金記冰室 (霎東街) (已結業)

係呀⋯⋯自從銅鑼灣開了金記，便成了我的飯堂了！因為由朋友店過去也只是3分鐘的腳程，無理由不常去幫襯呀！ 今次2個人去，叫了以下食品： 咖喱雞扒撈公仔麵＄45 食過這裡的咖喱牛腩農夫飽，都知道這裡的咖喱有一定水準，夠香，又不會太辣。今次用咖喱汁來撈公仔麵，因為公仔麵煮得比較爽身，即使撈起咖喱汁也不會太淋身。 跟餐改紅豆冰＄10 紅豆粒粒都很大粒，不會煮得過淋，是一杯很傳統的紅豆冰！ 火腿奄列＄23 雖油了一點點，但火喉是剛剛好的，奄列不會太熟，火腿仍沾上了蛋汁的。 懷舊沙律＄22 不要以為這個沙律好容易處理，每樣材料也要恰如其份才好吃，薯仔過多會太粉了，紅蘿白太多也會不好吃。沙律醬要加適量的蛋黃，加多加少也會影響味道與口感，所以這樣的沙律在現代茶記已經不容易找到了！但金記這個沙律說得上是不錯的了，至少帶有我兒時吃的味道。

呢個世界對你好嘅人不多，幸運地係我認識嘅朋友當中，有好多嘅朋友對我真係無條件付出！一個電話，老友就從東涌搭車到銅鑼灣會面，因為知道我唔開心，知道我唔想自己一個。喺晚上嘅九點幾，晚餐過後嘅呢一刻，我正等待呢位從東涌出嚟嘅朋友，唔想係街道遊蕩，腳步牽引左我嚟到金記。這個陪伴我很久的名字！坐下來，接近打烊。店員沒有追趕我，讓我自己坐在一角，看了10分鐘嘅餐牌，始終點不到食物。係徬徨無助嘅時間，忽發奇想不如食啲甜嘢啦，叫咗個奶油多和一杯凍檸賓。當日心情唔好冇影到太多相，淨係影咗呢一個奶油多！沒有因為快打洋嘅關係做得不新鮮。反而熱烘烘地帶到我嘅面前。煉奶豐富，牛油香濃，多士烘得香脆剛好。拿着還有點溫度。就像感到你身體的餘溫。吃一口，大概，我希望你能把最好的野留給我，在我最灰沉的時候，金記的奶油多拉了我一下。還未吃完這一件西多士，老朋友趕到，幸好這一口甜救了我。

今天和朋友剛好路過金記冰室，看到裏面的裝潢非常有懷舊風，於是喜歡嚐新的我們又忍不住走進去試試看好可愛的餐牌，用乒乓球拍改造而成日式炒公仔麵，炒得不會太油膩蒸魚，蒸的時間剛剛好，魚非常滑嫩窩蛋牛肉汁， 味道說不出來，不是我喜歡的味道，不過勝在夠特別裡面還真有一顆生雞蛋鰻魚汁海鮮炒烏冬，普通、不是很油膩，所以好像少了點鍋氣～不過海鮮倒是放得挺充足～

今天是大日子，要帶我們的小B女入去戲院睇卡通片。為免騷擾其他觀眾，特登揀第一場，即使B女坐得不耐煩、發小脾氣，也可將影響減至最低；甚至乎如果要被迫提早離座，也可將損失減至最低。入戲院前先去附近搵間茶餐廳醫肚，附近有間之前在筲箕灣非常出名的《金記冰室》。多份報章雜誌前幾年也曾多番介紹，《金記》位於筲箕灣的老舖，一方面因為業主加租，一方面老闆又見年紀老邁已經90歲，決定退休；便結束筲箕灣的老店。但是，在大約半年後的2013年初，《金記》的其中一個老顧客，一方面想延續香港的老冰室情懷，另一方面又對已幫襯多年的《金記》有一份深厚感情；因此與已退休的老闆商量，買下《金記》招牌，並在西環重開《金記》，之後陸續開多兩間分店。冰室源於筲箕灣，一打開門就看見一個仿照電車車頭設計的屏風間隔，但路線牌卻不是筲箕灣電車廠，而是霎東街電車廠。80年代後出生的年青人可能不甚了了，但之前出生的香港人則非常清楚這個電車路線牌的背後故事，實在與冰室所在位置有密切關係；不禁感嘆香港發展的迅速及變化，也使人緬懷以前充滿人情味的香港。冰室靠近門口位置的空間樓底夠高，裝修參考了冰室開業的1960年代的筲箕灣區的舊樓風光，以卡通

前幾日同家姐係銅鑼灣行完街，要慳下錢就諗住揾間茶餐廳食飯就算。見到呢間金記睇落都幾企理就入去試下，點知都幾有驚喜！2 個人食唔到幾多野，就叫左個農夫包同埋一個蒸石班嘅餐嚟share。平時茶餐廳都好少見有農夫包食，就試上個咖喱牛腩農夫包。真係唔錯，個包外面脆，裡面就夠軟熟；D 咖喱牛腩都幾入味，佢仲額外比多兜咖喱汁比你，唔駛驚唔夠汁 好彩個日都早叫一步，個包黎到之後聽到隔離枱想叫都已經賣晒，睇黎都幾搶手。比起農夫包我更愛條蒸石班！雖然我唔識煮飯，但食得出條魚蒸得岩岩好，D肉好滑。而且佢唔會好濃味，健康又美味！再叫左杯雪糕紅豆冰，大大杯又多紅豆，幾抵飲！整體而言都算係幾好，係一間好有特色嘅茶餐廳，價錢公道，值得一試！

金記下午茶一流，下午茶-金記沙律餐，炸雞脾配薯條，雞脾炸到金黃色，雞皮又炸到好脆，再加薯條（非一般茶餐廳可比），仲有豬扒炒公仔麵，豬扒鬆化，公仔麵炒得夠乾身，最後係紅豆冰，兒時回憶，正，呢餐下午茶真係回味無窮！

之前食過一次金記，但因為當日的農夫包賣哂。今日心思思去博一博，點知竟然有！平時的農夫包大多數配咖哩汁，但依度的農夫包可選配鮮茄汁。。佢的茄汁有少少甜，幾特別。最好食的部分是個包的蓋，因為是最脆的。下面的包雖然無咁脆，但就有煙靭的感覺，都OK.另外我地仲叫左一個晚餐，98蚊就有石斑食，實在太抵了！而佢蒸出黎的水準亦無令人失望。火候控制得幾好，唔會好老。係高性價比之選！

今次係第二次來，上次的奶荼已經有苦澀味，但因為當日係星期六非常繁忙，所以還可以理解。今次間野冇乜人，叫左個腿蛋治餐，黎到個多士兩面都焦左，個多士係淋既，底面都比人刮過。完全唔明佢咁樣都可以拎比人食😓😓😓😓

The restaurant is beautifully decorated in quaint, cute Hong Kong style of days gone by. Creative design with menus on ping pong rackets and orange flair everywhere. The green beans with minced meat and the toast is good as well as the noodle soup. Great prices and set menus with a wide variety. Difficult to choose what to eat due to so many options. Noodle soup was ok, nothing amazing. I could do better at home. Delightful Cantonese service with great ambience and comfy booths with English menu

這日朋友突然好想食咖哩牛肉農夫飽，為左幫佢頂癮，就一齊嚟呢間食晚飯。乒乓球拍MENU上有相當多菜式叫咗杯我至愛的白雪公主，好香滑的雪糕球來這裡主要就係為呢個招牌農夫包 ($88)好大個嘅烤麵包裏面放著香濃嘅咖喱牛肉飯。麵包好香脆，外脆內軟。份量十足，真係兩個人share都無問題。隔離仲另外有咖喱汁可再點。再叫多左個沙律，好正宗茶餐廳風味薯仔粒同果粒都好新鮮星洲炒米(唔記得左exactly個名係未咁)超好味，好爽滑，又唔會太乾身或太濕，味道啱啱好。最後order多個西多士($26)，仍然係懷舊傳統的蛋香同糖醬花生醬味道。味道加埋好有立體感。

天氣真的太熱了, 行了不久已經又想飲杯凍飲。週末的時代廣場附近真的很多人, 於是我就帶他到了附近的金記飲啖茶食個包, 讓他既可以休息一下, 又可以試試這間懷舊餐廳。未入餐廳已經能感到陣陣五六十年代的裝修,猜想遊客應該幾有興趣的。 今次我揀了餐廳較入的地方坐, 除了靜少少外, 亦可以方便影多兩張相。我們點了兩個下午茶, 其中一杯加了錢點了特飲, 椰汁紅豆冰。這兒的紅豆都幾大粒, 椰汁和花奶的比例較多。雖然我只是淺嚐了一口, 但都覺得不算太甜, 又不算太多冰, 比一般快餐店的好飲。很快我的混醬多士送上, 烤得金黃色的, 較為香口, 賣相很不錯。雖然花生醬加鍊奶的多士只是很平凡的冰室食品, 但這兒用上粗粒花生醬, 而且醬料十足, 塗滿整塊多士, 吃起來特別開心, 是份味道和賣相都是高水準的小吃。炸雞脾配紅豆冰果然是港童最喜愛的下午茶之一。炸脾比我們想像中細隻, 但味道都幾好。雞脾明顯有醃過, 不會只得香口的雞皮有味。切下去雞脾還是冒煙的, 肉質保持嫩滑, 不會炸得過火。如果大隻一點就更好了。吃完下午茶果然能身心都滿足不少, 又可以繼續在三十多度的下午捉精靈。

在銅鑼灣和附近返工的好友飯聚，除近這間食店最有特色，就來一齊食返餐。晚餐餐單，款款也讓人躍躍欲試。一向愛吃鮮茄班腩飯($68)，就先點這個一試。上來的結果卻是茄子班腩飯，不知是不是我叫錯了? 鮮茄不就是番茄嗎? 不過沒關係這個我也很愛吃，這不算是很特別的菜式，但只有好的餐館才能食出我心目中的味道。當這菜被送上來時，已感到顏色好靚，茄子又大件，香口。特別夾起來個近鏡切得也相當工整，色香味俱全，和班腩放在一起好像蟹柳壽司呢。一品嚐時，茄子斑腩飯沒有令我們失望，茄子味道突出，加上鮮軟的斑腩，實在吸引。之後再加個干炒牛河 ($51)，河粉爽滑，牛肉鬆軟有口感，同樣值得一讚。日式雞扒炒公仔麵 $51，夾起即可見麵條都煮得恰到好處，既不太軟也不太硬。配合雞扒味道一流。最後以雞翼薯條作為甜品。香炸豉油皇雞脾配薯條 $48近看可見雞脾肉質好嫩滑，層次鮮明有序，可見肉質上乘今餐菜式看來簡單，卻看出一絲不苟的認真，實在難得。

必試農夫包 ，有咖哩同茄汁味任揀，大大個，最岩聚會食，好快掃清! 個人中食少少辣，所以呢個咖哩味岩晒! 牛腩足料~入口軟滑易咬，加上香脆麵包~惹味而不油膩，必食呀 !P.S原來仲有每日限量，想試記住早d嗌呢~茄子牛仔骨!呢個配搭未食過，原來咁好食，平日屋企都可以煮! 茄子軟綿綿非常入味，牛仔骨切得剛剛好，一口一塊，唔韌好好味!炒米食過唔少餐廳既都好易炒到又油膩又咸餸又少，不過呢度冇呢個問題，好快又比大家掃晒w菠蘿雪山， 多到滿瀉哈哈~好多新鮮菠蘿，唔係罐頭，雪糕又香，唔會過甜，岩我口味w例湯都好足料架，最怕味精湯，不過呢度唔會太咸，飲完冇口乾，仲係我至like既粉葛湯 ~good另外仲叫左雞翼,奄列,多士,公司三文治~ 好食過D連鎖店~份量足ww值得一提係呢到既懷舊裝修，仲有洗手盆上既燈泡鏡，自拍自動有美肌加超美白效果! 同朋友忍唔住影左幾張哈哈！

不經不覺，原來經典傳奇殿堂神話級卡通「聖鬥士星矢」已屆三十周年紀念，並且在日本東京舉行三十周年紀念展後，再在近日移師香港銅鑼灣時代廣場舉行展覽。身為「聖鬥士星矢」死忠粉絲的我，找了一天不用上班的日子在下午前往參觀。沒吃午飯，飢腸轆轆的我，打算就在附近匆匆吃個下午茶才慢慢細心欣賞這次展覽的精美展品，結果就揀了這間「金記冰室」的銅鑼灣分店開餐。不過是平日的下午吧了，這陳設頗有心思，與霎東街這舊日電車廠所在地互相呼應配合的冰室竟然非常多人，實在出乎自己意料，幸好，還能找到一個卡位，與對面的阿叔一起吃下午茶。因為沒吃午餐，所以叫來較有份量的「鹹魚雞粒炒飯」做下午茶。這炒飯雖然不算很大碟，未能把我的肚皮完全填滿，炒得可是挺好的，飯粒乾身不油，鹹魚味道不會太重，雞粒也多。吃到最後，當我把碟子上所有的飯餸吃光之後，碟上只得少許的油光，師傅的炒功可真不錯。埋單結帳，凍飲加三元，盛惠四十五塊錢。匆匆吃過這下午茶，偶像們，我來了。

因為喜歡吃，平時有看及聽飲食節目的習慣，每逢周六早上十時，新城財經台有個名叫 "金潻招牌" 的節目，尊門介紹一些老字號，上周六說了金記冰室的故事。金記冰室始於1967年，機乎有半個世紀的歴史，本設址筲箕灣，以親民價錢招呼街坊，並沒有甚麼了不得的菜式，有的只有人情味；當年在對面開店的年輕人阿Ray 得知陳伯有意退休，而他的子孫無意承傳，便萌生接手的念頭，可惜起初被陳伯拒絕，後來經過多番努力，自己的誠意及承諾、加上陳伯員工的幫助，最後方能打動陳伯的心，願意把招牌轉讓。聽完這個故事，我領會了兩個看法：第一，為何陳伯起初不願意轉讓招牌，老來多收一些錢不是更好嗎？原來陳伯曾經這樣對Ray說： "今日我是光榮結業，若然金潻招牌轉手給你就是未知數！"第二，為何 Ray 要花轉承費用買陳伯的金記招牌，它既非名牌，亦非現址經營正在賺大錢？難度一句 "始創於1967年" 有著信心保證之效用，Ray 的決定是否正確，見他在不斷開分店便分曉！原來 "信譽" 是無價，金潻招牌物有所值！能夠獲得陳伯跨姓承傳，Ray 自有一番承諾；詳細我當然不知，以下是一些估計及節目有提及的。盡量保持外型及裝潢遠遠望見金記冰室，懷