金豪酒家

營業中

休息中

忙足一星期，終於有時間歇一歇。坐地鐵到深水埗站，出站行五分鐘，就來到這間金豪酒家。幸好已預先訂位，等十分鐘，便能被安排入座，位置在角落，私人空間十足。不過，今日實在太多客人，環境有點嘈吵，閒聊近況也要略提聲量。點菜後，侍應姐姐很客氣地說：「今日比較多人，上菜可能有點慢，請耐心等候。」可能已經被期望管理了，又或是因為談得太開心，轉眼間，便上第一道菜。好味醬烤骨標榜是日本黑毛豬，非常軟熟，大大塊，上面又有原片菠蘿，配合得沒有油膩感。分量十足，三個人，每人也有三、四件。冰火鮮魷魚冰涼的魷魚條，配以火辣的醬汁，確有冰火交融，又冷又熱的感覺。椒鹽豆腐內軟外脆，熱辣辣的一口豆腐，使人吃不停口，要一口接一口。翡翠炒斑球大大片斑塊，軟熟得來有咬口，再配輕炒的西蘭花，簡直妙絕。豉油王中蝦去腳去鬚，如果有得去埋殼就更Perfect。金豪濃湯雞煲壓軸的，當然是這個招牌濃湯排翅！下鍋前，侍應會遞上一碟，原裝勁量的魚翅；濃郁的雞湯魚排翅，簡直是天衣無縫。

以雞煲翅同避風塘小炒聞名嘅深水埗金豪酒家最近早鳥同宵夜都有優惠，約埋班朋友一齊去食，早鳥7:30pm前埋單88折、宵夜9:30pm後小炒78折‼️-芥辣牛柳粒肉質軟腍，芥末微新香甜，半碟仲有琥珀，合桃中和辣味👀-事頭婆炒麵炒得乾身，色水夠同時鑊氣十足，食濃味小菜配炒麵就啱💯💯-頭抽霸王雞肉質蛋滑，雞皮爽口，蔥油好香唔會太鹹👀-金沙鮮魷每條都大大條，份量十足好鮮甜🤓-另外仲有特價海鮮孖寶，清蒸海上鮮加四隻蟶子王只需$468，估唔到小炒出色，海鮮一樣冇得彈，蒸魚火喉剛好好嫩滑

深水埗的金豪酒家，是深水埗眾多大排檔坐得舒服的地方。但大排檔風味十分獨特！難怪當日未夠七點半就已經高朋滿座！仲有時令海鮮！冰火魷魚冷盤的冰火魷魚，食落去有少少辛辣！食落刺激，不過有少少咸~ 美味醬烤骨醬烤骨炆到好炆，醬汁濃郁有點酸甜好開胃，帶有微甜的味道，肉質鮮嫩多汁，非常適合配飯或單吃。椒鹽豆腐炸得香脆仍可以保持外脆內嫩，椒鹽的香氣令豆腐的味道更加出色，不用加醬汁都已經好好味！西蘭花炒斑塊西蘭花色澤翠綠，保持脆口感，加入雲耳、百合，斑塊炒至剛好熟透，是一道十分健康的菜式。豉油皇大蝦蝦肉鮮甜，勁大隻而且蝦肉不會霉，好彈牙。豉油的鹹香與蝦的鮮味完美結合，口感滑嫩，每一口都讓人驚喜。最後是令人好期待的雞湯翅！好足料！雞湯又香濃，用上金華火腿好有鮮味！金豪酒家的這幾道小菜都展現了港式大排檔的精髓，好有鑊氣！都能帶來豐富的味覺享受。若你在深水埗，不妨和三五知已親自來飲番兩杯，品嚐一番！餐廳仲有早鳥優惠7:30pm前埋單88折，宵夜優惠9:30pm後小炒78折！

父親節就黎到啦😍帶左佢地去呢間好多年歷史既酒家 食地道有風味既大排檔😍主打各類型既爆炒海鮮 味道一流 好適合多人家庭聚餐‼️-🖤特價海鮮孖寶 $468（清蒸海上鮮1條+蒜蓉粉絲蒸聖子王4隻）石斑魚蒸到啱啱好😍鮮嫩又入味 四個人share夠食蒜蓉粉絲蒸蟶子爽口大條 食落煙靭 配埋粉絲好入味-🖤芥辣牛柳粒呢款招牌菜超推薦 牛柳粒軟嫩 配埋芥末 惹味開胃-🖤事頭婆炒麵炒麵超有鑊氣 每一條麵都有醬汁 乾而不油膩👍🏻-🖤頭抽霸王雞頭抽好入味 霸王雞鮮嫩 一啲都唔鞋-🖤金沙鮮魷魷魚滿佈鹹蛋黃 彈牙可口 非常入味😍

深水埗街坊好推介👍❣️都真係好耐冇食過一間咁有鑊氣嘅小炒！佢淨係開6pm-2am，專做晚巿，平日夜晚都幾滿座，氣氛熱鬧，餐廳都幾大，多客到唔夠坐添，隔個鋪，仲有多間舖！後面嚟嘅客都要叫佢哋坐去隔離舖。餐廳環境係地道傳統酒家嘅懷舊feel，好有街坊飯堂嘅親切感，有海鮮缸，海鮮幾新鮮好食，價錢亦好抵！仲要有埋早鳥優惠（7:30pm前埋單88折）同宵夜優惠（9:30pm後小炒78折）！開到2am，宵夜可以諗諗佢！✨🐟 龍躉兩味 呢道龍躉兩味真係皇牌！$328，我覺得好抵食！食魚既必叫！1️⃣清蒸斑頭腩用紅棗、木耳同果皮蔥一齊蒸，魚肉清香鮮嫩，食落感受到滿滿嘅骨膠原補充😋2️⃣翡翠炒球轉咗西蘭花魚腩大大片，煎得香脆，外皮金黃，咬落鮮味爆發，配西蘭花撈埋d汁，好正！🦐 避風塘瀨尿蝦肉又係另一必叫推介！！平時食瀨尿蝦好麻煩，搣到成手又淋淋、拮到手痛都得個少少肉食，呢度係搣好殼，隻隻啖啖肉！瀨尿蝦肉彈牙鮮甜，避風塘蒜香辣椒炒得香噴噴，微辣惹味，超正！🦐🔥份量4個人滿足，呢度$268，都係超值呀❣️👍🐔金豪和味雞 半隻夠一家四口食，用黃油雞，皮色鮮黃。肉質嫩滑，唔會太鹹，咬落啖啖肉味，呢度$188左右 🥣🐔時令

金豪酒家 (深水埗)深水埗青山道17號地舖深水埗金豪酒家，係大排檔海鮮嘅經典之選！位於青山道地舖，地點易搵，係嘉頓附近，行幾步就到！餐廳保留正宗中菜館風味，環境熱鬧，燈火通明，啱晒同朋友或家人聚會開一圍枱。職員招呼親切，落單快手，7:30pm前埋單有88折早鳥優惠，宵夜9:30pm之後仲78折，超值！😋 金豪和味雞（半隻）招牌必食，全部都係用新鮮雞，皮滑肉嫩，每次嚟都會嗌，啖啖都係新鮮好味道。😀龍躉兩味幾抵食，清蒸斑頭腩鮮嫩入味，肉質彈滑，鮮甜到不得了；翡翠炒球轉西蘭花，清爽脆口，汁料惹味，完美平衡！😀避風塘尿蝦肉係必試，蝦肉爽彈，蒜香辣椒炒得香噴噴，食到停唔低！🍲 時令足料湯暖心又養生，湯頭清甜，材料豐富，今日係雞腳湯，飲落好舒服！店員好細心咁幫我哋分埋碗，湯渣會會另外用碟裝，啲雞腳仲可以食埋。😀砂煲芥蘭啫爽肉係另一驚喜，上菜嘅時候職員先放材料喺燙熱嘅煲度，啫啫聲，芥蘭爽脆，爽肉肥而不膩，砂煲熱氣騰騰，香氣逼人，惹味到舔碟！每道菜式都份量足，味道超正，價錢親民，性價比高到爆！快啲同朋友Book位試吓，食完好滿足，真心推介，下次再黎！

人間煙火氣，食粵菜必來金豪，啲餸夠鑊氣，有大排檔嘅風味。服務員都好熱情。 有時同啲朋友過嚟食宵夜。仲有7.8折優惠，真係平靚正益街坊次次嚟都係必食避風塘瀨尿蝦肉（剝殼瀨尿蝦食起嚟真係啖啖肉），蘿蔔清湯牛腩（好鮮連湯都飲埋），霸王雞（夠入味），乳鴿都超好食，次次嚟都係同朋友一人一隻連骨都咬埋。今次過嚟食咗避風塘炒蟹都好好食，啲肉夠實正。啫啫芥蘭啫得好夠鑊氣。服務員招呼都好熱情會主動幫手換骨碟，下次仲會過嚟食。

金豪酒家食材新鲜，用料讲究，每一口都能品尝到食材的原汁原味，让人感受到真正的美味！服务员姐姐态度亲切，值得推荐海鲜都是现捞现杀，价格可以 不算贵！下次来香港必来吃

今日叫咗三款黃金蝦，煎焗魚嘴，同豉油王鵝腸三樣出來完全唔熱煎焗魚嘴完全多粉同餐牌完全兩樣嘢職員仲話因為開冷氣大導致咁嘅情況其實啱啱出嚟啲菜式一啲都唔熱服務態度差唔好有下次同經理講話沒有問題，一大堆費話，之後話送自己製作合桃小食給我們當作補償呢間嘢越嚟越差，啲職員完全愛理不理，問非所答如果要幫襯真係要諗諗，價錢又唔係平值唔值得考慮真係要諗清楚，下一次一定唔會再過嚟，鍾意食麵粉嘅可以過嚟呢邊上試吓佢啲菜式

大大隻字寫十點半後小菜有78折，海鮮除外，然後叫親既小菜都話無貨，感覺上除左海鮮就咩都無連茄子都可以無，咁你不如做番正價啦，食餐生日飯想食咩都話無真係好掃興，以後都唔會再去啦。

已訂位8時入座。準時到場卻被告知稍候，結果一直等到8時40分左右，職員竟然安排座位予後來的幾組walk in客人，幾度查問後才獲安排座位。晚安排入座卻因為餐廳希望先清場清潔其中一個店面 (未到結束營業時間)﹐提早結帳讓客人離開。服務安排極為差劣！

喺上星期六，我同朋友去咗深水埗嘅金豪酒家食飯，真係食得好開心！我哋點咗唔少好味嘅餸。首先係金沙蝦球，外面鬆脆可口，裹住香濃嘅金沙，咬落去可以食到蝦嘅鮮甜，真係好正！跟住係豉油王鵝腸，廚師加入咗獨特嘅醬汁，味道恰到好處，食到我哋一啖接一啖，根本停唔落嚟。仲有芥辣牛柳粒，麻辣味道好驚喜，牛肉嫩到不得了，再配上微辣嘅芥末，真係好過癮。再講到奇味雞煲，呢道菜香氣四溢，雞肉入味，食完根本想再要一碗飯！另外，深海龍躉兩味都好好味，清蒸同煎炸各有各嘅風味，魚肉鮮美得令人忍唔住多食幾口。再者，魚腐豆苗清爽可口，豆苗脆脆嘅，配上魚腐，可以解先前肉類嘅膩！如果想同朋友聚埋一齊食飯又諗唔到去邊度，不妨可以嚟到深水埗呢間酒家嚟品嚐呢間餐廳嘅美食。

呢間中菜館成日都見到大排長龍，離遠都聞到鑊氣十足，今日終於忍唔住同屋企人一齊黎試下。特價海鮮孖寶 - 清蒸沙巴龍躉 + 蒜蓉粉絲蒸蟶子，兩款海鮮加埋只係四百幾蚊，真係幾抵。沙巴龍躉好足秤，大大條，魚肉嫩滑；蟶子爽口彈牙，用蒜蓉蒸係最惹味～芥辣牛柳粒 - 彈牙有嚼口嘅牛柳粒配以芥末醬汁好特別，酸酸味味再配上芥末香，幾特別嘅配搭～當中仲有琥珀合桃😻魚腐浸菜苗 - 秋冬又係食豆苗嘅季節😍好鮮嫩。魚腐索哂啲湯汁好味！

今晚難得一班同事有空，我們相約一起在深水埗青山道17號地舖的一間名叫金豪酒家（深水埗）的餐廳用餐。這家餐廳雖然不是大酒樓，但卻有小店的風味，最吸引人的便是其新鮮滾熱的餸菜。我們的座位舒適且乾淨，環境整潔。餐廳內顧客絡繹不絕，可見其受歡迎程度。服務態度非常好，店員們面帶笑容，熱情地招呼我們入座，讓我們感到賓至如歸。我們點了多道美味的餸菜，包括椒鹽豆腐、龍躉兩味、黑草羊腩煲加時菜一碟、砂煲芥蘭啫爽肉、事頭婆炒麵、豉油皇中蝦和芥辣牛柳粒。每一道菜式都讓我們大飽口福，椒鹽豆腐外酥內嫩，龍躉兩味鮮美可口，黑草羊腩煲濃郁香醇，砂煲芥蘭啫爽肉爽口彈牙，事頭婆炒麵香氣撲鼻，豉油皇中蝦鮮嫩多汁，芥辣牛柳粒嫩滑入味。這頓飯局不僅讓我們十分享受、飽足，而且同事們的交談也使我們感到十分放鬆，忘卻了日間工作的煩惱。這樣的一頓晚餐，真是令人難忘。

同屋企人食飯中菜幾乎係首選。屋企附近呢間中菜館成日座無虛席，離遠都聞到鑊氣嘅味道，今日決定黎試下。呢度出名海鮮，當然要叫返兩味。特價海鮮孖寶確實幾抵食，龍躉加埋蟶子都只係四百幾蚊。條沙巴龍躉好大條，啖啖肉，火候都控制得幾好。蟶子用蒜蓉蒸絕對係冇得輸。芥辣牛柳粒，芥辣醬嘅味道可以減卻牛柳粒嘅膩感，食多幾嚿都唔怕。仲配有琥珀合桃，甜度剛剛好，口感香脆得黎，外層嘅麥芽糖帶有煙靭感。最後加個魚腐浸菜苗，有我最鍾意食嘅豆苗，配上魚湯汁，送飯一流。