金豪酒家

營業中

休息中

父母結婚周年日，他們一向喜歡食中菜，朋友介紹深水埗有間金豪酒家嘅小菜不錯，經常滿座，因此決定帶他們黎。好彩一早有訂枱，果然好full 。經理介紹了幾款招牌菜，首先上桌是冷盤沙薑凍豬手，很喜歡個醬汁，有蔥花，辣椒，豬手軟硬度剛好，醮上汁辣辣地很入味。雞煲翅，魚翅份量足，有八兩，雞湯味夠濃又不肥膩，超好飲。芥末牛柳粒，夠惹味，牛肉細細粒客易食，配上芝麻蜜糖合桃，爽脆香甜。避風塘炒瀨尿蝦肉，這個簡直驚喜，夠風味，十分香口，仲啖啖肉不用剝殼，吾使整污糟對手。鮮菠蘿咕嚕肉，咕嚕肉炸得香脆，肉質非常腍，材料用新鮮菠蘿，加上紅黃椒，洋蔥等配料，酸酸甜甜，送飯一流。啫啫煲通菜，好大鍋，熱辣辣，通菜鮮嫩青翠，加入蝦幹，味香而青爽。整體食物有水準，雖然地方細，但不會像大排檔坐得甘迫澀，尚算乾淨舒適，店員充足，服務周到，常常來幫我地換碟。下次會再來！

Yo, it’s great that upon my fitness trainer’s suggestion we went to Shamshuipo for an excellent localised dinner, which’s super-yummy 今晚我的健身老師推薦下，一起去 #深水埗 #金豪酒家 吃晚飯、好有大排檔風味、食物好有鑊氣、＃美味しい 🏙🥢- 個豬手簡直係人間美食、個汁又麻辣又香- 剝晒殻嘅賴尿蝦真係好香脆- 我薑蔥生蠔其實真係好好味

終於可以一家人出街食晚飯！揀左屋企附近既呢間小菜館食小炒！佢有2個舖位，估唔到7點零都幾好生意！格局係室內既大排檔，幾企理。第一次黎，幫我地落單個staff介紹左幾款佢地既撚手菜🤩冷盤 - 沙薑凍豬手好香花椒味，微辣，開胃菜！避風塘尿蝦肉推薦！剝哂殼，啖啖肉，好惹味！好岩送啤酒🍻！芥辣牛柳粒Wasabi唔算好供鼻，佢d琥珀甜合桃好正！😋蝦乾通菜煲佢係燒熱左個煲再係你面前擺d菜入去。好香，蝦乾都幾大隻。鮮菠蘿咕嚕肉咬落去係脆！但係一d都唔厚粉！幾款招牌菜兩老都食到舔舔脷，好滿足！👍會再幫襯！

有得出街食既日子要好好珍惜，今次黎到金豪開餐，其實都唔係第一次食！記得bk枱，因為就算平日都好full，呢到主打街坊生意架！一行四人所以叫左好多野食！叫左份豬手送酒，好爽口彈牙，個汁酸酸地勁開胃！😄牛仔骨上枱仲咋咋聲，大大份，好多件，黑椒味好重，好食送飯一流！叫左個啫啫芥蘭，上枱果下先倒落個熱辣辣厄煲，香氣即刻踴哂出黎，呢到芥蘭唔會煮到淋patpat，有咬口！👍🏿乳鴿都值得一試，又係好大隻，4個人分都好多肉！乳鴿唔肥，脆皮，香口，推介！

好耐無出街食飯，突然好想食小炒，就揸車去深水埗金豪酒家，喜歡這裏食物新鮮又夠鑊氣👍砂煲芥蘭啫爽肉店員把砂煲燒熱上枱再放入芥蘭及豬頸肉，豬頸肉煮至金黃色好入味，芥蘭菜色澤嫩嫩綠綠好新鮮，火喉控制得非常好，熱辣辣好惹味😋鮮菠蘿咕嚕肉醬汁酸甜到剛好，粉漿不會沾得過厚，肉質夠嫩，大小剛好，再淋上滿滿的醬汁及鮮菠蘿🍍很開胃😋清蒸海上鮮食材新鮮，肉質入口嫩滑，魚的味道濃郁，火候拿捏準確，魚鮮汁甜😋無味精👍

約咗朋友食飯,佢話食深水埗呢間金豪,佢話好出名好多人都會食,點知六點幾七點去到真係已經坐滿晒😯食食吓啲人多到可以去埋隔離舖頭！我係第一次試所以朋友發板~叫左枱枱都會叫既招牌豬手,一隻雞同埋一隻乳鴿,加白飯已經多到食唔晒！招牌豬手只係$78,我以為係細細碟,點知勁大碟！有成十大件！豬手係凍食既所以豬皮好爽口,嗰汁有花椒油香,酸酸地真係好正！原來乳鴿都係大大隻,脆皮但唔肥膩~和味雞係新鮮雞,所以1d都唔肥,雞肉彈牙~朋友果然無介紹錯,抵食夾大件,下次搵多人黎再食多d先！

今天到深水埗行街買電子產品，順道經過金豪酒家食個晚餐🥣餐牌上的小菜款式比較多，價錢合理，店員亦為我們介紹多款招牌菜式👍豉椒炒蜆蜆肉完全沒有沙，炒得好入味，粒粒蜆肉帳卜卜好惹味😋咕嚕肉這碟咕嚕肉是店員推介，外皮炸得香脆不會太多粉漿，咬落啖啖肉，菠蘿酸酸甜甜食落很開胃👍清蒸海上鮮魚肉新鮮無比，肉質嫩滑鮮甜美味，簡簡單單用蔥清蒸，巳經好入味😋亮哥炒飯炒飯炒得很乾爽，不會太油，飯粒粒粒分明，加入蛋白一齊炒，口感豐富👍

This is the second time I visited this restaurant in Shum Shui Po for dinner expecting fully that I would be tasting some of the finest traditional Cantonese dishes in Hong Kong and I wasn’t disappointed. We had the marinated pig’s knuckles for starter and it was delicious. The texture of the knuckles was just right, neither too soggy nor chewy, and were complemented perfectly by the mildly spiced sweet soy sauce. The steamed pork with salted fish was also a delight, which reminded me of what mu

呢日住係深水埗既舊街坊襯疫情緩和，約我一家聚舊。佢book左呢間酒家，聲稱係佢既飯堂，有家既感覺。金豪酒家位於嘉頓大廈附近，吾算難搵，MTR行黎10分鐘有找。裝修簡潔，光線充足，乾淨企理。侍應姐姐即時係個壺度倒d花生比我地，比一般酒樓一早倒定，感覺衛生得多。椒鹽鮮魷好有大排檔風味，椒鹽充足，舊舊都炸到岩岩好火喉，吾會太燶。米網蝦春捲好岩小朋友食，因為d饀好鮮甜，外皮好脆，一條一口。入面真係有蝦。雞汁煲有得睇有得食，侍應姐姐即場用個燒到好熱既煲係我地面前炒。牛仔骨好有份量，啖啖肉，吾un吾老，黑椒味吾會完全蓋過牛肉味，食肉獸之選。見隔離枱叫左呢個海鮮孖寶套餐，上枱沙沙聲，好香好吸引。有機會黎深水埗一定會再黎試下。

今日约咗朋友去深水埗金豪酒家食晚飯，六點鐘左右到咗金豪，已經有客人在用餐 ，酒家内既装修有啲陳舊，但是環境舒適，两枱之間唔會好擠逼，地方清潔整齊，服務員嘅態度都好親切，所以我哋問咗佢有什麽推介，佢提議啫啫炒鷄雜同炸蝦春卷，侍應姐姐話炒鷄雜而家已經好少食店會做這個菜式喇，然后我哋加咗一個啫啫芥蘭炒猪頸肉，因為人少三個小菜應該够食。等咗一陣，小菜陸續上枱，炸蝦春卷，细细條，甘香鬆趣，蝦肉內加入葱條非常配合，可作爲餐前小食首選。啫啫鷄雜煲，服務員會在枱上將已熟的鷄雜包括鷄的心，肝，腸，腎，及薑，葱，蒜放入燒熱砂鍋内煮數分鐘才給客人享用。小炒的風味即時飄晒出來！鷄雜鍋的味道咸淡適中，鷄腎，腸炒得剛剛好唔靱又爽口，配白飯超正。芥蘭都炒得好爽口，唔會炒過火，油同鹽既分量控制得剛好。今次晚飯真係好啱我口味呀，一定要推介比朋友來食啊。

喺深水埗嘉頓山睇完日落，到附近食晚飯。行過青山道見到門口貼滿小菜既相幾吸引，就決定喺呢間解決晚餐。我地入座時間尚早，六點零唔多人，但未到八點已經差唔多坐滿。環境光猛乾淨，枱與枱之間距離足夠，唔會逼亦唔會太嘈。我地4個人叫左5個餸米網蝦春卷外皮夠薄夠脆，唔油。細細條作為前菜係一個唔錯既選擇。椒鹽鮮魷粉漿做得幾好，薄薄包住塊鮮魷。火候控制得好好，表面炸得乾身而鮮魷啱啱熟，調味唔重手，食多幾塊都唔會膩。啫啫雞雜煲上菜時係會上一碟雞雜及一個預先燒到好熱好熱既砂煲，然後喺你面前先將雞雜放落個煲到。完全做到啫啫既精粹，有齊視覺嗅覺聽覺既刺激。雞雜應該係新鮮貨而唔係雪藏野，冇腥味冇雪味。腸同腎都好爽，好入味之餘亦唔會太鹹要飲水。砂煲芥蘭啫爽肉芥蘭爽脆，豬頸肉好味，蝦醬味好香，水準以上。黑椒牛仔骨都係砂煲上，黑椒汁濃稠剛好掛喺牛仔骨度，味道唔錯配飯一流，但部分有筋位太硬。總結﹕小菜有大排檔既鑊氣，衞生環境係酒樓既質素，服務態度好，份量足又唔貴，性價比高，啱晒一班人邊食邊飲邊吹水。

一想到食小菜就會來到深水埗這間金豪酒家，這裏的小菜鑊氣夠味道又不錯，所以很喜歡來這裏食晚飯🥣上湯浸豆苗脆綠色豆苗浸在鮮甜的上湯，加了小小蒜片，更加提升菜的味道，食吾停口😋避風塘尿蝦肉師傅刀工一流，把賴尿蝦肉起殼再烹調，賴尿蝦炸到酥香，蝦肉新鮮鮮甜，配上炸蒜頭一齊食，蒜味撲鼻，口感一流😋咕嚕肉咕嚕肉先炸後炒，再加入糖醋汁而成，口感帶點酥脆，味道卻酸酸甜甜，好清新，肉質較為軟腍，與外層嘅脆皮形成對比😋亮哥炒飯炒飯食落不會太油膩，配料有蔬菜🥬蛋白及小許乾瑤柱絲，雖然簡單但夠晒鑊氣，食落都很惹味😋

梗有一家臥虎藏龍既餐廳係你附近夜晚係深水埗果頭，見自己好耐都無咩食過中餐，就揀左一家金豪酒家。芥末牛柳粒。牛柳粒嫩滑，唔會炒得老。牛肉香配上芝麻點綴，提升香氣之餘，入口層次更多。而芥末醬帶微甜，配上牛柳粒更惹味可口，又唔會搶走牛肉既牛味。鼓油皇鵝腸。鵝腸本身爽口，口感已經好吸引。配鼓油皇帶甜香，食落更滋味。而炒得入味令味道更均，唔會一邊有味一邊無味。正！好中意咬落去果種索索聲！鮮菠蘿咕嚕肉。菠蘿既酸甜滲甜入咕嚕肉，惹味又開胃，感覺清爽。鮮菠蘿好過罐頭係因為多份酸味，係罐頭做唔到，因為糖水味蓋過哂。而咕嚕肉微脆既表面，帶多重口感。變化更多，更一流。而一魚二味，用一魚分2種煮法。正好滿足大家饞食既口。配翠瓜鮮菇炒。魚肉較滑身，口感清新，蔬菜既鮮配魚鮮更好味。而用枝竹煲則味道香濃，魚塊表面香脆可口，肉質感較結實。好似一陰一陽，2者各有獨特之處不會重新。更顯得值得食哂2個餸。個人又真心推介呢間，因為師傅手藝滿分，每碟餸都無得彈！

今日去深水埗見客，行行下就去左呢間金豪酒家度，差不多7點，已經坐滿一邊，伙記安排我地去另一邊坐，地方濶落，仲好企理👍🏻呢間酒家d小菜唔貴☺️我地點左：1. 沙薑豬手2. 砂煲生啫鮮雞雜3. 醒胃山渣骨4. 咕嚕骨5. 上湯浸白菜仔1. 沙薑豬手呢個沙薑豬手係冷盤黎，一共有8-9大件，上面舖有有蔥、辣椒粒，而醬汁係祕制豉油同少少麻辣醬油，凍冰冰嘅豬手夾埋啲蔥黎食，點埋秘製醬汁，味道非常惹味可口2. 砂煲生啫鮮雞雜第一次食呢款鮮雞雜煲，金豪嘅雞雜煲係砂煲同埋雞雜分開上，夥計先將一個燒紅左嘅紗煲放喺我哋面前，再將炒香左嘅雞雜放落去，將個香味提高到另一個層次，就好似中式嘅鐵板餐一樣，啫啫聲，好玩又好食3. 醒胃山渣骨醒胃山楂骨嘅醬汁酸酸甜甜非常開胃，而豬扒塊處理烹調手法一流，一咬落去就有好多嘅肉汁流出黎，而外皮仲有少少脆脆地，令人相一試再試4. 咕嚕骨咕嚕骨係我最喜歡嘅菜式之一，呢個咕嚕骨即叫即炸，咬落去仲係卜卜脆嘅，外脆內軟非常好食，而且值得一讚嘅係，咕嚕骨嘅菠蘿係採用新鮮菠蘿，新鮮菠蘿嘅果汁令到咕嚕骨嘅醬汁口味有所提升，酸酸甜甜嘅菠蘿亦中和到醬汁嘅甜味，非常好食，上菜唔夠5分鐘已經俾我哋食晒

好友常約我外出飯局，但礙於疫情多數都婉拒，但好友多次推薦「金豪酒家」是小菜首選，在好奇心驅使下今晚就跟好友到此飯敍。 我們到達金豪酒家差不多6點鐘，時間尚早人流不算多，地方闊落乾淨坐得幾舒服，正是三五知己飯局敍腳的好地方。我們一面吹水一面點了幾個小菜。沙薑豬手：咬落皮脆，肉有咬口但又唔會死實實，連啲根位都好容易咬開，抵讚👍，配埋麻辣汁和薑蔥絲，非常香口惹味。鮮菠蘿咕嚕肉：咕嚕肉食得出係新鮮炸，薄薄既粉醬仲係脆，加埋新鮮既菠蘿🍍和三色椒，酸酸甜甜好香好開胃，真係味覺和視覺既享受👍👍 砂煲生啫鮮雞什：侍應姐姐先放低個燒熱左既砂煲，再倒入炒香既雞什，砂煲發出啫啫聲叫，隨即番炒幾下，嘩！果陣蔥蒜香味散發全場。這種做法已經很少食肆肯做。絕對抵讚👍👍👍 醒胃山渣骨：其實係少骨炸豬扒，豬扒唔鞋仲好juice添，配搭醒胃既山渣汁，酸甜度適中，真係送飯送酒既小菜。 上湯浸白菜仔：上湯原來係魚湯，好香一D都唔腥，白菜仔清甜爽脆。 今晚飯敍好滿意又滿足，難怪好友極力推薦深水埗金豪酒家。