鉄人旨花

營業中

休息中

今晚食豪 D 去左銅鑼灣食鐵板燒｡揀選左呢個伊勢海老鉄板燒套餐｡沙拉沙律菜非常新鮮, 而且加左藜麥 & 超爽嫩嘅蘆筍仔, 再撈埋特製沙律醋一齊食, 夠晒開胃｡汁煮白鱈魚洋蔥炒至焦黃, 再加入上湯慢慢煮成醬汁｡ 同一時間, 先煎香白鱈魚, 而魚皮就片左出黎煎至脆身, 最後將魚肉放入洋蔥汁略煮一下｡洋蔥汁非常香濃, 而且帶出洋蔥獨有嘅甜味｡白鱈魚外層焦脆, 但肉質仍非常嫩滑, 魚皮插左喺魚肉上, 口感脆卜卜｡海膽汁煮龍蝦龍蝦微煎後, 師傅三兩下手勢就起晒 D 龍蝦肉出黎｡用海膽同龍蝦膏煮成嘅醬汁, 味道夠晒濃郁｡ 龍蝦肉口感結實又彈牙, 同海膽龍蝦醬汁非常配搭｡奶油煮法國白蘆筍白蘆筍加入奶油慢煮, 口感非常爽脆, 味道鮮甜｡熊本縣產 A5 和王牛和牛嘅生熟度剛剛好, 符合 5 成熟嘅要求｡ 師傅建議加 D 岩鹽、黑椒、Wasabi & 炸蒜片一齊食, 和牛肉質非常軟腍, 肉味香濃多汁｡和牛炒飯用左和牛碎、蛋、洋蔥粒、蘿蔔粒一齊炒, 炒到好乾身, 粒粒分明, 蛋味較重, 同時又有和牛嘅油香味｡清酒雞湯雞湯加入清酒慢煮, 再放入帶子輕輕煮熟, 味道清甜｡紅豆雪糕有紅豆粒, 加埋脆粒一齊食, 大

今日我男朋友生日，佢既大日子，一定要好好同佢慶祝慶祝啦。最近佢番工好辛苦，轉左工又升左職，越黎越忙，所以我每次都好珍惜大家見面既時間。今次佢生日，我就決定豪小小，請佢食高級日本鐵板燒。鉄人旨花，依個名我已經聽過好耐啦，餐廳的待客形式同係日本食神戶牛一模一樣。每一台會有位廚師係你面前煎和牛，真係視覺同味覺享受呢。鱈場蟹鉄板燒  $2288依個二人前既套餐，有齊沙律， 汁煮白鱈魚， 清酒焗鱈場蟹，A5和牛，特別菜品，清酒雞湯，甜品，都幾多嘢食嫁。先食前菜沙律，無論係沙律菜，定係碗，都冰得夠凍，果然係高質餐廳，做所有嘢都好細心。汁煮白鱈魚。依個白鱈魚真係好好食！我好喜歡吃魚，白鱈鱈較平時的白魚，肉質更加結實同鮮甜，其實單食已經好鮮，配埋甜甜既醬汁就更好味。清酒焗鱈場蟹。除左去日本旅行，我都係第一次食係香港食咁大隻鱈場蟹炸，真係好誇張呢。用清酒去焗既蟹腳，蟹肉保持鮮美，依個煮法好好，完全keep到蟹鮮，啖啖肉，正。清酒雞湯，依個雞湯同樣出色。完全唔油，清晰見底，仲有幾片肥嫩既帶子，正呀。

女友說我請她吃太多餐飯，今次紀念日由她發辦。海膽汁煮龍蝦，蝦肉嫩海膽汁亦很濃，配合蝦肉的鮮味帶出。吃日式鐵板燒其中一個有趣的地方是可以近距離看着師傅烹調美食，實在是一場精彩的表演。集合視覺、聽覺、味覺與及嗅覺於一身。汁煮白鱈魚，魚皮除了用來裝飾外，事實上口感亦很好，沒有炸魚皮般乾身但咬下去很脆。忌廉汁煮白露筍，露筍鮮甜。熊本縣產A5和王牛，入口即溶而且牛味很濃。至於清酒雞湯是意外驚喜，清甜而且雞湯味很濃。裡面更有很大隻的帶子。一碗和牛炒飯不油膩，香口份量剛剛好。最合適 L 這種無飯不歡的人。最後選柚子雪糕作甜品，清甜透心涼。洗手間更細心到提供漱口水，吃飯後都不用擔心有口氣

The right place to go if you fancy Teppan. Under Mr Power’s (西利哥) management, me and my Mrs had a wonderful time as well being serve by a great Chef - Hayden西利哥型喎，西利哥好野！We selected the lobster/fish set which had a fair portion for 2 of us. Will return definitely!

位於銅鑼灣的鉄人旨花，是一間高級日本料理店。餐廳主打廚師發辦Omakase和鐵板燒，適逢生日將至，是日便來品嚐高質美味，慶祝我的生日吧。餐廳地方很大，分為兩個部份，一部份是吃壽司刺身為主的Omakase區域，一部份是吃鐵板燒的區域。而且更設有包廂，一大班人吃飯就更方便啦。不論客人是想吃熟食，還是冷菜，勻能滿足到你的胃囗哦。鱈場蟹鉄板燒 二人前 $2288/2人率先登場的是 汁煮白鱈魚。向來很喜歡日本的汁煮烹調方式，濃郁濃稠的醬汁，味道帶甜，白鱈魚肉質白亮結實，魚鮮美味，較一般白身魚的魚味更濃。最後更插上用魚皮煎成的脆片，賣相甚有藝術感呢。是晩的主角，是 清酒焗鱈場蟹。嘩~好大隻的鱈埸蟹腳，想必是一隻巨蟹呢。色澤鮮橙的蟹腳，令眾人更有食慾，廚師預先把殼弄碎，一拉一址，肥美厚肉的蟹腳肉，完完整整呈現眼前，超級吸引呀。蟹肉非常鮮甜，也可沾上伴旁的芥末醬，味道更上一層樓。除蟹腳外，A5和牛也是我期待的菜式之一。日本A5和牛，被譽為最高級最頂級的牛肉。廚師分成四件，每件沾上不同配醬，例如: 黑椒，芥末，海鹽和蒜片。A5級和牛真的很肥美，油脂豐盈，肉質軟腍鬆化，囗感滑嫩，但略為不夠牛味。最後的甜品

老板心情大好今晚請了我們幾個食好嘢。嚟間日本料理店主打鉄板燒和壽司，劃分了兩區。地點位置好方便，不過商厦入口不起眼，好容易走過。老板是這裡常客，當然知道。今晚坐在壽司吧枱，食物由廚師發辨。前菜三小碟：熊本縣和牛包裹著海膽，雖然細細件，和牛嘅油脂再加上海膽的濃郁，味道高雅。松葉蟹拆肉混入蛋黃酱，鮮味盡出。時令小海鰻，晶瑩剔透，滑溜溜。刺身四款：左口魚經常食，右口魚都是第一次，是否跟左鵝脾和右鵝脾都是有分別呢⋯⋯嘻嘻！對我而言，鮮甜美味最重要。右口魚味道偏淡，廚師精心地加入了柚子碎，提升香氣。池魚他他，醬汁的調味恰到好處，不會鹹膩。來自室津蠔，伴醋啫喱一起吃，嘩啦！那蠔的甘味，爽脆口感，盡在不言中。金目鲷輕輕的炙過，多了幾分焦香，惹味。陸續登場的是豪華版刺身龍蝦🦞，活生生的，眼仔碌碌，可見新鮮程度。建議在岩盬上磨擦幾下，少少的鹹味會帶出刺身的鮮味。紫菜包吞拿魚腩，燒過的吞拿魚腩油份迫出，甘香鬆化，入口即溶。燒物是銀雪魚，火喉還差一點工夫，肉質過老。八貫壽司是時候了：深海池魚打頭陣。肉質肥厚，滋味！鳥貝爽脆，鮮甜。鯖鯛用了煮過的昆布，再加上玫瑰花辩，好精美，有點不捨食掉。鯖魚鋪上用醋煮過的昆

伊勢海老鐵板燒 (二人前) $2288餐前沙律蕃茄 + Frisse + 羅馬生菜 + 芥末沙律汁 = 清爽開胃汁煮白鱈魚師傅一開始先處理洋蔥，因為洋蔥要煮至焦糖化需時較耐。之後略煎魚的表面，再用鐵板鑊鏟將魚皮切下，個別將魚皮煎香。完成煎香魚皮後，再將已略煎表面的白鱈魚放回洋蔥湯汁內煮熟。魚肉本身的鮮味，再加上洋蔥被煮出的甜味…… Wow 煎香的魚皮睇得又食得，香脆可口。海膽汁煮龍蝦先將龍蝦煎香、起肉，再配合用龍蝦膏及海膽製成秘製醬汁淆煮。想唔好食都難。 師傅提及他們選用印尼龍蝦，取代常見的波士頓龍蝦，因為印尼龍蝦纖維比起波士頓龍蝦更有彈性。 食用玫瑰花有畫龍點睛效果。奶油煮白蘆筍忌廉汁充分帶出白蘆筍的鮮甜。熊本縣 A5 和牛高級牛肉, Less is more, 完全唔需要複雜的香料或任何醃製，師傅將牛肉表面煎至微焦，封鎖肉汁。Medium 剛剛好。配合一點點岩鹽, Perfect! 伴碟茄子、南瓜、Portobello, 極端新鮮，全部食原汁原味已經好好食。和牛炒飯日本米飯 + 和牛 + 鮮雞蛋 + 蔥花 + 洋蔥 + 海鹽 + 胡椒… 米飯充分吸收和牛油脂，無得輸 !清酒雞湯鮮味

上年試過鉄人旨花的鐵板燒, 留下深刻的印象, 一直念念不忘! 因為食材新鮮, 食物味道及質素都好高 決定再次光顧!伊勢海老鐵板燒套餐(二人前) $2,288沙律沙律菜新鮮爽口, 配以日式醋同芥辣作為醬汁, 清新開胃!汁煮白鱈魚師傳先將魚皮煎香, 然後把魚皮拆下, 師傳花了很多心機反覆煎和擠壓魚皮, 令魚皮變得筆直, 像薯片一樣, 非常香脆!白鱈魚肉質鮮甜嫩滑, 再加上吸收了濃郁的上湯, 白鱈魚的鮮味更突出, 非常美味出色, 令人回味無窮!伴菜洋葱煮至軟身, 甜甜的, 同樣好味!海膽汁煮龍蝦 嘩！主角龍蝦好大隻呀！睇住師傅將龍蝦放上鐵板時, 乍乍聲, 之後就聞到燒龍蝦的香氣，令人期待！龍蝦煎至半熟後, 師傅以純熟的手法將龍蝦起肉, 切件, 加入醬汁再炒勻! 我地可以欣賞整個過程及師傅的功架, 真的賞心悅目!賣相擺盤非常精美! 上面用上龍蝦鬚和溫室玫瑰作裝飾, 下面一抹海膽龍蝦膏醬汁!上菜時, 店員貼心介紹菜式, 溫室玫瑰原來可以食用!龍蝦肉質鮮甜彈牙, 煮得岩岩好, 再加上海膽龍蝦膏醬汁, 味道更加濃郁鮮味, 令人一試難忘! 超讚!  奶油煮法國白蘆筍 (特別料理)白蘆筍清甜爽口, 配上

昨晚，和朋友到了鉄人旨花。得知是日本菜，所以我們十分期待去食啊！日本和牛卷海膽：海膽在牛肉中包任，牛肉是半生熟；口感相對上嫩滑，而海膽入口即溶，味道鮮味帶少少甘香。松葉蟹撈蛋黃醬：蟹肉好鮮味，絕不帶半點腥臭味。安槺魚肝：魚肝味道帶點點咸，口感林口；配合蝦餅底增加多重口感。平靖魚：師傅加了柚子皮在上面，食起上黎有濃郁既柚子味。魚鮮味突出，口感帶點點爽口，整體得配合！金目鯛：鯛魚皮略燒了，令皮既口感更加彈牙，鯛魚肉同樣鮮中帶甜，令人回味！海膽白蝦海蝦：海膽連同蝦肉味道絕配，蝦肉很甜又鮮；而海膽帶甘香，令鮮味昇華！青魚海台魚：這個壽司卷的魚鮮味十足，當中加了少許香葱，令整個壽司卷香味突出！龍蝦刺身：一共有三種食法：鹽、青檸、wasabi。鹽食法可令龍蝦鮮味調一調味，令鮮味突出。青檸令龍蝦酸酸地，更開胃之餘又吾蓋過鮮味。wasabi辣辣地，跟龍蝦肉的味道很夾，個人比較喜歡這食法。龍蝦肉質彈牙，師傅在食客面前造菜，可以知道龍蝦非常新鮮，仲識跳動。拖羅：入口即溶齒夾流香，當中加入了不少蔥，味道很香口！鹽燒南極銀鱈魚：魚肉好嫩滑，滲出不少魚油，鹽味剛好。赤貝壽司：好爽口又不腥味。深海池魚壽司：池魚肉

好朋友升職加薪, 係佢想左好耐既位置, 值得同佢好好慶祝一下, 特別搵左呢間日式鐵板燒.鐵板燒有二人前餐或者散叫, 我地都覺得餐既食材好吸引, 所以要左伊勢海老鐵板燒二人前.先來個沙律清清個口, 蔬菜好fresh, 酸酸地好開胃.之後今晚既主角就出場喇, 有伊勢海老, 和牛同白鱈魚.食法由清到濃, 所以先煮白鱈魚, 廚師好有心機地煎, 仲起左塊魚皮煎香, 魚皮好脆唔腥, 白鱈魚好滑溜, 油份適中, 食完成件都唔會好漏既感覺.食完魚就食海膽汁煮龍蝦, 海膽汁味道唔算好濃, 無蓋到龍蝦既鮮味. 龍蝦肉爽口彈牙, 好新鮮既食材, 廚師控制得非常好, 唔會太生或太熟.之後係特別料理, 按當時時令既食材, 呢日係奶油白露荀, 最初怕奶油好濃味, 但食落又唔係, 味道清清地, 夠creamy唔漏. 白露荀第1次食, 口感較綠色露荀硬D, 但食落好爽口.重頭係熊本A5和牛, 一入口好軟腍, 油脂豐富, 先唔加其他調味料, 好濃既牛味, 之後再食就加少少海鹽同胡椒, 帶出個肉鮮味, 非常有口感.驚唔夠飽仲有和牛炒飯, 炒飯夠乾身, 加埋和牛碎, 蛋碎等配料, 炒埋一碗都幾飽肚.最好就黎個清酒雞湯, 唔

朋友生日，決定食豪一點，見朋友喜歡食鐵板燒，就帶他到近來OpenRice 十分出名的鉄人旨花試一試！餐廳裝修完全不似在銅鑼灣的一般餐廳，極之闊落，就似身在日本的餐廳一樣餐廳提供了兩款套餐選擇，雪場蟹鐵板燒套餐及白象拔蚌鐵板燒套餐店子十分好，我們一行三人可以點1.5個套餐😚先上沙律，火箭菜加上小蕃茄，淋上點點醋，十分開胃，準備好吃大餐第一道紅酒煎鵝肝，鵝肝入口非常軟熟，肥而不膩，極之香口汁煮白雪魚肉質嫩滑，師傅有心思地將外皮煎脆，在插上魚肉面，一次過享受兩款口感象拔蚌極之新鮮，師傅煎得剛剛好，咬落口還保留鮮味，爽口美味重頭戲雪場蟹亦沒有令我們失望，店方細心地將殻剪開，很容易便可進食裏面的肉，蟹肉識落肉質鮮甜美味，鐵板燒能做到這樣的效果實在十分難得！和牛亦屬另一高質之作，師傅煎得外皮香，內裏肉質鮮嫩，入口即化的感覺！和牛炒飯炒得十分香口，看着師傅在面前猶豫變魔術般表演，色香味俱全！最後上的清酒雞湯將香味十足的清湯加上清酒的香味，再加上帶子，大家可以想像是如何清甜！這餐實在吃得十分滿足！

在銅鑼灣頗有名氣的鉄人旨花，主打鐵板燒和廚師發辦。雅致的日式裝潢，予人輕鬆自在的感覺，能讓人放鬆心情好好去享受美食。冇諗過閒日都可以爆場，約8點左右已經坐滿了3張鐵板燒的扇形枱！我哋揀咗伊勢海老鐵板燒套餐，即係燒龍蝦套餐，有魚有龍蝦，仲有埋和牛添。沙律先來的是沙律，Order咗冇耐就送過黎喇。蔬菜新鮮爽口，Dressing微酸帶一點點的芥茉香味，令整體更清新，很開胃的前菜。汁煮白鱈魚師傳先煎香了魚皮那邊，然後小心地把魚皮除下，再經過反覆的煎和多重的擠壓，形成插在魚枊上屹立不倒的魚皮薄脆！整過過程就像雜技般，非常精彩！另一邊廂，師傅以水、醬油和鮮搾檸檬汁煮成了上湯，把炒至微焦的洋葱加入一起烹煮，當水份蒸發到一半時，再把煎香了的白鱈魚加入，稍為收汁後才上菜。魚皮薄片非常香脆，像是魚味的薯片一樣。白鱈魚肉質細緻甜美，用上濃郁的上湯先煎後浸煮，更能提升鮮味。洋葱煮至軟身，索晒上湯同埋魚嘅精華，顯得格外美味。海膽汁煮龍蝦師傅會先過來解說，龍蝦只會煮至七成熟，以保持鮮味和口感，我哋當然冇問題啦！然後師傅先把龍蝦的觸鬚除下，加入少量食油，放上鐵板上煎至定型，放在旁邊備用。原隻龍蝦開邊，放上鐵板時，傳

食飯係每日最開心既時間。 每次食飽飽，身心靈都會有種好滿足同幸福既感覺。今晚朋友請我食生日飯，事前故作神秘冇講邊間餐廳🤫 20:00 放工黎到銅鑼灣，謎底打開了😳食我最愛的鐵板燒😍-餐廳環境裝潢冇得輸；高尚的日式格調及優質的服務，予人一種親切的感覺。再加上高貴食材，今晚生日飯一百分💯感動。鐵板燒有幾款套餐，我們選擇了「白象拔鐵板燒」-1️⃣沙律🥗先上一份新鮮嫩綠的沙律菜作開胃前菜。爽口多汁的車厘茄、青瓜；加了wasabi酸汁，刺激味蕾又開胃-2️⃣紅酒🍷煎鵝肝師傳小火慢慢煎，煎至兩面焦黃；鵝肝又厚又大塊，外香內嫩油脂豐。另外，醬汁也是此道菜的重點。用了紅酒提昇鵝肝的鮮香及黑醋蜜糖醬提昇口味！還有碟上悉心佈置的花瓣，除了裝飾，亦是吃得的👍🏻 味覺與視覺高水準的享受。-3️⃣日本白象拔用了北海道的白象拔蚌，新鮮清甜、口感彈牙！ 以海鹽及淡口醬油調味，味道出色，內裡口感仍像刺身般的軟熟。伴碟還有粒粒咸香魚籽；最欣賞山葵醬汁，將海鮮味提昇了不少。原汁原味吃又得，點上醬汁亦是另一種口味。-4️⃣特別菜品還是第一次品嚐白蘆筍。其口感鮮甜、質感爽口又細滑；配上法國奶油醬，細膩香口。-5️⃣熊本縣產A5 和王牛能品嚐到矜

好朋友下星期要移民去加拿大🇨🇦，一於食餐好同佢farewell 。我地選擇左最愛既日本料理。選擇左銅鑼灣依間人氣高企，地段又方便既鉄人旨花🥰 大家都好期待。 -餐廳環境裝橫帶日本風情，而且寧靜的環境與樓下繁華嘈雜的大街形成對比，令人有種relax 的感覺去享受一頓晚餐。 餐廳分兩個區域，有Omakase廚師發板刺身壽師/ 鐵板燒。我地揀左鐵板燒。 鐵板燒可以散點/套餐；職員奉上餐牌後亦悉心作介紹。我們選擇了推介的白象拔鐵板燒。-套餐很豐富，有沙律、鵝肝、白象拔、菜品、和牛、炒飯及甜品。 落了order 後，餐員隨即為我們奉上一道又一道精緻菜餚。-第一道菜是「沙律」沙律菜夠嫩夠鮮，最特別的是用了醒胃的wasabi芥末酸汁，亦很愛山葵那獨特的香辣刺激鼻竇，酸甜微辛令人開胃。-當我們品嚐沙律的時候，師傳為不同的客人準備好各款食材及伴碟裝飾。第二道菜是「紅酒鵝肝」鵝肝烹煎時油脂溢出亦傳來陣陣誘人香氣很愛鵝肝那細緻綿密、入口鬆化的口感。承托著鵝肝的那塊多士亦令人讚嘆！十分香脆！ 碟上除了有可吃用的花瓣，還有秘製黑醋蜜糖醬，甜甜的令味道多了一份層次。-接著就是套餐的主角了第三道菜是「日本白象拔」由