阿來東南亞風味 (已結業)

之前去咗新加坡食咗好多地道野返到嚟香港一路好掛住新加坡美食海南雞飯、喇沙、大蝦等等之前食過旺角嘅另一間阿來泰式野原來依家開咗一間新嘅東南亞即刻去試吓先泰式蝦醬炒飯蝦醬味道剛好！好惹味 勁鍾意食佢仲配有好多臘腸，有少少肥但係其實都好香口麥皮炒大蝦呢碟野真係無敵咁好食！！連個殼都整到脆卜卜，其實食埋都冇問題。而且有蛋黃香，蝦肉鮮嫩夠鹹夠香口。可以送飯！蛋黃雞翼極到邪惡嘅雞翼，佢整咗單骨好易食 陣陣蛋黃香好好味呀🤤🤤🤤

最近都係食西餐多，朋友仔話帶我去食好野，就係泰國菜啦🤣打開menu驚嘆佢真係好平好抵食，價錢多數都係幾十至百幾蚊，所以我地都好開心咁叫多左幾樣野食😋😋以旺區黎講哩度既價錢真係好抵食👍🏻我地兩叫左一個椰青，椰汁好清甜，而且好多水，又夠凍，夏天飲梗直透心涼😌😌生蝦刺身食泰菜不得不試既菜式之一，佢用冰凍住咁上，可以保持蝦既質感，肉質爽口，加埋佢既酸辣汁一流，個汁有少少辣，唔食得辣點少少就ok馬拉盞少椰菜苗之前泰菜都好少見到有椰菜苗，哩間竟然有😍椰菜苗爽口，咸味適中，用馬拉盞炒更加香味四溢鹽燒鰂魚又係一道泰國必食既菜式成條魚用鹽包住去燒，如果d鹽冇滲入魚身，咁條魚就會淡而無味，相反煮得好既會令條魚提升鮮味，我覺得哩間泰菜做得唔錯，我地成條魚食曬🤣🤣

琴日去了旺角做嘢，中午時天氣不好無乜胃口本來不想食嘢，見到呢間新開張「阿來東南亞風味」門面幾企理，廚窗的菜式亦好吸引，所以去試下，果然幾好手勢，值得係呢度推薦一下！「阿來金磚豆腐」呢味炸豆腐係飯前小食。每件豆腐都好顯刀工地切成長方條狀，一口一粒。係脆中帶少少鬆化的薄皮內，包著好嫩滑的豆腐，入口即溶，而又不覺油膩，認真值回票價！「馬來蛋黃雞翼」（2件）呢道小食係好有心機的製造。雞翼一分為二然後才拿去醃製，咁可以減少雞翼需要油炸的時間，令到肉身炸得剛好熟透而蛋黃外皮不至於炸到黑晒。蛋黃外皮好香滑濃郁，而且不油膩，可見廚房的手勢真係一流！無食正餐的我食了「金柚子鮮蝦沙律」。呢味沙律絕非一般泰式餐廳的沙律可比較！呢碟柚子粒粒都多汁鮮甜，鮮蝦亦爽口彈牙，中間伴以細細地炸蝦乾、洋蔥、香蔥，口感味道都非常好，酸中帶甜，簡直將呢排的陰暗天氣的胃口差一掃而空！「椰汁三色冰」呢杯凍飲椰味十足，絕不兒戲。碎冰之中撈起黃、紅的果粒，仲有綠色的啫哩(被我吸晒影唔到😅) ，為呢個短暫的午餐劃上完美句號。