長阪燒

營業中

休息中

旺角鬧市中原來都有間高尚的日本料理，這間店位置在朗豪坊附近的起了一年左右新商廈裡，位置都方便，以前好少行來這邊，原來這邊真係非常多不同食店，有朋友推介這間環境食物都好高質，於是去試下。係門口見好多自釀梅酒，最不好就是我原本食了藥不可飲酒，下次一定要試下。【燒日本雞胸軟骨】雞胸軟骨串口感好好，比平時吃雞軟骨更爽脆。本人比較喜歡雞胸軟骨。【燒日本雞肉大蔥串】我真係非常欣賞，一來份量唔細，二來雞肉燒出來都非常多肉汁，三來表面的醬汁非常香。【燒油甘魚頭】油甘魚頭非常份量十足，仲好多肉，魚頭燒得剛剛好，油脂超香，魚肉嫩滑。推介!【海膽壽司、赤蝦壽司】海膽最吸引，這件壽司滿滿的海膽濃厚鮮甜。赤蝦壽司非常新鮮，肉質結實，而且好鮮甜同爽口。【蜜桃雪葩】蜜桃雪葩入口清甜，好似食緊蜜桃一樣，仲要唔係好多地方都得食，這個極力推介!!

在旺角工作的我，嚐過長阪燒的午餐後已經回不來頭，一直很好奇晚餐到底會怎麼樣，這天終於忍不住要大開眼界。居酒屋的格調，豪華的裝潢，工作的煩惱都全部忘掉。每天直送不同鮮魚，海鮮，數量都有限，我們叫了一夜干後桶子都變空空的，構想蠻特別。先來個燒雞泡魚干，有驚喜，燒得香香甜甜，沾些沙津醬十分野味，吃過不停。再來蠻多人推的松葉蟹膏多士，多士鬆脆可口，蟹膏份量超多，每條多士都將裝得滿滿的，不用省著省吃甜美的蟹膏。這裡的手握壽司也十分新鮮。之後就是今晚主角，自家制一夜干。很大很大條，長量是兩隻手掌，香味撲鼻。有別於一般日本直送一夜干，細問之下每天只制作兩三條，用上一整晚醃製，放天台風干，別出心裁，值得一嚐，配上清酒簡直一流。牛舌串燒也十分高分，由生燒到熟的串燒能夠知道廚師對火喉拿挰度的準確度，能嚐到長阪燒無論在環境，食物方面都十分用心，十分認真。

剛剛同男朋友睇完戲，行過樓下見到個牌，d相好吸引，又想食小小野，但太夜又唔可以食太heavy，見到佢有個生蠔套餐，價錢唔貴，就上去試下上到去餐廳就裝修好靚，係一間日本既餐廳，我地上去既時候係大約夜晚11點左右，間餐廳無咩人，所以唔洗等就坐底左，咁就點個生蠔套餐，佢係有12隻蠔加一支白酒，300蠔百蚊有找，淨係食個環境都ok呀。d生蠔都ok新鮮既，支白酒就普通，但個價錢唔貴，唔會要求太高既總之係抵食～

好友生日想食日本菜，早2日記得路過砵蘭街見到一間新開日式料理餐廳，上網搜尋見到環境不錯，一於打電話留枱跟好友試試。位置非常近朗豪坊，地點方便，一上到去餐廳裝潢設計非常吸睛，超大長型海鮮bar 枱，將每日最新鮮的海鮮供食客挑選，落地玻璃窗，闊身坐椅，裝修格調非常精緻高雅，感覺舒適。這𥚃有很多不同款式啲清酒任均選擇，而且價錢不算太貴。可惜朋友當天食了西藥，所以無緣品嚐，下次一定要試試。牛肋肉牛味濃厚鮮味，入口軟嫩可口。日本雞翼燒到外皮香脆金黃，雞肉鮮嫩多汁，而且雞肉多了一份彈牙口感，堅正！活赤貝刺身新鮮活赤貝口感特別爽口，入口鮮嫩甜味，非常美味。南非活鮑魚師傅燒得剛剛好，鮑魚爽嫩彈牙，鮮味十足，加上少少柚子胡椒提味，味道更加甜美。汁燒日本槍烏賊師傅用上自家製醬汁燒烤，烏賊入口鮮甜爽彈，醬汁甜甜地與烏賊味道非常之夾。蜜桃雪葩原個蜜桃中間係桃味雪葩，雪葩桃味突出，入口香滑清甜，超超超大愛。

今晚心血來潮想吃日本菜， 在旺角搜尋美食，亂打亂撞下到了這間食店。 一進食店已被它的裝潢吸引，甚具日本風味。甫坐下，竟有意外驚喜因店員介紹現在正進行 生蠔白酒套餐，叫一打生蠔便送一支白酒。 本來沒有冇太大寄望，但生蠔和白酒都有出人意外的驚喜: 生蠔非常甘甜，白酒的質素也不錯 ，白酒配生蠔可為絕頂配搭，最重要的是質量這麼高，一打生蠔只是200多元，實在超值。我們還叫了很多佐酒小食，最喜歡的是那條燒得皮脆肉嫩的魚，名叫 一夜干 。從來未吃過如此高質素的燒魚， 魚皮非常脆口，但肉質鮮嫩有汁，高水準之作。 另外我們還叫了劍魚腩壽司，油甘魚壽司， 刺身同樣非常新鮮 ，值得一試。 不得不提的是南非活鮑魚也非常美味哩! 總的來說 非常滿意今晚的幾道菜，值得推介。

呢間餐廳見到網上好多好評,環境又靚,一直好想試!揀左平日晚上黎,唔算多人,好適合同朋友傾計又唔怕太嘈呢塊牆好有特色呢個係我地坐既bar 枱位叫左杯時令水果配白酒 又幾清新...Nice!前菜叫左刺身 (三文魚腩, 北海道活帶子)好鮮甜 好味道三文魚腩十分肥味之後當然唔少得燒牛舌,聽講係呢到最熱賣既小食真係好正 ,暫時食過最好味的燒牛舌!黎到主菜 叩左叉燒拉麵🍜份量大,夠入味,湯頭濃郁另一樣主菜叫左蟹蓋配飯呢個配搭,無得輸!!!每日仲有新鮮既魚生 同生蠔可惜眼闊肚窄 唯有下次再試過門口仲有餐廳自製既梅酒

又来到和男朋友第一次见面吃的这家日式料理餐厅，中午来吃性价比很高。之前吃了一次鳗鱼饭，一尺长鳗鱼吃到撑，我把半条鳗鱼都给他吃了，这次试了鳗鱼芝士饭——每一口都超满足烧鸡肉乌冬——乌冬面清爽弹牙软硬适中，里面的玉米是新鲜玉米，不是罐头玉米！性价比很高 176港币两个人 在旺角环境又好 来吃就对了！

放工約咗舊同事食飯，佢帶咗我來旺角呢間餐廳。一入餐廳就見到一排排日本名酒掛咗喺牆上面做裝飾，非常吸睛。內部裝修同樣一絲不苟，和風味濃。半開放式既廚房仲會見到廚師為我哋準備生蠔同壽司等食材，好期待呢睇餐牌見到個季節限定嘅生蠔套餐幾抵食，$138有六隻生蠔同一杯白酒，一於叫來試吓先我哋揀咗日本生蠔，即叫即開，夠晒新鮮👍🏻配埋白酒飲真係perfect match! 🥂呢個松葉蟹膏多士真係不得了，蟹膏填滿晒成個蟹蓋，配埋鬆脆可口嘅多士味道真係一流。牛胸腹食落好juicy, 牛味好重，燒得剛剛好。海膽壽司及火炙三文魚壽司🍣海膽非常新鮮，入口即溶。火炙三文魚好大份，燒過既三文魚更能帶出魚油既甘香。大蝦天婦羅🍤呢個天婦羅最特別之處係有用麵條做嘅天婦羅，食落好脆口。臨走仲見到自家製嘅梅酒，下次再來試吓先

喺旺角想食日本野，但又唔想食放題咁嘈，諗嚟諗去都唔知邊度好，行吓行吓，喺朗豪坊同一條街，竟然發現左呢間日本野，環境仲好好，好靜，仲坐得好舒服添坐咗喺吧枱，前邊就係開放式廚房，一路食，一路見到廚師煮野，絕對係一大享受精選生蠔六隻配白酒$138有得揀韓生蠔同埋日本生蠔，我哋揀咗來自北九州嘅，入口肉質比較爽脆，味道較為鮮甜，好新鮮松葉蟹膏多士$118賣相非常討好，以一個松葉蟹蓋盛滿着蟹膏，蟹膏甘香可口，濃郁嘅味道配上香脆多士，更能突顯蟹膏的鮮味。大蝦天婦羅$98呢度嘅食物，除咗好味，賣相都特別討好，例如呢個天婦羅，像食物更似一幅畫薄薄的炸漿，配上熱辣辣的大蝦，更能突出蝦肉的豐盛串燒牛舌$38，蘆筍煙肉卷$38燒完嘅牛舌，仍然肉嫩多汁，入口牛味濃郁鹹鹹香香嘅煙肉，包住清新嘅蘆筍，絕對係最佳嘅配搭蟹子沙律$48食到咁上下，叫返個蟹子沙律中和一下，絕對係好嘅選擇。蟹子豐富，咬落口一粒一粒爆開，好鮮味海膽壽司$78 ，火炙三文魚壽司$30新鮮嘅海膽，絕對只會有甜味，一啲腥味都冇，份量一啲都唔吝嗇，以$78有兩大件來講，超值火炙過嘅三文魚，最好食嘅係有焦香的味道，無論味覺及嗅覺，都有十足嘅刺激環境好有

朋友之前嚟呢間食過兩次，佢極力推薦我嚟試下，所以今日就一於嚟「朝聖」🤣舖頭裝修得非常日本風，我同朋友被安排坐係bar台位置，望住新鮮從日本運嚟嘅新鮮水產同型仔師傅食飯😎鍾意飲兩杯嘅朋友見到是日推介水果白酒，即刻叫了一杯。我飲了幾啖，酸酸甜甜嘅水果同白酒好夾，飲落好舒服，唔會嗆，平時唔飲酒嘅我都鍾意。朋友極力推薦牛舌，我見到價錢要$38一串，開頭覺得有D貴，但食完真係覺得物超所值。平時我好少食內臟，但估唔到牛舌可以咁好味，好有咬口好juicy，非常推介！嚟日本餐廳當然要試下刺身啦，我同朋友叫咗三文魚腩和北海道帶子，三文魚腩入口即溶，好新鮮。帶子好大粒，味道👌🏻。仲叫咗明太子雞翼，外皮燒得香脆，雞肉嫩滑，明太子有少少辣，好惹味😋中途嚟一個蟹子沙律清新一下，哈哈！青瓜絲同蟹子嘅比例啱啱好，唔需要再加隔離嘅沙律醬已經好好味。最後嚟一個叉燒拉麵作結，味道可以，但唔知點解湯底有D苦味🤔唔通係因為蒜頭？

跟朋友相約午餐，其實來了長阪燒已好幾次，值得再幫襯，好的野有心做好品質的應該要向人推介。每次去都是食花魚定食，花魚並非間間日本餐廳都有。這家店的花魚大大條，而且煎得香，又滑。味道是稍為濃一點，但送白飯一流。定食包括一碗麵使湯，沙律，及前菜。這樣的午餐不用$80。 抵食

昨晚相約好友在復活節假期前先來返個Happy hour, 傾傾吓就被長阪燒推出嘅生蠔白酒套餐吸引住。今次真係好正，一打生蠔只需二百幾蚊，仲送埋一支澳洲白酒，質素相當唔錯。首先生蠔半打來自日本北九州，半打來自韓國，日本嗰隻真係超鮮甜，仲有回甘，好襯支澳洲白酒。跟住再食比較濃味重金屬味小小嘅韓國金蠔都係咁正。個人來講，喜歡日本北九州蠔多少少，喜歡佢清甜爽口。再叫小吃送下酒，今次試了平日睇飲食節目介紹的燒魚一夜干，佢用新鮮馬友風乾一夜後燒成，條魚一上枱已贏唒，燒得非常靚，皮脆肉嫩，魚皮卜卜脆，魚肉鮮甜可口！今餐真係冇得彈，師傅燒魚手勢好、食材用料非常新鮮，餐廳環境舒適優雅！

行開小米後面街有間長阪燒，見食評不錯就試試。安排坐bar枱。地方大，有波睇。不錯見6.8一隻生蠔就問問。原來是下星期推廣。都係試左今餐先😜😜😜先叫了松葉蟹膏多士。蟹膏及蟹肉多。多士鬆脆。配合得好好。唔油脷。壽司叫了4款。海膽最吸引。大大份海膽味鮮甜。魚子大大粒。漁油豐富。牡丹蝦新鮮。油甘魚肥美。入口即溶，飯粒粒分明。好味安格斯肉眼扒。大大份。肉汁多。5成熟唔油脷。叫了支白酒。易入口。果香味濃，2個女仔傾下講下，又一晚。👍🏻👍🏻👍🏻👍🏻👍🏻👍🏻

今天同同事去左長阪燒食lunch, 就係朗豪坊附近, 地點都易搵.打開menu, 以lunch set來講, 佢的選擇都幾多, 有成三十幾款. 壽司, 魚生飯, 拉麵, 燒魚/肉定食, 仲有日式咖喱添, 實有一款岩你口味.落完order, 來左沙律, 小菜同埋麵豉湯先, 個小菜幾好味, 至於沙律同麵豉湯就一般啦.我叫的係安格斯牛扒set, 碗飯上面仲有一隻溫泉蛋添. 個牛扒上枱時真係”嘩”左一聲, 好大塊呀. 味道都幾好, 少少筋, 少少肥, 牛扒配個醬汁竟然有孜然味, 又出奇的夾, 真係估佢唔到.以日本餐廳計, 呢個lunch set $128又唔算貴喎, 可以encore.

今日同事LAST DAY, 佢話想來呢度食,地點唔易搵, 係KFC附近的大廈, 出面有招牌,餐廳頗大, 有卡位, LUNCH SET三十幾款, 有壽司, 飯, 烏冬, 乜都有,我唔想食太多飯, 叫左壽司, 前菜係帶子裙邊, 個味辣辣地咸咸地又幾好味,沙律正正常常, 味噌湯夠熱,味道唔淡,烏冬快過壽司, 一睇就知係手打, 好耐無食手打烏冬喇, 滑嘟嘟, 煙煙unun, 湯底係鰹魚味, 正呀~壽司味道比我想像中好~手握飯細細舊, 唔散有醋味, 魚生唔係薄切, 海膽好creamy鮮甜,唔係cheap野,八爪魚唔硬店員服務有禮貌, 又快,有同我講bye bye