金記冰室 (霎東街) (已結業)

星期日同老婆行完時代廣場，見有d肚餓諗住去左食個下午茶，見到<金記冰室>係附近開左分店，裝潢好特別，仲有架電車係餐廳中間。 餐牌仲用左乒乓球拍造型，又幾得意，野食主打懷舊的食物，因為夜少少要同朋友食晚飯，所以唔食太多野住。點2杯黑牛，上面朱古力雪糕，下面可樂汽水，懷舊冰室飲品，後生果時整日飲，真係好懷念!!燒雞脾係我最愛，外皮香雞肉又嫩，d肉汁仲鎖住，正!!!另外點左份西多士， 炸到香脆鬆軟，入面的餡係花生醬，丙加混合埋牛油、糖漿，邪惡的美食~

我最鐘意就係食茶餐廳，因為我非常喜歡飲凍檸茶，基本上每日都飲一杯，但唔係間間餐廳嘅凍檸茶都好飲，而金記冰室就真的好岩我口味而另一樣非常特別就係依度個menu, 整到好似一個乒乓波拍，又幾得意，唔知老闆係咪好like打table tennis我叫左粟米班腩飯，原本我病左，胃口不大，但食下食下，我竟然可以成碟食哂，班腩個皮唔會好粉配合粟米汁恰到好處而我darling叫左雞扒炒公仔麵，但咸左少少，下次可以叫少鹽，咁就perfect

金記冰室創業於 1967 年，距離現在剛好有 50 年歷史。擁有悠久的歷史背景，餐廳的裝潢亦特意加入一些懷舊原素。推開玻璃門，首先看到的是一輛舊款電車，配合多塊招牌裝飾，彷彿在六七十年代的街中行走。 在餐桌上的擺設用具，部份也具懷舊玩味。雙囍潄口糖盅，乒乓球拍餐牌絶對是代表之一。一行兩人點了兩份相類似的茶餐，牛油多士中等厚度，油香但不夠熱脆。火腿奄列首重炒蛋香滑，在這方面的評分只屬一般。 後來追加的奶油多士與跟餐的牛油多士評價差不多，不算出色。 鮮豬潤通粉是餐廳的招牌菜，薑蔥湯底傳統得來夠韻味，得到筆者歡心。豬潤味道不俗，倘若口感更彈更佳。羅宋湯通粉是常餐的一部份，湯頭濃厚，酸中帶微辣，味道不錯。一間冰室茶記的好壞，咖啡奶茶的質素佔了一定份量。這杯香滑奶茶沒有令人失望，口感細滑，茶奶口味平衡好喝。 綜合而言，金記的通粉麵食及奶茶富水準，其他食品還有進步空間。

沒想過係銅鑼灣發現新大陸，和友人行街街行到四支無力，係利舞臺後面條街見到一間很有特色既新派懷舊港式冰室，係時候享受一下午飯時光。餐廳座位空間感夠大，用上鮮明既色系令整間餐廳充滿朝氣， 牆上佈置了本地插圖，予人舒適家的感覺。連餐桌上放糖的都是舊式婚嫁用的雙囍 漱口杯，正!小學時代熱愛打乒乓球，估不到餐牌係乒乓球拍造型，很想正反手再來幾回校內賽!餐牌設計具創意，插圖精美。我們點了熱咖啡和熱奶茶，最能嘗出師傅嘅功架!我最愛這個吉列豬扒雜果沙律，塊豬扒竟然大過我塊面(我已經俾人話我係大頭妹!)，炸粉適度，熱騰騰非常香脆! 加上份量巨型既雜果薯仔沙律，中和熱氣感，一個字--Fresh!一流!友人成日覺得好肚餓，點了個超地道腸蛋飯，配合美味既黑椒汁，簡直係天衣無縫!一頓休閒美味的午飯，盛惠97大元，係而家這個香港地，感動極了。

金記冰室最初是在筲箕灣的, 但筲箕灣店已結業, 那時已經經常幫襯 , 因為比較喜歡一些舊式的店鋪 , 食物同環境都別有一番風味 , 得知他們在很多不同地方再開店營業 , 他們食物選擇比起之前筲箕灣多了很多 , 一走進門囗 , 全店設計都很懷舊 , 全店以電車設計為主 , 天花頂掛著很多燈箱和廣告招牌, 真係非常有懷舊的感覺, 他們的員工也很懇勤, 很有禮貌 , 有親切的感覺還有懷舊的支裝汽水, 維他奶環境同座位都非常舒服menu是用乒乓球拍做成 , 好得意食物選擇多 , 價錢也很合理我叫了下午茶餐- 沙嗲牛肉炒河 , 雖然是下午茶餐但份量都很多 , 很香沙嗲味 , 牛肉很滑 , 炒得很夠火喉買單四十五蚊 , 抵食

初四下午見有D肚餓，同朋友仔係銅鑼灣諗住搵間茶記食個tea. 可能仲係初四關係，都唔係間間食肆都開~行過時代，諗起金記，就過黎啦~新年唔休息既食店真係寧舍多人，呢日幾乎滿座。有假日套牌，朋友仔叫左三文治，我呢就係佢既1967懷舊豬膶麵餐既粉絲，呢日下午茶40蚊。鐘意佢料足，有落薑辟腥，雖然材料大小不一，但勝在份量夠多，喜歡食豬膶的朋友應夠會感到"夠喉"黎金記平時少飲奶茶既我通常都會叫奶茶，佢係好典型茶記奶茶，好香好濃。滿足既下午茶!

中午13:45 行入冰室比行入街巿感覺更差，嘈到連同同行屋企人講句話都困難；叫侍應落單無禮貌係預料中事但估唔到呼喝已成為佢哋對客人應有嘅態度，點了涼瓜火腩飯心想是最安全叫法但可惜...... 涼瓜無味未煮熟，火腩唔夠熱，相片就是我食完的可想而知味道如何。 另一間南龍冰室都屬同老闆但那邊鑊氣夠水準穩定，希望老闆見到此留言會認真留意一下，否則生意那邊升這邊跌。p.s 客觀地一提，奶茶的確做到香濃順滑 值得一讚希望水準能得以保持

日本朋友來香港玩，說想試茶餐廳，其實我自己也未來過金記，不過看過食評好像不錯，又有齊朋友想吃的食物，看相片見到冰室室內的陳設又夠得意，可以影下相，於是就決定來這裡一試！由於已是晚飯時間，我們除了叫一堆小吃，也叫了飯類的主食，結果整張桌子好像放題一樣LOL當晚三個人，記得我們叫了一碟黑椒牛柳炒意粉、餐廳招牌的咖哩牛腩農夫包、西多士、雞翼薯條等也少不了地道飲品－－紅豆冰和凍奶茶啦！個人真的很喜歡這個農夫包原來麵包裡面還有飯！ 三個人分居然都吃不完咖哩超香濃，還有芝士，很驚喜呢，牛腩很入味，麵包外脆內軟，沾滿了咖喱汁，好吃！日本朋友最愛西多士，我自己也覺得金記的西多的確不錯，真好彩帶了朋友來一家西多好吃的冰室，畢竟這是她最想試的香港美食。

放工後去銅鑼灣做facial, 我習慣先食少少嘢才去, 我就選了附近的金記冰室食個快餐. 今次我點了金記三文治, 並烘底. 三文治材料豐富, 內裡有蛋, 午餐肉, 火腿, 生菜, 蕃茄等. 因為多材料, 口感較佳, 加上烘底的包, 外層帶少許香脆, 所以特別好味. 來到茶餐廳, 我也鍾意點湯飲, 特別愛飲俄羅斯羅宋湯. 我鍾意食濃味嘢, 這個湯啱晒我, 入口酸中帶少許微辣, 特別醒胃. 我自己愛食湯料, 湯裡有幾多的雜菜和蘿白, 吸收晒湯的精華, 特別好食. 飲品點了熱利賓納. 利賓納甜度適中. 我幾鍾意佢地個杯, 幾有特式. 我見到隔離坐的農夫包好香好吸引, 下次要來試下.

到時代廣場買完東西，路經此地，便進去試試。叫了火腿通粉餐，先來的是通粉。通粉很厚身，中間的洞很小，質地有點硬，不爽不彈牙。幼切火腿片味道一般，份量都算多。庵列的蛋很薄，蛋的份量少，煎得有點老；餡料火腿很少，是不是分了到通粉那裡？舊式冰室的裝潢吸引很多人..其他方面其實普普通通...

到霎東街樓上精品店血拼後，隨意到附近的金記冰室食個午飯。以往只光顧過灣仔店及西環店，覺得銅鑼灣這間裝潢很別緻，中央設計成電車的造型，令我有種彷如享受著叮叮搖晃著的感覺！說回正題，午餐時份難免要搭枱！本想著吃一碟梅菜蒸肉餅飯，可惜又告售罄～唯有轉叫粟米牛肉飯吧！是日中式餐湯為蓮藕湯，湯面清晰不浮油！蓮藕味不太飲得出，與平時飲的中式湯水分別不大～粟米牛肉飯 - 飯粒尚算軟綿分明。但牛肉肉質有點韌，咬開時需要費點力氣！😓粟米汁味道淡淡，與白飯不太搭配。凍奶茶 - 猶幸奶茶味道尚算不錯，茶味濃厚！

早兩個星期趁假期前空檔，終於約到幾個Friend子晚飯，竟然又係去金記冰室，原來新店開到去銅鑼灣時代廣場附近，呢間分店勁就腳喎！呢間金記冰室分店位於銅鑼灣霎東街，即係好久以前電車廠嘅所在地，冰室配合「電車站」主題，喺店內正中有「一架」仿製電車，係往金記嘅原址「筲箕灣」，店內裝修亦充滿懷舊感超有心思，啱曬 Selfie控post相呃Like啦～我哋點咗晚飯小菜套餐，包中湯或者羅宋湯，仲有白飯同飲品。意想不到冰室到竟然有原條蒸魚，梗係要order啦！仲叫左幾個中式小炒，京蔥蜆介雞皇、XO醬茄子牛仔骨 、蒜蓉炒西蘭花。估唔到去冰室上至茶餐小食，下至晚飯小菜，中式西式都有，真係嚇親寶寶！題外話，熱飲杯印咗舊香港建築，好可愛囉～心心眼～凍飲揀菠蘿冰同凍檸賓都唔錯喔～

去年又是這個過了中秋的時候，執筆簡單寫一下吃過的月餅回顧。 第一波，必定是婆婆最喜歡的金腿伍仁月餅。 你唔好笑我遲寫，冇辦法，盒月餅番左屋企咁耐都冇人得閒食，連做節都遲一個多星期，食月餅遲都非常合理。 當晚吃的是encore 了去年的金記，其實現今已經好少金腿伍仁月餅，周圍都係流心流乜流乜，這類古法月餅己經勁少見勁少有。 最重要是婆婆吃得高興，她說這應該是最健康的月餅，我當然有保留啦。 不過這個伍仁也是真材實料，滿滿像寶藏般包著了金華火腿，杏仁，合桃，香到勁濃的欖仁、芝麻和瓜子仁等等，全部都能令你滿足，全部的杏仁，合桃，芝麻和瓜子仁都碎得來有濃厚味道。 雖然不是我的口味，但婆婆喜歡就夠了。 我跟她說:呢個一定唔係好有益，唔好食咁多。 她笑了，繼續食。 一年一次，由她吧。 金記冰室 銅鑼灣霎東街5號地下

中秋佳節，友人特意送來金記的雙黃白蓮蓉月，雖然早幾年吃過覺到只屬一般，但卻很感激友人的心意。一如既往，金記月餅的包裝依然懷舊，不過質素明顯大有進步，蓮蓉香潤軟糯，甜度適中，蛋黃夠油，咸香且鬆化，相比今年收到的美心、榮華等都要好吃，連爸爸也大讚好吃！再次多謝友人的心意，希望金記往後可以保持月餅的水準，或許會創出另一月餅傳奇。

又話說離港一月外遊，極想念港式食物，回港後到處尋找失落一個月的迷惘。來到銅鑼灣見到這間頗別緻的冰室，裝修走復古懷舊路線，連老外也好奇進去飲杯咖啡，我點了乾炒三絲公X麵及熱檸茶。吃即食麵是我十多二十歲時經常吃的食品，一來是省錢，二來是好味，麵質比傳統的全蛋麵，蝦子麵好吃，當時是這樣想的，有沒有益處是另一回事，到長大了，偶爾也會吃上一碗，來滿足心靈的需要。到外面吃，當然是吃炒的，加了叉燒絲，火腿絲，芽菜，洋蔥，上面還灑了些芝麻，這麼多材料，入口很豐富，麵質爽口有彈性，醬油也調得好，可能很久沒有吃了，味道比外國名店的意粉還合口味，加上有幾片檸檬的熱檸茶，超滿足！