金豪酒家

營業中

休息中

金豪我食過3次, 最難忘的一直都是豬手。我原本是一個不懂得又不喜歡食豬手的人, 但這個菜式, 令我對豬手完全改觀。它的調味令豬手十分入味, 那種麻辣的感覺是令人十分開胃。另外, 椒鹽瀨尿蝦都十分驚喜, 因為不用自己拆殼, 但鮮味不夠。

今晚同屋企去左深水圳食中菜。呢間餐廳既設計擺設都幾懷舊同親民，依家呢d餐廳真係買少見少。今餐點左5款小菜，有豉油王鵝腸，芥茉牛柳粒，新鮮菠蘿炒咕嚕肉，同一魚兩食 (炒班球，炸魚煲)。第一樣野泥既係豉油王鵝腸，份量都幾大。鵝腸口感都幾爽口同幾入味！食鵝腸最驚唔爽口，咬唔斷呀！鵝腸配蔥同笌菜泥食，油膩既感覺大大減少呀！芥茉牛柳粒係一樣我幾推薦既一樣小菜，點解？牛柳粒細細粒，一口食到，唔似d牛柳條要食幾次先食得曬。牛柳粒既表面充滿曬芥茉，但芥茉味又唔太重，食唔到辣既朋友都食到！仲有佢地用既牛柳粒都應該幾上乘，入口充滿牛味，每一咬都散發住震震牛味。新鮮菠蘿炒咕嚕肉就係一樣差唔多每一次食中菜都會點既一樣小菜，味道不錯。但店用新鮮菠蘿，甜酸味更好。而一魚兩食就幾有驚喜，個人鍾意炒班球多d。班球幾爽口，又大塊，同其他魚唔同，正！食得出佢地用既魚都幾新鮮。魚煲都幾入味，屋企人成都都清曬，證明幾好食！

今日去開深水埗買電腦用品，順道食過晚飯，經過隔離街見到有間食小菜不錯就入去試下👍環境乾淨企理，坐得舒服😌餐牌上除了小菜還有特價海鮮孖寶，服務員會主動過來介紹餐廳菜式給我們👍咕嚕肉這碟咕嚕肉色香味俱全，豬肉炸得微脆香口，沒有太多粉漿，食落啖啖肉，酸甜度適中😋龍躉兩味這個是店員介紹的，一條魚兩個煮法，斑頭腩炆枝竹，上枱時熱辣辣香噴噴，魚腩先炸後炆所以很入味，魚肉嫩滑，配菜還有枝竹腩肉，枝竹吸入醬汁食落很惹味😋翡翠炒球西芹爽口清新，龍躉起了肉完全冇骨，魚皮煙煙韌韌，膠原非常豐富，調味適中👍亮哥炒飯炒飯炒得很有鑊氣，不會太油，飯粒粒分明，配料比例適中，口感豐富😋

上星期晚九點同家人去左深水埗既金豪酒家食晚飯，第一次幫襯見人流吾少，所以就試下依間餐廳食物如何～本身想試食海鮮類既食物，但侍應告知因休魚期和打風而沒有貨。order雞可惜賣晒，真的有點兒失望；難得黎到酒家最後都食吾到想食既野。另外，服務態度有改進既地方。椒鹽鮮魷：依度既椒鹽鮮魷外炸皮吾同出面，外炸皮跟魷魚既肉較分開，而鮮魷口感偏向軟口；因魷魚經過炸既程序，食落有點兒油膩。啫啫通菜：通菜會在客人前放入鍋中，可以即時做到啫啫聲既效果，香味突出。通菜爽口，味道入味。菠蘿咕嚕肉：個人覺得咕嚕肉味道甜甜地，咕嚕肉既肉吾會太過實，易於咀嚼！加入左菠蘿令整碟味道增加左酸酸甜甜既味道啊～亮哥招牌炒飯：炒飯夠晒大碟，飯粒分明，味道帶少少咸味。

老公一向喜歡食中菜，尤其是去酒樓，自從疫情發生已經冇去好耐，朋友介紹深水埗金豪酒家，中菜做得唔錯。今天同老公去完深水埗買嘢，專程行過去酒樓食晚飯，試試味道如何！龍躉兩味：枝竹炆斑頭腩，原煲上的枝竹炆斑頭腩，未吃已先聞到枝竹 、火腩和斑腩的香氣. 被薄薄炸粉包裹的炸斑腩嫩滑. 另外枝已炆到軟腍,兩樣都好入味！火腩肥瘦適中，肉質細緻。翡翠炒班球：班球件件厚肉，魚皮膠質極重，魚肉鮮嫩，啖啖肉，好食！配西芹炒，又香又爽口！紅燒BB鴿：BB鴿即叫即炸，上檯熱騰騰的，油溫炸得剛好， 鴿皮吃時十分香脆， 入口肉很嫩滑。亮哥招牌炒飯：飯加入蛋白和菜粒炒得粒粒分明，而且夠晒鑊氣，

今日放工去深水埗黃金商場買嘢，買完野之後當然要醫肚啦！突然醒起之前舊同事介紹過深水埗有間唔錯嘅中菜，今日順道可以一試！門面都好光猛, 舊式酒樓但係乾淨企理!呢度有好多款小菜選擇，生猛海鮮🦞，煲仔菜，家常小菜，炒粉麵飯等等！好多選擇!今日我哋4人共叫左六樣嘢，首先嚟咗個咕嚕肉，一咬落去肉質香脆可口，個汁酸甜度剛好，喚醒味蕾迎接跟住既幾道菜。上湯豆苗，湯濃菜嫩，奶白色既湯滲透入菜苗中，超正😋霸王雞用左新鮮雞黎整，肉質細嫩多汁，淋上自家製豉油加蔥將雞既鮮味提升到另一個層次！因為屋企人最中意食班，經職員推薦龍躉兩味就即刻落order。先來翡早炒斑球，啖啖肉，骨膠原相當豐富，再來蒸斑頭腩，簡單的做法加上姜蔥鮮味十足。最後就到亮哥招牌炒飯，加入蛋白，菜粒，乾瑤柱，每粒飯不但炒到粒粒分明，而且好有光澤，只是用簡單嘅材料炒已經好好味，抵讚！  話咁快就一掃而空, 好味道!始終都係香港人, 一家人圍埋圓枱食番中菜特別好味道, 尤其是老人家都唔太啱西餐日本野咁可以食到間好食既中菜, 又可以做飯堂啦!

之前聽朋友講話深水埗有間食小菜唔錯，今日放工終於可以一試！雖然今日係星期一，但都有九成入座率，相信呢間餐廳有一定水準！由於我哋第一次嚟，唔知食乜好，呢度啲侍應姐姐勁好服務態度，逐一為我地介紹有咩招牌菜！經過一輪介紹之下，知道我們鍾意食魚，就提議我們點龍躉兩味，分別係翡翠炒班球和清蒸班頭腩！班球食得出十分新鮮，肉質鮮嫩，好有鑊氣，而且每件班球都大大件，斤両十足👍🏻清蒸斑頭腩用了陳皮，雲耳，紅棗一齊蒸，除了癖除魚的腥味，還突出了魚嘅鮮味，配埋蔥花一起食相當好味😋還推薦了我們食雞，因為呢度從開業以來都只會採用新鮮雞，果然係一分錢一份貨，除了好有雞味之外，連雞胸肉都十分滑！上湯豆苗，豆苗十分翠綠，因為現是食豆苗的季節👍🏻👍🏻咕嚕肉，炸得香脆之如，而且肉質選了半肥瘦，所以口感相當好！亮哥招牌炒飯，呢個簡直讚不絕口，因為飯炒到粒粒分明之外，食落又不會太油膩，加埋蛋白菜粒一齊食好有口感！總結：呢間深水埗酒家位置十分方便，地鐵一出行幾分鐘就到，而且價錢相當合理，又夠穫氣，下次一定會再約埋三五知己黎再試埋其他招牌菜😋😋😋

全民抗疫叫外賣 今次幫襯左間小菜館 叫左黑椒薯仔牛柳粒, 黃金蝦球, 蒜蓉蒸節瓜, 西芹鮮魷炒蝦, 價錢唔算平 平均過百一樣餸 雖然味道ok, 但唔算特別出色 性價比一般 份量唔算多

深水埗的這條街不是旺區所以相對冷清，但卻有一些食肆及店舖，今晚和朋友到此飯店就是在這條街。飯店有兩個舖，不過唔係連鋪，要相隔一個舖位之後先有另外一間。飯店提供一般中菜菜式，見到每個食客食嘅中菜都甚有鑊氣，所以我哋都會叫啲小炒來吃。鮮菠蘿咕嚕肉 $108小菜就係食到大廚鑊氣，咕嚕肉香脆肉軟硬適中，菠蘿不是罐頭，是鮮菠蘿果真零舍不同，連洋蔥、青椒、葱段等配料，酸酸甜甜，送飯一流。西蘭花花枝片 $98西蘭花係我鍾意食嘅蔬菜之一，貪其有咬口爽脆，我欣賞鮮魷魚堅新鮮，有啃勁之餘好有魷魚香，我仲特登叫碟蝦醬，令口感更豐富。 這餐為朋友慶祝生日的飯局，慶祝生日之餘也慶祝久未聚會，鑊氣十足的小菜令人回味，如果唔係揸車，就一定飲番兩杯啤酒，待下次再嚟食過。

深水埗區不嬲人多，就算疫情其間黃金商場附近也人潮湧湧，難想像這是疫情期間的現象，趁疫情放鬆去朋友家探訪， 探完之後佢話一齊喺附近食嘢，帶咗我嚟呢間食店晚飯，食店裝修樸素感受到懷舊風氣 。雖然已經是晚上九點，食店內仍有很多食客，似乎有一定捧場客。食店提供洗手液，有簡單的衛生設備。食物選擇正路，一般中菜菜式，價錢沒有特別平，尚算標準。我們叫了份海鮮孖寶$398，當是我和朋友久未見面後食個海鮮慶祝下。蒜蓉蒸聖子，有粉絲同大量蒜蓉，啱晒鍾意重口味嘅我，一嚐知是新鮮。海上鮮，一樣新鮮，肉嫩滑，加上豉油調較出色，送飯一流。簡單的餸菜卻食得出食物質素不錯，大家食過亦ok，我們度過愉快的一晚，稍稍放下今年疫情的壓力。

深水埗有很多味道不錯的小炒，今天和家人來到這間經常排隊的中式菜館。由於限聚令的關係，即刻比以往少，雖然沒有長長的人龍，不過全個餐館也滿座了。避風塘瀨尿蝦238砂煲芥蘭啫爽肉 88亮哥招牌炒飯98金豪和味雞148鮮菠蘿咕嚕肉108翡翠炒班球小菜相當有水準，我和家人點選了數個小菜，最後各人也讚不絕口，捧着肚子再打包回家。個人最喜歡砂煲芥蘭啫爽肉，店員捧着一個燒滾了的砂煲來到面前，然後立即把所有材料放進去快炒。瞬間冒出熱騰騰的煙，香氣四溢，非常惹味。特別一讚還有炒飯，每一粒粒粒分明，炒得乾身又入味。其他小菜也好吃，不過個人覺得和味雞份量稍小，如果再多一點便好了。

今日同朋友一齊黎金豪酒家食晚飯，覺得質素唔錯，價錢合理，特別係海鮮，值得推介首先介紹一下海鮮蒜蓉粉絲蟶子： 冇沙， 大隻抵食， 口感唔錯，彈牙， 吃得出是新鮮的，十分推薦。避風塘瀨尿蝦肉： 辣度適中， 炸蒜很香脆， 蝦身有彈性， 瀨尿蝦已剝殼令食客吃得很方便 ，令人回味。另外仲有兩款小菜好味醬烤骨： 上碟時是一塊肉， 類似東坡肉的物體， 店員會幫手切開六塊， 我哋望住佢切落去嗰陣時， 知道塊肉應該好淋， 炆左好耐， 食落去，質感唔錯， 半層肥半層瘦，入口即溶。砂煲芥蘭啫爽肉： 熱辣辣， 芥蘭很新鮮， 豬頸肉很爽脆， 口感岩岩好。最後我地叫左事頭婆炒面： 每枱必點， 師傅炒得很有鑊氣， 而且夠曬入味， 又唔會太鹹，抵讚。整體黎講，環境坐得比普通大排檔舒服，而食物質素也不錯

食中菜，你會諗住去邊度食，高級食肆，連鎖酒樓，大排檔，中環，土瓜灣，元朗，沙田，旺角，長沙灣……其實十個人十個口味，個個選擇都唔同皆屬正常，如果得一個選擇，咁就……根據朋友推介，今日我們一行4人就揀咗位於深水埗青山道嘅『金豪酒家』，不嬲以為呢度係大埔道，因此來到呢度千祈唔好以為自己行錯，呢度係大埔道同青山道的交叉路口，而『金豪』有2個地下舖面㗎。㨂咗枱枱都有嘅『沙薑豬手』，豬手唔會太腍，又唔太硬，恰到好處有咬口，個調味又係好恰當，食第一舊時已經想食第二件，正『龍躉两味』棄清蒸揀咗『枝竹炆斑頭腩』，『翡翠炒斑球』就不變，枝竹炆頭够晒入味，火候够好惹味，翡翠斑球大大片好满足，有西芹伴碟好健康『好味醬燒骨』又係招牌，枱枱必點，雖然叫得『骨』但冇骨，菜如其名，真係『好味』，個人覺得似東坡肉多D，師傅功夫好，啲肉入口即溶，啱哂所有年紀啲人。『濃湯海味什菜煲』多菜，濃湯名符其實，平衡返上面食醬燒骨的少少『罪惡』感。

屋企人生日，佢鐘意食中菜，所以我地就去左中餐館到食餐好既慶祝生日。呢間餐廳喺深水埗，價錢貼地，又方便我地！打開餐牌，有好多唔同既菜式，望落好吸引！我地一行四人，點左幾道菜！首先，我地點左個冷盤-沙薑豬手。呢道菜好有麻香味，豬手既皮好有咬口，正！另外，我地點左好味醬烤骨，呢道菜有啲似東坡肉，啲肉煮到好腍好入味，啲肥肉超正，人口即溶。屋企人好鐘意食海鮮，所以我地點左個龍躉兩味，分吃係用左炆同炒呢兩種煮法！翡翠炒球就係用左炒既方法，芹菜同埋龍躉一齊炒，龍躉炒到好香，配搭芹菜好balance!清蒸班頭腩都好正，班頭腩好香脆，再加埋啲枝竹等，好惹味！最後，楝係要點啲菜食下啦，我地點左個健康又好味既濃湯海味雜菜煲！

之前一直聽朋友介紹話呢間金豪d野大件夾抵食，一直好想試。今次終於等到呢個機會可以麻麻甩甩咁食個靚飯啦！我地都收好早，見Openrice 啲人寫成日好多人排隊，所以預早Book定6點入座。好彩時間仲早，未見有人排隊。親切既靚姐安排左我地坐旁邊，啲座位都幾鬆動，又唔會太嘈，好方便傾計。呢樣勁加分，所以真係好適合一大班人去食。首先我地叫左個日本毛豬整既酸酸甜甜醬烤骨，食落好滑好軟身，啱曬餸飯。 呢度既招牌避風塘尿蝦肉，啱曬懶人食，殼都唔駛剝，又夠辣夠惹味。呢味砂煲芥蘭啫爽肉又係夠曬特別， 首先炒好d芥蘭同爽肉， 到上檯個陣就將芥蘭爽肉放係預熱既砂煲度。仲有呢味蒜茸粉絲聖子真係三個字：鮮、甜、大。 食完真係回味無窮。最後我地驚唔夠飽又叫左個事頭婆炒面，有鑊氣，炒得好！極力推廣：砂煲芥蘭啫爽肉，因為炒得唔會好油膩。👍🏻其實同知己良朋叫幾款小菜跟啤酒真係一流。真係推薦朋友黎食！🤘🏻