金豪酒家

營業中

休息中

金豪洒家好多年前已經成日經過大埔道，亦都好多朋友試過口碑都唔錯，我決定今日同幾個朋友一齊去食個晚飯。芥辣牛柳粒：聽姐姐講呢個係每張枱都必食嘅，芥辣味好突出大少少甜，牛柳好有牛味，肉質鬆軟，好友鑊氣，果然係必食。蒜茸粉絲蟶子：鮮味帶出，所有蒜蓉汁去晒粉絲度，大大隻，一口過，非常滿足。古法生炆頭腩：味道香濃，魚嘅鮮味和蔥頭薑帶起成個煲嘅精華，枝竹好入味。事頭婆炒麵：炒得好有鑊氣，一啲都唔覺得多油，麵質爽脆，頭抽嘅香味慘哂落D麵到，呢個亦都係謝謝推介。建議大家食之前問一問企枱姐姐，佢會介紹一啲啱你口味嘅嘢，同事會推介海鮮俾你。