阿來東南亞風味 (已結業)

今日陪男朋友去旺角好景買完game緊係要搵地方醫肚啦，無意中發現咗呢間泰國菜我哋叫咗個「二人餐 B $248」「泰式海南雞」有啲餐廳嘅海南雞骨多過肉大家睇下下圖就知呢度無呃秤舊舊都食得，肉質嫩滑，雞味濃件數亦都唔少，配白飯定油飯一樣好食「泰式生蝦刺身」叫呢個餐嘅其中一個原因就係生蝦啦size正常，唔係特別大或小除咗蝦本身要夠新鮮之外，生蝦汁亦都係靈魂個人覺得整體嚟講不錯「泰式肉碎生菜包」生菜包亦係泰菜必食菜式之一用新鮮生菜包住酸酸辣辣嘅肉碎好開胃而且呢度嘅肉碎仲要冧到一個小山丘咁多生菜都唔夠我哋包，我哋自製肉碎撈飯哈哈總括而言我哋都覺得呢間泰菜都幾正宗食物質素同性價比都屬中上水平必會再次光顧！

同個同事出旺角好景買遊戲機，之後四圍行行到入廣華街，朋友拉我入左間似茶餐廳，但門口大大亮亮招牌阿來東南亞風味。入座尚早所以眼見得兩三枱，但接近晚上七點半d人陸陸續續到達，轉眼間已滿座，好彩我朋友拉我食野先，食飽再行過咋！ 是日限量馬拉肉骨茶 $78店員介紹真係無錯嘅，香濃足料嘅馬拉肉骨茶，繼應有藥材外，還有雞腳同肉排嘅。湯頭顏色偏深，跟我係星加玻食過嘅肉骨茶相似。馬拉盞通菜 $58大大碟超級翠綠嘅通菜，馬拉盞惹味微辣較爽口，正！軟殼蟹火山包 $138賣相💯 分同味道💯分 , 軟殼蟹香脆可口，咖喱汁香滑有蛋，青椒，洋蔥同芹菜等不同材料烹調，好滋味基本醮什麼都好味，今次醮面包或者薄餅食，極滿足！令加$25 要個薄餅添！ Menu有廚師推介，唔驚無心水睇下有乜啱食！

小店主打東南亞風味，例如泰式、星馬，格局似茶餐廳，裝潢樸實，可能因為咁樣，價錢都好公道，叫滿一枱食物，都不過$250，性價比高，質素亦好。 星馬蛋黃雞翼蛋黃熱潮愈吹愈行，這個雞翼都用上蛋黃去炸，咸香的蛋黃味超濃郁，雞翼又炸得香口惹味，必試！阿來金鏄豆腐見餐牌上有個舉拇指必試的圖樣，所以都點一客來試試。薄脆可口的黃金表皮下，包著滑溜溜的豆腐，好正！蘸上甜酸醬，更香口。海南雞飯黃油皮不算薄，但不肥膩。雞肉好嫩滑，而且雞味重，加上香口的油飯，這個海南雞飯的質素絕不遜色。泰式滷豬脾肉一睇豬脾皮，就覺得應該滷得好軟腍。果然一擺入口，豬脾皮軟腍而帶膠質，而豬脾肉同樣滷得好腍，抵讚的是滷得夠味但不咸不嚡口，份量都算大，價錢相宜，不妨一試。隨附的是酸辣醬，個人覺得原味反而更好味。蒜蓉炒椰菜苗雖然好想揀惹味的馬拉盞，但最後還是來個清淡少少的蒜蓉炒椰菜苗。椰菜苗不算青嫩，有少少硬，但味道不錯。額外加$20升級了椰青，多水又夠清甜！------餐牌

嚟到旺角廣華街嘅阿來食泰國菜, 餐廳環境光猛舒服. 加埋有卡位坐, 食得更舒服.由於唔係太餓, 所以呢餐以小食為主.泰式生蝦刺身 ($88), 一碟6隻, 味道夠哂鮮甜, 一人食幾隻都覺得唔夠喉.串燒沙嗲 ($78/6pcs), 呢度有雞肉同豬肉2款可以拼,  由於友人都比較鍾意雞肉, 所以6串都係雞肉唔駛爭~ 每串雞肉都係啖啖肉, 勁滿足. 而呢度落嘅沙嗲醬份量我覺得剛好, 唔會太濃重太鹹.金柚子鮮蝦沙律 ($68), 每次食泰國菜都鍾意點一份沙律清爽下. 呢碟沙律嘅蝦大大隻, 配埋柚子、椰絲, 同埋酸酸甜甜嘅醬汁, 食完寧舍refreshing, 不知不覺就清哂. 泰式鮮蝦炒金邊粉 ($53), 堅大碟, 插埋顆蔥又增加咗賣相~講返碟金邊粉炒得夠乾身, 由於個人比較鍾意食酸辣嘢, 如果呢道嘅pad thai再重啲酸辣味實會一口氣清哂!青檸梳打 ($22), 食泰國菜我鍾意點梳打呢類清爽型飲品, 我就揀咗加有兩、三片青檸嘅梳化去配濃重食物.  最後梗係唔少得甜品啦, 呢度嘅泰式甜品有 "芒果糯米飯" 同 "香葉椰汁西米糕" 2款.芒果糯米飯 ($58), 糯米飯一上枱係熱哄哄出哂煙,

"阿來"泰文意思係好味道岩岩係泰國返黎，太掛住泰國美食喇同妹妹行完街要去搵泰國菜食！！比我地係廣華街果邊發現佢，咁多人食，一定唔會伏啦 哈哈。呢條燒魚真係似模似樣！同我係泰國街頭食既外貌同味道都九成似裡面仲釀左香茅同香料，打開魚皮就聞到好香既香茅味，超正魚肉鮮嫩，吸收左鹽焗既味道，香口無比。生菜包～反而係泰國唔係咁容易食到既菜色。其實究竟佢係咪泰國菜黎既呢 哈哈。肉碎炒得香口 微辣，好醒胃包埋爽脆既生菜，好味道！Pad Thai~ 炒金邊粉撈埋花生粒，加左青檸汁，好香口好味而且佢個pad thai好多蛋，我好中意 哈哈。金柚大蝦沙律～泰國既金柚肉係零舍鮮味，柚子味特別重，粒粒大大粒又多汁配埋大蝦，味道好夾，口感十足泰式炒雜菜～一次過滿足我想食幾種蔬菜既慾望。椰菜苗又想食，秋葵又中意，芥蘭又好味。。真開心，返到香港都仲可以食到泰國既味道。美食天堂真係唔係浪得虛名

“鹽焗魚，見到其他枱既客人都有叫，需時約15-30分鐘，可以早d落定單！！！“鹽焗既做法好入味而且特別嫩滑，條魚啖啖肉無咩骨！！！“依碟鹽焗魚都係百幾蚊，好抵食！！！“生菜包d生菜洗得幾乾淨!！！“生菜包既炒豬肉餡唔太肥唔太廋岩岩好，好多肉汁唔會話乾曬身！！！“咸蛋黃炒大蝦，每隻都掛到個咸蛋黃既汁，好香口！！！“d蝦都幾大隻，蝦頭既膏唔可以放過，蝦身啖啖肉，好好味食完真係手指都啜埋，哈哈！！！“飛天炒通菜 炒得好有穫氣好野味，炒完出黎色澤仍然嫩綠！！！“柚子大蝦沙律，酸酸甜甜，好醒胃！！！“豆卜釀蝦膠，豆卜脆卜卜，蝦膠彈牙，兩者既配搭好夾，口感好豐富！！！“蝦膠釀得好飽滿！！！“個椰青好滿椰水，凍凍地飲落好清涼，重可以食埋d椰青肉！！！

朋友鐘意食泰國食物，而這裡都有好幾間不同小店，最後朋友選了這間來吃晚餐，沒想到這裡除了泰式仲有肉骨茶，選擇都多元化。最後我們叫了幾款來試試，味道都不錯。生菜包，生菜都新鮮包住香呼呼帶點微酸的豬肉十分開胃。炒飛天椰菜苗，沒想到都有點辣度有驚喜炒得又夠香口，份量激多，仲要吾太咸，十分好味道。海南雞喇沙，喇沙味都夠香再濃點更好，米線淋身吸晒喇沙味好食，不可不講這裡的 海南雞 的確好食，雞肉嫩，有雞味。肉骨茶係限量推介，問返待應原來約每日20碗，當然要試試啦，來到見到材料不少十分討好，之前待應比咗二個碗我地分，一分之下原來排骨都有四舊，仲要勁淋身又入味。肉骨茶味道濃郁而吾咸，味道剛剛好，朋友都覺得味道十分正宗。

難得相約很久不見的舊同事，所以決定去大家放工後都方便的旺角區搵野食，而在眾多食店林立的廣華街中，我們選了這間阿來東南亞風味。推門而入，眼看燈火通明，乾爽企理，令人感到很乾淨的感覺。我們兩個都是愛蝦之人，所以這次以蝦為主調，分別點了泰式生蝦，鮮蝦炒金邊粉，鮮蝦柚子沙律還有串燒沙嗲（雞）。這裡的生蝦可說鮮甜味美，肉質爽口彈牙，咬下去的感覺有如蝦中所殘留的生命力沖擊著你口中神經細胞。正當沉醉在生蝦的美味，令人可惜的事出現啦！這碟炒金邊粉可以說是令人大失所望，完完全全不是大家所吃炒金邊粉的味道，失去了精髓所在的金邊粉簡直太令人失望透頂。為了沖洗這個金邊粉所帶來的強烈失落感，決定點一客我最愛的泰式甜點「芒果糯米飯」，慶幸味道不俗，令到最後都覺得這餐飯都算是完滿的。

今日喺旺角行完街~~ 就同朋友黎左呢廣華醫院一帶搵食，行行下見到呢間阿來東南亞風味餐廳，餐廳都幾新，咁我地就決定要試試了~~ 六點幾黎到已經好多人!! 餐廳格局係茶餐廳式，而且最重要餐廳係唔需要加一的~~但如果想食環境既, 呢度就可能令你失望了~~ 望望餐牌，選擇都幾多，基本泰菜/新加坡菜都有，今晚我地都係鎖定泰菜先!泰式生蝦刺身 $88生蝦有6隻, 隻隻都好大隻! 蝦肉新鮮結實彈牙, 加埋秘制泰式醬汁酸酸辣辣, 同生蝦本身的鮮甜味非常之夾! 推介!柚子鮮蝦沙律$68呢個鮮蝦沙律係我暫時食過最好味既top 5 乾蔥蒜爆得極香，大蝦入晒味, 十分惹味! 之後又加入柚子中和番，好好味!!!  半打串燒(雞肉同豬肉各半)，因為我同朋友都唔太好豬，所以全部轉成雞肉，串燒烤得好香，雞肉無over cooked 泰式鮮蝦炒金邊粉 $53鮮蝦有3隻 肉身彈牙! 除左蝦仲有雞蛋, 芽菜等配料炒金邊粉! 加埋花生碎同少少青檸汁, 好味道，但如果再甜啲就完美了~~甜品方面叫咗: 芒果糯米飯 $58椰漿味濃，上菜嗰陣時糯米飯仲熱到出煙!! 芒果兩大片肉，好鮮甜一啖芒肉一啖飯滿足到不行~~~咸檸七- 青檸梳打

夜麻麻晚晚十點行經廣華街見到有間未見過的泰式店就入咗去試吓。叫左三樣食物和飲品，約十分鐘就開始黎有得食。星馬蛋黃雞翼，係待應推介就叫咗一份，沒想到份量會咁多，都差點吃不完要打包添，見到蛋黃佈滿咗係雞翼表面已十分吸睛，一咬落去好新鮮夠熱，蛋黃味重又香，雞翼都仲幾嫩滑。阿來金鏄豆腐，喜歡吃豆腐的我當然沒有錯過啦，黎到薄皮表面又金黃，入面的豆腐仲好嫩滑，味道剛好，本來仲有酸甜醬最後都冇食到，原汁原味都不錯。豬髀冬蔭湯粉，冬蔭公味夠濃又香，味道吾太咸帶辣加分，金邊粉口感滑身份量足，豬髀淋身，皮都唔會覺得好肥參膩的感覺，整體味道都可以，再入味點就更好。食咗咁多野食點會唔叫椰青呢？都幾大個入面椰青水夠甜清新不錯。整體都十分滿意而且這裡的價錢都好抵食，款式選擇都多，下次可以試吓這裡的咖喱。

其實之前也到過通菜街的阿來, 每次都見客滿和要等位, 最近阿來在這邊開了新店子, 除了泰菜之外, 再加上東南亞菜，就趁今晚人在附近就來試試。店員推介了星馬蛋黃雞翼, 雞翼是單骨的，單骨的意思就是把雞翼一分為二, 每邊只有單骨, 吃起來很方便, 雞翼表面鋪了些鹹蛋黃, 而且炸得皮脆肉嫩, 吃起來鹹香惹味。來一客肉骨茶試試, 藥材味較濃郁，火候不錯, 索滿藥材味的排骨和雞腳同樣好吃，可配合黑醬油同吃，就更加美味。賣相已經討好的海南雞飯，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，雞味夠濃, 油飯也有水準, 食落味道豐富, 油飯香味，飯粒極有咬口，同雞肉的味道配合得非常夾, 蘸上酸酸地又有少辣的醬汁, 吃起來更醒胃。食物有水準，肉骨茶比想像中好, 下次要再來試試其他東南亞菜式。

旺角餐廳咩菜式都有，去左尼間食泰菜既餐廳，裝修有d似茶餐廳feel，但係食物質素拍得住泰菜既香辣，以及甜。2個人食叫左咖哩軟殼蟹火山包($138)，泰式鮮蝦炒金邊粉($58)，泰式滷豬脾肉例牌($68)，椰青($35)。食物5分鐘已經送上枱，豬脾肉既豬皮同豬肉比例大約2:3，以為豬皮會好膩，平時我唔會特登食，但尼到既豬皮彈牙，食落口充滿骨膠原，而且炆得入味。而肉方面，豬脾肉質係"林"，唔會煮到"鞋"哂。而且一碟有成10件，底下附送幾條菜心，半隻蛋，酸菜，抵食好味。鍾意辣既朋友，可以醮d酸辣醬，令豬肉味更濃。軟殼蟹有2隻，已經幫你切開成4件。炸粉夠薄，所以唔會膩同濟。而且仲有少少蟹膏添，非常驚喜。而咖哩方面，我個人接受到佢既微辣，佢既辣係一開頭唔覺，但食食下辣味就會出。相對其他餐廳，佢既辣唔算辣，所以尼間餐廳既咖哩愈食愈過癮。加上，佢係咖哩入面加左蛋，所以個咖哩係有蛋漿塊(唔識容易)，唔係單調既稠身咖哩。另外加入洋蔥，西芹煮香咖哩。而炒金邊粉除左有蝦，蛋，另外餐廳加入豆干，紅色蝦仔乾，仲有花生碎，食落口有幾種層次。先係甜甜地既味，然後係甜蝦仔，之後有花生碎就脆脆地香口。蝦夠爽，用油泡一泡

之前試過阿來泰式, 覺得好味又抵食! 知道阿來開了新分店, 主打東南亞菜, 主力推幾款星馬菜, 不只是泰國菜, 當然要試一試!泰式生蝦刺身 ＄88生蝦有6隻, 隻隻都好大隻! 蝦肉新鮮結實彈牙, 秘制嘅泰式醬汁酸酸辣辣咁, 同生蝦本身的鮮甜味非常之夾! 推介!馬拉盞炒通菜 $58通菜非常新鮮, 十分爽口! 份量好多, 大大碟!通菜加上馬拉盞, 辣椒, 蒜頭同麵豉炒, 入味之餘, 又好惹味!泰式鮮蝦炒金邊粉 $53鮮蝦有3隻, 鮮味彈牙! 除左蝦仲有雞蛋, 芽菜等配料炒金邊粉! 加埋花生碎同少少青檸汁, 好味道!香葉椰汁西米糕 (6件) $48上層係香滑椰汁糕, 下層既西米糕仲加左香芋粒同粟米粒, 令口感更豐富! 而且椰汁味香濃又唔太甜!超讚! 十分推介!阿來東南亞整體落單到送食物速度都好快, 食物好味, 價格相宜, 抵食!仲有好多其他菜想試, 下次會再黎!

今天天氣不太好，整天都間斷的下雨，下午2點又要趕去上課，就在附近找了這家阿來東南亞餐廳醫下肚，來到見到有午餐套餐，因為早比較遲吃，故中午就五選飯類了，就點了個叻沙湯米線+海南雞🐔+熱檸水的套餐，整體賣相味道都OK，不過海南雞就便肥，為求健康，雞皮都沒有吃。這家店中午時間人流還不錯，整來說都ok。

放假日先黎落雨，於是近近地去左屋企附近既廣華街覓食！發現細個成日幫襯開既茶餐廳轉左為'阿來東南亞風味'，主打星馬菜和泰國菜等等東南亞菜式餐廳燈光明亮，感覺整齊潔淨$50左右既set lunch有各種類選擇，包埋餐飲，另加$12仲可享升級小食，都幾抵食！點左麥皮蝦，一個菠蘿炒飯午餐，再另加左兩款升級小食先黎既係小食: 蛋黃雞翼，表面沾滿咸蛋黃既單骨雞翼好香脆，帶蛋黃香之餘仲有少少起沙，內裡保持肉嫩，正啊！菠蘿炒飯都幾足料，裡面有海鮮、提子乾、蛋絲、肉鬆等等。成個飯幾夠味且香口，不錯哦然後係我最期待既麥皮蝦。有八隻咁多！蝦炸得金黃酥香，幾厚肉，質地爽實！粒粒分明香脆的麥片粒都好食，我中意用黎撈飯食最後係甜品: 椰汁芋頭西米糕。甜度適中，芋頭粉糯，椰汁香濃，很好味的啊！熱奶茶係茶餐廳絲襪奶茶既水準，茶香奶滑店員既服務態度都好好喔！細心又勤力收碟，仲會關心我地覺得食物好唔好食，抵讚