阿久根和牛拉麵屋

營業中

休息中

又系comfort food系列，每次食拉麵都覺得系pamper緊自己個胃，熱暖嘅湯頭加上飽腹嘅麵身，特別系在秋涼時分🍂，呷一啖熱湯，真係身心舒暢☀️～今次再訪阿久根和牛拉麵屋，日式裝潢未變，平日夜晚7時已經滿座，為咗一碗靚麵，排隊系值得嘅～▶️牛小排濃蝦湯沾麵🍜($138)濃蝦湯真係名副其實，啖啖無敵香濃，麵條本身Q彈有咬口。同雞白湯相比，濃蝦湯嘅湯頭濃稠許多，所以每條麵條都超掛湯，可以感覺湯頭與麵完美結合，啖啖食到鮮蝦味。吃完沾麵後，可以請店員加入清湯，就變成可以飲用嘅蝦湯～除咗湯頭、麵條，不得不提系安格斯慢煮牛小排，見到廚房內系將慢煮後嘅牛小排炙燒，上枱時片片呈鮮嫩嘅粉色，入口嫩滑，食到舔舔脷～▶️牛肩胛肉雞白湯拉麵🍜($98)雞白湯濃郁creamy得嚟又吾會肥膩，牛肩胛肉燒得恰到好處，鮮嫩吾韌，牛味濃郁。拉麵爽口彈牙，QQ有嚼勁，一啖入口sir sir聲。▶️沖繩青芥末餃子/苦瓜餃子🥟($48/4件)大愛苦瓜餃子，食得出苦瓜嘅回甘，好有特色嘅小食！現在預先在openrice可以買八折券，更加抵食！👍🏻

好耐無食過拉麵，今次同老婆去開旺角行街，搵到呢間好似幾高質嘅入去試吓招牌三色拉麵(慢煮A4和牛、雞肉、燒豚肉)，先試一試個湯底，非常濃郁又有蝦嘅鮮味，麵條軟硬適中夠彈牙～隻糖心蛋好香蛋味，正！雞肉非常嫩滑，而豚肉係五花腩，肥瘦分明，好好味！A4和牛更加係正到不得了，唔單止有牛味，油脂分佈恰到好處，喺個口到慢慢溶化，有齊三種肉，真係大滿足！😋慢煮安格斯牛小排濃蝦湯沾麵，先用麵條浸落去濃濃嘅醬汁，大啖大啖咁食，比我既拉麵湯底有更濃郁既蝦味，刺激住口腔內每一個味蕾，慢煮既牛小排，除左牛味十足，口感亦都好鬆軟，好味！👍🏻炙燒豚肉，額外加多三塊豚肉，塊塊都燒得好香，唔錯！👏🏻枝裝可樂，唔係度度都有，飲落去感覺總係好味過罐裝 🙊非常滿足，下次想試下佢既黑蒜湯底，應該都唔錯 👀

人均$100 柔軟滿煮🐮牛小排肉香十足，濃郁蝦湯沾麵/拉麵🦐平日食開都係叉燒/雞拉麵，難得見到慢煮牛拉麵！🐮慢煮安格斯牛小排·蝦濃湯沾麵$138慢煮牛小排脂肪分佈均勻，食落柔軟肉質再加上香濃嘅牛味，真心好jeng👍🏻👍🏻蝦濃湯用熱石碗裝著，上枱依舊滾熱🔥🦐香煎虎蝦拉麵$98半個碗咁大嘅虎蝦，肉質爽彈🔥蝦肉+蝦濃湯嘅搭配簡直係鮮上加鮮😍好味！🎋佢地嘅筍好好食，大塊爽脆有口感！阿久根和牛拉麵屋 (旺角)旺角廣華街13號廣輝大廈地下1號舖

雖然而家日本開放左，不過都未知幾時有假去，食碗拉麵過癮下頂住旅行癮先！呢間阿久根和牛拉麵屋除了有豚肉同埋一般雞肉主菜之外，仲係主打和牛拉麵🍜，款式又夠多，可以揀牛肩胛肉、安格斯牛小排、仲有慢煮A4和牛叉燒。拉麵未嚟之前可以食小食先，呢款沖繩青芥末餃子🥟皮脆肉嫩，食起嚟爆汁之外仲可以feel到Wasabi喺嘴裏便迴盪，原來都好夾👍我就揀咗燒牛肩胛肉濃蝦湯拉麵加配慢煮A4和牛叉燒，A4和牛好抵食，40幾蚊就食到啦！一塊咁多啦！但係都好大塊嘅，粉紅色嘅牛肉軟綿綿嘅口感，真係不得之了！主菜牛肩胛肉都燒得剛剛好，有濃厚的肉味同火香，啲肉汁一直流緊，好正囉！個龍蝦湯底都好鬼濃郁，對付呢啲咁濃郁嘅湯底我鍾意一啖湯一啖面咁食😋一於消滅佢😂老公就揀咗沾麵，叫咗慢煮安格斯牛小排龍蝦湯沾麵，沾麵麵身特厚，食起嚟特別有質感，沾麵湯底砂鍋上，勁有熔岩feel！仲可以運用熱力瞬間將湯底掛滿沾麵上，所以沾麵食起嚟除咗保持到彈性之外，仲可以同時品嚐到特濃嘅龍蝦湯底，一絕！牛小排經過慢煮之後，仲可以保持到肉質係粉紅色嘅之外，軟綿綿嘅口感都唔講得少，拍得住和牛潻bor😍估唔到百幾蚊就可以食到一碗咁高質素嘅沾麵真係真心抵！

🐔 慢煮薩摩雞拉麵配白雞湯，湯底濃郁～ 仲可以自己選擇湯底濃郁程度😋 慢煮令肉質唔會柴，滑溜多汁！味道有淡淡ge黑椒味🐮 燒牛肩胛拉麵配蝦湯底，整體湯底清爽。溏心蛋味道同熟度岩岩好👍🏻麵質彈牙，有牛味但可惜牛肩胛有d 韌有d根… 中規中矩🥟 沖繩青芥末餃子終於wasabi 個種刺激感推薦lee款👍🏻 真係食到眼水標出黎💧🥒沖繩苦瓜餃子皮煎得唔夠脆同香口，食落有少少苦瓜味，個人認為個苦瓜味可以再出d小店座位比較少，但服務態度幾好🥰 店內仲有3款辣椒粉配搭唔同湯底唔同菜式，令湯底層次更加豐富～ 整體不過不失PS 個日去食好多和牛款式都冇🫥

今天出旺角想為吳保錡的新歌燈箱打卡，醒起朋友送咗兩張阿久根和牛拉麵屋的$100現金券未用（他用八折買回來），於是影完相即刻去醫肚。濃蝦湯慢煮A4和牛叉燒拉麵（$148）香蔥醬油湯炙燒豚肉拉麵（$89）沖繩苦瓜餃子（$48）沖繩青芥末餃子（$48）***********************和牛叉燒拉麵有兩片和牛，是沒有叉燒的！還有糖心蛋、木耳、京蔥和筍片，麵條得一種無得選擇。濃蝦湯好濃也比較膩，同埋可惜唔夠滾熱，兩塊和牛紅卜卜薄切切，都很嫩滑。炙燒豚肉拉麵有三片腩肉，炙燒過後很香口，肥膏部份雖未至入口即溶但很甘香。香蔥醬油湯有蔥油味。兩份餃子煎得幾好，苦瓜餃子有好淡的苦瓜苦味，青芥末餃子食完後有少許嗆鼻，幾特別。我是在下午茶時段去的，不用排隊。

阿久根 - 和牛拉麵店 今日黎到旺角區一間拉麵店，和一般拉麵店一樣有提供拉麵或沾麵，但不一樣的是不再是日式叉燒，而是燒牛肩胛同慢煮安格斯牛小排，名副其實的和牛拉麵店。燒牛肩胛拉麵 $98牛肩胛肉燒汁剛剛好，油脂分布平均，入口軟腍，湯底可配濃蝦湯、雞白湯或香蔥醬油湯，選咗雞白湯，湯底濃郁不膩口。慢煮安格斯牛小排濃蝦湯沾麵 $138估唔到沾麵都可以咁食法，利用熱辣辣嘅濃蝦湯底，再放上油脂豐盈，雪花紋理漂亮嘅安格斯牛小排，輕輕一浸，油香滿滿。日式餃子 $48飽滿經典嘅日式餃子。日本枝豆 $38惹味嘅粒粒枝豆小食。

上次同老公試吓呢間拉麵🍜其實都係放工臨時臨急想搵啲嘢食 咁啱嗰日又想食拉麵 見到OpenRice啲人話唔錯 自己本身有鍾意海鮮味 去試一試 都多人排隊 但係真係好好食 A4和牛係好嫩口 好正

濃蝦湯·招牌三色拉麵(慢煮A4和牛·雞肉·燒豚肉)💰$128湯底真係好濃蝦味😍但覺得太濃唔飲得多🤣🤣麵質方面唔特別·和牛味唔夠香·定係個湯太濃呢😂雞肉應該用左雞胸位～咬落好滑溜👍👍燒豚肉有焦香口感唔算油膩好味指數(7級最佳)▁ ▂ ▃ ▄ ▅ 📍總結:有機會要黎試下其他湯底～又有雞白湯黑蒜湯仲有沾麵🤩

濃蝦湯 招牌三色拉麵，日式煎餃子*Time : AUG 2022, Lunch*Price : $176-HKD *Place : 阿久根和牛拉麵屋*Review : 本來是要試試和牛沾麵的，不過當日沾麵暫停，就只有試試這個蝦湯三色拉麵。- 招牌三色拉麵 ：湯底較濃，有著很重的蝦味，偏向似龍蝦湯，較小甜味，A4和牛厚切，不會韌，有著半生熟之間的獨特質感，充滿肉味，雞肉幾有入口即溶感覺，义燒就不過不失，麵質較軟，整體還不錯- 日式煎餃 ：反正都是即煎的，不過有點貴整體是中上水平，湯底好，慢煮的A4和牛也好吃，會再來試試沾麵

好耐都無同朋友一齊出街食飯喇所以係放假嘅時候，嚟旺角行街同朋友試下呢間日本餐廳，而我朋友好少食日本菜，所以就簡咗呢間餐廳，好彩我地早咗嚟，唔洗點排隊就可以入座，環境方面好似日本咁有部自助點餐機，好有日本風味。今次叫咗個慢煮安格斯牛小排濃蝦湯沾麵，飲第一啖湯好濃郁，好多櫻花蝦係裏面，沾麵好掛汁味道啱啱好，將安格斯牛小排放入熱辣辣嘅湯到，輕輕煮熟佢，食落好淋好有牛味☺️，而個牛小排嘅油脂分佈得好平均，真心好正👍，值得一試❤️

本來想試個慢煮A4和牛叉燒 但嗰日咁啱sold out🥲慢煮安格斯牛小排濃蝦湯沾麵牛肉肉質係幾嫩滑 但肉香就唔係好夠 濃蝦湯就略嫌鹹左啲🤏🏻燒牛肩胛拉麵可以揀濃蝦湯/雞白湯/香蔥醬油湯 因為沾麵係濃蝦湯底 所以就試左個雞白湯😛但雞白湯有啲淡 食落去成件事唔係好夾 墨魚海膽戀就係加左海膽嘅炸墨魚餅🤣🤣海膽唔算好鮮甜 但勝在幾特別

一段時間沒有去阿久根食拉麵每次行過旺角，都想起那個安格斯牛小排配濃蝦湯沾麵。本身我人大件，沾麵很飽肚，加上蝦湯味道濃，沾麵彈兼掛湯，個人很喜歡😘有朋友話配牛小排唔正宗，在香港所謂正宗拉麵店個湯都一定要調整過啦，日本仔加油多，我個人受唔到，其實最緊要好食咪得囉蛋有味，流心洋蔥木耳正常食完個麵加湯，飲埋！飽飽🤪😃「一麵入魂」見碗內有字，我每次見到都滿足聽店員說有牛脂湯限定，下星期再黎過，開心滿足！Yeah!

從未寫過review，但真心嬲🔥🔥🔥叫左碗雞白湯，點知成碗雞粉咁嘅味食完勁口渴好唔舒服🤢🤢🤢自己屋企煮仲好食過佢，起碼唔會落味精先☠️😩😭😭1. 啲筍唔知係咪大陸筍，咬落勁奇怪，一定唔係日本筍😵‍💫😵‍💫2. 啲蔥係京蔥，好唔夾，根本唔可以用呢款蔥黎配拉麵🤮從未食過一碗咁奇怪嘅拉麵。3. 麵有鹼水味💩想問店家煮啲咁嘅嘢俾人食良心過意得去？好癡線食完隔幾個鐘都仲有陣雞粉味😵‍💫

一掛住日本就會好想食拉麵 煙廠街附近咁多野食 呢間拉麵係附近應該都算出名 又和牛又拉麵已經夠吸引 由於餐廳唔係好大 加上都幾受歡迎 排隊係必然既 係門口排隊既時候 已經會比你揀定食咩 見到和牛之外仲有得揀湯底 有雞白湯 濃蝦湯 同豚骨湯 睇到已經心心眼我今次既選擇係慢煮安格斯牛小排沾麵配濃蝦湯底 一黎到 蝦湯既香味已經令我流哂口水 再望到d 和牛已經感受到溶化既感覺個人就覺得好好味好滿足 一定會再有第二次