阿叔泰麵 (西菁街) (已結業)

早陣子在免費報紙上留意到的「阿叔泰麵」主推泰國船麵，今日入元朗終於可以同客一齊去試了。🕺🏻💃🏻🥢 豬肉船麵有豬肉及豬肉丸 $52湯底味似鹵水但又沒有鹵水中的八角香料味，鹹鹹地有點獨特，用來浸豬皮脆中帶軟感覺不錯，豬肉丸爽口彈牙。👍🥢 3 式雞翼拼盤 $58即叫即炸，有辣有唔辣仲有凍食，雞翼入味可口。🥢 阿萊燒豬頸肉 $53嫩口中帶有口感。佈置簡單有趣，色彩繽紛如童話世界。到 FB 讚好有飲品贈送阿叔泰麵之街頭美食船麵只有牛、豬、雞可選擇

泰國多美食眾人皆知，當中船麵近期在香港也大受歡迎，難得元朗有新開的泰式船麵，於是和老婆一起去吃。牛肉船麵湯底是用新鮮牛骨制成，有濃香的牛骨精華，沒有添加味精。牛肉有3塊，每塊都非常鮮嫩，一點也不韌，牛丸彈牙且滿載著牛味。炸豬皮很香脆，味道帶點豬油香。豬肉船麵與牛肉船的分別在於牛肉變為豬肉，牛丸改為豬肉丸。帶有濃郁的豬肉味，與牛骨湯頭的味道很匹配。青檸梳打採用原裝入口的梳打水，青檸清香之餘又帶點酸味。泰式奶茶比港式奶茶更有茶味及奶味，是我的摰愛。只要在推廣期內like 及share 餐廳facebook，可免費獲贈飲品，實在不能錯過。

上次平日晚上經過阿叔泰麵門口好多人等😕 週日晚可能遇上做冬飯高峰，竟然大把吉位🤭門口已經有店員落力講解👍 始終係後街，唔係搵食唔會過黎🙂 入去坐低一抬頭，發現天花好有心機掛咗一啲越南式紙傘，仲有牆身上既噴畫都好有特色，同佢地本身泰國風係matchy⭐💖 舖頭20個位左右，menu 設計簡單，牛豬雞三隻船麵，搭河粉，金邊粉，米粉，粉絲🤓 另外仲有小食同飲品Order咗一牛🐂一豬🐷船麵，加多個雞翼🐣拼盤，外加個梳打水同斑蘭特飲船麵一如其名，戰艦級，大大碗乜都有，最搶眼係炸豬皮，然後肉丸，芽菜，通菜，同牛/豬肉🍜 湯底濃郁，飲咗一啖有啲似肉骨茶，食完無口渴，應該係長時間淆出黎，唔係加味精😍😍 牛肉同豬肉煮得啱啱好，無老身，亦夠熟👍 雞翼拼盤係大驚喜😮😮 三隻味，醉雞，香茅，紅咖哩雞翼，每款三隻⭐🐣🐣🐣 醉雞翼係凍上，少少硬，酒味唔重👌 咖哩其實同香茅近似，煎封咗雞翼肉汁保留左係皮底下飲品未算特別，但還👌餐廳仲趁住佳節送咗個小暖包做禮物，好貼心💕💞埋單80左右一個人，合理價。環境舒服，店員有禮，應該都會再黎幫襯💖

聽人講呢到新開左間泰式船麵，我呢個泰國控當然唔執輸啦。一黎就叫左碗雞泰式河粉，賣相不俗，用左雞鎚似足泰國曼谷船麵，湯底夠晒濃，有陣陣牛骨味，但味道濃且咸，同曼谷吃的始終有分別。雞鎚算係咁，味道可以，泰式河粉都唔錯。另外叫左泰式奶茶，有少少茶香但無泰式風味，明顯港式奶茶，甜道還可以，有改進空間。泰式香茅雞翼味道不錯，都算入味，但係香茅味唔夠突出，泰式風味欠奉。整體味道是可以的，期望可以更美味，而服務水平是唔錯的，基本上有求必應。

呢間泰麵， 見雜誌 ，網上宣傳 好似好正宗好正咁， 就特登走入元朗試下， 佢位置都幾隔涉， 中午飯時間， 內部已很多人， 我叫了一個牛肉船麵， 滿心期待，碗船麵黎到，我真係面色一沉！ 牛肉船面只有三小粒牛丸， 三小舊牛腩, 其餘都只係碎濕濕嘅通菜，同豬皮， 味道亦都非常之一般！ 我係選擇米粉，呢隻米粉真係好難食！ 重點係收58蚊一碗！不包飲品！我覺得，呢個價錢喺元朗區， 實在有大把好吃的選擇！ 最後祝貴店好運！

早兩個星期，在某份免費報紙看到一篇介紹這間食泰式船麵，這食店的賣點是每日以12斤牛骨、藥材熬12小時而成，當時睇到已經流晒口水，心中一直想著要找一日來品嚐這碗足料的船麵😋正好今天因老公需要去覆診，所以請了一天假陪他，但足足等了兩個鐘才可以見醫生，覆完診都已經點幾鐘，之後老公提議落元朗行一陣，順便去食下午茶，我就提議去搵這位 “阿叔泰麵”😛 地點都不太難找，鋪面比人一種很悠閒的感覺，下午茶時間都算多人，幸好不用搭抬，店內佈置得很有聖誕氣氛🥳店員很有禮的遞來餐牌，那就先看看整份餐牌，有3款船麵可以選擇。我就點了雞肉船麵($53)，主要有雞鎚，雞鎚不韌，仲有好香既香草味，而麵底就選了金邊粉，午市時段，可享無酒精飲品半價，太好了，我就揀了泰式奶茶。而老公就點了牛肉船麵($58)，主要有牛丸及牛腩，老公就揀了麵底係泰式河粉，而他的飲品就是有他喜歡的象啤。兩碗船麵來到，已聞到好濃郁的湯底，船麵除了有主菜雞肉及牛肉，碗麵面頭有香口的炸豬皮及花生碎，我已急不及待先嚐了一口湯底，濃濃的牛骨湯，很惹味。老公很讚他那碗泰式河粉，因為河粉非常之滑，又好闊身，配上濃郁湯底及牛腩一齊食，口感非常一流👍🏻我杯飲品是

元朗新開咗間阿叔船麵，禮拜日夜晚走去試試佢。舖頭好格SIP，開住個地圖搵咗陣先行到去，去到時8點幾，舖入面好多吉位，唔使排隊，直接入得。舖頭裝修幾有心思，又好坐，唔同我本身想像嘅地踎麵店。MENU簡簡單單，有啲似拉麵店果啲，得三款簡，選擇困難症都可以好快決定到食乜，like!叫咗一個牛肉船麵，一個豬肉船麵，兩個都叫咗河粉，再加泰式奶茶。好開心呢度有泰式奶茶，最近去過兩間泰國菜都冇...迫住我要飲椰青。其實我本身唔太飲奶茶，好中意泰式奶茶夠甜，見到必點，滿意嘅味道^^船麵到咗，上面有啲炸豬皮，覺得佢唔係好夠脆，浸到麵果啲位就更加淋晒，唔太好食。個湯好濃，河粉份量勁多勁飽，啲餸望落好少，但都夠送晒成碗麵。個人中意豬多過牛，牛腩炆得唔夠耐，雖然夠味，但唔淋。豬有啲似打邊爐食既豬肉片，豬肉丸勁好食，有肉汁。百零鈫兩個人，可以坐得舒服，又食到兩個都咁飽，又要有泰式奶茶，抵食!

sem尾思鄉病發作😫 自從去完泰國返黎就冇食過船麵 食住呢碗頂住癮先🤤 成件事的確幾有feel 特別係泰式奶茶隻膠杯!! 唔會因為呢度香港而求其比隻玻璃杯你牛肉船麵 $58牛骨湯底標榜熬煮12小時 不過我都係嫌佢唔夠泰國食到既咁香濃 唔夠重口味 河粉係一片片煙煙韌韌果種 牛肉丸就冇乜牛味 牛腩反而小驚喜 幾淋幾入味😋 面頭有d炸豬皮花生碎通菜芽菜撈埋食幾過癮 仲可以瘋狂落辣椒粉🤣+$12呢杯泰式奶茶冇泰國飲到果d咁死甜 比較有奶味 飲到最尾同樣剩返幾多冰 有冇人都好中意啜佢d餘韻🤣🤣🤣 (特別係去泰國天氣熱要啜到成杯碎冰溶曬先肯dum)總結 雖然味道唔算真係好地道 不過食黎過下癮都唔錯既~ 好懷念泰國幾蚊一碗既船麵 食野好似唔洗錢咁😇 每次望到d價錢都會思考人生 點解係香港生存咁慘💀 (下刪一萬字...)

睇到咁多食評依間都算差！用牛肉嘅湯底似出前一丁麻油麵湯底！河粉似腸粉！好似依緊垃圾落口！三色雞翼仲垃圾，冇味，一係就辣到你傻！完成有冇調味過雞翼，雪味又重！野似仲衰！凍檸茶冇檸檬，比兩粒青檸你就算，又冇糖水！青檸梳打冇青檸汁，又係比兩粒青檸你就算！天呀！連野飲都可以整得咁難飲，你地有冇學過煮野同沖野似架！咩叫凍檸茶呀！唔好浪費d食材啦！認真講一句，自己食下先比人食啦⋯⋯你出去食下咩叫泰國菜先反黎煮吧啦！

最近對元朗兩家新食肆感興趣，其中一家是「大叔」！到訪後，感到這位「阿叔」確實擁有大叔的謙厚特質，首先不扮高深，開中明義指所賣船麵不正宗！如今吹嚧成風，「阿叔」竟賣花不讚花香，還來自踩一腳，認真夠誠實可靠！無論在店外輪候，抑或用餐後離開，「阿叔」均態度有禮，多謝前、多謝後，還對讓我們久等表示歉意，這樣的「阿叔」應該被納入香港碩果僅存的保育系列！ 好了，進入正題！船麵是「家鄉」的特色食物，近數年在香港流行起來，試過了一、兩家香港的船麵店，就如泰國魚蛋粉一樣，理解店家已盡力，始終兩地水質有異，亦受食材局限，明白未能做到百分百地道口味！雖然如此，還是寄望新店能為思念家鄉食物的我們帶來驚喜！ 作為元朗街坊，這回是我第三趟到訪，繼第一、二次的失敗，我們提前十二時左右找「阿叔」，等候人龍大概十來人，本來不想等，誰料「阿叔」稱不用等太久，因店內食客差不多用餐完畢，於是我倆又回心轉意！ 陽光燦爛下，「阿叔泰麵」真有著家鄉的畫面！ 不到12時半，我們便可以內進，比想像中快多了，多謝「阿叔」的提示！ 「阿叔泰麵」左右牆身貼上 Cute 版𤩹畫，將船麵、泰國及香港緊扣在一起！牆壁兩邊擺放四人桌，環境還好不算

之前食過一次船麵後就念念不忘想再食見到元朗都開左間即刻就去試下掂唔掂啦~位置有d偏僻 要兜去後街坐位之間離得有d近 不過小店都理解既叫左個牛肉船麵$58都幾大碗 依個價錢黎講好抵食又足料配料有牛丸, 牛腩, 芽菜, 花生碎, 通菜牛腩好淋好好味啊~上面d炸豬皮(?應該是)索左湯汁後食唔停而我要左金邊粉, 份量都多個人就覺得金邊粉比河粉更易入味因為湯底好濃味所以d粉勁好味☺️成碗清晒😋 味道：★★★★★💰 價錢：$

近期興食船麵，估唔到現在元朗都有得食。第一次星期日12點前到達，發現已出現人龍。所以前幾日星期一再光顧。小店開1130，今次11點45左右到達，不用等位，店內仍然有數張吉枱。坐下後大約11點52分下單，點了牛肉及豬肉船麵，牛扒沙律，泰式凍奶茶及 香茅班蘭特飲。等了大約5分鐘，飲品先到。泰式奶茶，真係好似係泰國飲既一樣。香茅班蘭特飲，很清新，不錯。等了差不多15分鐘，仍未見上麵，當時店員才通知牛扒沙律因未準備，所以不能供應，所以我們點了雞翼拼盤。當時發現店內已坐滿食客，但大部分比我們先到的還未有食物上枱。門外開始有人龍，然後看到店員拎了4大包外賣給門口的人客，估計是一早打電話下單。過了差不多20餘分鐘，店內食客終於有開始有食物。牛骨湯底好正!有淡淡的藥材味，湯頭很濃。豬皮不脆，偏硬，牛肉丸彈牙濃肉味，牛腩粒甘香軟滑，通菜很嫩，切成細段分別入口。河粉煙韌掛湯一流。豬肉丸比較牛肉丸無咁彈牙。豬肉片軟滑。拼盤雞翼數量比想像中多，右上醉翼味道不錯可惜肉質偏鞋 。左下紅咖喱味不辣，3款中最好味。右下 香茅雞翼味道不夠。整體來說，雞翼肉質偏鞋。明白新店一開始會有各種問題，例如人手不足，流程不暢順。但

到元朗食泰式船麵! 我們2人都想食牛肉麵, 雞 🐔 & 豬 🐖 就下次再試! 😋店舖小小的, 有點難找! 店員係幾個後生仔, 禮貌周周, 好好招呼! 收拾時會問食後感及意見 👍 只係食具有點髒..........洗唔乾淨 🙈牛肉船麵 (我選檬粉) $58🐄 有牛丸, 牛腩, 通菜, 花生, 芽菜; 炸豬皮! 🍲 湯頭濃厚, 無乜味精, 無喺泰國食咁甜, 加少少辣椒粉味道更佳, 更突出! 🍜 豬皮爽脆, 浸落湯立即變成腐皮似的 😂😂 牛丸食落似豬肉丸, 因為牛味全無, 唔知係咪比錯呢😂😂😂 大大塊牛腩有點難咬; 唔夠腍! 香茅雞翼 🐔好重香茅味, 外皮炸得香脆, 肉嫩滑! 身邊人覺得唔夠入味, 我個人嚟講就非常喜愛, 只是雞翼有點細隻!

今次叫左個牛肉船麵，幾好食，不過湯底好似咸左少少。而我揀左麵底係河粉黎，佢係好大片既河粉，唔係傳統個隻，口感幾煙韌，好彈口食落感覺好新鮮。同埋碗野中間個豬油渣都好食，炸得幾脆，唯一缺點就係野食選擇小左d。

放假探我住新界的妹妹，路經元朗醫肚，見到一間似新開的小店，幾有特式，就入內試下裝修挺別緻...招呼也不錯個人喜歡豬頸肉和篤篤炸丸，好味~炸丸外表似街邊小魚旦，食落唔停得口下次再嚟