長阪燒

營業中

休息中

電梯門一開，眼前就看到不少自家釀製的梅酒，一缸又一缸，很多日式自家製小店的風味！坐在師父面前，看着新鮮的食材，胃口也大開。來到長阪燒，當然要燒一下。點了好幾款串燒，準備大快朵頤。牛舌是每次吃串燒必點的，燒得好的才會香而多汁又不乾不韌，這很對！大膽地點了兩款蝦，都好吃，新鮮，有蝦味但我覺得海老天婦羅更驚喜，上菜是震撼，吃進嘴是驚喜，充實又爽口，滿滿的幸福！雞翼，很大一隻，汁保存得很好，好吃！當然不少得菠蘿了！超甜，燒過後更香更有菠蘿香。太完滿了！

辛勞一日後，壓力那麼大，總想找一處，跟朋友談談天，吃些美味的減減壓。在繁忙的旺角中，這家樓上居酒屋正好！環境雅緻，坐在吧櫈，看着眼前新鮮的食材，令人食指大動！看到蠔加白酒的套餐，12隻蠔加一枝白酒才二百多，跟朋友就決定試試。蠔是韓國的，平時比較常吃的是法國、意大利和日本。原來這款的不差，清甜，有海水味，一點點creamy 不錯！還點了原條燒魷魚，師傅真的是在面前新鮮那盤取的！那麼新鮮，當然彈牙爽口了，加上照燒汁，正好下酒！燒雞泡魚乾也是下酒菜的必點清單，外脆內軟，甜甜的，不小心又多吃了！聊了一整晚，又喝又吃，心情也舒暢了些！

有朋友介紹係旺角有一間少少隱蔽既日本餐廳，仲話做緊一個生蠔既抵食優惠，所以一於去試下。本來對旺角區既日本餐廳無乜期望，感覺多數都係放題之類，質素都好參差。但朋友帶到我上去，第一印像係相當不錯，因為無論環境、裝修同氣氛都好有日本味道餐廳唔算好大，但樓底高，地方闊落，坐得好舒服。黎到當然要試一試佢個生蠔set，一打生蠔加一枝白酒只係$248！而且質素相當唔錯，雖然唔算好肥美，但絕對係鮮甜同有海水味 配埋枝白酒真係一流，抵食！叉燒拉麵 $68叉燒有兩大塊 湯底睇落唔油膩的味道非常濃 大驚喜牛肉烏冬 $78唔好睇佢個樣普普通通！我覺得呢碗正過叉燒拉麵首先湯底係甜甜的類似麵豉湯 牛肉係半生熟入口嫩滑 唔似平時食到咁硬身而且個烏冬係比起讚歧烏冬好味多10倍 好滑！另外叫咗三種魚刺身, 有三文, 油甘, 劍魚, 三種魚都大愛, 勁新鮮勁爽口~ 讚值得推介~

今日做完GYM 夜夜地, 又好想食日本野, 朋友之前去過一間係旺角開到11點既日本料理(長阪燒), 佢話幾扺食所以去試下~ 去到裝修簡潔舒服, 幾好坐~ 睇下餐牌, 價錢好扺食下~ 佢地主推佢地既生蠔SET, 半打$138 有一杯白酒, 勁扺食~ 另外刺身平均68-128蚊一款, 平啦~ 仲叫咗兩個鳥冬暖下肚, 再叫多咗個海膽天婦羅試下~ 今日豪少少 HAPPY下~ 首先三文魚, 劍魚腩, 油甘魚----- 劍魚腩油份多到不得了好肥美, 勁香口, 油甘魚好濃魚味~ 廚房仲好有心咁擺得好靚仔, 打卡一流丫~ 再講下佢個半打生蠔, 係黎自韓國既生蠔, 初初都覺得買咁本, 當濕下口有生蠔食下咁多~ 入口先覺得不得了~ 我問侍服係咪俾錯咗法國蠔我~ 好濃海水味, 好鮮甜~ 又爽口~ 真係估唔到韓國蠔可以咁好的~ 個SET仲配埋一杯偏甜少少既白酒, 偏甜再親返個海水咸味~ 真係好正~ 再講下一個叫"雲丹天婦羅" 即係用紫菜包住D海膽快炸, 入面D海膽係半生熟, 原來熟咗既海膽味道有D似蟹膏, 再加埋本身海膽刺身既鮮甜味~ 味道層次好豐富~ 一定要試下~ 好好味~~ 哩一餐

朋友喜歡吃日本料理 這天她提議試試這間日本餐廳 甫進門就看到一個海鮮bar枱 放著各種日本直送海鮮食材由於選擇太多 花多眼亂 我把點菜的重任交給朋友這是海葡萄沙律 香港好像很少日本餐廳有賣 用料新鮮 跟日本吃到的差不多由於朋友跟我都沒吃過雞泡魚干 就點了一份試試 味道和口感都不錯 有點像肉干 但多了海鮮的咸香味松葉蟹膏多士只是賣相已經夠吸引 整個蟹蓋都是滿滿的金黃色蟹膏 味道很鮮 配上香脆的多士很惹味北海道活帶子刺身很肥美 其鮮味和口感能吃得出不是冰鮮貨 三文魚腩壽司和火炙三文魚腩壽司亦很肥美 油脂分佈均勻熟食方面點了明太子雞翼 露荀煙肉卷 燒三文魚飯圈和汁燒槍烏賊 個人很喜歡飯圈和烏賊 飯圈外層香脆 內裡軟熟 烏賊燒得剛剛好 不會韌 配上甜甜的燒汁很好吃

今日朋友帶左我去一間旺角樓上鋪嘅一間高質素日本餐一坐低見到佢嘅獎項我就知呢間食店質素一定有返咁上下我哋叫咗幾樣牛肉嘅串燒，燒得啱啱好唔會太熟，每一啖咬落去都有肉汁，牛味濃郁我哋都叫咗一啲壽司，全部都非常新鮮，魚生食入口嘅溫度「唔會太凍」，去過日本嘅朋友都知道當地嘅壽司嘅魚生，溫度係冇香港咁凍嘅，因為佢哋係非常新鮮，由碼頭即買即日送到食店，所以就唔需要「過分冷藏」，我食得出佢依度嘅魚生真係日本直送元貝非常鮮味，加上師傅落咗少少牛油去燒，令到元貝個味道更豐富更香，非常鮮甜，必食蟹膏鮮味濃郁，搽上香脆嘅多士上面一齊食，非常野味，用嚟送酒冇得頂依間鋪頭嘅嘢食真係非常新鮮，雖然價錢唔平，但係唔使去日本都食到日本嘅嗰種「鮮」一個字「值」

琴日同個fd去左朗豪坊睇captain marvel ，睇完周圍行下睇下有咩好食，行過見到有間長阪既二奶架，上去睇下咩料先～上到去環境唔錯，我第一樣留意就係發覺有波睇（arsenal fans)😂座位算闊落（利申：我最憎就係坐得迫迫夾夾）我哋上去嗰陣時五點幾，可能嗰個鐘數唔多人，d員工好nice,主動同我地吹水介紹食啲乜野好～但我麻麻地人介紹推介既野，因為為中伏機會極高自己睇下menu 點左以下幾樣一板雲丹海膽-平時係香港除左北海道海膽，我唔鍾意食壽司店啲海膽因為有浸怪味，但呢隻雲丹海膽，一板價錢二百幾，又真係唔錯，無個陣怪味,似番日本食既海膽燒扇貝，燒牛脊肉-個扇貝燒得恰到好處，有浸酒香+牛油香又夠大隻同新鮮🥺燒牛脊肉就冇乜好講都係咁上下無乜特別嘅味道，反而我覺得唔夠熱，應該燶燶地先好食。松葉蟹膏多士-呢個幾特別正常食就咁食個蟹蓋應該好漏，但係加埋個多士反而唔漏，幾夾，嗒落個味有蟹肉+鹹蛋醬🤗一推壽司😂其實無乜好講壽司夠新鮮就好食㗎🥺同埋舊飯唔好好似”爭x”咁鬼死咁大粒咁就Perfect,呢間野係做到既～中間亦有小小芥辣🥰食飽埋單臨走問一問啲侍應點解門口有堆玻璃樽裝住d酒，原來有佢哋

今日同女朋友提早一日慶祝三八女神節，女朋友話想食啲特別啲高檔少少嘅日本餐，揀咗好耐都揀唔入手，因為我又想食串燒，又想食壽司，又想食刺身，又要坐得舒服，搵左勁耐都只係搵到「長阪燒Nagasakayaki高級日本餐廳」合我要求，所以就即刻打電話問有冇位，職員同我講好好彩因為平時都爆滿，甘啱有對情侶放飛機所以先有得補上！YEAH一入到去真係嚇一跳！唔講以為自己身處梗係日本！入去果一刻全間食店嘅職員都一齊講日文歡迎你😱😱裝修超掂！見到女朋友反應好似畫左個心心係額頭上面即刻覺得冇揀錯😜👍🏻我哋坐咗最近師傅嘅位置，超級乾淨，有別於其他日本餐廳👍🏻前面仲要有當日喺日本直送到香港既新鮮魚類，剛好做緊特價👍🏻一開始叫咗黑豚串燒，味道一流👍🏻跟住再叫咗個大蔥雞肉串👍🏻超級JUICY同嫩仲好食過喺日本食過既串燒再叫咗客三文魚刺身，超級肥美💯再嚟牛小排配芥末醬，非常之夾👍🏻飛驒牛壽司！正食得串燒又點少得牛舌？勁肥美😋😋再嚟過墨魚腸，我同你講呢個簡直世界級！超重墨魚味，勁正！最後再叫多客三文魚壽司做總結，掂😋😋💯💯下次一定會再黎！！🤙🏻🤙🏻🤙🏻

友人介紹呢間日本餐廳話CP值高所以夜晚就去試試去一入到去見到個環境已經覺得好impressed真係彷如去左日本高級餐廳我地被安排坐左係bar枱，前方已經見到日本直送的新鮮食材，真係見到都流哂口水呀🤩三文魚剌生，厚切👍🏼新鮮👍🏼最重要係夠凍。$68 5切CP值真係高，配上真鮮生葵，真係好好食好有驚喜！雞肉十分嫩滑，大葱燒得岩岩好，不會過老，配上甜甜的燒汁。好食到我同又人都再order多2串！肉味濃厚，肉質柔軟而有咬口，唔洗再任何source已經好juicy!!未食過肉質咁軟滑嘅牛舌，同樣肉味濃郁超重墨魚汁味，加上彈牙墨魚，同友人一致覺得好有驚喜！餐廳無論視覺上定味蕾上都令人好滿足🥰呢到的一杯一碟都好精緻，食物價錢比起普通串燒店貴，但一試就知物超所值！CP值超高！

跟朋友去食日本餐廳都食得多，但今次去了旺角這間長阪燒，食過後，覺得環境都舒服，食物都ok。覺得特別的是，一入到去，坐下來，就見到好多款海鮮在我眼前，例如特大虎蝦，藍鰭吞拿下巴，南非鮑魚，愛女魚，烏賊，扇貝等等........ 可以一邊食，一邊看到可以比自己點選的刺身素材，都幾得意。其中有四款，我食過後，覺得幾好味，好味的程度是再食多一客都可以，哈哈。這就是沖繩海葡萄蕃茄沙律，$68。日本雞泡魚干，$68。松葉蟹膏多士，$118。汁燒日本槍烏賊 ，$78。沖繩海葡萄蕃茄沙律，無論是海葡萄或者番茄或者沙律菜，都好新鮮，海葡萄咬下去卜卜聲，爽中帶甜。番茄和沙律亦都好鮮甜。再加上有沙律汁，十分之開胃。日本雞泡魚干，其實我是第一次吃，可以用食過返尋味來形容。雞泡魚干咬口有點兒像豬肉乾牛肉乾，但肉質就沒有豬肉乾牛肉乾那麼硬。切成一條條的雞泡魚干在沾上沙律醬，都是一味開胃的餸，用這道餸菜來伴酒吃，我個人認為一定好適合。松葉蟹膏多士，蟹蓋上的蟹膏十分之多，可以用滿溢來形容，我將多士上面放一些蟹膏，一口咬下去，多士和蟹膏的配搭十分之匹配。因為蟹膏有好多，多士吃完還有蟹膏淨下來。剛好，我有叫燒三文魚飯團，

同朋友在位於旺角的一間日本餐廳食了餐非常好味亦都非常正宗的日本菜, 入到間餐廳仿佛似真的身處日本一樣, 無論餐廳的裝飾, 店內員工的服務及食物出品, 水準都是一流. 首先上來的是火灸藍鰭吞拿魚腩中拖, 用火灸略燒過的拖羅包住舊飯團, 點上少少豉油送入口, 哇! 拖羅鮮嫩綿滑, 入口即溶, 嚼一嚼, 這拖羅便在口腔中溶化與飯團混埋一齊, 口腔裡充滿拖羅的鮮香, 超好食! 跟住松葉蟹膏多士來到我們枱上, 一個蟹蓋裡裝得滿滿的松葉蟹膏, 再配上六塊已烤得金黃的多士, 睇上去已經覺得非常吸引, 我將一塊多士鋪上滿滿的松葉蟹膏送入口, 首先是脆卜卜的多士的鬆脆, 之後是蟹膏的鮮香, 咸咸地越咀嚼越香, 這松葉蟹膏與多士真的是絕配, 我從未食過咁好味的多士, 好食到不能停口, 食完個口仲有蟹膏的鮮香, 真的是好味道! 仲有好味的在後面, 磯煮鮑魚, 串燒和牛, 日本雞心及免治雞肉棒都相當唔錯! 每樣食材都處理得恰到好處,鮑魚食到它本身的鮮甜, 和牛燒得嫩滑, 雞心爽口得來有雞味, 免治雞肉棒嫩滑得來有咬口, 樣樣都好食, 我們食得津津有味! 正! 我最愛的這鹽燒三文魚鮫都算是其中之一

今日同男朋友去食飯，佢早早搵左地方，約左旺角等。佢話帶我食日本菜八點準時到餐廳，環境好有日本風味啊，地方又好大。男朋友負責落單，佢一早睇定餐牌想食好多野。火灸中拖羅壽司，油脂好重好香，魚油濃郁，一口一件超滿足，最鐘意火灸壽司有陣炭香味。我地叫左幾款串燒，有鰻魚、雞心、明太子雞翼，超愛鰻魚，厚切魚肉爽嫩，醬汁濃香滋味。明太子雞翼入口是滿滿明太子，咸香特別！蟹膏配多士賣相好靚呀！男朋友超愛蟹膏！我叫左磯煮鮑魚，入口爽嫩鮑魚口感新鮮，唔會鞋口仲好入味。最愛加點燒魚鮫，同樣地油脂極濃郁！

行完朗豪坊，有點餓，想吃壽司，就上網找找附近的日本餐廳，這一間網上評價不錯，就去試一試。原來平時亦有行經這裡，但就不知道這樓上有一間裝潢甚有日本風格的餐廳。看一看餐廳名字，還以為這店主要是吃燒物，誰知lunch set 款式頗多，超過三十款任選，不設加一想吃壽司，我選了㕑師發辦壽司八貫，配湯烏冬 $148 每份都配有 小食，沙律和麵豉湯沙律菜很新鮮，爽脆，配上酸酸的沙律汁，很醒胃。小食亦有驚喜，有青瓜和牛肉粒。牛肉軟腍不嚡口。壽司很足料，上面的刺身大大件。👍🏼 啖啖鮮味。魚生肥美，海膽甘甜，甜蝦我至愛，好味😊壽司日本珍珠米酸度適中，黏度亦夠。再來一碗熱騰騰的烏冬，烏冬煙韌，吸收了湯的味道，大滿足。值得一讚的是，侍應服務好，態度親切，下次會再來試一試丼飯

喺旺角食放題 價錢貴品質又冇乜保證想搵啲舒舒服服嘅日本餐廳唔容易點知喺朗豪附近見到呢間餐廳！方便呀！餐廳裝修都好有日本漁市場感覺好有特色卡位都幾有私隱 唔怕傾密計另外坐Bar枱晚市又會有師傅即整即遞野食😛幾有Feel小弟唔太飲得 叫左杯甜嘅水果酒飲落好舒服 原來係自家釀製仲有好幾款 不過未到日子冇得試😢😢點知原來都少少烈 有微醉 哈哈因為一大班人去食都叫左唔少野食 個人覺最正係鰻魚飯！超！大！條！就咁睇好似放大版鰻魚壽司蒲汁唔會過甜啱啱好不過一個人食就可能會有啲淛😂好食嘅一夜干又係唔易搵原條一夜干燒到全條又香又脆唔會乾到冇水 表面又冇油淋淋Share黎食 再飲下酒 勁夾！另外仲要介紹邪惡無比嘅燒鵝肝香菇香菇十分Juicy鵝肝亦都恰如其分滲岀香味四射嘅汁水成個口都比香味充滿不過要留意下膽固醇啦。哈哈🤣另外 樓面招呼都好有禮貌有唔少推介同介紹食物 係愉快嘅體驗！

一開始以為這裡只食燒物，但來到看餐牌卻發現這裡一應俱全🤩有燒物炸物、刺身壽司、拉麵等日式美食，還有即開生蠔和特式甜品，而且餐廳寬敞，坐得十分舒適，裝潢亦很特別，有些像日本居酒屋的氣氛，可以與朋友消磨一夜， 品味談心。我們看到師傅位置有一個小雪櫃，裡面有幾條魚，原來餐廳每天都會有限量新鮮海鮮直送，看到如此新鮮，我與朋友點了一條比較少見的彷佛魚一試。彷佛魚刺身味道鮮甜，個人比較喜歡不點任何醬汁，更能吃出刺身鮮味，但餐廳亦有準備魚醋和wasabi，非常貼心。魚骨還可以用來煲湯，一魚二食，絕不浪費！另外我們點了不少燒物，有味道濃郁厚切牛舌、肉汁豐富的和牛、大大粒燒帆立貝和串燒大蝦！串燒最怕燒得太乾太硬，但這裡完全不會！而且醬汁亦不會過分濃烈掩蓋食材本身的味道。餐廳職員有禮而且用心為我們介紹，值得一讚👍🏻另外看到餐廳的lunch set都很吸引，而且星期六日都有提供，適合我這些不在附近上班的打工仔！下次再來我還想試試餐廳的原個雪芭及其他新鮮海鮮！