阿久根和牛拉麵屋

營業中

休息中

成日都覺得，一間餐廳嘅氣氛環境，可以令食物嘅味道提升。而我哋上星期就去到喱間「阿久根和牛拉麵屋」，除咗嘢食好味，裝修都頗為地道☺️🎌🎏即刻令我哋想走返轉日本（如果得😂）🦐濃蝦湯招牌三色拉麵(慢煮A4和牛, 雞肉, 灸燒豚肉) $128蝦湯蝦味頗濃🦐，拉麵份量亦多🍜👍🏻 講到主角，雞肉無咩特別🐓；豚肉肥瘦均勻，加上燒過，特別香口🐖；和牛有厚度之餘，唔會un ，亦非常有牛味，好食🐂😋加埋半隻流心蛋，整體相當唔錯👍🏻唯一建議，啲料太豐富，個碗相對有啲逼，一開始食嘅時候有啲難「畢」湯😂🐷雞白湯灸燒豚肉拉麵(濃厚) $88+溏心蛋🥚$15湯底呈奶白色，飲落有膠質同少許黏口既感覺❤️豚肉份量👌🏻，灸燒過令豚肉焦香感同賣相大大提升，完隻流心蛋做到真流心🤤如果無特別想食和牛，都係個好選擇啊🥳🧀鹿兒島流心芝士薯餅 $28一黎到見到d芝士流哂出黎就知正😋薯餅好有薯仔味，薯蓉好香好綿🥔加埋芝士不得了👍🏻🍗唐揚雞件 $38有5件，炸得岩岩好，外層個炸粉好薄，🐔雞肉食落juicy，可以加d辣粉一齊食，就更加惹味😋😋Overall食物質素好，雖然店面唔大，但裝修有日本味道🇯🇵，頗有居酒屋🏮嘅感覺。未試過，去開日本又想

今日到旺角呢間拉麵店試下，餐廳望落雖然唔大，但入面嘅座位比想像中多。首先一入到去坐低就見到餐廳上年拎過嘅獎（第一次聽微笑企業大獎🤣）炙燒豚肉濃蝦湯拉麵$88拉麵同豚肉份量十足，豚肉燒得好惹味，不得不讚嘅係糖心蛋好好味，熟度剛剛好，想食多粒但追加要$15🥲。燒牛肩胛肉鷄白湯拉麵$98鷄白湯底比濃蝦湯底清淡啲，但清澈不油膩，個人更鍾意鷄白湯底。另外小食揀咗唐揚鷄件同埋日式餃子。唐揚鷄件$38日式餃子$48 烏龍茶$20

牛小排肉質鮮嫩真係好好味！旺角呢一間人氣沾麵店，😍好耐之前已經想試，今日Sunday同屋企人一齊行街，shopping完當然lunch time要搵嘢食，就試吓呢一間先😊慢煮安格斯牛小排龍蝦湯沾麵$138牛小排非常之香濃佢啲牛肉味好濃，果然係安格斯優質嘅牛肉，🤤加埋佢嘅沾麵好彈牙，龍蝦湯好香滑，一啖沾麵一啖湯，真係好滋味！墨魚海膽戀呢個小食都好有特色，原來佢係墨魚滑，再加埋海膽。🥰黑色嘅外表，已經好吸引❤食落去有海膽嘅鮮甜味，仲有彈牙口感，好特別。雞皮餃子係用雞皮包住傳統嘅餃子餡，食落去有雞皮嘅甘香，更有特色。

食物同服務ok, 叫咗個三式豬牛雞蝦湯麵，剔完個waiter突然話冇和牛所以冇三式，諗住轉食其他嘢又突然間話個和牛會轉牛小扒，有啲一時一樣咁。蝦湯好味嘅，豬牛雞就正正常常。想講另一樣嘢，餐廳喺b類餐廳，咁我用咗安心出行，入到去佢又一定要我填多次紙，佢話佢哋喺b類所以只可填紙⋯我仲諗平時好似喺是但一樣就得，點解咁奇怪？不過我都照填廢時佢難做。或者可能我平時去嗰啲其他b類餐廳先喺做錯晒。Anyway可能疫情完咗唔洗再嘟安心出行同填紙先再去。

旺角隱世拉麵今日同朋友係旺角行完街想食拉麵🍜行到煙廠街發現好多餐廳，呢間拉麵幾多人應該好食就入左去～環境細小，人齊入座。裝修很有日本拉麵特色，疫情關係劃分了不同區域。提供紙巾、水、辣粉、醬料等，非常貼心(๑•ᴗ•๑)#三色拉麵 $128熱辣辣的濃蝦湯，不會太咸，有叉燒片、雞肉片、豚肉片一片一片，還有半隻溏心蛋，配菜都很好吃😋肉質不粗糙，肥瘦適中～麵的份量比想像中多，飽肚之選#豚肉魚介湯拉麵 $88拉麵🍜彈牙的麵質，有3片肥美的豚肉片，燒得幾香，還有半粒溏心蛋。魚介湯味濃郁～而且不會腥，幾好味。#雞皮餃子 $483隻脆卜卜的餃子🥟外脆內軟，而且有少少肉汁，邪惡服務質素：6/10環境舒適度：6/10ᶘ ᵒᴥᵒᶅ個人口味評分：7/10

相信大家都食過拉麵🤣咁豪華食拉麵又試過未呢？今次去咗一間主打食和牛拉麵嘅拉麵店招牌三色拉麵嘅三色係指慢煮A4和牛、雞肉、豚肉，一共三款肉類，和牛上枱時呈鮮粉紅色，好吸睛😍 拉麵條條分明，掛湯力十足；相比起平時嘅雞白湯湯底，呢道嘅雞白湯較流質、較清，反而唔會搶去主角嘅風頭，兩者互相輝映炙燒過嘅牛肩胛喺入口時傳來一陣焦香，以檸檬鹽嚟輕輕調味，唔會過鹹，亦唔會搶去牛肩胛本身嘅肉香；湯底係濃蝦湯，蝦湯嘅鹹鮮味喺口腔散發，濃郁誘人，令人不禁一口接一口；兩碗拉麵均有溏心蛋、木耳絲、香葱、紫菜、荀等沖繩苦瓜餃子只有輕微嘅苦澀味，可能因為苦瓜佔饀料比例唔多，食食下口腔更飄來一陣小清新，另外其餘兩款餃子：沖繩芥末餃子同埋阿波美雞皮餃子各有特色，下次嚟要試埋佢哋😋店內裝潢似屋台屋，喺店鋪門口左手邊掛滿一排排嘅日本繪馬，原來內有乾坤，喺拉麵店嘅室外座位，適逢初秋，喺室外環境食拉麵都別有一番風味㗎

晚飯時間見到有唔少人排隊，睇相都幾吸引，就跟住排隊試下～～❤️招牌3色拉麵 慢煮A4和牛+雞肉+燒豚肉，塊和牛好粉嫩，用湯底浸熟多少少依然好嫩滑！雞肉都好嫩一d 都唔會鞋，灸燒豚肉肥瘦比例各半，油脂味好香！招牌濃蝦湯底，真係好濃郁好香既蝦味同咸香，中意濃味重口味湯底就會好鐘意🧡燒牛肩胛拉麵 好多塊大大塊既燒牛肩，肉質結實得黎仲有彈性，溏心蛋半熟流心好入味，仲可以自己揀湯底～💛鹿兒島流心芝士薯餅 一上碟好熱好熱，芝士流心超正rrrrr💚揚唐雞件 日式炸雞薄薄一層粉漿，咬落有少少肉汁，d 肉仲好嫩，又香好脆

拉麵同和牛都係我最鍾意嘅美食之一，兩款加埋一齊當然令人夠晒期待喇🤤今次同朋友去左呢間阿久根和牛拉麵屋食晚飯，鋪頭門面非常日式，外面掛左個大紅燈籠，離遠已經吸引到人入去。鋪頭提供左幾款唔同嘅湯底比顧客選擇，我同朋友就分別揀左：✨慢煮安格斯牛小排濃蝦湯沾麵（$138）牛小排嘅份量都幾多🤤外層微焦而入面則只有半熟，唔鍾意太生嘅朋友可以放入沾麵汁到煮熟啲。沾麵汁上桌前仍熱到起泡，蝦嘅鮮味都幾突出，但我就覺得個味道咸左啲，我自己就比較prefer啲清新啲嘅湯底。✨慢煮A4和牛叉燒沾麵（$148）呢碗沾麵我地同樣揀左濃蝦湯底，味道上同上一款冇太大分別。值得一讀嘅係佢舊和牛叉燒，口感相當嫩滑，但又唔會好似平時嘅和牛咁油膩，我自己就鍾意和牛叉燒多過牛小排。✨唐揚雞件（$38）炸雞味道亦算係唔錯，新鮮炸起，肉質嫩滑。

一向好鍾意食沾麵嘅我，今次經過旺角廣華街見到有拉麵同沾麵食，所以就即刻入咗去先。🤤〈慢煮A4和牛叉燒沾麵〉🦐🍜🥓🥩我揀咗濃蝦湯底，原因係我一直都覺得蝦同沾麵係一個非常夾嘅配搭。雖然湯底唔算濃稠，但係亦都非常掛湯。叉燒同出邊食到嘅好唔同，呢度係用和牛，肉質非常嫩滑，超級推介！〈灸燒豚肉拉麵〉🐣🍜🐷湯底揀咗濃厚雞白湯，湯底濃稠，雞味非常出味，值得一提嘅係灸燒豚肉非常出色，燒得非常香，一啲都唔硬同乾。〈阿波美雞皮餃子〉🐤🥟喺出邊好少可會見到雞皮餃子，炸得脆卜卜，調味適量，不妨一試。

🌕Hello我係Moon🌕唔知有冇人同我一樣好鍾意食拉麵呢？隔一排就要食返一碗拉麵先得！除咗銅鑼灣其實旺角都有好多拉麵店，喺旺角眾多拉麵店點解我係依一間食得最多次嘅，除咗依度嘅食物比較高質素，呢度嘅服務態度亦都超級好！我一個人食咗一碗沾麵再加兩份餃子🥟，佢嘅份量真係好多，所以一個人食晒足夠！安格斯牛小排魚介湯沾麵，上菜嘅時候個湯底仲係熱辣辣，真正做到日式嘅感覺！食嘅時候只要將麵條沾落湯底入邊就已經有濃郁嘅魚介味😆牛小排嘅份量有七件，肥瘦比例完美，好均勻，所以食落口都有好香嘅油脂味道，但係同時亦都食到肉質素！我見到每一條麵條都掛上濃郁嘅湯底，呢一刻就係幸福嘅感覺！小食方面我嗌左兩份餃子🥟因為呢度嘅餃子真係好特別，呢度有苦瓜餃子亦都有青芥末餃子🥟苦瓜餃子真係好特別㗎，肉之外仲有粒粒苦瓜，但係味道一啲都唔苦，而且仲好清新，未食過苦瓜餃子嘅朋友就一定要食啦！另外嘅青芥末餃子🥟真係有好強烈嘅青芥末味道，但係如果平時你食壽司都會點芥末wasabi嘅話就一定要試吓依個！又係一個特別嘅味道啊！🌕最後MoonMoon真係好滿意呢間拉麵店，講真我唔係第一次嚟食，食嘅次數都已經好多次啦，但係每一次都可以保持

天氣轉涼最啱就係食番碗熱辣辣嘅拉麵😋最近去開旺角又發掘咗間拉麵小店！🍜仲位於食店林立嘅廣華街 行完街去食番碗拉麵作結就岩岩好！「香煎虎蝦拉麵」 🦐 $98難得揾到有虎蝦嘅拉麵 虎蝦超大隻好足料🤤成個拉麵都充滿咗蝦湯嘅香 配埋流心蛋食冇得輸～「霜燒美國安格斯牛小排魚介湯沾麵」🥩 $138同樣係好特別嘅一款拉麵！牛小排半生熟食落肉質更鮮嫩～🐮沾麵湯底夠晒濃郁❣️「沖繩苦瓜餃子」🥟 $48第一次試苦瓜餃子 食落都幾夾 加咗苦瓜一齊食感覺更清新🌿

琴日咁岩去旺角附近行街見朋友，我地行到咁上下喺廣華醫院附近見到呢一間主打和牛嘅拉麵，見入邊都有位置，唔使點等，就入去試吓呢間拉麵舖。外面門面望落去都幾靚，好有日式嘅風格，入到去店員都好有禮貌。我哋叫咗一個沾面，一碗拉麵，一個章魚燒。沾麵叫咗個濃蝦湯和牛沾麵，湯底濃郁蝦湯味，佢係用石鍋熱住個湯，個濃蝦湯黎到仲係滾緊，和牛有幾片，唔係得1-2片，浸落個湯到沾埋個和牛食好正，蝦湯配和牛正，面硬度適中，值得推介。 章魚燒都燒得好食，唔錯，外脆內軟，食到係岩岩燒出黎既。另一碗拉面係魚介湯豚肉拉面。湯底夠味，豬都有幾片，面既份量都夠, 硬度適中。我食完沾面交換食個拉面，食食下又想食個沾面。兩碗都唔錯。價錢合理，性價比好。

天氣凍，又要食返啲暖笠笠嘅嘢，今次揀咗呢一間拉麵店～👍🏻慢煮A4和牛叉燒沾麵一上枱已經比整碟賣相吸引到，先有十分濃郁仲熱到滾嘅濃蝦湯，另外有主角A4和牛，望落非常粉嫩，炙燒過後肉質充滿牛脂香。一食落去果然名不虛傳，湯頭絕對係誠意之選，用上自家製蝦油同新鮮蝦熬咗六小時，蝦味絕對出色。麵身粗身，掛湯力十足。碗內仲配上溏心蛋、筍、紫菜、木耳絲、蔥，增添口感層次。👍🏻新款 魂之豚肉魚介湯拉麵魚介湯底好香濃但唔會過分油膩，每一啖都食得出當中嘅鹹鮮，鰹魚柴魚都好出味。麵身相對較幼仍保持咬口，唔會太淋，亦更容易入味。至於豚肉則厚度適中，肥瘦得宜，面頭燒到帶點焦香，作為配菜一流！👍🏻唐揚雞件拉麵有豬有牛，小食一於揀返雞肉款。雞塊新鮮即炸熱辣辣，大大件，粉漿唔會過厚，咬落肉質滑身有汁，點埋旁邊嘅沙律醬，經典小食之選。呢間拉麵絕對係重口味人士之選，偏好濃味鹹香嘅你絕對值得一試👍🏻

好耐冇去日本，突然好肚餓好想食拉麵，入咗間好日本feel嘅拉麵店，好似去咗轉日本咁，食完即刻精神晒🤣舖頭有好多唔同口味嘅拉麵同小食，湯底都幾款可以揀，仲有沾麵添呀，正呀😍慢煮A4和牛沾麵，$148拉麵店竟然食到和牛，未試過咁特別嘅配搭，所以好期待。上嚟嘅時候，個湯仲係滚嘅，好香好正，我揀咗濃蝦湯底，真係濃得好緊要呀🤣有兩大塊和牛，半生熟，我試咗一塊直接食，一塊放落湯度浸一浸，點食都好味😋沾麵份量勁多，正常女仔一定食唔晒。食到咁上下就可以叫佢哋加清湯，之後就可以飲啦，好正呀。燒牛肩胛拉麵，$98朋友見我點咗牛，佢都唔執輸，叫咗牛肩胛，呢個牛都好唔錯呀，牛味重，燒得幾香，好正。拉麵幼身啲，湯又清啲，食起身冇咁滯，想重口味啲就可以再加枱麵嘅粉，朋友試咗一款洋蔥味嘅辣粉，佢話幾正喎。日式餃子，$48為咗更加似去咗日本，我哋叫咗日式餃子🤣不過呢個餃子有啲貴，得4隻，不過味道就好日式，同日本食嘅好似。食完瞬間充滿能量💪🏻好飽好滿足。

Weekend旺角膠遊遊，喺廣華街一帶遊走左一輪，間間都食到熟口熟面，於是閃身入去煙廠街搵間未去過嘅試試，見有間有小人龍嘅阿久根和牛拉麵屋即刻排隊～等左一陣就有位啦🦦💓🐃慢煮A4和牛叉燒沾麵（濃蝦湯）呢個係餐廳嘅推薦菜式，用上A4級鹿兒島阿久根西冷慢煮令牛肉保持鮮嫩，上菜前廚師會用火槍輕炙，令牛叉燒充滿油香！湯底揀左最愛嘅濃蝦湯，濃蝦湯以自家製蝦油及2款新鮮蝦熬足6小時，真正濃郁醇厚，沾麵粗幼適中，好掛湯而湯底上菜時滾到溶岩咁，唔會食到尾變凍湯，呢方面好細心～🐖炙燒豚肉拉麵（雞白湯）雞白湯底顏色奶白，骨湯香醇，配上硬度適中拉麵，口感清爽，麵質掛湯，豚肉上菜前會炙燒，外皮燒到焦糖化，微微帶甜，食落軟滑，比坊間嘅好食好多！另外小食叫左雞皮餃子🥟呢款都係第一次食，味道同普通餃子類似，最後叫左罐啤酒🍻，呢款淡麗極上，將麥芽和大麥各自以最適合的條件以「雙重釀造製法」釀製，飲落甘甜順滑偶然喺街巷遊走都搵到間咁正嘅拉麵，證明香港真係有好多好好嘅食店，行下望下一定會搵到間啱心水嘅～