金豪酒家

營業中

休息中

一行五人行完水玩完水好似餓狼咁🤷🏻‍♀️ 一翻出市區就即刻打去金豪book枱食飯，其中一個朋友試過呢間中菜館十分推介。星期六 6點先打去book 8點，竟然咁都book到🤣去到門口都幾多人等緊，好在我地有打去book，係門口坐左十分鐘左右就有得入去🤤🤤🤤 行完山真係好肚餓。金豪既小菜應有盡有，你嗌得出既小菜應該都可以係度食到。內在環境都幾逼，擺左好多圓枱都幾密，不過勝在有冷氣唔似大排擋要熱住食。當然唔好expect佢好乾淨但都尚算可以。嗌完野食等左十五分鐘，第一位主角好味醬烤骨終於出場👏🏻 醬烤骨呢個名係我心目中應該好似沙拉骨咁，有大大條骨係肉既中間配好濃味既醬，點知上枱時佢好似舊東坡肉咁😳 侍應幫我把切左六件，見佢切落去個下好輕鬆應該好林，一咬落去入口即溶，半層肥半層瘦，就算係瘦既位置都忟得十分林🤤 質感認真好正。呢d肉正常煮左咁耐應該好入味，但味道又唔算好濃，仲食到本身既肉味，個汁竟然係偏淡，有少少少少酸酸地。第二位上場既主角係魚腐白菜，魚湯底做得唔錯，清清地岩曬各位ladies。第三位主角就係芥末牛柳粒🐮，擺左d蜜糖合桃伴碟。牛柳粒煎得好林，芥末味好濃，真係有d攻鼻🤔 伴碟合桃都好

呢間小菜館食過幾次了，每次都覺得保持到水準，味道好，夠鑊氣，真材實料，但由於食客多數都比較豪邁，所以比較嘈，如果想傾計既就唔太適合了，但如果想滿足味蕾，呢到一定幫到你！剁椒蒸魚頭！每次必點，剁椒好惹味，甜甜辣辣好開胃又好送飯，魚頭好滑又唔腥，有滿豆腐墊底，索哂汁好正！黑椒粉絲蟹煲！黑椒很香，蟹新鮮，精華在粉絲，索哂蟹鮮味加上黑椒汁，簡直係主角！而且啲粉絲好乾爽唔係林到一pat pat，好夠火喉鑊氣！籠仔蒸蝦糯米飯荷葉蒸飯，好多蒜蓉同蔥花，糯米索哂啲精華，睇張相都知好正啦！豉油都唔使落架！蝦雖然唔係大隻，但都有膏的，好滿意！另外食過酥炸生蠔，同樣美味！

深水埗多平靚正美食，不過飯聚團的團友向少定在這一區。趁等齊人之際順便去黃金逛逛，買好東西之後再走過去，已經有人餓到抗議了。大約8點左右坐下，火速進行點餐，然而海鮮孖寶沒有魚，金豪招牌的醬燒骨也賣完了，十分可惜。菜還沒點，老侍應先奉上一小碟醬青瓜，可以一邊吃一邊考慮點什麼，不貴的小吃，卻顯出心思。來吃小炒當然少不了啤酒，點了啤酒當然少不了下酒菜。這道水晶豬手端上來說令人十分驚豔。老實說它被分在小菜類中，沒想到會這麼大碟。豬手口感爽脆，吮得過癮。只是吃豬手要頻頻吐骨，食相不雅，正好這次飯聚女士們缺席，一桌麻甩不必忌諱了。不過味道偏清淡，不太能佐酒呢。小食之後到主菜，不知是否因為豬手給我們「好大碟」的震撼，主菜有些反而在份量上有落差。薑蔥爆蠔，煲就很大個的，襯托出內容不甚豐滿。蠔有5顆，其實也不算細隻了。一口咬下去亦有桶蠔的鮮嫩多汁，外漿嫌不夠蘇脆，整體火候算是控制得不錯。不是吃過最好的薑蔥桶蠔，我喜歡薑蔥味再爆得嗆點的。我們十分期待的蟶子皇。來了之後在賣相上就有點失落，size不算大，配料有點寒酸，粉絲只給了很少，不能索盡蟶子的鮮汁。勝在夠新鮮，未有蒸得太老，口感很好。不過略有砂…油鹽水花

上次經過呢間金豪想入去食晚餐，原來全被訂座了。心諗一定是好野和抵食，先會有好多客人。後來另一晚終於訂到枱慶祝母親節，入去坐低無幾耐，發覺中晒伏，先知間食店太硬銷，推銷技倆仲勁過酒樓叫人買月餅、買糉等，不停推銷我們食貴餸，又推銷飲燉湯，魚類一味兩吃，份量又食，要加大先夠食，我諗住飯館應該是吃些特式小菜，總好過吃集團式酒樓的一圍圍指定菜式，但是試過一次都真是見識到聞名不如見面，最慘仲要死唔飽，要就住就住，真是下次都咪搞

HappyFriday又搵地方食好野..今次朋友揀左青山道..因為門口有上水小巴走..十分方便..1入門..係典型既中菜食店..好多張圓檯..同伙記先生交涉後..知道我地有book檯就帶我地入座..由於未齊人..我同朋友就搵主餐牌睇下有無小食..點知翻睇左幾次都無..突然有個伙記先生將另外3張餐牌奉上..好窩心..佢應該企係到留意左我地好耐咁我地就揀左1個冷盤:豬手68蚊..諗住實係3兩舊..點知係有7~8舊..好抵食亦係重點推介..岩晒送酒..之後朋友黎到就點菜..招牌濃湯雞翅招牌椒鹽瀨尿蝦肉啫啫通菜煲豉汁蒸鱔豉油皇鵝腸蒜蓉粉絲聖子王要珍惜香港既風味老店..

今日同朋友出到深水埗的金豪肥牛豬骨煲食小菜，因為book左位，一到就可以入坐。雖然得兩個人，但見到咁多款小菜，樣樣都想試下，最後都叫左三款小菜加個白飯。芥辣牛柳粒 - 芥辣係日式wasabi，其實都幾辣下，但當wasabi牛肉配上甜甜的杏核又別有一番滋味。砵酒焗桶蠔 - 砵酒焗桶蠔新鮮滾熱辣，一上檯充滿砵酒香味，但食落又唔會只得酒味，而且蠔好大隻，兩個人真係食唔晒。避風塘尿蝦肉 - 朋友極度推薦，因為瀨尿蝦肉係已經拆左殼，可以啖啖肉咁食，加上用避風塘炒的方式處理，夠晒香口好食。整體而言，雖然唔算坐得最舒服，但勝在食物質素高，大碟夾抵食，D三個小菜都推薦，喜歡食小菜的朋友可以一試。

今次介紹返呢一間我經常來嘅深水埗食店「金豪」！ 有蒲開深水埗嘅朋友，眾所週知佢係一間「長龍」店😅皆因佢嘅食物同埋服務態度喺深水埗都算係頭幾名😎👍🏼如果唔想排長龍，可以選擇喺夜晚10點後來幫襯，仲有全單八五折優惠添😂🙈 1️⃣講返今次啲嘢食先，今次我係兩個人去，所以嘢食唔多🙇🏻一坐低店員就會奉上一碟「醃青瓜」，千祈唔好睇小呢啲醃青瓜，佢醃嘅酸度同甜度剛剛好，令人會想係咁食嘅感覺！10分開胃🤤重點係佢唔收錢！黎到呢度，我每次一定會叫嘅係「避風塘炒賴尿蝦」「肉」，無錯！淨係賴尿蝦「肉」，食店好細心咁將賴尿蝦嘅用起咗，完全冇殻架！然後再用避風塘方式去爆妙，蒜加埋鮮甜嘅賴尿蝦肉，十分惹味！加上店家已經起肉，啱晒我呢啲懶人食😂😂2️⃣第二樣就係啫啫爽肉芥蘭煲，呢樣菜式佢係將個瓦煲先燒熱上枱，再將已經炒好嘅芥蘭同埋爽肉係你面前倒入去煲，「啫啫」聲即刻係你面前呈現👍🏼烽煙四起，香氣撲鼻😍芥蘭10分嫩口加爽脆，爽肉彈牙，再加上醬汁嘅鹹香，飯都扒多兩碗

每當講起羊腩煲一定唸起金豪, 夜班同事周不時都收工後夜一夜至去食, d員工都認得佢. 幾日後出發滑雪團嘅行前briefing飯局自然來這裡吧, 沒訂座的情況下在5點半先報到, 一陣6點半拎枱, 還留了羊腩煲.古法羊腩煲一點羶味都無嘅羊腩, 厚肉又多份量, 4個男仔1個女仔好夠食, 個汁之後淥菜更令人欲罷不能, 如果可以好想將食剩湯底帶回家(怕被白眼的).避風塘賴尿蝦肉每隻賴尿蝦已剝好殻-吃賴尿蝦令人最frustrated嘅步驟已完成, 然後面層coat著薄薄的炸粉, 再以勁多配料炒成. 蝦肉啖啖肉+非常juicy. 白灼鮮牛頸Li個餸嘅keyword係：牛頸脊, 平時街市好難買到的因為有咁靚嘅部位人地都留左俾自己先. 無介紹錯係超tender, 葱爆得勁香, 連d芽菜都有牛香. 花蛤浸菜苗雖然只有5隻花蛤, 但每隻都有半隻掌心大, 肉厚! 以濃濃雞湯作湯底, 白菜仔充滿鮮味, 好想飲哂去.好彩食早個round, 稍遲一點已是座無虛席了.

我平時都會間唔中去金豪食飯.. 不過唔多.. 始終都係大排檔格局酒樓既價錢.. 雖然味道真係好味過酒樓好多.. 但係好多香港人都鐘意食環境多D.. 鐘意坐得舒服D.. 所以我都係第一次爸爸生日選擇左去金豪食呢餐生日飯.. 一坐低會先有一碟小食 - 手拍青瓜.. 通常個侍應一放低我就二話不說會食光光.. 我覺得個醋味適合再夾埋蒜頭爆香.. 太好味了.. 我屋企一行人都有十幾個所以叫到差不多十個餸.. 好豐富.. 叫左個蝦卷.. 都係招牌菜之一幾特別的.. 口感好脆.. 不過人少就唔建議叫呢樣.. 因為都幾多會好熱氣未必食得晒.. 多人一齊食少食多滋味嘛.. 不過如果覺得太熱氣都可以點一點個汁中和一下.. 酸酸地都不錯..蝦仁炒蛋食落同出面分別不大.. 可以不叫.. 同埋我自己本身都唔鐘意蛋加蔥落去一齊炒.. 另外呢個餸都係我每次必食的.. 和味井水花蛤.. 花蛤食落口都好新鮮.. 上湯味道又不算太咸.. 再加埋浸到入晒既粉絲一齊食,, 我覺得帶出晒成個餸味道..相比之下.. 就較其他餸無咁突出.. 食落就唔算特別好味.. 所以都唔多人係到食雞的.. 枱枱必叫招牌菜.. 就係呢味嗜嗜芥蘭炒

第一次食金豪係因為朋友想打邊爐，係openrice search到一心諗住黎到打邊爐，點知個侍應話無得打邊爐好耐，而家淨係做小菜，咁都入到去，就唯有照食。點知一食難忘，金豪變咗我另一個飯堂(屋企長期無飯食)。今晚同行5個人一齊黎食，可以比平時叫多兩樣餸添，勁開心。第一樣上嘅係三杯雞一黎到熱辣辣，侍應幫手炒香佢。味道頗濃，一定要送飯先可以食多幾舊，略嫌雞肉唔夠鮮嫩，可能因為炒得耐咗，有點兒乾身。跟住係招牌菜芥末牛柳粒第一次食已經愛上，每次比叫。牛柳粒炒得岩岩好，一d都唔老，配上小小攻鼻嘅wasabi醬，意想不到嘅好味邊邊有用蜜糖炒香咗嘅核桃做點綴，原本麻麻核桃嘅我都想食多幾粒。跟住係鹹魚雞粒豆腐第一次食鹹魚雞粒豆腐煲，因為有朋友最近熱氣，費事樣樣都係煎炸嘢。鹹魚味不算特出，似係食緊普通雞粒豆腐煲，未必會再試登！登！登！登！重點推介：避風塘瀨尿蝦sorry，影得唔係好好本身我就超鍾意食瀨尿蝦，平時食瀨尿蝦都覺得拆蝦肉好麻煩，為食嘅我每次都會死死地氣滿滿拆。但！係！呢度嘅瀨尿蝦唔駛我搣！啖啖都係蝦肉肉，加上野味十足嘅避風塘，辣度岩岩好，蝦肉就算有炸粉包住，都十分入味，朋友A仲會要d炸蒜送飯，

朋友選址 話朋友介紹呢度嘅牛柳粒同炸瀨尿蝦出面食唔到所以三條友專程放工黎食個飯 啤啤佢 放鬆下Book左枱 不過我地遲到, 所以要等一等結果坐左喺一枱男人後面 佢地嘈到我地聽唔到對方講乜餐前小食酸酸甜甜 青瓜又爽口 開胃原來無炸瀨尿蝦 只有避風塘尿蝦肉笑死了 名字好特別 - 尿 蝦 肉形狀奇怪 原來有兩至三隻連住一齊炸有蝦味,有肉汁,又啖啖肉 避風塘去炒, 好惹味,小小辣 芥辣牛柳粒一放入口,芥末味好香好剌激牛柳粒肉嫩, 牛味唔重花蛤浸菜苗真係大大隻蜆❕❕ 無沙,肉質爽彈又鮮甜, 大概有8-10隻菜苗係白菜, 都唔係老菜用上湯浸住, 上湯清甜亦唔覺有味精中蝦粉絲煲一來到 店員係我地面對再兜一兜個粉絲 免痴底 勁香粉絲好重黑胡椒味中蝦肉質爽彈,睇個色都好新鮮大概有六隻好特別嘅菜式 推介

金豪一向係我同家人最愛既飯堂，小菜平均都係高水準，伙記又有親切感。今次叫左芥末牛柳粒，牛柳軟稔，略嫌芥末味太重，好攻鼻。海鮮泡飯還可以，係咸左少少。薑蔥蠔肥美，如外皮可脆啲更好，都好好味。不過上次食雞雜煲，籠仔蝦糯米飯，雞包翅更好味

每次經過都要排隊, 今次特登宵夜時段黎食, 一於宵夜當正餐食, 奇味雞煲, 砂煲芥蘭啫爽肉, 加多個必食創意小菜, 芥蘭爽口無渣, 豬頸肉切成幼條薄身, 食落彈牙, 雞煲個汁底味道一流, 至於無殼瀨尿蝦岩晒懶人一族, 啖啖肉又夠惹味, 輕輕沾炸漿配上避風塘炒, 無得輸之作, 咁樣食法真係第一次

好姊妹同我食生日飯 我話想黎金豪打邊爐 之前同老公食過小菜 見到四周d人都打邊爐好似好正 所以想試下 點知過到黎話無得打邊爐 唯有食小菜 叫左9個送2個飯 份量唔叫好多亦唔會好少 5個人食左差不多900$ 都好底炒蜆薑蔥蠔煲 （呢個好好食 有6只 只只超大）上湯生菜Wasabi牛柳粒炒菜心龍仔蒸蝦糯米飯啫啫雞雜煲蒸雞肥豬肉<-唔記得咩 好食 最鐘意肥豬肉呢度好夠冷氣

不好看低像茶餐廳格局，晚晚都很多人等位，男友訂定位等我放學1齊去食，去到都要等 男友便入去看看環境如何時，我看到有2位男性站在男友左右，有所動作，我很驚想報警，幾秒間男友揮手叫我進來，我就震震地入去，見到2位男性原來是..... ，原來2人吃飯變了4位，可以品嘗多幾樣了見到很多人飲竹蔗水，很好飲，夠清甜避風塘瀨尿蝦，因為全部已經起殼，隻隻都係淨肉，名副其實啖啖肉，好味好香，避風塘炸蒜粒用來(送)飯 雞雜煲，雞雜和煲都是熱辣辣上檯，雞雜加蒜蔥中國芹菜芫茜一齊炒，還有少少酒味，雞腎又爽脆，雞肝嫩滑，雞心雞腸都係爽脆口，味道一流，豉椒炒大花甲，花甲大大隻，肉夠爽鮮甜，豉椒味剛剛好，沒有奪走花甲本身味道，不錯豬雜煲，味道比雞雜煲差一半，整法和雞雜煲一樣，但豬雜有少少(壓)味，大打折扣，粉腸佔一半咸肉通菜煲，只有少少蝦醬味，比較失望， 通菜整得剛好，脆脆咁，但味道偏淡少少椒鹽竹腸，但男友話九成是細生腸，只有數件是竹腸，味道不差，外脆內爽，但生腸整椒鹽，就變了不好吃瑤柱蛋白炒飯 ，炒飯是吃飽後加，我已經很飽不想吃，但男友力讚，就吃一啖，發覺真的好吃，繼續吃多半碗，男友講炒飯炒到粒粒分離， 又沒有油