金豪酒家

營業中

休息中

朋友相約在深水埗區食飯, 第一時間就想到金豪, 已經食過好幾次, 仍念念不忘它的砂煲菜式, 做得非常惹味及出色,來到必食的一定是避風塘懶尿蝦肉, 拆好哂殼, 啖啖肉, 加上炸得香脆的乾蒜辣椒, 鑊氣夠, 出面其他的小炒店都沒有這個菜式, 簡直細心周到, 無得頂砂煲芥蘭啫爽肉亦係必食推介, 廚房先炒好菜及爽肉, 再燒熱砂煲, 在上枱時才將菜及爽肉倒入砂煲內, 即時滋滋聲, 香氣撲鼻, 芥蘭煮得很爽脆, 爽肉帶點焦香, 差不多每枱都有點這款煲, 就知道出色之處很失望當天沒有雞什煲, 我們便叫了砂煲生啫及第, 這個煲有點失色, 不及雞煲香口, 猪潤只得2片, 大部份都是粉腸同大腸, 還好有很多我喜歡的姜蔥同芫茜加回分數叫罐可樂加碗白飯, 一頓豐富晚餐, 一樂也

呢間野系我同老公的宵夜之選的其中1間，他的雲吞雞系我至愛，個湯超好飲，但今次去就5系食呢個，因為老公知道我鐘意海鮮，呢到又新出左個餐，他就問我去5去食，我當然話去😂

今晚相約舊同事食飯！萬分期待！揀選了這間少許地踎feel 的飯店，趁多人可以叫多兩個送！已經不是第一次來金豪吃晚飯，有水準價格又相宜 店內招牌菜有不少，我當然要為同事介紹其中一二啦！娜娜本身不吃wasabi，嫌攻鼻啊！但是每次來都忍不住要點這個芥辣牛柳粒！牛柳醃得夠味又不會韌，不過今次娜娜食到其中兩粒太生咬不開呢！而碟邊甜甜的合桃娜娜亦十分喜愛！鬆脆好味！另外，這款避風塘尿蝦肉娜娜自第一次吃過以後就愛上了！香口的小食，用來送飯亦沒有問題！推介喔而同事則選了一個好味醬烤骨！光看菜名我們還以為是類似沙拉骨的食物，來到時真是讓我們驚喜了一下呢！肉質非常林身，而醬的味道帶有少許甜，是特別也是好味道！最後我們後加了一個順德魚腐浸菜苗($73)，掛住吃完全忘了拍照！菜芯苗汲收了湯的味道，除了菜夠嫩、味道也十分好！和舊同事談天說地，分享新工作環境又聽著舊公司的八卦，不知不覺過了兩個小時！雖然伙記沒有特別催我們埋單，但我們都不好意思再待下去了。此店沒有菜芥及加一，我們叫了4送、3汽水、3白飯，給了二十多元小費，亦只是約$120 一個人！而離開時已是9點了，門外仍有人在等台呢！

深水埗宵夜，首選金豪聽說金豪老板是大廚自己出來開鋪，唔知宜家是否還會落廚，但每次到此都未必有位，而且每次食落水準都保持得好好今次避風塘炒蟹，蒜蓉粉絲蒸聖子，仲有每次必叫的炸雞件（唔記得餐牌係咩名添），中意距香脆得來又唔會太乾

大班黎食飯，真係無得彈！因為太多人爭食，所以無影相我地叫咗豉酒皇鵝腸，新鮮鵝腸，有膏嘅，剁椒魚頭，D魚好滑，又惹味！春圈都正，又唔太油最最最最正係個翅，奶色雞湯，足料！

想吃鑊氣小炒，金豪必然是首選。推開店門，環境簡單樸實，百份百地道菜館飲食文化，幾台掛牆式大電視當然不會少，本土電視劇夾雜著點點人聲伴著進餐，氣氛輕鬆自在，店員服務親切，賣的是火喉十足，而且非常美味的小菜，故每晚店外都擠滿等位的人羣。招牌避風塘瀨尿蝦，還未上桌，金蒜及辛辣的香氣已從遠處飄至，這道小菜出色之處，除了外層惹味鬆化香脆，內裡肉質水嫩鮮甜之外，還有，就是廚師已窩心地為你把每隻瀨尿蝦拆殻，問你怎能抗拒。蒜蓉蒸蟶子皇，不用多說，看圖已清楚，蟶子肥美，新鮮爽甜，伴著的粉絲吸飽了蟶子的鮮味，連同金蒜香葱一併送入口中，慢慢咀嚼，簡直就是人間一大美食。酸菜水煮牛肉，微辣中帶點酸，牛肉嫩滑，伴著酸菜及雜菌，口感層次豐富，不知不覺間，又吃多了。啫啫通菜爽肉煲，先上一個熱騰騰的砂煲，然後再將通菜及爽肉倒入煲內徐徐拌勻，鑊氣十足，香氣撲鼻，感覺就像即時於桌上新鮮即炒，旋即起筷，通菜已吃清光，但砂㷛仍保持著一點熱度，絕對是色香味俱全的小菜。到金豪開飯，氣氛輕鬆，沒有半點拘束，食客絕對可以放懷大吃，白飯可以大囗大囗的咬著，筷子亦可大撮大撮的夾著美味小菜，笑話當然可以大聲大聲的説著。夜裡，來吃一碗溫軟白飯

補祝daddy生日，結果家姐就介紹左我地黎金豪試下，好彩家姐提早book位，如果唔係真係有排等，座位方面真係好唔掂，我坐左係出d既位，結果每次有人行過我後面都會擦背而過，認真成餐飯都坐得唔太舒服一開始就食花蛤浸菜苗同魚腐浸菜苗，講真個白菜仔真係好淡反而個湯真係好鮮味，可能因為味精湯既關係，真的愈飲愈上癮之後黎左個金菇肥牛煲，入面既金菇會夾雜住芽菜，本身我覺得咁樣係好奇怪既組合，但2樣加埋個感覺又幾新鮮，我覺得大家可以不妨一試👍👍跟住再黎左個生嗜雞，即係平時既啫啫雞，個侍應會係你面前將d雞倒入個煲入面，其實真係幾好食，多汁又鮮味！特別要推介既係龍躉翅同豉油王炒麵，個龍躉翅真係超級鮮味，望落去金黃色，食落去啖啖肉，可能因為本身龍躉都好鮮味，所以點煮都咁好食因為daddy係較傳統既人，佢覺得生日點都要食下壽包或者麵等，寓意長壽之類既食物，結果就叫左佢地既招牌菜----豉油王炒麵，喱個炒麵同出面食到既好唔同，吾洗落任何醬汁都已經好好食，食落好濃郁既味道，真心你地要試下總括而言，其實金豪係幾好食，賣相都唔錯，但份量真係少得可憐，而且價錢又貴！我地9個大人4個小朋友加埋13個，食左1800幾蚊賣單

其實我黎過2次，以下係２次既經驗。頭果次就係叫送食飯，第２次就食佢個豬骨煲。第一次去果陣聽講避風塘炒蟹係呢間舖的推介菜，點都要試，之後又嗌左鼓椒炒聖子，好正好正，好少可食到咁正既聖子，仲食左’酥炸生蠔，不過得五隻但超大隻！！！其餘我唔係太記得嚕，等我講埋第２次先，我地5個人叫佐個豬骨煲,入面好多料,而且幾好味,雖然同我以前食開果d唔同平時嫁，但真係唔錯...早知叫細豬骨煲，因為好似太多豬骨咁款，不過都正，我個ＦＤ勁鍾意「孫」！！打邊爐配料就叫左手打墨魚滑(好正！！！！）招牌手切牛...好滑好味>~<同我平時食果d好唔同，仲有桂妃蚌(幾新鮮)...金菇菜..皇帝菜...生蠔...，手初牛脊肉, 好好吃, 唔蘇又嫩口，潮州魚蛋無得輸。

一行4人想試廣東小炒，友人推薦去呢間金豪，通常這種外表無咩特別，內部一定好多神秘高手(菜餚)出沒。剛來就有幾圍人走，等左30分鐘左右可以入座。坐下來馬上叫一個古法生炆龍躉，龍躉皮成尺厚的骨膠原非常令人討好(女士必食)，味道不錯，不過不知是否我們這個比較重手，有點過咸，不過大概上還是不錯，色香味齊全。避風塘瀨尿蝦(食左1/3先記得影相)，送飯一流，第一次食到既瀨尿蝦會剝埋殼俾你 + 避風塘炒 + 白飯，避風塘香料入哂D蝦肉度，加落白飯真係超級美味，絕對推介。芥末牛柳粒，牛柳粒食落有WASABI味，不過完全吾辣，味道很香口，牛肉質感、水分都剛剛好，一口一口食，正到呢。最後叫左個奶油菜蔬同jj雞煲，將熟到9成既雞倒落去熟既熱瓦煲，聲音效果很到位，感覺又夠哂鑊氣，食落口好香、彈牙，幾爽！最後，走左去第到食個靚糖水閃人hehee(這間沒有糖水xd)

一早ＢＯＯＫ　左位同兩位朋友相約試。點知勁多人，　ＢＯＯＫ　左都要等多１５分鐘先有位３　人叫左薑葱蟹，　介辣牛柳粒，　嗜嗜雞什煲，　避風煻瀨尿蝦嗜嗜雞什煲將熟到九成既雞什一野倒落去熟１００％既熱瓦煲，　ＳＡＳＡ聲, 夠哂鑊氣, 好香, 而且雞什好彈牙,要黎撈飯一流(太大煙張相影吾清)介辣牛柳粒牛柳粒熟度剛剛好不太軟又不太林, 食茖有少少WASABI 味, 感覺好得意.!薑葱蟹味道普通, 可能蟹不算新鮮肉鞋避風煻瀨尿蝦好有驚喜, 第一次食瀨尿蝦會剝埋殼俾你而且仲要用避風塘炒, D避風塘香料入哂D 蝦度, 真係好好味, 強烈推介基本上呢間食店既小炒全部都好好食, 其實我都去過幾次.除左蟹之外, 其它野都可以一試.!

早2星期book台因為呢度唔book台係唔可能有位的雖然坐得逼d, 不過唔緊要la, 好味又抵食丫嘛!一班人來食最開心 珊瑚蚌炒翠玉瓜珊瑚蚌爽口鮮甜, 唔係發水發到勁大陣味又唔甜又炒唔入味個d豬雜煲豬雜干淨惹味, 不過爭左小小鑊氣,多油左小小籠仔蒸蝦葉香蝦甜, 有d仲有蝦膏tim糯米飯入味, 不過我地覺得干身左d, 可能時間耐左小小井水花甲強烈推介!!!!!花甲又肥美又鮮甜, 真係好甜!個湯超鮮甜! 有胡椒去腥味同吊味 但又無over到仲有可以掛湯食既粉絲同入晒味既蔥條正到叫左2轉都仲想再叫! 哈哈

好彩早3日前電話訂枱7:30 pm, 我地6人7:15 pm 到達, 依段時間所有枱都被人訂左, walk in根本無枱。如果要傾計, 就唔好選擇依度, 因為好好好好好嘈, 講得細聲D都聽唔到, 食物質數就唔錯, 可以打邊爐或叫小菜入到去叫左砵酒蠔, 蠔都算多, 每人一隻仲有多, 個汁甜甜地都幾好食芥末牛柳粒, 芥末汁都唔算好攻鼻, 都好好食花甲胡椒粉絲湯, 花甲係大隻個種, 都有8隻, 個湯勁有胡椒味, 飲完即暖身避風塘瀨尿蝦肉, 拆肉炒, 方便懶人, 不過肉質有D淋, 份量都較少咕嚕肉, 肉厚有汁, 甜酸汁又唔會過龍, 好食椒鹽鮮魷, 肉細, 脆漿多 麻麻地

沒有想過, 我們會為這裡的小炒及白飯著迷明知訂了枱都要等我們也願意等冬天限定的羊腩煲四人吃剛剛好羊肉炆得很淋最愛那些馬蹄及大量的枝竹點腐乳超好食本店最利害的一道餸 - 避風塘瀨尿蝦不用剝殼, 啖啖肉, 剩下的炸蒜可撈飯一碟幾乎不夠若果想encore也未必有, 因為太熱賣了金豪的白飯用上泰國米, 煮得相當完美軟硬適中送肉餅, 豉汁蒸鱔等最好而且有電視看, 適合一起看大結局排隊, 是值得的

金豪肥牛豬骨煲 2013年12月8日(星期日) =007=典型的酒家仔, 有大大小小的圓枱, 中國人就是喜歡一家人圍著圓枱吃飯。電話訂座 5人 6:30pm, 到達後就有人安排我們入座, 店員先送上辣青瓜一小碟, 夠爽夠入味, 數分鐘已被我們清光了。好味醬烤骨 $93 - 菜如其名, 真的好好味。上枱的時候本是一塊四方形的腩排,  之後店員會迅速用剪刀將它們分開成數塊, 看著熱騰騰的肥肉出煙, 再加上那個香氣撲鼻的酸甜汁, 食指已經大動。 放一小塊進口, 一咬, 肉質非常軟, 肉香在口中四溢, 加上那個充滿清香菠蘿味的醬汁, 絕對可以吃到一碗飯。蚧孖寶 $338 - 蒜茸粉絲蒸聖子火候剛剛好, 聖子夠大隻和鮮甜, 蒜茸和粉絲永遠都是好朋友, 吸收了豉熟油更美味。避風塘炒蟹等了比較長時間, 上菜後心急的我一見蟹鉗便出手一抓,  怎料蟹鉗超級傳熱, 燙得我手指發紅, 之後過了十分鐘還是很燙手, 可見這個避風塘炒蟹火侯有多強。 吃下去有點辣, 夠多肉, 但香口過後遺下的是喉嚨有點痛。砵酒焗桶蠔 $133 - 略縑砵酒味不夠濃, 有點遺憾, 可能我們一家都是好酒之徒, 要求比較高。桶蠔夠肥美,

KsMeow跟友人說起愛吃海鮮，但對除海鮮殼...深水埗地膽的她，毫不猶疑推薦我們試試那里一間小店，避風塘椒鹽瀨尿蝦肉不用除殼、又有養顏雞湯翅... 似乎不錯，想也不想就訂位了！平日晚上到來，店內幾近坐無虛席；幸好預先訂座，否則不可能入座！裝潢光猛四正（這句有點像樓盤廣告！笑.... ）桌子間距尚算闊落，沒有討厭的椅背貼椅背情況，衛生不錯！邊吃著拍青瓜（10個大洋）邊等待友人，青瓜微酸且非常爽口，配著濃濃的蒜泥同吃，好不開胃！如辣味再強烈一點，口感更刺激！正值休魚期，皇牌避風塘椒鹽瀨尿蝦暫停；既來之，則安之，改吃另一皇牌雞湯翅（398個大洋/中）侍應先給我們過目翅身份量，並即場把其放入熱騰騰的雞湯中！湯底濃而不膩，沒有多餘的肥油附在碗邊；雞肉份量可，肉質頗嫩，最神奇是翅的份量還要比雞肉多！嚐過這碗CP值不錯的養顏雞湯翅後，我們已在討論何時再來！．．．驚喜一浪接一浪，古法炆龍躉翅（438個大洋）同是美顏恩物！鰭位先輕輕炸過，再放入吱吱作響的熱煲之中，肉身外香內嫩，不帶魚腥；龍躉皮成尺厚的骨膠原令人討好，男友人還笑說，未知餐後會否變靚仔，嘿！...．避風塘生蠔（133個大洋）生蠔略跟薄粉漿