阿來東南亞風味 (已結業)

🔹軟殼蟹火山包 $138咖喱汁辣辣地，帶少少甜味，好香好惹味最緊要係勁多汁，真係火山爆發咁，夠撈晒成個包有突軟殼蟹大大隻之餘，夠晒脆美中不足係個包唔係脆皮，只有個蓋係脆.🔹生菜包 $68夠晒正宗，辣味突出得黎唔會蓋過肉既香味，生菜夠脆夠新鮮.🔹小食拼盤 $138入面幾款小食都好好味，份量亦足，每樣4件春卷係全素，味道甜甜地，而且好脆，好食，個人覺得係四款當中最出色黃金雞翼，好香咸蛋味，但唔係超重手嗰種蝦餅好大件，味道略淡，建議點魚露食豆卜好脆，入面釀左蝦膠，口感好好，同樣建議點魚露食.🔹豬髀冬蔭湯粉 $54冬陰功唔夠辣，但酸味夠，啱唔太食辣既朋友食。個麵底勁大個，差唔多係二人份量，不過就剪得太碎豬髀大部份都好淋，而且好入味，起初食唔會畀冬陰功蓋過，但浸耐左，等啲冬陰功味入左去之後，又好特別喎

今晚約咗三個舊同事敘舊佢哋都係住旺角我哋就揀咗呢間泰國野！今次冇叫泰式鳳爪，反而叫咗傳統木瓜沙律，好有泰國風味！生菜包配豬肉碎，一向都是我最愛，豬碎肥瘦比例均暈，食落夠曬林，又有酸味同辣味，非常開胃！生菜都比得好多而且係靚菜！咖哩雞，梗係要配薄餅啦！有兩大塊，咖哩汁好味，唔算好辣，有椰汁香味，雞肉勁多，食極都仲有！拼盤黎喇！有春卷、黃金雞翼、豆卜釀蝦膠、炸蝦餅！黃金雞翼係沾滿左咸蛋係表面，好邪惡呀！勁好味！春卷都好多餡！鹽燒鰂魚，即叫即燒，熱辣辣唔洗講都知正啦！馬拉盞炒雜菜，一次過食曬咁多種菜，好過癮呀！芒果蟹肉炒飯，蟹肉竟然多到咁？炒飯有甜甜地既味，清清地配埋蟹肉食，唔會太漏，好味！4個人埋單都係600幾，呢間會encore!!

2018.8.22（星期三）今天陪家人出廣華覆診，完左又行下旺角，阿媽話好耐無食東南亞泰式野，突然挑起條根話不如晚餐去食泰菜！我記得廣華街成條街都好多越南泰國野食！見食評寫到呢間價錢相宜而且性價比高，於是就揀左呢間平民化的泰式菜試一試～服務員好熱情有禮，我們一坐底就送上menu,並向我們誠意推薦菜式而我們就先點左個《馬拉盞炒芥蘭》$68，芥蘭新鮮不老！馬拉盞炒夠香夠惹味～食泰式野當然必點串燒沙嗲，我們三人好瘋狂點了12串（豬雞各半）$108, 味道好味，但如果醬和肉串分開上會更好！媽咪必點泰式薄餅$25，整得夠香脆！另外，我們點左個《東南亞小食拼盤》$138，有蝦餅，蛋黃雞翼，豆卜，春卷，款款都整得好香脆惹味個蝦餅好味，雞翼真係好夠蛋黃味我們仲點左《泰式鮮蝦炒金邊粉》$53，好夠大碟，鮮蝦足料，好味同埋點左《泰式香芒蟹肉炒飯》$58真係見到一舊舊的蟹肉！芒果亦夠甜不酸，炒得夠香口乾身總括而言，係一間性價比高，夠街坊親民的泰式餐廳美食夠大碟，價錢夠親民，味道亦很好侍應亦招乎周到！

是日小編約左老婆同家母去旺角買野，大家都不約而同突然間想食下泰國野，之前有同事介紹過下呢間阿來東南亞，於是行去試下。個門口其實有少少似茶記，入到原來都別有洞天。入到去職員都好好禮貌又推介我地食肉骨茶，可惜老婆唔太喜歡，所以叫左其他野。由於我地食開泰國野，好多時野食都係份量唔多，於是我地叫左幾個菜同小食就嘩左聲，因為佢地份量原來相當大大件，我都好耐冇食過咁大條沙嗲串燒同小食拼盤，個小食拼盤都係鮮炸出黎所以係超正，尤其係蝦餅，連隔離檯大叔眼突都話睇落幾大份幾正，笑左。另外個香芒蟹肉炒飯都十分足料，蟹肉都係大大舊。菜方面叫菜果陣都幾頭痕，我地最後聽左個侍應姐姐揀左個馬拉盞炒芥蘭，結果都相當令人滿意，個馬拉盞惹味得黎唔會辣到好勁，家母都食唔停口。

今晚去咗旺角食一間泰國菜叫咗個二人餐$248超豐富由頭盤到飲品都有，每樣野食都大大份，又好味老闆仲勁nice勁有人情味，對老人家又特別照顧泰式生蝦刺身我每次食泰國菜都必叫泰式生蝦刺身蝦肉好厚而且夠彈牙，夾住蒜頭+辣椒食，口感好正泰式海南雞色澤唔錯，雞肉肥美嫩滑，脂肪唔多，雞毛清得幾乾淨，份量都幾大白飯&蒜蓉包二人餐帶兩個飯，或者轉做蒜蓉包我地轉咗一份，可以試下個包又唔洗食得太飽，金黃色既蒜蓉包賣相好吸引，蒜蓉味濃泰式肉碎生菜包超大份量既生菜包肉碎多到食唔曬，撈埋飯一齊食，依道菜辣辣地好惹味，生菜夠脆又爽口椰汁三色冰味道好濃郁超香椰汁味

今日放工放得早，所以一個人可以慢慢享受才上堂！黎到廣華街，之前聽朋友講這間泰國餐廳好食又全日免加一，我見出面介紹的食物圖畫好靚，難得來品嚐一下好容易找到，好搶眼的招牌又有菜餚的圖畫，吸引力不少哦地方算大又寬闊，光猛又乾淨！枱上有配料，讓客人可以自家不同醬料最好就是3點左右，有午餐及下午茶選擇，午餐（飯餐）下午茶（小食、粉麵） 餐牌都好多選擇1. 泰式蠔仔蛋飯熱辣辣上枱，好香喔！好多蠔仔 🐚好豐富又大碟滿滿肥美的蠔仔，好乾淨無沙， 處理得好好；蛋煎得好靚好香！脆脆的邊位，香蔥好香又增加口感配上飯同食一流，可加豉油及辣醬，增加野味感2. 小食（午餐加$12）就可以選擇小食，份量唔多，適合一班人或獨自一人分享，可以品嚐不同的小食叫了2款：- 蛋黃雞翼好抵喔！$12有4隻單骨雞翼，好靚的顏色唔會太濃、熱騰騰上枱！蛋黃好香、好濃郁；雞翼外脆內滑，好香雞味！適合分享或一人叫都可- 馬來豆卜$12有好多粒豆卜， 又是熱辣辣炸起的！好香又大粒外皮豆卜炸到好香口好脆、內面是蝦膠，好彈牙好有咬口身體唔好，今日飲清一點，要了檸水，都幾多片檸檬，不會苦澀，清一清味道這裡都幾乾淨，侍應好勤力抹玻璃，服務也不錯，

泰國菜對於香港人已經係好普遍既晚餐選擇，久唔久就會想去食下泰國菜。近日係旺角上堂都經過見到間貌似新開既餐廳就諗住同哥哥去試下~雖然店內既裝修無話好特別但環境好乾淨,簡潔舒服，由於天氣太熱二話不說就叫咗兩杯冰凍嘅飲品鹹檸七同梳打熱情果！ 鹹檸七一飲落去即刻透心涼，鹹檸係自家醃制既,咁熱既天氣下飲絕對係非常正確既選擇。百香果梳打係用左新鮮既百香果肉做出來，飲落去會令人即刻解暑，夏天必飲之選。之後我地點左肉片炒河，平時炒肉片河粉都係只得肉好少有菇類配搭,估唔到呢一種食法又Ok喎！反而令到肉片河粉會無咁膩,因為炒河粉通常都會比較油少少~仲令到味道更加提升左不少。飛天通菜係每次食泰國菜經常會叫既菜之一，我喜歡佢味炒得夠香,菜又唔老!!加分~蛋黃蝦蟹就食得多,蛋黃雞翼第一次食~有濃濃既蛋黃香味 炸得很脆!!完全無油膩既感覺,而且唔會食完油到你即刻飽哂!!雞翼經過醃制後美味可口，無諗過蛋黃雞翼都好好食~好有創意。生菜包都係一個我去泰國餐廳必點既食物之一,留意到生菜好新鮮,唔會有黃有黑既菜出現~肉碎味道好香加上有辣椒乾蔥等配料醬汁去炒,互相發揮左唔同既味道令我地都好想送白飯食haha為我同哥哥呢一餐畫

行開旺角食街附近揾野食，發掘到間抵食既東南亞餐廳😋餐廳環境唔錯，冷氣夠曬涼，陣間食辣野都唔驚出汗由於太餓的關係，兩個女仔總共點了：前菜：柚子鮮蝦沙律主菜：滷豬髀飯，生菜包，冬陰功湯飲料：2個椰青前菜：柚子鮮蝦沙律分量很多，醬汁酸酸的好開胃，為接下來的大餐做好準備：P配埋柚子係好傳統的東南亞風味。一碟沙律有很多蝦，好抵食！主菜：滷豬髀飯肉的分量仲多過D 飯，太慷慨了！配上酸甜汁，一碟飯好快被KO左D 肉滷到好淋，好入味主菜：生菜包本來驚一個飯加生菜包會唔包，但呢個生菜包分量超大！附送的生菜食曬都仲剩好多肉（已經塞左好多肉粒！）剩下的肉粒送飯味道一流主菜：冬陰功湯一碗冬陰功湯有3只大蝦，肉質鮮甜飲完湯底重有好多香料，真材實料飲料：2個椰青椰青好鮮甜，食完辣野解喝一流飲完仲挖到好多椰肉總結：餐廳位置方便，野食一流又抵食，一定會再來

暑假嘅波鞋街，日日迫爆，鬼叫佢係香港地標，唔去唔得😝，買完鞋，腳軟又肚餓，我出名旺角通，要食好西梗係去廣華街啦，嗰度就腳又多選擇，中西美食樣樣都有，今日就揀咗阿來東南亞風味😋點解揀阿來，就係睇到門口個咖喱軟殼蟹🦀火山🌋包。呢個咖喱軟殼蟹🦀火山🌋包🍞賣相非常吸引，見到真身仲不得了，色香味指數爆燈💡，平時要食風味咖喱，叫隻咖喱蟹至少$300，同一做法，今次選用軟殼蟹🦀，一半價錢就食到。軟殼蟹🦀金黃香脆，內裏軟心，本身已經好好味。加埋風味咖喱汁，🌴椰香咖喱滲着絲絲蛋花，濃稀合度，滿滿的載到麵包盒子🍞，就像火山🌋熔岩般掛在軟殼蟹上，一路傾瀉，一路滲透入麵包之內😋，冇得頂啊薄薄脆漿包着豆腐，炸得非常乾身，灑上淮鹽黑芝麻超級惹味，軟心豆腐白白滑滑，真係好好味東南亞風味🌴點少得食沙嗲，最愛帶花生味的沙爹醬，吃得串燒就要豁出去，越濃厚越杰身才是地道滋味咖哩、脆炸豆腐、BBQ串燒確係惹火🔥，當然要飲番個椰青清心解暑，食埋新鮮椰子肉夠曬環保😝今晚冇骨落地，食到飽飽人均消費都係百零蚊，我哋真係冇揀錯😋😋😋

香港天氣熱辣辣，不時都好想食下泰國菜消消暑！今日喺旺角行完街，想醫下肚個時，就喺openrice搵到呢間「阿來東南亞風味」原來就喺廣華街到！即刻過嚟食個tea先！😋😋😋睇下餐牌，原來呢到非常抵食，尤其下午茶時間，一碗粉麵都係三十幾蚊！所以即刻叫多兩樣小食！😚😚首先點了海南雞清湯金邊粉（$38) 呢個價錢，有三四大塊雞肉，仲有蘿蔔，絕對唔細碗啊(´▽｀)之後點了生蝦做前菜（$88)，total 有七隻，而且每隻都比我平時食嘅更大隻，仲有特製醬汁！爽！😎😎最後試下泰式炸蝦餅（$68) totol有三塊，半隻手掌咁大，仲切咗六件，入面全是蝦肉！足料！😆😆下午茶跟餐送飲品，特飲都係加$5，所以要了青檸特飲、荔枝特飲，消暑一流！🤤🤤

嚟到旺角周圍都係各有特色嘅嘢食，所以我哋都冇咩目的，經過見到覺得唔錯嘅餐廳就走左入去，估唔到原來唔使刻意搵都可以食到好好味嘅嘢食我哋有四個人食，叫咗個二人餐C再加左個金磚豆腐同埋生蝦刺身，聽落去好似唔係好多嘢食咁，但係估唔到我哋竟然食唔晒要打包拎走。嘢飲方面我就飲咗鹹檸七海南雞好滑跟餐會包兩個飯，但係可以轉做蒜蓉包，所以我哋就將其中一個飯轉咗將蒜蓉包，佢嘅蒜蓉係怖滿成個包可以選擇油飯或者白飯，我哋就揀咗一碗油飯生蝦刺身有六隻，幾新鮮幾抵食飛天通菜比我想像中辣左少少，我都係比較鍾意食馬拉盞通菜金磚豆腐真係好香滑，夾嘅時候要份外小心因為佢好軟好滑，好容易就會夾爛雖然係二人餐嘅冬陰公湯，但係我哋四個人都夠飲咖喱軟殼蟹入邊嘅咖喱汁加左大量嘅蛋，食落唔係有好大陣咖喱嘅辣味，不過用嚟撈飯超正，我哋最後都打包左返屋企第二日用嚟撈飯食食咗咁多野，都係五百幾蚊，同一般嘅泰國菜差唔多

購物後勁食@阿來東南亞風味 旺角廣華街38號地舖食泰國同東南亞菜，點海鮮都貴極有限，每到出糧又去購物舒壓啦，買完接著說是食晚餐。好抵食豬脾(例）$68，皮同脂肪煮到腍，肉都是軟軟，唔油膩，仲好入味連皮食重重骨膠原，送飯一流。$68 馬拉盞炒秋葵、椰菜苗、豆角、豆，鹹香味濃好惹味！無菜不歡，多吃有益！另外$58 蒜蓉炒雜菜，呢款清d,要蒜香提味已夠。因為泰式食品調味偏濃，用呢碟菜平衡一下，有順便補充蔬菜纖維。另外再點多個 沙爹串燒$78 6串（豬肉、雞肉各半），濃郁的醬，花生乾蔥伴隨陣陣甜香，來一打都無問題。白飯$12，假若是飯桶，以上架菜式都是濃味路線，點碗白飯就岩啦。唔洗加一服務費，二個人勁食除開一人百來元

阿來泰式在旺角通菜街已薄有名氣， 最近更在旺角廣華街開設新分店， 改另一名稱為阿來東南亞風味。看其名字就知道老闆希望連東南亞菜式都一網打盡，提供越南泰國 馬來西亞等等風味菜式。🙂店內裝潢較一般 ，坐得尚算舒適不過不失。☺️ 靠牆的一排卡座 海南雞飯算加雞髀要加十蚊， 海南雞的雞皮一般都較鮮黃色， 因為用上天然香料及調味料 ，例如薑黃等等 。所以把顏色調得更鮮豔。😃煎蠔餅，不像台式的煎蠔烙， 滑蛋蠔仔 分得比較鬆散 ，可自由配搭一口蛋一口蠔。 大蝦炒金邊粉 ，大蝦肉質鮮嫩， 金邊粉炒得甘甘香香，惹味非常。 原個椰青大大分 ，水分十足， 椰汁冰 椰香味亦夠充足。 下次多啲人嘅時候係叫例牌海南雞。

<廣華街有好味泰菜>🔥廣華街有甘多好野食 如果要穩住陣腳都要有番甘上下 呢間阿來東南亞 唔知同另外間阿來一唔一樣 😄 一入到去就聞到好香既鑊氣味 估計佢 d炒野好正😍餐牌上面有各式既泰菜食 😄🍴豬脾冬蔭湯粉 54 蚊🐷🌶🍜大大碗冬蔭公湯粉 湯底好香 辣度適中 夠哂香草味 🌶🌿入面既河粉係偏扁身同爽口 盡吸湯汁 連埋芽菜更有口感 而佢既豬脾肉落足料 厚切大大件🐷 皮就夠肥美同彈牙 肉質就煙靭 而且醃得幾夠咸香 十分唔錯😍 🍴蛋皇雞翼 68 蚊🐤🥚約略望到蛋皇有五六隻 切成一半 食落方便 一咬落口勁香咸蛋皇味 充滿住沙沙口感🥚😈 好邪惡 而入面既雞翼炸得香脆 d雞肉係泰式雞翼 醃到有 d甜嗰款 好正 😄🍴鐵板蠔仔蛋🔥🥚78蚊用左葱花芽菜一齊炒既蠔仔蛋🌿 甘樣可中和番鐵板整得熱氣 , 蛋落足料未係好滑嗰 d 但 係比較有口感嗰款 蛋味香 而蠔仔中 size好新鮮 juicy好味😍Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價

今晚再來旺角食dinner，嚟到廣華街搵美食。😁😁我同瓊姐👭孖住食好西，朋友介紹我哋去一間“阿來東南亞風味 ”，老實講好少行到咁入搵食，唔係朋友講都唔知原來呢度有間好嘢😉😉。打開餐牌有泰國同馬來西亞菜選擇，我哋睇到廚師推介👨🏻‍🍳👩‍🍳，真係好吸引。我哋說叫咗鮮蝦冬陰功湯，🐴馬拉盞炒四大天王，以及咖喱軟殼蟹火山包🌋。味道方面相當驚喜😍😍😍，首先🦐鮮蝦冬陰功湯，先酸後辣再酸以後又再辣😥，重複來回了3次， 欲罷不能😆😆。材料都算足，鮮蝦堅新鮮爽彈，價錢為($78)，好合理價。之後再上馬來西亞炒四大天王($68) ，有邊四大就係有秋葵、椰菜苗、西蘭花同豆角，十分鮮香脆口，惹味十足。最驚喜的是#咖哩軟殼蟹火山包($138) ，可唔可以話我知，點算可以咁好食架🤤🤤🤤🤤🤤。咖喱一點都不辣，而且加了雞蛋混合一齊抄，個汁已經好食到冇得輸。再加軟殼蟹🦀外脆內軟，炸到一點油膩感也沒有，美味之極👏🏻👏🏻。🍞 當麵包索曬咖喱汁，簡直係好食到停唔到口😋😋。瓊姐不停舉起大拇指👍🏻👍🏻說「下次嚟旺角必食餐廳之選✔」餐廳裝修很整齊，非常光猛 ， 座位闊落舒適， 而且位置很容易搵，如在旺角想食泰國或東西亞餐，我都會同瓊