阿叔泰麵 (西菁街) (已結業)

泰國菜係元朗大大話話有二十間以上，不過都係食泰菜為主，食泰式麵店就好似無乜，上網知道有間新開專門食泰國船麵既餐廳，當然要去試下啦！餐廳位於西菁街振華花園對面！餐廳裝修有泰國文青風格，播住泰文歌，真係好似去到asok咁😆先來牛肉船麵$58有新鮮牛腩，牛丸，份量都幾大，食船麵當然要用金邊粉做底，吸收曬湯汁精華，湯底少少甜，牛味重，原來湯底用新鮮牛骨製成，正👍另外配料亦不錯，新鮮炸豬皮好脆，比較少地方有得食！香茅魚露雞翼$46有六大隻，香茅味幾重，幾惹味！啊來燒豬頸肉$52魚露辣汁不錯👍，如果肉燒焦一點會更好！餐具筷子以至調味醬汁都係泰國直送，去唔到泰國過嚟壞緬一下都不錯！

阿叔泰麵呢間泰式小店相對比較隔涉， 但係裝潢都真係幾花心思有少少似童話嘅風格唔知點解感覺好似去咗千與千尋嘅世界一樣呢間舖頭主打嘅係船麵連啲餐具都好似顏色筆咁㗎火辣阿嫂青木瓜沙律$38睇到個名已經即刻想試下阿嫂...嘅青木瓜沙律 店員話呢個沙律真係好辣㗎， 而的確食落真係幾辣， 食完我即刻搵下間舖入面邊個係阿嫂， 可惜搵唔到， 如果可以冇咁辣我諗會好味好多冬陰功湯麵(左) $58 雞肉船麵(右) $52冬陰功嘅湯底比較淡， 味道只係一般， 而蝦呢亦都太淋並唔彈牙。而雞肉船麵個湯底幾特別， 有雞鎚，雞腎同炸雞皮， 濃厚嘅味道比冬陰功湯底出色。青檸梳打 新春優惠免費正正常常， 不過不失泰式奶茶 新春優惠免費就喺泰國飲嘅奶茶一樣都係咁甜整體嚟講呢間泰式小店環境係唔錯嘅， 味道同口味就因人而異， 都值得一試嘅。

《泰麵小店🍜🥢 #阿叔泰麵 》| #元朗依間食泰國船麵既小店係元朗新開😆 不過如果唔係睇雜誌同網上介紹都唔會搵到黎～ 位置真係有啲僻😂 係千色後幾條、好多車房既街😅 整體來講 個人覺得小食同飲品比碗麵更吸引😂 小食選擇好多🤤 雞翼、豬頸肉、牛排沙律等～ 🔹牛肉船麵 | $58、豬肉船麵 | $52湯底係牛骨湯 味道有啲甜甜 雖然好深色但唔咸的～ 好難形容係咩味😂 （唔同錦麗果種湯的）而麵的份量唔算多 牛肉丸同豬肉丸細細粒咁～ 食完唔係好飽😂一般咁～🔹三式雞翼拼盤 | $58有三款雞翼 共九隻 雞翼迷岩哂😍 酸辣凍雞翼 好入味 真係幾辣下👀 紅咖哩雞翼同香矛魚露雞翼都幾好食😁～ 但如果唔係好食得辣 最好都係單叫魚露雞翼較好～ 拼盤中三款有兩款都係辣😂🔹糕點拼盤 | $30（千層糕、大菜糕、椰汁西米糕、芒果西米糕）舊芒果西米糕 我同媽媽一路食一路估係榴連 點知原來係芒果🤡 整體都係正常既😆🔹泰式奶茶☕️ | $24係我最愛既泰式奶茶☺️ 除左奶茶 見有人飲熱朱古力奶 個樣都好似幾好☺️.

有去過泰國的朋友應該對於在船上來一碗米粉湯不陌生，以前泰國人在船上做生意，將麵食分成一小碗一小碗比較方便進食，吃完之後就把所有的碗都堆疊起來，成為吃「船麵」的特殊風情。位於元朗，有一間賣船麵的「阿叔泰麵」。 餐廳內部環境還挺舒適的和滿有泰國畫藝創作，富特色。現場所見，一到晚飯時間，已經滿是食客。目測到他們個個都是叫船麵，我當然要試一碗「雞肉船麵」……只係食第一啖，就是黑嚕嚕的是肉湯口味，吃起來濃濃的牛肉湯的，又帶有一點中藥味，我很喜歡那濃厚的湯頭，和泰國街頭船麵還蠻類似的，看到麵上面有脆炸豬油渣，酥酥脆脆的口感就像是小餅乾一樣，還可以沾點肉湯吃口味會更讚，越吃越涮嘴，越吃越開胃。 每次吃泰菜，朋友都必點他的至愛豬頸肉。這個看似簡單的菜式，但要做到好吃其實很難，而這個「阿萊燒豬頸肉」充滿香味，而且肉質軟稔又有嚼勁！強烈推薦來吃「阿叔泰麵」的船麵和燒豬頸肉。

平時食飯不外乎泰國、上海、越南、中菜等等........今次食船麵，真是第一次！去了元朗的阿叔船麵，環境擺設幾特別，牆紙貼了泰國感覺的人像圖。叫了一個雞肉船麵，再叫三色雞翼拼盤，以及兩杯橙汁，跟朋友一起分享吃，下午茶就是這樣輕鬆過。埋單找數$122，平均每位$61。打開餐牌見到這間餐廳的餐牌款式不算多，但是湯底覺得比較特別，都是第一次食到這種湯底。如果食麵主要都是牛肉、雞肉和豬肉選擇，然後再選擇麵底，即是米粉、金邊粉、泰式河粉和粉絲。我們選擇了雞肉船麵，$52。麵裏面有幾隻雞鎚，雞肉之中食到湯底的味道。不知怎樣形容這種湯底，富有泰國特色吧。配菜有芽菜，所以吃起來增添了口感。另外湯中有花生碎，所以感覺比較香口，而且又可以食到一粒粒花生碎。至於湯麵之中有炸豬皮，因為未食過，覺得這個比較特別，有硬脆的感覺。至於小食，我們也叫了一款，就是$58的三色雞翼拼盤。一個正方形大碟之中有九隻雞翼，有三隻是凍的雞翼，吃下去有點兒像泰式辣醬似的味道。另外六隻是熱的雞翼，其中有三隻是辣的辛辣風味，另外三隻是不辣的香茅風味。我比較喜歡吃三色拼盤的雞翼，可能因為有煎香過，所以雞翼的外皮香口可口，雞翼肉質都幾嫩。

所有野都係麻麻地。食物麻麻地，湯面的湯也不特出，很普通。豬頸肉唔香，個汁都係麻麻地。飲品麻麻地，橙色奶茶色香味都冇，我個人覺得難飲，老公覺得不難飲，但也不會回頭。

係元朗新開左間泰國餐廳入面主打食泰式粉麵，餐牌既選擇唔多，麵就只有呢四款，分別係雞、牛、豬和冬陰公麵小食既選擇相對較多，仲有唔少飲品添我同友人分別要左個牛同雞，兩個湯底都係超濃既牛骨湯，所以湯底係呈深啡色，每碗都附送芽菜、通菜、炸豬皮同花生碎餸就有三隻雞鎚同雞腎河粉就係一大塊，同平時幼身既河粉好唔同，食落係似幼滑既腸粉呢碗就有新鮮牛腩同埋牛丸最後叫左碟小食，雞翼有六大隻全部煎到金黃色，仲有豐富既香茅味，雞肉仲好滑添值得一讚係餐廳服務認真唔錯

尋日下晏去到，叫左碗牛肉船麵，碗麵落完order後好快送到黎，一嚟就試吓啖湯，啲湯完全係唔夠味，食船面最緊要係個湯底，好可惜個湯底真係唔好食，牛肉係牛腩嚟嘅，啲牛肉炆得好夠淋但可惜完全唔係泰式風味，成碗面最好食應該係粒牛丸，我食咗半碗已經冇食，因為真係唔好食！唔會有下次！

平時行返屋企經過見到喱間小店，應該都唔係開左好耐，一路以為佢係拉麵，後來見到Asok就知係泰國野。今晚唔知食乜好，突然諗起就去睇下，原來係食船麵既小弟都係泰國食過船麵，船麵係細細碗既，相傳係方便以前泰國人係船上食野。因為細碗，遊客通常都會叫好多碗黎食，打個卡咁印象中個湯係好濃，應該係牛肉／牛骨湯底之類。喱間阿叔泰麵既裝修一d都唔阿叔，牆畫幾新潮，小店枱排得比較逼，但整體裝修幾靚食物就主要係三款船麵，同埋其他小食野飲。第一次食就叫左一個牛肉＋一個豬肉船麵。牛肉會有牛腩＋牛丸；豬肉就有片片豬肉＋豬肉丸。配料最特別係有炸豬皮。食落個湯無泰國咁濃，岩岩好船麵可以揀唔同麵底，最吸引既係粉絲／泰式可粉，我地就試泰式可粉。口感比可粉厚丁點，但唔係一條條，有d係好似未切開咁一大塊。下次會想試粉絲三式雞翼拼盤：三種雞翼可以散叫，左邊上下應該係香茅同魚露，上面個隻少少辣，唔係好食得出邊隻打邊隻﹐但兩隻都好味右邊凍雞翼就凍到d肉實左少少，應該係雞翼沙律黎～泰式奶茶：喱隻比較重奶粉味，但個陣泰式奶茶既香味好ok 喱間小店係幾有特色，船麵都唔算好多地方有得食，價錢上就少少進取啦，＄50左右一碗。值得一試，支持小

前日係元朗搵野食，禁下附近餐廳見到開左間泰麵，見幾近架上本身鍾意食泰國野，就決定去食個lunch。門口都裝修得幾精緻，入面兩邊牆都有插畫，都畫得幾cute。👀Menu設計得唔錯，小清新風格👍🏼。泰麵黎講得三款選擇，分別係牛肉、雞肉同豬肉。麵嘅選擇都算多，配料都寫得好清楚，如果要走配料都好方便。我同朋友叫左牛肉河粉同雞肉金邊粉。🐔首先係雞肉金邊粉，講嘅雞肉係3隻雞槌，夠晒食，而且d肉質ok。個湯好鮮味，好濃嘅牛肉味，另外有少少藥材嘅感覺。🐮牛肉河粉，個湯應該係同雞肉個碗一樣，但唔知點解食落牛味好似再濃dd。牛肉好好食！！推薦大家試牛！煮得好林，一d都唔韌！側邊嘅肉丸都唔差，比雞肉個碗多元化。個人黎講好鍾意食辣，個湯本身唔辣，食落硬係差少少。好彩側邊有辣椒，落左兩匙成個湯加分！！嗜辣嘅朋友信我，一定要落辣椒！🌶🌶🌶

餐廳位於元朗西菁街20號益輝大廈地下3號舖。主要菜式包括牛肉船麵, 豬肉船等。小店主打船麵，連名子都咁特別，叫呀叔泰麵，真係要試下正唔正宗。店內好多graffiti,一反傳統。雞肉船麵$52濃郁惹味，但不似正宗平時船麵般濃稠，每碗面頭也跟足傳統加上了炸豬皮。雖然跟平時食到的不同，但正正因為他味濃特別啱我胃口。雞肉好嫩口，亦都好入味。可以選麵底：金邊粉、河粉、粉絲和米粉。牛肉船麵$52同樣的湯底加上牛肉又是另一番風味！牛肉都好入味，金邊粉也很吸味！阿萊燒豬頸肉$52燒到香口，加上甜甜酸酸的汁，好惹味，碳燒味都好正！估不到元朗出現了間高水準的泰式麵店，以後又多一個好地方食麵。

大家好，又係元朗牛屎仔 !!!"咪呀來"係泰文，意思係唔好食呀點解"無生生"會去呢間面店呢？原因係早排"生果日報" 有介紹過，話呢間餐廳係用牛骨去做個湯底，今日有時間咪去試下喎。好啦，入正題，今日我好早到步，大約11:40左右已經到餐廳，目測我應該係第二台客。題外話，我先講講餐廳位置，如果唔熟元朗既朋友，如果想去呢間餐廳的話，除左可以透過GoGo Map 之外，亦都可以問下D路人，因為小部分既元朗既街訪都好Nice(無錯, 係小部分, 驚呀呢)，路在口邊，用“容鳳書健康中心”去搵，您99%可以搵到呢間餐廳，因為呢間餐廳就係健康中心大門口隔離。揸車既朋友仲方便，因為附近有2個有蓋既停車場。講番食物呢，咁我就order 左兩個船面，分別係猪肉泰式河粉 and 牛肉金邊分。猪肉(內有猪肉丸and猪肉)泰式河粉:面質: 8/10 > 好野，係新鮮貨, 滑+Q, 無投訴肉質: 5/10 > 肉丸，係由泰國來貨，因為個size and 口感同係泰國食既差唔到幾多，不過，佢地可以雪得太耐，口感好淋and軟，猪肉，係敗北之作，唔知大家有無食過任食打邊鑪嗰D猪肉，佢地就類似嗱湯底: 3.

朋友話西菁街附近開左間船面,好想試下,放假下午終於約左朋友去—試，地方有D難揾,在莤菁街最尾度段，装修不是華麗,當然也有幾分民族色彩，場身的礕油,和擺設帶着濃厚的泰國色彩。令人感受到小店的親切感。我們倆—人叫了一個麵,—個牛肉,—個豬肉麵,湯底呈黑色,十分濃陏,聽店員講係每天新鮮肴制而成以下呢個係豬船麵,肉丸十分彈牙，牛肉船麵,除左丸彈牙,個河料十分滑口,湯底回頭率十分高魚露雞翼,外脆裡面好滑現在凡光顅share Facebook page重有兩杯特式飲品送最鍋心的是,埋單的時候還送上兩個暖包，太咼心了感謝！

諗緊夜晚同老婆帶隻小魔怪食咩好，老婆提議之前係網上見到元朗有間新開泰式船河。之前係西環嗰邊食過一間，覺得個湯底好正，所以都想試埋哩間。比一般船麵大碗，老闆話迎合番香港市場，一碗就夠飽。如果正完泰國船麵，我應該要食十幾碗😂😂湯底唔算太重藥材味，牛味比較突出。牛腩亦炆得十分入味，牛丸又夠彈牙，配上粗河粉，吸湯一流，口感亦比一般河粉更爽滑。每碗船麵亦有炸豬皮，炸得非常香口酥脆。豬肉船麵湯底亦係牛骨湯底，不過係配料轉左係豬肉加豬肉丸。相對我較喜歡牛肉船麵。經老闆介紹，加點了牛扒沙律，泰北口味，比傳統泰式沙律還要辣。不過辣很十分過癮，香辣味慢慢係口腔裡滲出黎。牛肉係安格斯牛，十分嫩滑，會越食越上癮。還會再幫襯嘅小店，亦喜歡老闆們熱情的招呼。

話說早排看 <食在元朗>得知元朗開了一間專食泰國船麵的小店. 喜歡嚐新的我當然要一試~ 由於我是住在元朗的，位置對我來說不難找，但如果住在外區的朋友，只要知道那裡是元朗千色匯，沿着西菁街方向走，應該都不難找到的. 平日下午2時多，都有不少食客，生意可真好~ 牆上的卡通公仔都幾得意，臨近聖誕，天花都掛了不少聖誕裝飾，頗有心思!! 船河有3款口味，分別是牛肉船麵($58)、豬肉/ 雞肉船麵 ($52)，湯底同樣用上新鮮牛骨製成~ 豬肉船麵 ($52) 各款船麵都配上芽菜、通菜、花生碎及炸豬皮; 而豬肉船麵則另有豬肉及豬肉丸的. 我則選擇配金邊粉. 先呷一口湯，湯底濃郁富牛肉味且調味得宜，不會過鹹~ 炸豬皮及花生碎令這碗粉更添惹味，豬肉丸幾有嚼勁但豬肉片則有點韌，金邊粉滑溜可口，整體都不錯. 雞肉船麵 ($52) 家人則選了雞肉配粉絲，而雞肉船麵則配上雞鎚，我則試吃了一件雞鎚，感覺雞肉也是偏韌一點; 家人則希望雞肉船麵都可配上丸類，因為見到牛肉船麵也配上牛丸，豬肉船麵則配上豬肉丸，如果雞肉船麵都配上特製的雞肉丸，應該都幾特別呢! 香茅魚露雞翼