金豪酒家

營業中

休息中

屋企人好鍾意食大排檔小炒，日前就帶左我去深水埗嘅呢間「金豪酒家」食飯。同一般大排檔唔同，呢度嘅環境企理，店員服務態度都唔錯，但同時又保持到大排檔嘅鑊氣！俾大家睇下餐廳環境：餐廳門口都有介紹佢哋嘅招牌菜：當晚我地食左以下食物：沙薑豬手：個汁調得好惹味，豬手嘅皮好爽，好食！蒸龍躉頭腩：啲魚肉好滑，而且份量都好大份，啱曬鍾意昧骨嘅朋友！西芹炒龍躉：起曬骨啖啖肉，而且條龍躉好新鮮，所以好鮮甜！招牌鹽焗雞：店員介紹係用新鮮雞，唔怪得咁有雞味啦！特別一讚係啲雞肉煮得啱啱好，非常嫩滑。大蝦粉絲煲：賣相一流，而且好香好惹味！蝦都有五六隻，抵食！上湯豆苗：啲豆苗菜好嫩，個上湯唔會太鹹，清清地非常好味！

普通嘅小菜晚飯，不過豬腳冷盤出色好野味又帶點點辣，乳鴿及雞一般，炒麵😌👍👍。薑蔥蠔正常一般般。龍躉炒西芹好味，但西蘭花炒花枝片好鹹。 座位較迫。椒鹽豆腐過得去，我哋四個人食咗千二蚊。呢到係一般小菜館，大家不要念住坐得舒服，而且帶點嘈！😅😅😅怕左有啲靚靚嫌棄。男友仔可能唔好帶女友兩個來撐枱腳😂😂🤣總括一句不妨一試豬腳及炒麵

今晚同朋友一行四人，嚟到深水埗嘅金豪酒家晚飯。金豪酒家位於青山公路17號，外表係一間平平冇奇的酒家，內裡卻充滿地道港式風味的海鮮大排檔。 雖然佢有2間舖位，地方都算大，但人流非常多，座無虛席，好彩有訂位，才不用等位。我哋點了龍躉2味- 清蒸班頭腩- 翡翠西蘭花炒班球芥辣牛肉粒米網蝦春卷避風塘賴尿蝦肉魚腐浸菜苗上菜速度都幾快，每碟份量都算多，味道都好有鑊氣，不會因為人多而影響質素清蒸龍躉，用了很多蔥、陳皮清蒸魚腩，又不會過火，肉質鮮嫩，非常好味。炒班球，厚厚的龍躉肉，大滿足。芥辣炒牛肉粒，牛肉粒被芥辣醬包裹著，並配上合桃點綴，味道刺激中帶點甜味，惹味非常。米網蝦春卷，香口，雖然係炸的，但沒有油膩感沒想過瀨尿蝦不用自己剝殼，啖啖肉，肉質鮮味魚腐浸菜苗

今日同幾位好耐無見舊同事聚餐，我哋去咗呢一間又可以食地道小菜又可以無限時傾計嘅餐廳見門面小菜嘅相已經好吸引， 一坐低即刻睇下餐牌 ， 其實好多都想食最終叫咗個 龍躉兩味🐟🐟清蒸頭腩 同埋西蘭花炒龍躉球， 啲魚肉好爽我哋咁懶梗係要避風塘瀨尿蝦肉，因為唔使自己剝殼 真係啖啖瀨尿蝦肉 好大條肉， 一嚟到已經好香， 同埋炸過嘅蒜一齊食 真係好正😋米網蝦春卷 好香脆 裏面啲蝦肉和餡料都好多，條條都脹卜卜芥辣牛柳粒， 啲芥辣味係啱啱好，唔會話好攻鼻， 因為我唔食牛，但佢哋話啲牛柳係好腍， 我就食合桃🤗 好脆之後叫咗個清清地，魚腐浸白菜， 啲魚腐吸咗啲湯 一齊食好好味其實佢哋每碟餸嘅份量都好多， 今次只得四個人， 都唔敢叫得多， 下次真係要叫多啲人嚟，咁就可以叫多幾碟餸。

食物質素整體ok嘅，係份量細啲。本身訂九位檯坐大廳，驚喜升級房間仲冇低消要求，抵贊。最可惜係漏單要扣分，七點十五分落嘅單蒜蓉豆苗，等到八點十五分都未嚟，再追單。最後等到九點都仲未嚟，侍應姐姐最後竟然回覆豆苗賣哂，焗住轉蒜蓉白菜仔

深水埗邊個唔識金豪？ 我細細個就聽過依個名地點超方便，所以咁多人去食。住得幾遠都去食住小西灣，我都照去。因為好食金豪和味雞正常嘅雞，老人家要食。味道正常，個汁唔錯龍躉兩味份量夠，好厚肉蒸炒都咁好食。食材功勞最大豉油皇中蝦依個係必食d 蝦size 夠大殼都可以食埋，太香口，味道一流可送飯蝦頭d 膏唔好浪費，一定要吸埋事頭婆炒麵聽個名都知要叫醫肚一流，夠香，夠味芥辣牛柳粒得意嘅菜wasabi 牛肉 依個組合比較小見不過都好match翡翠炒球清清到食個菜黃金鮮魷不健康之選擇鹹蛋黃fans 必叫夠哂香，即叫即用地址: 深水埗青山道17號地舖

講開香港特色餐廳位於深水埗嘅金豪酒家都有唔少人推介可惜一直都冇咁嘅機會試今次屋企人生日就過嚟試一試呢度嘅特色啦———————-首先嚟咗半隻雞呢隻雞口感係比較硬身但食落好重雞味 都係唔錯嘅選擇芥末炒牛柳粒牛柳粒加咗芥末醬好好食加埋甜甜地嘅蜜汁同埋白芝麻好正另外有龍躉兩味呢碟係蒸龍躉龍躉啖啖肉又夠滑呢碟係炒西芹龍躉肉一啲骨都冇真係好正胡椒炒海中蝦海中蝦當做中間仲有橙色膏好好食用胡椒做配搭更加帶出鮮味最佳左一碟金沙鮮魷簡直係膽固醇爆錶但難得生日梗係要食返一次又惹味又好食正呀魚腐上湯豆苗豆苗朔晒啲魚湯又香又好好味最後仲叫咗個炒麵埋尾一人一啖啱啱好————————試過就知點解金豪酒家咁出名好食又抵食嘅餐廳實在難得絕對推介大家去試一試

同班朋友去完黃金睇電腦，問舖頭附近有乜嘢特別啲嘅餐館，佢哋介紹行5分鐘就到嘅金豪酒家。一嚟就叫碟椒鹽脆豆腐，外脆內滑，送啤酒一流。跟住叫咗醬烤骨，頭抽煎焗魚雲，蘿蔔新鮮清湯牛腩同埋金沙涼瓜，每碟都好有特色，值得再三光顧。最後叫多碟事頭婆炒麵，咁就填滿晒我嘅空虛，非常滿意今日嘅一餐。

金豪酒家係一間大排檔茶樓風格嘅餐廳，位置算喺深水埗既中心。餐廳嘅環境闊落而唔會太迫，乾淨整潔，平日夜晚都坐無虛席，唔少人係一個熱鬧嘅用餐地方。 食物方面，佢哋有好多受歡迎嘅菜式。其中，白切雞半隻係佢哋嘅招牌之一，雞肉爽滑同有濃郁嘅雞味。另外，佢哋嘅芥辣牛柳粒都好開胃，牛柳粒沾滿芥辣醬，有少少辣味。 如果你鍾意食魚，金豪酒家嘅龍躉兩味（清蒸魚頭、西芹炒龍躉肉片）值得試下。魚頭清蒸得宜，魚肉鮮嫩，而龍躉肉片搭配西芹炒製，口感唔錯。另外，佢哋嘅豉油王炒大蝦亦都係一個不錯嘅選擇，大蝦新鮮彈牙，炒製嘅豉油醬汁入味。金豪酒家嘅經典炒麵都好受歡迎，尤其係佢哋嘅事頭婆炒麵。呢款炒麵麵條彈牙，而且唔會太油膩，配料都好豐富。最後，如果你鍾意咸蛋黃嘅味道，佢哋嘅咸蛋黃炒鮮魷亦都係一個唔錯嘅選擇。 整體黎講，金豪酒家算係幾唔錯。無論係白切雞、芥辣牛柳粒、龍躉兩味定其他招牌菜式，每一道菜都展現咗佢哋對食材嘅用心同烹飪技藝。如果你想試吓香港嘅傳統美食，金豪酒家係一個唔錯嘅選擇。

在香港仍然有非常熱鬧的中式餐廳！這間小店非常爆場，平日晚上座無虛席我服務也是不錯，難怪那麼多客人金豪和味雞(半隻) 188.00跟客家鹹雞有點像，入口非常嫩滑，而且半隻的體積不細，非常好下飯白灼鮮牛頸肉198.00基本上就是把平日用來火鍋用的牛頸脊焯熟上桌，口感非常軟滑，簡單沾一些豉油已經非常好吃惹味炒蟶子188.00有兩隻大蟶子，一口咬下去非常彈牙，肉質厚實，再加上三色椒🫑跟鹹菜，微量的辛辣和芡汁，不錯上湯浸菜苗88.00沒想到用上豆苗，是矜貴的菜款呢龍躉兩味328.00清蒸斑頭腩(例)頭腩的外皮煙韌又不會太硬，入口像靚花膠般，肉質也是稔軟，值得一試！翡翠炒球(例)少見到炒球會有那麼香，而且這份斑入口即化，加上一些具有口感的西芹跟黑木耳，比想像更好吃

金豪酒家 地址: 深水埗青山道17號地舖電話: ===================== 金豪在梁水埗區好出名，都累積了很多資深食客，同朋友食飯，有鑊氣大排檔風味必推龍躉兩食，清蒸斑頭腩+翡翠炒斑球腩位厚脂肪同骨膠原，用大量蔥同甜鼓油蒸完已經好好食，魚肉彈牙富膠質。魚起肉片炒，落了很多西芹木耳。白切雞半隻，個蔥油一定是重點啦，雞多肉蘸完蔥油好香。炒蟶子落了蒜豆鼓椒，極之惹味又有鑊氣！來到個炒豆苗，清炒少油最好架啦。

朋友推薦，話食過呢間酒樓小炒好出色，今日約定時間早早就黎試下距系未真系有真材實料先。早早黎到，客人唔多，店員爽手安排埋位。生猛海鮮即點即整，都無花假。避風塘炒蟹就肯定要試下啦，再黎個店員推介特色菜--芥末牛柳粒。鋪頭宜家仲做緊優惠，post相點贊就送沙薑豬手，甘就肯定唔可以錯過啦。避風塘炒蟹，真系勁大只。我都懷疑兩個人究竟可以唔可以食得曬。肉蟹雖然經過猛炒，但系肉質依然緊致，仲好鮮甜，搭配埋大量炸蒜，乾辣椒同埋椒鹽，真系香辣可口，但唔會搶走蟹肉噶鮮味，更增添一份鮮香，正！芥末牛柳粒，真系第一次食，味道都出奇好味。芥末經過高溫烹煮，無咗辛辣味道，唔會太刺激味蕾，同時留翻芥末的清香，可以中和翻牛柳粒的油膩感，確實唔錯。沙薑豬手，雖然系送的，但水準線上，無豬騷味，肉質鮮嫩，膠質豐富有咬口，搭配沙薑汁，非常好味。最後店員服務爽手，系得噶。

深水埗多街坊鋪就系人都知嘎啦，主打都系大份，抵食，價錢公道。今日二人行，齊齊收工就黎呢間搞掂晚餐。收工時間，勁多人，個場好旺，要稍微等下位。問下店員，原來主要做街坊生意，好多都系訂台留位。望真啲，系傳統酒樓feel，但坐落又唔會好迫。生猛海鮮show曬出黎，睇啱可以現捉現整，蟹同龍蝦都好生猛，搞到我都心思思想食。可惜另一半戒口中，都系正常食啲算數啦。所以我地淨系叫左半隻雞同埋啫啫菜煲，絕對啱食。和味雞半隻，又幾好味喔，肉質緊致又唔會梅，皮爽肉嫩，搭埋距地醬汁，都真系幾和味下。芥蘭啫啫煲好有鑊氣，分量都唔細。芥蘭夠曬新鮮，加埋鮮爽豬肉，好有鹹香味，好送飯。人頭餸，又一餐。最緊要夠好味抵食。街坊推介，值得一試。

移民左既同學終於返嚟香港🥹🥹佢唯一嘅訴求就係要食大排檔🤣🤣金豪酒家咁出名，緊係帶朋友黎，滿足佢！😋😋先黎個🧊冰火辣魷魚🦑前菜開下胃，香辣惹味，口感好爽脆，配啤酒🍺一流👍🏻之後食左個好味醬烤骨，意外地類似東坡肉，但個汁係酸酸甜甜，似咕嚕肉😂😂件肉勁大塊，肉質入口即溶❤️不是用鬆肉粉的👍🏻朋友至愛蒜蓉炒豆苗🥬係外國冇菜食😂😂好貴又冇咁靚🥹🥹呢到入口無渣，蒜蓉味非常香！係大排檔嘅火候😋😋🔥緊係唔少得海鮮😆😆蒜蓉粉絲蒸蟶子皇勁大隻😍又超級鮮味！加上調咗味嘅豉油，配飯食係一流呀💯 👍🏻👍🏻👍🏻仲叫多個香辣避風塘炒蟹🦀香港獨有😛大排檔嘅鑊氣！香脆炸蒜粒食到朋友舔舔脷🤭🤭蟹肉唔會整到乾晒，鮮甜同埋肉汁正呀💦😋最後整個亮哥招牌炒飯，塞飽朋友🤣🤣啲飯粒粒分明乾身👍🏻手功好😆食左咁多4個人埋單先千頭，抵到飛起❤️❤️朋友好滿意仲話要請我食糖水😛😛🫶🏻🫶🏻

「金豪酒家」今日同舊同事食飯，揀咗呢間充滿人情味、港式風味嘅酒家！1️⃣冰火辣魷魚原來係冰鎮魷魚🦑香辣惹味，我最欣賞係魷魚嘅口感好爽脆，好適合配啤酒🍺🍻2️⃣好味醬烤骨🐖本身以為係金沙骨果類嘅一字排，點知有驚喜，原來將黑毛豬配上類似東坡肉嘅做法，但係調味加上一啲酸甜嘅配搭入口好開胃，而且做得非常鬆化入口即溶❤️3️⃣蒜蓉炒豆苗🥬賣相非常翠綠鮮嫩，入口無渣，蒜蓉味炒得非常香！果然係大排檔先做到嘅效果🔥4️⃣蒜蓉粉絲蒸蟶子皇勁大隻蟶子皇😍蒸嘅時間掌握得剛剛好，超級鮮味！加上蒜蓉粉絲調味嘅豉油，配飯食係一流呀💯 5️⃣香辣避風塘炒蟹🦀一上枱超澎湃，好震撼，係大排檔特有嘅鑊氣！勁多香脆嘅炸蒜粒加埋辣椒，勁爆惹味😂蟹肉唔會整到乾晒，保留到鮮甜同埋肉汁💦食到啜手指😋6️⃣亮哥招牌炒飯雖然唔知邊個係亮哥😂但係作為澱粉質重度愛好者嘅我一見到炒飯就忍唔住試！炒得粒粒分明乾身，我食咗兩大碗🥰