阿來東南亞風味 (已結業)

阿來新分店，泰國野真係四季都岩食。位於廣華街，舖面光猛清潔。食品選擇多！午巿套餐十分抵食！想試多啲款就要單點！冰凍椰皇，夏日炎炎，唔洗我講都知有幾爽，清甜解渴又消暑。食泰國野都走唔甩食泰式炒金邊粉啦！用料足，除左蝦仲有墨魚、蠔仔，最搞笑係有薄片似臘腸，但都幾好食幾夾既。金邊粉望落較濕，但食落唔會太林。馬拉盞炒椰菜苗味道ok略硬。不得𣎴食串燒吧，雞、牛、豬各兩串就岩岩好，三款都唔錯，唔太乾，都有肉汁，個人就較喜愛雞肉串。菠蘿炒飯比較普通，無乜驚驚喜，但份量ok，味道都ok。香茅鹽燒鰂魚呢個係必食，雖然要等一陣，即燒！魚肉超滑！全完無腥味，啖啖肉，無細骨。連平時唔食魚既朋友都大讚，我地唔洗十分鐘就食哂成條，仲Lam Lam 利

貓貓今日又食泰國菜啦。前幾日先去完泰國，好快就掛住泰國啲野食。貓貓要飲個椰青，先叫做食過泰國野。泰國香椰味道比其他國家椰子更甜，飲得出真係泰國既香椰。貓貓見野食咁平，唔理咁多就快快order個泰式海南雞。貓貓又諗起曼谷既粉紅色海南雞飯。海南雞既皮整得勁彈牙。雞肉又滑，貓貓食第一啖就濕左個嘴。貓貓勁鍾意佢整到個海南雞肉質彈牙，海南雞既辣椒醬配海南雞食，味道真係好開胃。睇下舊雞就知道點解貓貓咁鍾意佢既海南雞。有海南雞一定要有油飯。好香呀！！泰式鮮蝦冬蔭功湯。陣冬陰味直入貓貓個鼻。冬陰湯酸度剛剛好。又唔會太辣，好適合貓貓既味道。冬陰功因為放左椰奶，好香又好醇既椰香味，味道真的惹味。大大條鮮蝦，好足料。蝦新鮮，冬陰功落左好多香料，正宗好味。貓貓order埋個肉碎生菜包。豬肉碎因為加左酸檸，味道好開胃。又有少少辣椒，同泰國食既一樣。生菜既水份圍繞住肉碎既惹味，味道夾又停唔到口。貓貓真的瘋狂了。貓貓預留左另一個胃食俾甜品。香葉椰汁西米糕！！！六個椰汁糕慢慢食，台開心喵。椰汁糕食到入邊仲有芋頭，好好味。比平時食既椰汁糕多左材料，而且更加好味。椰汁又整得滑，貓貓今次真係又食左個嘴！

今日去左間泰國餐聽食野。餐廳睇落普通，但菜色都幾驚人。以為淨係得泰國野，馬拉野都有。真係同餐廳名一樣咁東南亞。叫左個咖哩炒軟殼蟹。大大碗既黃咖哩。啱啱炸得好熱既軟殼蟹擺埋一齊，味道特別香。咖哩加左蛋花，所以好滑又有蛋香味。軟殼蟹一入口，好脆。而且軟殼蟹又新鮮，加埋濃郁既咖哩一齊食真係好香好無敵。之後試下個馬拉菜色先。叫左碟馬拉豆卜釀蝦膠。呢個就係馬拉既釀豆腐。同係馬拉食既一樣，豆卜整得脆，唔同既係，入邊既餡新鮮過馬拉食個啲。所以成個豆卜釀蝦膠係新鮮彈牙又好食。加埋酸辣醬仲惹味。呢個菜色爽口，唔錯！整埋碟飛天通菜。好道地既泰國飛天通菜。首先要夠熱。第二味道要有辣味。通菜要炒到脆口。餐廳炒呢個通菜炒得唔錯，惹味又滿足都三個條件。感覺好似過左去曼谷咁。飲埋個大椰青清一清熱，泰國椰青真係無得輸。清甜又帶陣香椰味。感覺好舒服好好飲。

東南亞嘅食物總係我嘅最愛。今次試嘅係一間旺角嘅東南亞餐廳。我同朋友兩個係週日嘅晚上去，啱啱有個卡位。餐廳嘅環境比起一般茶餐廳唔算非常嘈吵，可以傾下偈，不過由於有兩隻餓鬼，我哋都拿拿林點食物。餐廳嘅餐牌顯示有三款二人餐，價錢由二百幾至到近四百。不過我同朋友決定散叫，因為比較有彈性。海南雞可以揀半隻定一隻，我哋揀咗半隻。雞肉食落嘅質感鮮甜香滑，唔會好乾身，算係我食過入面既海南雞比較好食嘅。個人鍾意去皮咁食，因為比較健康，半隻海南雞價錢係128蚊，分量夠兩三人食用。金磚豆腐非常好味，一共八件，有泰式酸辣醬點。金磚豆腐新鮮炸起，熱辣辣，外皮鬆脆、內裏香滑，款式比較特別。就算出面啲泰式或者東南亞餐廳都冇乜見有呢一款小菜，所以黎呢度可以考慮點呢款，價錢58蚊。冬陰功湯作為前菜係唔錯嘅選擇，幫助開胃。冬陰功辣得黎唔算難接受，有海鮮嘅成份，包括幾隻蝦，賣相吸引。同樣係可以揀半碗同埋一碗，我哋揀咗半碗，價錢78蚊。最後埋單250蚊左右，有齊湯、主菜同埋小菜，又可以試到餐廳嘅招牌海南雞，都算係幾滿足。

同朋友喺旺角麥花臣球場打完波，超級肚餓，決定喺附近一間餐廳食晚飯。行到廣華街好景商業大廈附近見到呢間食東南亞菜式嘅餐廳，見到啱啱有位所以入咗去啦。餐廳嘅環境唔算好大，一眼望曬。由於太肚餓嘅關係，所以都冇慢慢睇菜單。餐牌見到有廚師推介就跟住點。點咗啲比較飽肚嘅碳水化合物，有飯同埋咖哩包。辣椒膏蝦頭油海鮮炒飯，叫飯類係因為想飽肚一啲。海鮮炒飯超級香口，散發出陣陣嘅海鮮味，特別惹味。呢款海鮮炒飯唔算非常之辣，可以接受。炒飯嘅份量ok多，可以兩三個人share大家都試啲。價錢方面58蚊。我覺得其實幾抵，呢個價錢出面可能只係食啲普通嘅炒飯。軟殼蟹火山包非常特別，一個大包入面滿載咖哩。咖哩入面裝著軟殼蟹。軟殼蟹都幾多，突曬出個包面。而最正就係啲包可以切開，再點咖哩，好有泰式風味。啲咖哩唔算好辣，睇落有啲蛋碎咁嘅樣，價錢係138蚊。飲品方面，點左椰汁三色冰。由於叫某幾碟小菜可以加九蚊點特飲，所以我哋都加咗9蚊，趁住夏日炎炎食杯椰汁冰解暑。椰汁冰有好香嘅椰子味，都算係濃厚。食泰國嘢配特飲真係一流！

係油麻地出閘行一段時間就會到E一間泰國嘢，E間冷氣好夠，行街行到出晒汗入到黎一間即刻好舒服(///▽///)去到嗰陣時我即刻嗌咗杯椰青，飲一啖真係透心涼٩(˃̶͈̀௰˂̶͈́)و，佢嘅椰青大大嚿，而且椰青水好滿( *｀ω´)，$35飲到咁大份既椰青真抵我嗌咗泰式生蝦始終泥到泰國食店一定要試吓佢哋嘅生蝦刺身，呢度嘅刺身蝦，好大隻，肉質好爽口(///▽///)，佢俾左d酸酸地既汁，超夾(｡ì _ í｡)！之後又是咗佢嘅炒四大天王，係一碟菜， 我比佢嘅名吸引住，原來成碟野嘅份量都好大，好足料，而且冇草腥味，炒得好惹味，e個我絕對推薦，餸飯一流！甜品方面帶咗芒果糯米飯，佢嘅椰漿好濃味，上菜嗰陣時糯米飯仲有熱，芒果好鮮甜一啖野將一啖飯再加一舊芒果(///▽///)真係絕配！

除咗掃街如果想食一啲串燒或者比較另類嘅餐廳嘅話呢一間都可以選擇咁今次就黎到廣華街新泰式餐廳到試一試， 咁入到去都非常之闊落，坐又坐得舒服咁再睇下菜單十分之多而且亦都有啲係特色嘅小食例如炸豆腐咁樣就將中式同泰式口味合埋一齊表現都十分之好咁今次嗌嘢食當然就係泰國最出名嘅海南雞首先一定係冇骨跟住肉質都多汁仲要咬落去係唔韌，而且啲張醬顯得好夾整體都唔會覺得好肥表現十分之好咁食完呢樣野之後當然要襯返一杯青檸梳打，咁間間泰國嘢都有青檸梳打其實都冇咩好比較不過要比較嘅就係呢一間佢就唔係將青檸同埋梳打分開，可本身佢梳打入面都已經有青檸嘅味道所以係唔使篤舊青檸嘅前提之下都可以享用到最傳統嘅口味最後就係甜品咁今次都買咗一個比較傳統嘅椰汁西米糕雖然有少少凍但係食落去係非常之creamy

依間叫阿來既東南亞餐廳之前都略有所聞，依日行開依頭，見佢開左間分店，正想搵地方食lunch，就試一試佢依頁係廚師推介主餐牌都有齊所有傳統東南亞菜式仲有三款二人套餐同埋各式甜品同飲品午市套餐四十幾蚊有交易，今時今日算抵仲可以加錢追加小食嘢飲當然叫番個椰青啦簡直係夏天消暑恩物椰汁爽甜清涼叫左個炒金邊粉即叫即炒熱辣辣鑊氣夠味道十足午餐黎講份量好大，我覺得一個人食會好飽叫番碟菜清下胃馬拉盞炒椰菜苗係東南亞傳統炒菜，依度炒得香而入味，我相信就算本身唔鐘意食菜既人都會鐘意食食東南亞菜點可以少得串燒沙嗲沙嗲醬一早已經淋左上去，好處係串燒上大部分肉都已經淋上醬，平時食串燒其實點醬有點困難講番味道，佢係豬肉同雞肉，兩者肉味夠，有咬口，而且份量都好足菠蘿炒飯並非用菠蘿上，仲好，因為人地成日都話個菠蘿係用過既，而依度唔會有依個問題用料好足，放上好幾隻大蝦，食落菠蘿夠多汁配上新鮮炒好既飯依味鹽燒則魚即叫即燒肉質鮮嫩美味，燒得好入味而且啲骨好易夾出黎，適合我依類唔識食骨又鐘意食魚既人推薦依味蛋黃雞翼係另一必食蛋黃味好濃而且佢採用單骨雞翼黎燒，易啲食又美味又易食，而且出面食肆唔易搵到蛋黃雞翼，真係推介

一段時間冇食泰國菜，呢日同朋友行旺角，發現有間新開冇幾耐既泰國菜，加上門口姐姐熱情招待，就抱住試試既心態試下菜式選擇好多，樣樣都好吸引咁泰國菜唔少得既泰式生蝦，生蝦夠新鮮泰式生菜包，肉碎好大碟辣辣地好好味，生菜夠新鮮蛋黃雞翼，呢個係老闆娘推介，果然真係好正，一咬落去已經係濃濃蛋黃味，雞翼肉質嫩滑，必食推介馬拉盞炒椰菜苗，馬拉盞味香濃，椰菜苗爽脆鹽燒則魚，燒得啱啱好，就算唔點醬汁都已經夠鹽味，食到魚既鮮味椰青夠新鮮，好清甜

呢日同好友行旺角，朋友話想食泰國菜，上openrice搵就見到呢間新開既泰國菜，就決定試試呢度既侍應同老闆都好nice，至於野食方面就有好多選擇，而且價錢亦比較貼地椰青大大個好清甜生菜包，肉碎份量都幾多，辣辣地味道唔錯，生菜亦好新鮮沙爹串燒，有6串或者12串揀，肉類就係豬肉同雞肉，我地叫左6串，沙爹味好香，肉質唔會好鞋，味道唔錯最後馬來脆炸豆卜釀蝦膠，第一次食炸既釀豆卜，炸得好香脆而且唔會覺得油膩，加埋醬汁仲幾酸甜開胃

收工同班同事食吓飯，講吓自己既辛苦事，發洩吓情緒，而我地三個女仔都決定瘋狂食野，我地最後就簡左近我屋企附近既阿來東南亞美食餐牌有頁係廚師推介，都幾吸引例牌既海南雞份量超多，初頭以為係半隻，問清楚之後真係例牌份量黎，雞肉好嫩好滑，完全啖啖肉咁食泰國野必食既生蝦，冰震上既生蝦好爽口炒通菜都有飛天，馬拉盞同蒜容，我地就簡左馬拉盞，面上有d好香既炸蒜，成碟都有好多蝦米仔半打串燒(雞肉同豬肉各半)，每人有一串雞肉同豬肉剛剛好，值得讚既係串燒唔會燒到好乾，我個人就鐘意食雞肉多d，但我兩個同事就話豬肉正d炒金邊粉既圖片同實物一模一樣，除左鮮蝦我仲發現有魷魚，同我之前係泰國食既差不多，好正宗份量多又好味，埋單先知原來免加一，下次可以再食

之前係通菜街附近食過一間叫阿來既泰國菜好好食，而且仲要開到好夜，食完就可以係格黎坐通宵小巴返屋企最近佢就係廣華街開左間分店，所以前日同男朋友睇完模型就順便去食下餐廳門口已經有個大大餐牌 生蝦刺身一共有六隻，每隻都好大隻！而且每隻都會附上辣椒同蒜片🌶同之前食既感覺一樣，保持到水準海南雞(例牌)d雞好靚，價錢都係$78，真係好抵食，個醬汁好特別，出面係食唔到既，味道有少少辣，同d雞好夾串燒係$78/6串，$108/12串，加多$30有多半打好抵下，但係兩個人食唔到一打，只好叫左半打每串都好多沙嗲醬，食落唔太辣而係甜甜地，幾好味推薦～星馬蛋黃雞翼呢個雞翼係餐廳既員工介紹比我地既，送上枱仲係熱辣辣，咬落去係熱到出煙，仲有雞翼係單骨雞翼，所以食得好方便竟然有象啤飲，但最後我地都係飲其他野，因為第二日要返早男朋友話叫左青檸梳打之後再叫多罐7喜就變左檸7飲椰青最怕係唔甜同d肉刮唔到出黎食，但係呢個椰青水係超級滿，好正呀總括：去左另外一間店都保持到水準，特別係蛋黃雞翼超好味

呢間新店，位於廣華街38號地下！係食東南亞美食。裏面環境企理乾淨，冷氣充足！揸車人士可以泊出面，透過玻璃望住。食午市套餐，可以加配各款小食及upgrade飲品👍🏻我地加$12就有，無骨酸辣鳳爪沙律，好足份量！酸辣啱啱好，唔會辣到食唔到，酸酸地好醒胃。再加$12的馬來豆卜釀蝦膠，豆卜新鮮炸起熱辣辣，炸得好鬆化，唔會好油膩。呢款「新加坡」菜式係星馬蛋黃雞翼，我以為是現在好興的咸蛋黃，原來不是！但好特別，好脆口。泰式海南雞飯，有d骨。雞肉嫩滑，油飯香軟，食到停唔到口，成碟飯食哂😅星馬喇沙拉麵🍜簡左札肉雞絲，湯底香濃，札肉好味，兩粒豆卜入哂味，勁多汁！加$5轉特飲，椰汁三色冰，椰味香濃。加$5 轉咸檸7，粒咸檸好夠味多咸👍芒果糯米飯，糯米飯香軟熱辣辣的，配上濃郁椰漿👍芒果好香甜。

行過見到呢間餐廳新開張，同朋友試下，有驚喜！👍🏻<金柚子鮮蝦沙律>有好多金柚子肉，好大粒！酸酸甜甜好開胃！我地本身行到好熱，簡直係透心涼呀。加咗櫻花蝦，正呀。<泰式蝦醬炒飯>個面有蛋同臘腸，臘腸係半肥瘦架，好香！撈落d飯度好好味。個飯炒得幾好，蝦醬味夠濃，好有鑊氣好惹味呀，唔錯！<秘製炒大蝦(麥皮)>份量夠多，蝦肉夠彈牙👍🏻炒得好金黃酥香，我食咗好多隻！有少少蛋黃香。<椰青>大大個椰青正。<星馬蛋黃雞翼>邪惡蛋黃係我至愛！！一咬就成口蛋黃😍好幸福，由於佢係單骨雞翼，食得非常方便之餘，雞肉都整得好滑好入味。推介！！總括，食物多選擇，整得幾有心思，性價比高，旺角飯聚多一個好地方。👍🏻👍🏻👍🏻

阿來好似係近期最熱門嘅泰國菜，位置係鬧市旺角，咁就腳就黎試下先。講起泰式前菜，一定必點我最愛嘅泰式生蝦刺身，好新鮮嘅蝦肉，仲要大大隻。小食點了拼盤，炸蝦餅好脆，乾身唔油膩，蝦肉又夠彈牙，好食！蛋黃雞翼幾特別，外層蛋黃炸，推介！！四款小食沾泰式辣醬啱晒。主食點了辣椒膏蝦頭油海鮮炒飯，賣相幾好，啲飯好有蛋香，海鮮配料都多，好抵食，加了個飛天椒炒通菜，好惹味。另外，點了咖喱軟殼蟹火山包，賣相好靚夠特別，仲加薄餅，啲咖哩汁有椰香，軟殼蟹份量都幾多，但要快啲食，如果唔係就淋晒。椰青一定要飲，好fresh, 仲有啖啖椰子肉，係健康嘅天然飲品。服務方面都要讚呀，好笑容，上菜又快，食物味道正宗，下次一定會再黎！