阿久根和牛拉麵屋

營業中

休息中

和牛非常美味，脂肪比例都好平均，每一塊都煙韌彈牙🥩，一碗大約有3-4片，絕對會上癮😋。小編因為呢排食得太多白雞湯，所以今次就揀濃蝦湯。沾麵既湯底一定會較濃較咸好多，小編細啖一嘗，味道唔會過份太咸，溫和適中啱啱好。配料方面有，筍、大蔥、黑木耳、半隻蛋、紫菜 。輕輕將拉麵浸過熱石鍋既湯底，和牛半生熟，夾埋一齊口感十足，不錯👍。✦✦✦✦✦✦✦✦✦✦✦✦✦✦總結:餐廳仲有提供三款辣粉，小編只係嘗試一下中間果款蒜香辣味🌶，濃厚既蒜味係食得出，但辣度真係幾強，食咗一啖都想出汗喇🥵。另外，餐廳環境都帶有日本古式拉麵店風味，木質既餐檯，令人好似進入咗不同既空間😉。

今日突然好想食拉麵，上網搵吓附近邊度有⋯見到呢間介紹又和牛又拉面，即刻同朋友過嚟試⋯首先，門口招牌唔夠明顯，跟返Google Maps行過咗龍再返轉頭先搵到😅😅入到去原來係一間小店，數埋大概10個位左右，馬上坐低嗌嘢食，叫咗個三色拉麵$128（好似係咁叫）嘢食好快就送到，一嚟到梗係相機食先啦，好快咁影咗兩張相，馬上發現一個問題，個拉麵唔夠熱（本人是一個貓舌頭）我影相大概都只係用咗1分鐘唔夠，加埋斟左一杯水（杯水就唔夠凍）🤷🏻‍♀️🤷🏻‍♀️個碗摸上手最多都係暖姐，飲咗一啖湯果然係😞碗拉麵總共係燒豚肉、A4和牛、雞肉各1塊，牛不錯好重牛味（如果大塊d會開心d)雞同豬都普通，蝦湯底都算濃，配菜正正常常啦，不過個拉麵就好硬，唔知係本身面質定係煮得唔夠耐，總之不是我喜歡的⋯食到最後仲要覺得好頸渴，唔知個湯底係咪有味精🤔🤔總括嚟講我同朋友都覺得個湯唔夠熱；個面好硬⋯no next time…雖然唔使+1 ，但係百零蚊我預計要再好一啲

餐廳有拉麵和沾麵，湯底選擇種多，有雞白湯、濃蝦湯及豚骨湯等等。香煎虎蝦拉麵 $98 追加炙燒豚肉3塊 $38濃蝦湯是大量蝦頭熬煮，湯色紅紅的，入口非常濃郁的鮮蝦味，虎蝦有手掌般大，肉質尚算新鮮，入口啖啖肉。炙燒豚肉拉麵 $75追加慢煮薩摩雞3塊 $38雞白湯以大量雞及豬骨熬製而成，讓整碗湯呈現淡淡的金黃色，膠質豐富味道鮮甜。薩摩雞胸以慢煮方式處理，嫩滑不乾柴。炙燒豚肉用上五花腩肉，肉質鬆化香口不會過於油膩，加上彈牙有勁的麵條，入口時能夠充分吸收湯的精華，整碗吃完也完全不膩口。枱面上放有三款X-1493辣粉以作調味，分別是辣原味、蒜香辣味、洋蔥辣味，加少少入湯裡頭，非常惹味！

📍𝕸𝖔𝖓𝖌 𝕶𝖔𝖐 🧸#cyninmk #eatinmongkok▪霜燒美國安格斯牛小排魚介湯沾麵 💯💯𝕊𝕝𝕠𝕨-𝕔𝕠𝕠𝕜𝕖𝕕 𝔸𝕟𝕘𝕦𝕤 ℝ𝕚𝕓𝕤 𝕋𝕤𝕦𝕜𝕖𝕞𝕖𝕟 𝕨𝕚𝕥𝕙 ℙ𝕠𝕣𝕜 𝔹𝕠𝕟𝕖 𝔹𝕒𝕤𝕖𝕕 𝔽𝕚𝕤𝕙 𝔹𝕣𝕠𝕠𝕥𝕙慢煮安格斯牛小排濃蝦湯沾麵 💯𝕊𝕝𝕠𝕨-𝕔𝕠𝕠𝕜𝕖𝕕 𝔸𝕟𝕘𝕦𝕤 ℝ𝕚𝕓𝕤 𝕋𝕤𝕦𝕜𝕖𝕞𝕖𝕟 𝕨𝕚𝕥𝕙 ℙ𝕣𝕒𝕨𝕟 𝕊𝕠𝕦𝕡日式炸魷魚鬚 🦑𝔻𝕖𝕖𝕡-𝕗𝕣𝕚𝕖𝕕 𝕊𝕢𝕦𝕚𝕕 𝕚𝕟 𝕁𝕒𝕡𝕒𝕟𝕖𝕤𝕖 𝕊𝕥𝕪𝕝𝕖章魚小丸子 🐙𝕋𝕒𝕜𝕠𝕪𝕒𝕜𝕚▪

見到網友去呢間日式拉麵店一直都想嚟食與網友言談之間 我先知道係李泳豪開的今日終於有時間過海一試揀咗個人氣之選慢煮安格斯牛小排濃蝦湯沾麵賣相很好 牛小排色澤均勻 咬落柔軟而不韌 麵條配上濃稠的濃蝦湯底每一啖都十分滿足

路過油麻地拎完身分證，就行左去廣華街搵食🤤見到角位有間唔太起眼嘅拉麵店，仲要一點都大把位，就膽粗粗就入去試吓店面細細，應該再以坐到10人左右，叫得和牛拉麵屋，當然要試試佢個牛，叫左「牛肩胛肉濃蝦湯拉麵」🐮拉麵硬度適中，蝦湯好濃好甜👍🏻👍🏻但係隻匙羹個底太厚，「不」唔到碗底嘅湯，有啲浪費，蛋正常，反而個牛，牛味唔濃，又有啲難咬，下次再黎都唔會再叫牛

復活節去咗覓食 又係食麵🤣今次去咗旺角食沾麵小店12:30 開門 一點多便滿座了 人氣小店餐廳裝潢都仿照住日本屋台嘅設計 小店只有十數個座位提供🐮慢煮安格斯牛小排濃蝦湯沾麵$138一上枱已經非常打卡（影片圖二）湯汁用一個鐵碗盛裝住 沸騰的畫面令人食慾大開蝦湯非常濃郁濃稠 麵條非常掛湯又有咬口麵條嘅份量真係勁多 男仔都飽牛小排份量十足 鋪滿左喺拉麵面頭肉質非常嫩滑 可以自己再將牛小排浸落去蝦湯調校生熟程度我食到一半 見到枱面有角色各類嘅辣椒粉 請店員將清湯加入濃湯 再加埋辣椒粉自行調製成一碗湯拉麵 又係第二種風味❗️可以喺OpenRice用$80購買$100和牛拉麵卷 🥟沖繩青芥末餃子$48一睇餃子外皮已經知道係好好食 外皮炸得勁酥脆 一咬落口 餡料熱辣辣 有強烈嘅Wasabi味道 少少攻鼻 好過癮推薦！✅份量十足 性價比高 優質沾麵 大推阿久根和牛拉麵屋📍旺角廣華街13號廣輝大廈地下1號舖💰人均$150❎加一

先要講講店舖環境，真係要認真搞搞呢個座位，廚房位呢個屋頂造型係靚嘅，不過超容易撞到頭🤕坐底時因為顧住拉櫈，唔為意撞到個屋頂下簷。食完走人，一起身唔小心又撞過🤦🏻以為係自己唔小心，但今次同行朋友都撼到頭，佢仲要撞得大力啲，個屋頂下簷係倒三角形，直插天靈蓋，痛！😵‍💫😵我地兩人都係175-178左右，各位食麵、睇頭！～建議店家保護下食客個頭，起碼出返個告示版叫人小心睇頭講完個頭都係要講返啲食物，見係和牛主打就梗係要試下-試咗推介嘅燒牛肩胛拉麵-湯頭偏咸，但牛肩胛肉質軟腍，可惜牛肉味都被咸湯搶盡了。- 麵質正常合格，略帶輕微鹼水味- 冰水夠凍🧊整體3.5分

連舖面裝潢都同日本拉麵店一樣，仲有自助點餐機，充滿日式味道 ♡ 我地叫左佢既招牌慢煮A4和牛濃蝦湯沾麵🦐同灸燒豚肉濃厚雞白湯拉麵🐥，飲第一啖湯已經充滿濃郁既味道，灸燒豚肉既肉質好淋身，入口即溶非常讚! 👍🏻濃蝦湯落左好多櫻花蝦乾🦐非常鮮味濃郁，配上沾麵食味道啱啱好，湯底食到咁上下仲可以同師傅講加湯，加湯後一樣咁鮮味，適合當湯飲~ 😋我地仲叫埋自家製和牛餃子同朱古力薯餅，和牛餃子咬落去每一啖都充滿和牛肉，啱曬鐘意食牛既你~ 🐮最後朱古力薯餅可以當甜品食，點上朱古力，外鹹內甜非常特別既口感啊~ 😍

拉麵湯底唔夠熱，而且都係重味精，食完好口渴。咁我不如係屋企食即食麵？今日黎到無和牛，所以無試到。叫左一個蝦湯，一個雞白湯（淡個款），蝦湯好濃，但無鮮味，只有味精。雞白湯既雞肉經慢煮係滑，呢個亦不難處理，依家所有拉麵都幾乎用呢個方法整啲雞肉片。但湯頭唔滾，麵可能過左一下冷水再放湯啦，所以有生水味而且令湯一下子降左溫。加埋全部後加唔會有溫度既配菜，每一啖都可以食到係室溫又充滿味精既拉麵。另外叫左個雞皮餃子，呢個唔錯既，外脆內軟而有汁。

今日行過旺角廣華街見到一間好有日式家風味既餐廳原來係食日本拉麵，門口旁邊仲有個掛願望牌既位置好有心思，內裡同日本拉麵店一樣感覺親切。慢煮安格斯牛小排濃蝦湯沾麵：濃蝦湯底望落不算濃郁但味道非常濃味而且加起麵食非常夾食落爽口都黎又野味，而安格斯牛因為慢煮關係一d都韌同時又帶出牛味好好食。招牌三色拉麵：招牌三色分別有豚、雞、牛三種肉，豚肉燒得香口唔乾身油脂啱啱好，雞肉唔鞋口，和牛見到粉粉地食落好嫩滑，湯底蝦味濃。沖繩青芥末餃子：豬肉新鮮加上芥末提升鮮味，餃子大細適中，一口一件。

今日突然間好想食沾麵，所以就搵左旺角呢間拉麵店～裝修好有日式風格👺出面仲有個小型打卡位～餐廳主打慢煮和牛配沾麵～另外都有好多特色小食整體評分：7/10味道：7/10環境：6.9/10服務：6.4/10人均消費：$100-200地址：阿久根和牛拉麵屋 (旺角)旺角廣華街13號廣輝大廈地下1號舖人氣慢煮安格斯牛小排濃蝦湯沾麵（$ 158）一嚟已經驚艷到我！🤩啲安格斯牛小排超靚！呈現半生熟嘅樣～油脂分佈均勻，入口即化～再配上滾熱辣嘅濃蝦湯🤤🤤🤤正到爆！沾麵比較粗身，彈牙又吸汁🤩A4拉麵($148）：湯底比起沾麵會淡返，和牛同樣入口即化，🤤😍超好味墨魚海膽戀（$58）：幾特別，係用墨魚餅再包住海膽餡😋咸鮮味足

🍜🐮 純粹出於對和牛拉麵嘅好奇而食🤗左邊係($98)燒牛肩胛拉麵w/蝦湯，湯底可以揀蝦湯/雞湯/醬油湯🐮牛肩胛肉質有啲韌但唔算鞋右邊係($128)三色拉麵(和牛,叉燒,雞肉)跟蝦湯🦐🐔雞肉好鞋 完全咬唔開 好似仲係慢煮🙄🐷叉燒普通，夠肥美 不過不失👌🏻🐮和牛好滑，以和牛做賣點講嚟 唔難食只可以算正常但食完三色，我會寧願俾多廿蚊食和牛拉麵算。至於個🦐蝦湯唔咸，味道亦唔淡👌🏻Overall, 雖然唔係令人回味嘅拉麵，不過如果想食和牛拉麵都可以試吓，但唔好太大期望，過下口引都開心嘅😮‍💨btw, 落單個陣 我仲諗緊揀食咩 店員就一直企係身後望到實，但又唔係推介野食，可能平時食拉麵都係圈好先叫人落單，而今日呢間鋪又唔多人，所以個下真心有啲唔舒服🥴好似俾人監視住咁😵

行過見到依個小店 好似都幾有日本特色 豚肉醬油湯拉麵 豚肉黑蒜湯拉麵豚肉有燒過！好香 啖啖既油香😚 但又唔會太油膩！口感好好 兩款既湯底既味道都好濃郁 味道岩岩好 加埋啲配料食就一流💗一邊食一邊好有係日本既感覺鹿兒島流心芝士薯餅流心芝士好邪惡！夾埋薯餅一齊食好夾 即刻想encore章魚小丸子依個小食真係唔叫唔得 做得好出色 外脆內嫩 而且唔係咬落口好章住個口沖繩苦瓜餃子平時食韭菜餃子 就食得多苦瓜餃子就第一次食估唔到都幾好食🤣🤣 皮薄餡靚🤪

店舖環境大致乾淨 偏細 全場得10個位左右牛肩胛雞白湯拉麵+$10筍湯底完全冇雞味 食落個味道好怪 似家樂牌濃湯寶味筍完全係難食 額外加咗份筍都冇食到 軟諗諗完全唔爽 同埋完全冇味 水sellsell麵質還可以 唔難食牛肩胛好食A4和牛濃蝦湯沾麵A4和牛好食 但係超薄仲要得兩塊 完全唔夠喉沾麵湯底 又係水sellsell。。。。。。 完全唔掛湯濃蝦湯就超咸 飲水都飲到飽麵質都ok 正常唔難食結論 唔抵食 唔好食 唔會再去 就算餐廳送好多優惠都唔會再去以後見到餐廳排曬隊唔好誤信間餐廳好好食