯, 已經一心想去試新裝修的阿拉廚房, 之前都去過數次, 雖然不是特別好上海菜, 但仍想一試~~先說說環境, 比之前細了一半, 但內裡仍有不少坐位, 我們六點九去到唔駛等位,坐了卡位, 少少茶記feel, 不過讚讚光猛左好多, 上海菜唔駛好似以前咁, 咁浪漫.......四寶茶~嗯, 一般般啦, 覺得唔係好夠熱~頭盤-風鵝粉皮個人對冷盤麻麻, 呢個入面有乾的鵝肉, 最好是有好多青瓜絲, 女仔食ok~蔥爆豬肉配薄餅- 可選牛/羊/豬/雞, 要包著薄餅來吃的, 因為冇咩汁, 另叫最愛的甜醬不過實在有好多洋蔥, 我唔係唔食, 不過好似除左肉就係洋蔥, 唔好者勿試......薄餅方面, 比想像的差, 以為是片皮鴨個隻皮, 不過唔係, 上到黎已是冷的, 好乾......鮮肉鍋貼-侍應會問要唔要豆瓣醬, 不錯不錯, 但鍋貼比較普通, 沒什麼特別...同屋企煎既一樣杞子南瓜白雪-唔知點解, 差唔多食完先上, 不過已經好飽了......但呢個係我最愛的, 可能比較清, 南瓜加蛋白, 再灑上杞子, 原圖南瓜多d 的啊, 上黎時不太多....但味道淡淡的, 加上南瓜甜甜的, 推介要讚的

東亞信用卡promotion.....繼上次既i-thai....今次第2擊黎到阿拉廚房等左大半個鐘....值既!點左東亞2人餐七彩豆腐: 係一道冷盤，味道好特別，加上皮蛋既部份唔錯，但係豆腐就唔夠滑南瓜雞蓉羹: 熱熱咁捧黎，有好香既南瓜起裡面，真係唔錯鮮拆蟹肉扒豆腐: 非常美味，整得好好，味道一流，再加上啖啖既蟹肉同滑滑既豆腐，一絕有機甜豆豬頸肉: 普普通通，不過，配上既豬頸肉滑得黎又唔肥鮮肉蒸餃: 皮太厚，鮮肉一般蘆薈西米露: 一般，不過不失呢餐好好味~! 最重要既係服務非常好，上菜好好好快!我地忍唔住第一次填意見卡，稱讚佢既服務!下次再黎~!

二月一日 (星期日)又來到青衣,今次目的都是看老夫子,上一回吃了C'est Bon, 有點心有不甘,今次決定一試青衣數一數二的名店”阿拉廚房”阿拉廚房是Kings Parrot Group既食肆,KP Group名店臨立,有老公至愛的阿拉麵館,新興的Table 18等等,對於阿拉廚房,是很有寄望的阿拉,在上海話裡解作"我的"我的廚房,想吃什麼有什麼? 大概是會合我們香港人口味的上海菜罷中午時份,並不多人,不用等位,更有四人卡位侍奉來的是四寶茶,好清香,很解渴唯獨有些不滿是服務員較有點漫不經心,不過後來都算合格小籠包 上海菜,想是必要試的,果真沒有令我們失望一籠五隻,皮薄而且有豐富的湯汁不知何解,老公仔三次試夾都失敗,要用匙來盛着滿滿的湯啜完湯,很清甜,然後再一口吃下去,做餡的豬肉很入味和富彈性是很有水準的小籠包,和南翔可以並駕齊驅粉皮風鵝吃慣雞絲粉皮,今回配上鵝的冷盤又如何?又不錯,粉皮好滑流風鵝風鵝,即風乾了的鵝肉,有點像在吃金華火腿,有些鹹,但仍保持着鵝味不過說到底,還是覺得雞絲最好沙碢雲呑雞(半隻)因為是即叫即做,所以我們吃完了小籠包和冷盤,等了十五分鐘才上桌是一個很足料的砂鍋雲

小弟目不識丁，寫的食評自然比較簡短，也不一定有參考價值。我只想把每餐的經驗和感受跟大家分享，還望見諒。又是跟老朋友每星期一次的飯聚，地點繼續是青衣城。青衣城的食肆都差不多食過晒，阿拉廚房應該是最後要闖的一間。好彩，是晚人不太多，無須等太耐就有位。食咩竟然毫無頭緒，還是把點菜的責任交給他人了。要了素鵝、椒鹽雞卷、和尚戴帽，以及每人要一碗炸醬麵。小食素鵝先到，幾似樣，滿心以為是不錯的。吃一口，腐皮不脆，且十分韌，要出盡九牛二虎之力才可咬開，餡料全是冬菇絲，不鮮也不爽，是失敗的小食。一看就知碗炸醬麵太稔身，一 『pat』野咁，未食已知唔掂。把麵撈勻，再試，肉碎和醬汁毫無味道，麵更加不會是彈牙爽口，是我食過最差的炸醬麵。椒鹽雞卷相對較好，但其實也不是出色。說是椒鹽，實質並不是椒監，像牛脷酥的外皮，然後有雞肉包裹著芽菜、青瓜絲 、蘿蔔絲等。味道不甚突出，口感尚算幾爽。和尚戴帽遲遲未有送到。由於之前既幾個餸質素低劣，大家都覺得不來也罷。正想取消苛打之際，服務生把和尚戴帽端上台，咁惟有照食。和尚頂帽戴得不錯，即煎蛋做得幾靚仔，可惜餡料又是不濟，大家只把煎蛋吃掉。以上幾款菜，味道雖然不同，感覺卻是同一

阿媽成日都話想試下阿拉廚房，講左成大半年，終於有機會黎試下。可能我地夜，9點幾先到，門口冇咩人等，但入面都坐滿哂人。4個人好快就有位，一坐低就落ORDER： 口水雞 ($60)，唔知點解唔辣既，好似花生醬咁，味道一般 小籠包 ($37 / 5件)，上海菜館必食的小籠包，皮薄而且唔易穿 臭豆腐 ($28)，食左一口之後明白原來豆腐都有分靚同唔靚，呢度既就係靚豆腐，值得推介！ 黑醋排骨 ($68)，好脆！酸酸甜甜比例好！值得一試 蔥爆羊肉併薄餅 ($68)，薄餅做得幾好，但羊肉冇想像中咁好，好似都有其他食家講過麻麻 燒餅 ($12)，我屋企人本身好鐘意食呢個，係放肉絲入去個餅度一齊食，正 黑糯米八寶飯 ($50)，呢個甜品一流，又香又暖，咁凍既天時食感覺特別溫暖第一次飲八寶茶，但好似仲淡過咩咁既....定係真係咁既味？ 服務幾好，反應都好快，有咩菜未上都會主動去跟跟四個人埋單合計 $390仲送左 $30 現金卷下次用