金豪酒家

營業中

休息中

今年多數吃自煮小菜，間中叫外賣，始終食物吃不到熱騰騰的味道，欠缺少少。見到近日疫情緩和，好想外出吃飯，朋友推介一家小菜酒樓，食材及味道唔錯，梗係要去品嚐吓。進入菜館地方唔算寬敞，但光猛整潔，牆上貼滿招牌菜式，非常吸引。避風塘瀨尿蝦賣相好靚，瀨尿蝦肉只黏上薄薄粉漿來炸，入口吃到鮮甜嘅蝦肉，配上金黃香蒜，滋味超好吃。 送啤酒一流，這道菜不愧喺招牌菜。金蠔和味雞雞肉嫩滑有雞味，雞胸肉都唔太實，有嚼口，連雞皮帶點咸香又沒有太多雞油。砂煲芥蘭啫爽肉 店員將熱辣辣砂窩放下，隨即整碟芥蘭倒下去，好像鐵板燒「咋咋聲」攪動幾下，香噴噴熱辣辣香氣勇出來，爽肉帶少少鹹香，芥蘭翠綠嫩口又冇喳，至尾還保持暖意。鮮菠蘿咕嚕肉咕嚕肉個甜酸汁調較幾好，鮮菠蘿同三色椒沾上汁夠惹味， 不過啲肉能帶少計肥肉就更加美味。翡翠炒班球龍躉肉塊嫩滑，配上西芹炒得青綠脆口又冇渣，有鑊氣。亮哥招牌炒飯炒飯看似容易，要炒到粒粒金黃而唔油膩，材料剛好，甘香美味，又幾好食啊。整體幾道小菜吃來滋味，唔會有太多味精，值得下次再去試吓其他招牌菜。

因為疾情及限聚令關係，好耐冇坐過响金豪食飯。撞啱有局，四個人決定落嚟聚一聚。雖然今日係星期二，再加上每枱只可以坐四人，但係又於佢地食物質素高，真係可以話旺足成晚💪🏻💪🏻又黎啤酒聚會，今日主要叫啲香口野再飲返幾杯🍻🍻今日一共叫咗六款小菜加一個單尾，連12枝大啤，盛惠$1500，食得非常開心廚房啲師傅繼續保持高水準，雖然全院滿座，出菜嘅效率依然都係咁快，除咗碟豬手係凍食之外，其他全部都熱到出晒煙相信好快又會再嚟過😋😋

今日merry豬和友人放工後去深水埗逛電腦商場，從高登出來走了幾分鐘到了友人推薦的金豪酒家。雖然”酒家”的名頭很大，但入到去見到的多數是街坊look的食客，更像是家庭或3，5好友小酌的餐廳。---拿起琳瑯滿目的餐牌馬上點了Menu上的第一道菜 - 金豪和味雞，鄰卓上菜時傳來了咸蝦醬的香味，忍不住跟點了蝦乾啫啫通菜煲。聽落單的阿姐介紹有新鮮的鵝腸後就點了豉油皇鵝腸。---金豪和味雞雞皮帶黃賣相極佳，雞塊睇落皮薄脂肪很少，，廚師火後掌握得十分到位，加上薑蔥的醬料，食落感覺皮爽肉滑雞味十足。---蝦乾喳喳通菜煲上來時更是蝦醬飄香，熱氣騰騰煲裡的通菜碧油翠綠，通菜裡真的有不少的蝦乾，通菜咬落爽脆，其味道只能意會，難以言傳。這道蝦乾喳喳通菜煲菜式可以講係色、香、味俱全，不容錯過。---豉油皇鵝腸最後上的豉油皇鵝腸，只見鵝腸裡的脂肪清洗得很乾淨，鵝腸睇落肥大夠寬兼有光澤，沒有扭曲卷圈，足見鵝腸是新鮮的。豉油均勻沾鵝腸上，食落口感細膩和爽口脆嫩， 完全感覺唔到鹼水或臊臭味。---食完飯從金豪出來，只見深水埗好的食肆林立，還未行到地鐵站，2個朋友已相約下次來逛高登再試金豪其它菜式的時間了。---金豪酒

金豪酒家係深水埗都屹立左好耐, 晚晚都爆滿, 疫情下岩岩開番晚市, 經過見難得唔洗等位, 就走入去回味下獲氣小炒!自動波有茶有前菜花生避風塘瀨尿蝦肉$238個個黎到金豪必點之一! 特別之處係拆哂肉, 炸粉薄脆, 瀨尿蝦肉原條放入口真係好爽, 有幾隻仲要有膏架 真係冇乜邊度食到, 夾埋金黃炸蒸超香口惹味! 金豪濃湯雞煲翅（4両）$228除左足料雞肉同翅外, 飲一啖就知道係真材實料, 湯頭質感醇厚, 吞左之後仲有雞香餘韻, 超濃郁, 每一啖都係精華仲有湯入面既雞絲出奇地嫩滑!沙煲芥蘭啫爽肉 $88 店員放低超高溫既砂鍋, 即席將芥蘭倒入鍋中再爆炒幾下, 香味即時湧出~ 芥蘭脆口又嫩, 仲有爽肉既油香, 咸香惹味!芥辣牛柳粒 $98牛柳粒軟稔有肉味, 加芥辣有香味又唔攻鼻, 不錯。配料有蜜糖合桃, 脆口過癮。

約左深水埗朋友見面，帶我去食呢間金豪酒家既小茶。我地點左碟粉面，大大份，炒得好香，唔會淋身，豉油味剛好。另外，啫啫通茶煲都好正，上枱前先將煮好既菜放落砂煲度，唔會因為擺太耐無左啫啫煲既味道。侍應同經理服務態度好友善。

雖然依家疫情嚴峻，但要出街買外賣，諗起之前同朋友食過既金豪酒家。Menu方面，金豪既茶式選擇比其他小菜餐廳多，亦都有好多有自己特式既菜。我地2個人點左啫嘈通菜煲，上到枱都仲爆緊，夠晒香，通菜又唔會太韌，口感岩岩好!芥辣牛柳粒，呢碟係我既至愛，餐牌上面都有推介。牛柳配芥末醬出奇地夾，送飯一流!金沙蝦球就係我朋友極力推介的，上枱夠晒熱，咸旦漿唔會同蝦球散開，啖啖都有咸旦味既蝦球!咕嚕肉，望落平常既菜式其實整得好味都唔係甘容易。金豪既菜碟碟都唔會令人失望，咕嚕肉更係juicy!最後推介黎金豪，必點呢度既炒麵，幾乎見到每枱都有點!師傅炒得夠獲氣，而且夠晒入味，十分推介

薑蔥桶蠔煲 - $168品種屬於美國蠔， 總共有五隻，隻隻都大隻，肥美，應該係我人生之中食過最肥美嘅壕，廚師用咗薑蔥來煮,，別有一番風味，值得推介。龍躉片炒西芹龍躉片肉質有少少彈牙，西芹爽口鮮蝦蛋白蒸蛋因為用咗啲蛋白來蒸蛋， 令到啲蛋比較滑溜，用來撈飯啱哂魚片頭浸菜苗 - $88健康之選，用啲清湯煮菜苗和魚片頭，幾鮮甜。呢間餐廳裝修比較光猛， 2個人可以坐4人枱， 另外呢度有兩部大電視，可以一路食飯一路睇下電視。

<金豪外賣抗疫餐 好味又抵食>😄金豪本身中菜都高質， 而家甘既肺炎環境 推出 晚上外賣8 折 仲有 lalamove送貨 只要 whatsapp(95410413) 落單就搞掂 😄 我就同朋友點左個四人餐試下 😍 580蚊既四人餐 包括5 樣野食 加 四碗白飯 🍴醒胃生喳骨🐷用新鮮洋葱同蕃茄做底 🍅 生喳骨 其實就係豬扒 不過 夠哂少骨 而且豬扒肉好軟淋 醬汁 生喳味香 甜酸開胃 就同個名一樣 夠哂醒胃😍🍴龍躉兩味 🐲翡翠炒班球🔥龍躉切得大細適中 咬落去個皮帶 d 彈牙 魚肉既肉質厚實 一食就知新鮮 而且外層煎得有 香又但唔燶 鑊氣剛好 配菜有爽口既芹菜 紅椒🌶️ 草菇一齊炒 令到魚肉帶 d菜香 同水份適中 好食🍴龍躉兩味 🐲枝竹火腩炆頭腩🐷枝竹 火腩 好足料 佢個醬汁夠香咸 夠哂入味 火腩 係半肥瘦既豬肉 🐖 好爽口入味 龍躉頭腩 係近魚頭位 主要係食佢黏稠彈牙既魚皮位 幾有口感 不過就要俾 d耐性慢慢咬 😆🍴瑤柱粟米羹🌽粟米羹 既粟米好夠香甜而且份量多 所以成碗羹既粟米味香濃 羹既黏稠度同咸度適中 味道唔錯 最正係佢有好多滑蛋白 🥚令到成碗羹更香滑 正🍴野菌浸菜苗🍄

傳統中式酒樓來来去去都是那些連鎖分店， 今天去了深水埗黃金商場嗰邊買嘢， 屋企人提議新遷到青山道近嘉頓的《金豪酒家》吃中菜。 餐廳小菜遠近馳名， 非常有水準， 差不多晚晚都爆場 walk in 就要等位～酒樓分咗兩個舖面， 內籠来說唔算好大。 我哋六點幾就坐低， 人未算太多， 店員也好好招呼。前菜嘅咋花生都幾脆喎！👍避風塘瀨尿蝦肉$238這個是真心推介， 製作需時而且每天限量 ，最好之前預訂。唔係普通嘅 避風塘炒瀨尿蝦， 而係經拆肉先再炒， 目測也有十多件瀨尿蝦！ 蝦肉唔係迷你仲要係中等size， 肉質鮮甜，略經泡油， 香口惹味，配支冰凍啤酒夠曬爽！ 瀨尿蝦係好難剝殼， 要有啲經驗同好小心， 因外殼係有好多刺， 這款菜式實在太啱唔識剝殼或者好怕剝殼嘅朋友～見佢都有啲辣椒 係一堆炸蒜裏面， 所以都带微微嘅辣，超正！馳名雞煲翅（4両）$228很久沒有吃翅， 坊間嘅鱼翅都有好多代替品因為講求保育， 在這裏重點嘅係佢嘅雞湯！ 每日用新鮮雞餚製而成， 熱辣辣滚起先放上枱， 一定一定要趁熱。 湯底濃郁稠身， 有黏著嘴唇嘅感覺， 每一啖都感受到雞嘅精華， 鮮味湧進口腔， 好味到震！ 湯料嘅雞也非常鮮

訂左位8人食飯， 食左1個鐘就催你埋單，叫左6枝啤酒8樣餸， 仲要走黎問有冇野食要叫， 1個鐘後開始不停問， 半鐘前前後後2個待應行埋黎問左起碼5次，因為有客入係咁問。 大大聲係隔離同入面廚房講，我地食埋最後樣餸就走人，叫廚房快d上， 8個人食1.5個鐘以上中式飯都好正常啫， 咁都要催? 一係你訂枱個陣同我講得個半鐘食囉， 唔係咁樣不停催人埋單囉！我地都叫有節日都會黎食，老闆娘都叫認得，其他枱識得熟客唔問，係咁不停問我地依枱， 隔離4個人就俾張大枱佢地坐， 後過我地入黎，野食又貴又細碟又多油，質素愈黎愈差，點再幫襯呀？

呢間店正常營業噃，老闆話做左十幾年（唔知點解寫住結業？）今晚朋友介紹，去食晚飯，四個人，點了幾款小菜都好好味。最有驚喜係好味醬烤骨，紅匊炆腩肉，入口鬆化，肥美可口又唔膩，一小片菠蘿的酸甜果香，加添一點清新口味，感覺比食東坡肉健康一點。另外椒鹽拆肉瀨尿蝦也高水準，炸漿香脆又超薄，一咬就食到啖啖蝦肉，我對瀨尿蝦麻麻，反而配搭一起的椒鹽午餐肉更吸引😝。這道菜送啤酒一絕。店內環境算企理乾淨，街坊格局。

一大班人最岩就系嗌送食飯，酒樓都系唔錯既選擇！夠熱又夠香口最愛冰鎮咕嚕肉，甜甜酸酸好好食， 一家大細都岩哂小小辣好香口，送飯一流，但系啲乾辣椒真系唔系人人都頂得順！個皮好脆，咸咸地好好食，又好送飯！

有朋友介紹所以預先訂好枱來飯聚，訂了枱但到達後餐廳已滿座，侍應竟然回應接了6點的客所以暫時沒有枱，一行多人唯有在門外等，一等就等了差不多一小時食物質素亦強差人意，大部分小菜和炒飯都太油，而且份量偏少，侍應推薦的避風港尿蝦肉也有點遜色，炸粉太厚，花蛤浸菜苗的花蛤感覺還未熟透，滿口腥味味道較好的是椒鹽鮮魷以及金豪和味雞，雞肉也挺嫩滑，調味適中。總括來說，這晚的用餐經驗不算愉快，應該有很多味道比較好的其他小菜館吧。

訂左位都要搭枱！訂左1830到，行遅左5分鐘，去到話遲太多，將張枱比左人。好！算！叫我等一陣！點知有張空枱，個客又遅到，咁啱有人問，咁就比左呢位遲來先上岸的客人，都唔比我！因為佢可以撘枱。谷鬼氣，走去隔離舗同個經理講，佢都話冇理由，點會比左人吖！

朋友話試下呢間，佢食過幾次都唔錯，可惜今次體驗一般！訂了位，早了15分鐘到，等都無所謂，店員都話一有台就俾我，等等下，等到7點半我訂位的時間又俾另一台遲過我到，人數相約的進場先。當然我唔知佢係咪有book早過我的時間。我問帶佢進去的店員，佢堅持那位客人先！但由頭到尾都係另一個跟帶位你，安排混亂！坐低點菜，之後的服務，還可以！食物質素一般，唔係大驚喜，一般普通大排擋的水平，比起我心目中的有水準大排檔，仲有距離！坦白講，我唔會再嚟，也唔推薦！