87
8
8
港鐵油麻地站 A2 出口, 步行約8分鐘; 煙廠街內 繼續閱讀
所有分店 (2)
電話號碼
23885468
開飯介紹
由藝人李泳豪開設,主打慢煮和牛配沾麵。多款足料自家熬製湯底,推介用上日本薩摩雞製成的雞白湯底。 繼續閱讀
營業時間
今日營業
12:30 - 15:00
18:00 - 21:30
星期一至四
12:30 - 15:00
18:00 - 21:30
星期五至六
12:30 - 15:00
18:00 - 22:00
星期日
12:30 - 15:00
18:00 - 21:30
付款方式
現金 八達通
食評 (112)
想起好久都沒有食拉麵,收工約埋朋友來到旺角廣華街的「阿久根和牛拉麵屋」吃拉麵,原來是一間由鼎爺的細仔藝人李泳豪開設的拉麵店。店舖座位不多,有位店員在門口位置教我們用部點餐機,入座前先選擇拉麵付錢,店員再安排我們就座,稍後就會有店員把食物送上客人面前。座位主要是吧枱設計,可以欣賞到廚師的煮麵過程,可以近距離觀看,感覺好氣氛都好close。有各式的調味料可以給客人自行調味,我昆布醋、白芝麻、辣粉等......吃拉麵前選擇了支裝可樂及支裝忌廉,價錢都是$15一支。我選擇了炙燒豚肉(濃厚)雞白湯拉麵 ($86),餐廳既雞白湯係用上日本鹿兒島走地薩摩雞熬成20小時,雞湯底濃稠鮮甜,採用了日本豚肉五花腩再火炙燒過,隨即散發焦香味,食落五花腩雖然有脂肪,但吃起來唔會太肥膩又夠腍身,入口即化的口感,配菜是糖心蛋、木耳、筍及紫菜,拉麵都是幼麵且偏硬身,合晒我心意。而友人點了碗薩摩雞.雞白湯拉麵($86),雞肉經過慢煮,肉質保持鮮嫩,肉味都濃郁,與雞湯底合配都是好夾。唐揚雞件一共有5件($38),炸至沒有多餘油份,入口香脆又熱辣辣,雞肉都好juicy又嫩滑,外層加了一些調味粉,再蘸上沙律醬食更香滑惹味。整體拉麵真是有水準,值得再來。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
547 瀏覽
之前係網上見到呢間拉麵店好多朋友都食過,見賣相都唔錯,所以今個週末跟友人來試試。餐廳不算很大,門口位置有部點餐機,只需要在這裡點餐,稍後就會有店員把食物送上。枱上有3款辣粉用類似試管裝著的,分別有蒜味辣、海鮮辣和洋蔥辣,這3款辣度都唔同,大家也可以試試。炙燒豚肉濃蝦湯拉麵,湯底有好香濃的蝦味,豚肉厚切,唔會太肥,肉和脂肪的比例平均,有香濃的豚肉味!拉麵中還有木耳、筍和紫菜,令拉麵口感更加豐富!我們還加了一片慢煮A4和牛,和牛入口即溶,有好香的牛肉味!慢煮薩摩雞雞白湯拉麵,雞白湯的湯底奶白色,而且都幾有質感,湯底有好香濃的雞味,而且有種順滑的感覺,一D都唔油膩!雞肉肉質嫩滑,拉麵軟硬度剛剛好。沖繩苦瓜餃子,每次去拉麵店都會食餃子,但係這裡的餃子味道跟出面的唔同,這裡的餃子用上了苦瓜,苦瓜味甘,所以食落去好濃苦瓜的苦味,但是很創新很特別!雖然舖頭不大,食物味道都唔錯,可以再戰! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-09
495 瀏覽
原來鼎爺仔仔李泳豪係旺角開左間拉麵屋,除左有主打既和牛沾麵,仲有一系列既拉麵選擇。地點方便就腳,經過登打士街到廣華街,全程唔洗5分鐘。店內座位唔算多,不過裝潢有花心思,望落就夠哂日本風味啦!枱底仲有掛勾,方便客人,呢點都抵讚呀!👇📌炙燒豚肉▪濃厚雞白湯拉麵 - $86👉餐廳既雞白湯係用上鹿兒島走地薩摩雞熬成,質感上特別濃厚。而且賣相吸引,表面幾塊火炙過既豚肉好似花瓣咁散開。經炙燒過,果種焦香味隨即散發,食落唔會太肥膩。配搭金黃糖心蛋、木耳、筍同紫菜,每樣配搭各適其式。拉麵偏粗身特別彈牙。📌慢煮A4和牛▪濃蝦湯沾麵 - $138👉呢個濃蝦湯都落足料!貨真價實。當中蝦湯足足熬足九個鐘,再經快炒將味道迫哂出黎,唔怪得個鮮味比平時食開既更加濃郁啦!沾麵底亦都加左自家製蝦油,雙倍惹味呀!而和牛亦都唔輸蝕,經醃製過後低溫慢煮約八個鐘,做到入口即融,肉汁非常豐富!Staff會提你食哂拉麵後可以要求師傅將魚介清湯加落醬汁變成蝦湯,簡直係Amazing moment呀!▪ 自家製雞皮餃子 - $48▫ 新鮮即叫即炸,雞皮做到好脆薄,入口油膩感唔會好重,唔錯。▪ 北海道流心芝士薯餅 - $28▫ 流心既芝士餡好豐富,外皮炸到好鬆脆,食落索索聲,滿口都係薯蓉質感。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-28
569 瀏覽
位於旺角的阿久根和牛拉麵屋,是一間由鼎爺仔仔 李泳豪開設的餐廳。這裡主打A4和牛拉麵,跟一般坊間主打的豚肉叉燒拉麵不一樣哦。餐廳地方較想像中大,除了店內的室內坐位,更有室外坐位,全部是吧台設計,就算一人進餐也不會尷尬啦。客人能邊吃邊看廚師製作拉麵,增加用餐氣氛哦。客人落單,只需掃一掃台上的QR Code,然後走到門口旁的電子自助機付錢,就可以啦。灸燒豚肉·濃厚雞白湯拉麵$68這碗雞白湯拉麵,質素和味道勻令人驚艷呀! 看上去跟一般拉麵無異,但一入口,即刻令人感到驚喜哦!四片厚切炙燒豚肉,超級美味呀! 炙燒過的叉燒,帶有一份焦香,叉燒很肥美,肥膏部份烹製成啫喱狀,入口油脂甘香,但並不膩囗,瘦肉部份則很軟腍,質素奇佳。鹿兒島走地薩摩雞湯頭熬煮二十個小時,鮮甜不膩,喝光沒難道。慢煮A4和牛·濃蝦湯沾麵 $128賣相討好的招牌拉麵,值得相機食先吧! 相信大家都會率先被阿久根的A4和牛吸引眼球,色澤紅潤的西冷和牛,預先低溫醃製慢煮八小時,入口幼軟至極,不過肉味不算很濃。用上兩種蝦熬製九小時的沾麵湯頭,放上大量蝦花蝦和蝦油,味道非常濃郁,但個人認為湯底過稠,所以加點高湯更為合適。北海道流心芝士薯餅 $28薯餅放涼後,依舊香脆,內裡的芝士流心拉絲。小食的質素,也很不俗呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-30
738 瀏覽
係旺角煙廠街 其實有好多5同種類既食肆但位置比較隱蔽所以5容易睇到既再一次泥到利頭想食碗拉麵發現利間拉麵店所以決定試下先得><-去到既時間係晚市岩岩開始所以就5太多人環境雖少但冷氣充足 仲有自助售賣機🤭我地就坐吧個邊 陣陣香味傳過來幾香🤤🤤而且又可以睇到拉麵既製作過程都5錯丫-·灸燒豚肉·濃厚雞白湯拉麵 HKD$86第一時間品嚐湯底 係拉麵既靈魂所在感覺濃郁既雞湯 個味道5太咸岩岩好䐁肉都幾腍身 有種入口即溶感覺 仲有流心蛋-·慢煮A4和牛·濃蝦湯沾麵 HKD$138慢煮和牛第一次食 切到像薄薄甘幾有咬感食沾麵係個5錯既選擇 5洗怕比湯汁彈到我地就覺得個湯底味道略為咸左D🤔若果淡一D應該味道會更加好沾麵份量會比拉麵多小小 所以大碗左haha-·自家製和牛餃子 HKD$68用和牛做餃子感覺都幾新鮮 所以叫泥試試餃子外皮煎到脆卜卜 外脆內軟都幾有咬感-·北海道流心芝士薯餅 HKD$28 送泥時候熱辣辣 要快d食就保持最佳口感芝士做到流心的感覺 好似食緊芝士味薯蓉幾滑身-·支裝可樂 HKD$15食到口乾要飲反啖野先得 支裝比較多汽我覺得會好飲d 店家有我地飲ZERO系列>< 繼續閱讀
(以上食評乃用戶個人意見 , 並不代表OpenRice之觀點。)