金豪酒家

營業中

休息中

<轉左環境但 keep住水準既金豪>😍呢間金豪肥牛豬骨煲 好耐冇去 記得佢既小炒係好正。 過左幾年 見到佢 openrice 上面 多左間金豪酒家 原來係生意好再開多間鋪 入面裝修由中菜館變左做酒樓。 價錢略貴左 d 但可接受 重點係食物一樣甘好味 甘都值回票價😃 其實 佢有好多招牌菜好似好味醬烤骨同避風塘瀨尿蝦 但太夜黎食宵夜都冇 唯有下次😂🍴避風塘茄子🔥🍆佢既避風塘 硬係好多 但好夠鑊氣 帶 d辣十分惹味 茄子切成方粒形 口感香脆 入面熱辣辣 好香口 正 ! 🍴豉油王炒麵🔥呢個應該係我食過3 大好味既炒麵 即時炒起熱辣辣 麵炒得好夠油香但又夠乾身 加 d芝麻 洋葱 葱花調味 🌿 豉油汁咸甜適中 好正！🍴當紅炸子雞🔥🐤超正既炸子雞 雞大細適中 雞皮香脆夠薄 下面帶有少少雞肥膏😈 雞肉好嫩滑 好味！ 🍴金菇肥牛煲🐂用鍋上 熱辣辣 牛肉用左滑牛肉 煙靭牛味都濃 有好多爽口金菇同芽菜 增加爽口度 連埋醬汁 撈飯一流 🍴椒鹽鮮魷 🦑鮮魷出面層皮夠薄同香脆 椒鹽味出 入面既鮮魷新鮮彈牙 好味 🍴豉油王鵝腸 😄呢個必點 佢既豉油汁夠香甜帶 d黏稠 鵝腸係新鮮鵝腸 好肥美又

舊年幫襯開嘅金豪酒家，時時因為冇位而轉軚。今日好好彩，入到去啱啱好有三個位，3人叫咗3個孖寶，分別有鹹魚肉餅飯，粥，鮮蝦蛟，牛肉腸粉，咸水角同埋紅油抄手，特别嘅事係紅油抄手唔見紅油，但係有醋汁，調較嘅味道酸中再甜，好味。呢D就叫錯有錯著，都開心㗎

一家人(六位大人一位小朋友), 即興想出街食餐飯, 冇乜特別心水, 上水深水埗探下險, 睇下會唔會搵到好嘢食。呢間金豪好近嘉頓, 交通好方便、又易搵。 擴張, 新鋪開張, 地方唔算多、預算好大, 啲枱都唔會話排得好密, 坐得好舒服, 人手充足, 招呼周到。經理介紹的<好味醬烤骨>, 我哋都見每檯都食。口感唔錯, 味道香濃, 鹹甜適中, 大人細路都鍾意。<沙煲芥蘭啫爽肉> 芥蘭好鮮嫩。用呢個方法煮, 真係一流, 嘢味之極。呢個係招牌雞(半隻), 好好味。雖然知道都係冰鮮雞, 但烹調手法令到佢好滑好嫩, 好似食緊新鮮雞咁樣。<避風塘瀨尿蝦肉> 平、靚、正嘅招牌菜, 啖啖肉, 惹味新鮮, 食過返尋味呀!<龍躉兩味 - 翡翠炒斑球> 重點一題係: 師傅功架十足, 火候充足, 用料新鮮。 如果分量再帶返少少就好啦。<龍躉兩味 - 清蒸班頭腩> 鮮味呀! 又滑又嫩 , 蒸嘅時間啱啱好。嗰啲果皮同蔥都係主角。

噚晚同班舊同事聚會，飲飽食醉返到屋企都差唔多凌晨一點，所以攪到現在才有時間來個總結😝。呢碟好似剛食完避風塘炒蟹淨番嘅金沙，其實係小炒店最出名嘅避風塘尿蝦肉，將瀨尿蝦起肉嚟炒，食得咁尖真係。。。瀨尿蝦肉超級鮮甜，食到唔停口😋😋😋。幸好我預早自携左一支日本銀座跳樓貨，唔係點襯得起今晚嘅佳餚呢？噚晚實在食得太開心，邊吃邊點都叫左十幾個菜，篇幅有限只選了其中十款最Top之選：避風塘尿蝦肉、椒鹽脆豆腐、炸大腸、沙薑豬腳、馬友鹹魚蒸肉餅、古法炆班翅、蝦乾通菜煲、惹味炒蟶子、泡椒煮田雞、招牌炒飯。

朋友前日帶左我去呢間食晚餐～ 眼見佢門口幾光猛，好似新裝修，朋友話佢維修過～ 幾靚既𥚃面都幾乾淨同企理～ 衛生唔錯！選擇都幾多下，幾個menu咁多！朋友叫左白灼牛頸脊，同豉椒炒花甲！佢話都幾好食，我地見隔離枱係咁，所以跟住叫🤣🤣前菜就麻麻地🙈 唔啱我口味！等左10分鐘，就有得食了整得好快，花甲好好味，豉椒味好入味，我地仲特登叫飯送汁 可以送幾碗飯🤣至於另一味就幾surprise~ 牛頸脊好生，但好易入口，唔會難咬開，點豉油好好味，又係可以送飯～ 價值一般，值回票價既😊👍🏻

尋晚約咗男朋友去咗深水埗食好野 男朋友話帶我去食小炒，而且係好好食嘅小炒！去到金豪，見到佢落咗閘，以為休息一日！點知，睇清楚啲！原來舊址裝修，搬咗去隔離即刻好開心新嘅地方裝修比舊地方靚，感覺好光鮮！轉左用枱布，衛生左好多雖然本身都係衛生程度高～ 呢間嘅選擇都好多！真係諗得出都有～我哋叫咗豉椒炒花甲同白灼牛頸脊😍😍 一聽啲名就好想食😍 點樣服務都好好，大部份服務員都係上年紀嘅，所以好有耐性，而且好好客終於有得食啦豉椒炒花甲賣相冇得頂，花甲好大！比我想像中大！大概係半個手掌✋🏻仲係份量都好多！裏面嘅肉好入味！真係炒得好好，我係每食一個就讚一次好味 至於白灼牛頸脊 好得！ 肉非常林身，仲要半熟！入口即溶～ 最surprise嘅係我哋本身發覺豉油比較甜，唔啱我哋口味，就同左服務員講，服務員竟然同我地講：交俾我！隔咗1分鐘，佢拎多咗兩碟豉油出嚟同我地講: 試吓去!! 我真係嚇咗一跳！真心視客人為先結果，真係唔錯，啱晒我哋口味！整體諗來講，我係超級推介，我仲要即刻同朋友推介，下次帶佢哋嚟食！

今晚約左班舊同學食飯，同學話深水埗有間小炒好好食，話一齊去試下。當個朋友send個餐廳名出黎，見到肥牛豬骨煲我仲以為佢send錯添，原來呢度除左豬骨煲，仲有小炒食！去到門口都有d人等位，好彩朋友book定位，先至唔駛排。我地叫左5個餸，包括椒鹽鮮魷、啫啫通菜煲、啫啫雞煲、芥辣牛柳粒同炸大腸。前三個就輕輕講下，後兩個先係重點推介。先講個椒鹽鮮魷，粉唔算厚，蛋漿比較多，所以炸時面粉發得較勁，都炸得幾金黃香脆，係香口好食嘅。啫啫通菜煲都算係餐廳名菜之一，鑊氣好夠，雖然都似係炒好放落煲，但佢起碼燒紅個煲先放，唔會一下就凍晒，味道偏咸但惹味。啫啫雞煲就無乜驚喜，所以不提了。至於另兩個重點推介就係芥辣牛柳粒同炸大腸。芥辣牛柳粒個汁就用日式芥末加沙律醬開成，其實食落都有d攻鼻，不過愈食愈過癮。牛柳粒肉質唔錯，咬落都算軟稔有肉味，加芥辣係幾夾。不過配料蜜糖合桃加芥辣汁更夾，同時有2種味道，又甜又辣，合桃清得快過d牛柳。炸大腸呢就算係我食過數一數二，外皮炸得好脆好脆，但一d都唔油，而且裹面一d都唔乾，咬落仲係軟軟嘅，火候控制得剛剛好，呢個真係要比個like師父。總括來講，真係高質嘅小炒，雖然地點唔係大街

幾年前經朋友介紹來金豪吃海鮮，一試難忘，尤其招牌菜：油鹽水浸花蛤、 籠仔糯米飯蒸蝦、粉絲蒸蟶子、雞什煲、避風港塘瀨尿蝦....想起都晒流口水。曾經兩次路經門口，想嘗試walk in去食，點知門口企滿人無位，就一直與它再無緣。今個月7點幾，飯市時間路經深水埗，我同老公兩個本打算去碰吓運氣，行到門口時，待應話有位，仲帶我地行過幾個舖面的新店。今次鹽水浸花蛤好唔掂，細隻兼無鮮味，廚師唔知係咪知道貨源唔新鮮，所以用了濃湯及重胡椒來調味，這一餐最後悔叫了這菜。蒜茸蒸蟶子味道跟上次差不多，粉絲足，唔會蒸老。籠仔蝦比我第一次來吃細隻了，可能比起幾年前蝦的成本高咗，所以相應蝦嘅體重輕了。我老公最欣賞啫啫芥蘭煲，切得粗幼適中，菜唔老，味道夠，唔會硬邦邦，佢話其他地方食唔到咁好味，至欣賞係芥蘭上桌時才放入砂鍋，陣陣香味兼熱辣辣。喜歡金豪小菜，味道好，價錢合理，會推薦朋友來吃。如果呢間開在港島區方便我就更好，一定會常來幫襯。以前試過去炮台山分店，廚房絕對無呢間煮得咁好食。順帶一提，新店門口設計怪怪的，門口附近啲檯，每次自動大門一開就吹入熱風，關門時又吹住強烈冷氣，邊食邊冷熱交替感覺好難受，或者做過屏風檔一檔

呢間係隱世美食店，如果唔係朋友介紹，我係完全唔會經過呢一邊，唔會發現呢一間咁好食嘅小炒店因為本身好少去深水埗果一頭，但係知道其實都有好多好食嘅鋪頭，呢一間係朋友介紹過嚟，佢話佢自己食過一次之後，食過返尋味，所以不斷帶朋友去食我本身都唔信。我哋係夜晚去食，去到之後,門外面見到好多人排隊,見到餐廳入面都有好多枱，但係就滿座心諗,一定好好食先至會爆場～等咗大概30分鐘左右,就有得食!其實,我都覺得等得太耐,但係朋友興致勃勃,所以就試吓入到去環境比較嘈吵,但係即使係兩個人,都可以被安排坐好寬闊嘅座位，呢樣野好加分！不過因為枱太大,兩個人傾計有啲吃力,因為環境有啲嘈,所以比較適合一大班人去食，如果想兩個人靜靜地傾吓計,就冇可能我哋叫咗佢嘅招牌：砂鍋西蘭花啫爽肉同埋翠玉瓜香菇炒牛柳粒等咗大概10分鐘，砂鍋西蘭花啫爽肉就到 超驚喜，上菜時，砂鍋係吉既，燒熱咗，然後服務員再爽肉同 西蘭花喺我地面前放入鍋，即刻聽到炸炸聲，再喺我地面前炒熱啲餸就食得～ 味道一流👍🏻👍🏻👍🏻 肉真係好爽，好啱送飯，西蘭花又唔會太大舊，細細粒，入口熱辣辣，好至於翠玉瓜香菇炒牛柳粒更加正，連菇都好入味，牛柳粒好鮮，唔難咬，醬汁

招牌明豬骨煲，入到去乜煲都唔係。重點係啲小菜都唔掂，砵酒桶蠔夠胆死配料都得5條洋蔥😕。其他嘢都唔使講，薑蔥魚雲係中伏首選一個字形容“鹹”，其實係勁鹹。唔知係咪用咗鹹魚做呢？!!除咗係平囉，冇其他可取

一大班朋友食飯，最好大大件，人人都食得飽，圓枱最理想，金豪成為我地新既聚腳點。率先介紹，本人至愛，大肉蟹，避風塘口味，大大隻，啖啖肉，炒得非常乾身。九肚魚味道唔錯，但我椒鹽可以再多d。另一重推介，蒸蛋白，平時好少叫呢d，不過黎金豪必食。蛋白超滑，可能加左牛奶，食到北海道奶味，淨配白飯都正🙌🏻本來想叫炸子雞，可惜冇曬，唯有叫呢款，雞味重，但好似冇炸子雞咁嫩滑咁香口。炒飯都足料，口感十足。炒聖子，如果肥大一d就好喇！

3個女仔一早訂左位, 去到就可以入座.. 金豪果然名不虛傳, 入面full house好多人!! 我地叫左雞煲翅, 孖寶避風塘炒蟹+蟶子皇~ 仲有肥牛... 真係非常非常豐富! 我平時好少可在外食蟹, 又要剝殼又會食到周圍好污糟, 但面對住呢個避風塘炒蟹, 點忍呀!!  真係超好味囉! 風味夠, 好入味, 蟹肉夠結實, 拆蟹有好多肉, yummy! 蟶子皇都好鮮~ 呢個孖寶真係必食推介! 另外個雞煲翅係超好飲, 個湯好濃滑又唔油, 魚翅份量算多, 一梳梳睇得見口感亦很好! 大家記得去金豪必須訂位啊!

聽朋友講呢間既雞煲翅同賴尿蝦好好味，可惜要多人先食得多款式，所以一直都未試。趁住經理生日我見意去呢度食預早2日訂位同留兩煲翅可惜賴尿蝦無返貨有點失望。一行12人叫左十幾道菜兩煲翅大約夠10人食，真係好多翅雞湯好鮮甜，食啖啖翅水煮魚雲煲，酸酸辣辣幾惹味炸鮮蝦紙米卷好香口脆卜卜，味道不錯但有點兒炸過火了西蘭花鮮魷正常野，無咩特別。我覺得d菜好味過鮮魷🙈🙈肉質滑，唔太肥不錯椒鹽豬扒香口肉質唔會太乾，但份量有點少薑蔥炒蟹好大隻蟹一上枱就被搶購一空🤣🤣肉質鮮甜，但我覺得味道有點淡可以再重一點豉汁蒸鱔味道濃郁但肉質有點韌避風塘炒蟹夠惹味，同樣一上枱就被搶購一空肉質鮮美唔會因炸過而變乾我覺得呢個好食過薑蔥炒蟹。芥末牛柳粒牛柳被薄薄的芥末包住，芥末剛剛好不會搶左本身牛肉既味道啫啫通菜煲整體來講餐廳食物質素唔錯，當天侍應很熱情🤣🤣不過冇賴尿蝦食有點失望😞只好下次再嚟試。

有個已移民外國的同學仔回港，就相約一班從小便認識的同學仔吃飯。她想吃地道小菜，腦中即刻彈出金豪來，因以前朋友介紹及吃過，水準不錯和有特式小菜，一於提早訂枱，店員說人多的話可試試古法炆龍躉翅，另外也訂了一個羊腩煲。首先來個羊腩煲，份量剛剛好夠八個人，每人可淺嚐數件，做得入味又不so，加上唐oh菜，不錯不錯！第二道菜是古法炆龍躉翅，個個大鄉里走去找魚翅，原來是一煲龍躉肉，笑死個伙計。這煲菜份量十足，炆得很好，口感十足。跟住來了蒜茸蒸聖子皇，隻隻有手掌的長度，一啖一隻，大滿足！隨下來是避風塘尿蝦肉，這個真無得彈，去殼淨肉吃起來方便利落，真想安哥一碟。中段叫碟炸大腸送酒吹下水，個個都忘記了那些什麼的警告方言。為免被人捉到證據，所以不拍片了。意猶未盡， 隨即點了薑蔥蠔煲，一人一隻，大大隻，要飲多杯酒。大家都是海鮮迷，就點了一碟井水花甲。湯底好味，可惜有砂及有數隻不能開殼，失敗之作！整晚都沒有什麼實肉入口，叫了個芥末牛肉來填肚。味道可以，牛肉有點 有點硬，咬到牙軟，too bad! 埋齋來了個芥蘭爽肉做纖維，味太濃要喝水。 總括來說整餐都滿意，每人不用三百元就吃過飽！

想食大排檔，朋友介紹呢間金豪，話好高質，的確無介紹錯。叫左個海鮮孖寶，四百幾蚊有四隻蟶子同一隻避風塘炒蟹，蟶子皇長過我手掌，肉又肥，又爽口，好掂。避風塘炒蟹好惹味，隻蟹又夠大隻，又多肉，值得一試！